പെരുമ്പാവൂര്‍ ടൗണില്‍ വാട്ടര്‍ മീറ്റർ മോഷണം വ്യാപകം

പെ​രു​മ്പാ​വൂ​ര്‍: ടൗ​ണി​ല്‍ വാ​ട്ട​ര്‍ മീ​റ്റ​റു​ക​ള്‍ മോ​ഷ​ണം പോ​കു​ന്ന​ത് വ്യാ​പ​ക​മാ​കു​ന്ന​താ​യി പ​രാ​തി. ഒ​രു മാ​സ​ത്തി​നി​ടെ 12ഓ​ളം മീ​റ്റ​റു​ക​ള്‍ മോ​ഷ​ണം പോ​യ​താ​യി ജ​ല അ​തോ​റി​റ്റി ഉ​ദ്യോ​ഗ​സ്ഥ​ര്‍ പ​റ​യു​ന്നു. പു​തി​യ മീ​റ്റ​റു​ക​ള്‍ക്ക് ദി​നം​പ്ര​തി അ​പേ​ക്ഷ​ക​ര്‍ എ​ത്തു​ന്ന​തോ​ടെ​യാ​ണ് മോ​ഷ​ണ​വി​വ​രം പു​റ​ത്തു​വ​രു​ന്ന​ത്. കൂ​ടു​ത​ല്‍ മോ​ഷ​ണം ന​ട​ന്നി​രി​ക്കു​ന്ന​ത് പൊ​ലീ​സ് സ്റ്റേ​ഷ​ന്‍ പ​രി​സ​ര​ത്താ​ണ്. തി​ങ്ക​ളാ​ഴ്ച രാ​ത്രി പി.​പി റോ​ഡി​ലെ ബാ​ബാ​സ് ബേ​ക്ക​റി​യി​ലെ​യും ല​ക്കി തി​യ​റ്റ​റി​ന്​ സ​മീ​പ​ത്തെ ക​ട​യി​ലും ഒ​മ്പ​തു​മു​റി​യി​ലെ ക​ഞ്ഞി​ക്ക​ട​യി​ലെ​യും മീ​റ്റ​റു​ക​ള്‍ മോ​ഷ്​​ടി​ച്ചു.

ര​ണ്ടാ​ഴ്ച മു​മ്പ് പ്രൈ​വ​റ്റ് ബ​സ്​​സ്റ്റാ​ന്‍ഡി​ന് സ​മീ​പ​ത്തെ ആ​റോ​ളം ക​ട​ക​ളി​ലെ മീ​റ്റ​റു​ക​ള്‍ മോ​ഷ​ണം പോ​യി. മാ​സ​ങ്ങ​ള്‍ക്കു​മു​മ്പ് പോ​സ്‌​റ്റ്​ ഓ​ഫി​സി​ന് മു​ന്നി​ലെ കെ​ട്ടി​ട​ത്തി​ലെ​യും മീ​റ്റ​ര്‍ ക​വ​ര്‍ന്നു. പ​രാ​തി​ക​ള്‍ വ്യാ​പ​ക​മാ​യ​തോ​ടെ പൊ​ലീ​സ് അ​ന്വേ​ഷ​ണം ന​ട​ത്തി​യെ​ങ്കി​ലും മോ​ഷ്ടാ​ക്ക​ളെ പി​ടി​കൂ​ടാ​നാ​യി​ല്ല. സ​മീ​പ​ത്തെ സി.​സി.​ടി.​വി ദൃ​ശ്യ​ങ്ങ​ള്‍ ല​ഭി​ക്കു​ന്നു​ണ്ടെ​ങ്കി​ലും ആ​ളെ തി​രി​ച്ച​റി​യാ​നാ​കു​ന്നി​ല്ലെ​ന്നാ​ണ് വി​വ​രം. അ​ന്ത​ര്‍ സം​സ്ഥാ​ന​ക്കാ​രാ​ണ് മോ​ഷ​ണ​ത്തി​ന് പി​ന്നി​ലെ​ന്നാ​ണ് സൂ​ച​ന.

സ്ഥാ​പ​ന​ങ്ങ​ളി​ലെ, പ്ര​ത്യേ​കി​ച്ച് ഹോ​ട്ട​ലു​ക​ള്‍, ബേ​ക്ക​റി​ക​ള്‍ ഉ​ള്‍പ്പെ​ടെ​യു​ള്ള ഭ​ക്ഷ​ണ​ശാ​ല​ക​ളി​ലെ മീ​റ്റ​റു​ക​ള്‍ മോ​ഷ​ണം പോ​കു​ന്ന​ത്​ ക​ച്ച​വ​ട​ത്തെ സാ​ര​മാ​യി ബാ​ധി​ക്കു​ന്നു. പൈ​പ്പ് മു​റി​ക്കു​ന്ന​തോ​ടെ കു​ടി​വെ​ള്ള വി​ത​ര​ണം ത​ട​സ്സ​പ്പെ​ടു​ന്ന​ത് പ്ര​തി​സ​ന്ധി​യാ​ണ്. പു​തി​യ മീ​റ്റ​റി​ന് ജ​ല അ​തോ​റി​റ്റി​യി​ല്‍ 1400 രൂ​പ ന​ല്‍ക​ണം.

ഇ​തി​നു​പു​റ​മെ, ഫി​റ്റി​ങ് ചാ​ര്‍ജ് വ​രും. രാ​ത്രി പൊ​ലീ​സി​ന്‍റെ പ​രി​ശോ​ധ​ന ഇ​ല്ലാ​ത്ത​താ​ണ് മോ​ഷ​ണം പെ​രു​കാ​ന്‍ കാ​ര​ണ​മെ​ന്ന് ചൂ​ണ്ടി​ക്കാ​ണി​ക്കു​ന്നു.

പ​ക​ല്‍ ന​ഗ​ര​ത്തി​ൽ ആ​ക്രി ശേ​ഖ​രി​ക്കു​ന്ന​വ​ർ ഉ​ൾ​പ്പെ​ടെ​യു​ള്ള​വ​രാ​ണ് മോ​ഷ​ണ​ത്തി​ന് പി​ന്നി​ലെ​ന്ന​തി​നാ​ല്‍ പൊ​ലീ​സി​ന് ഇ​വ​രെ പി​ടി​കൂ​ടു​ക എ​ളു​പ്പ​മ​ല്ല. മോ​ഷ​ണ​മു​ത​ൽ ഒ​തു​ക്കു​ന്ന ചി​ല ആ​ക്രി​ക്ക​ച്ച​വ​ട​ക്കാ​രാ​ണ് ഇ​വ​രി​ൽ​നി​ന്ന് ഇ​ത് വാ​ങ്ങു​ന്ന​തെ​ന്ന് ആ​ക്ഷേ​പ​മു​ണ്ട്.

ഒ​മ്പ​തു​മു​റി​യി​ല്‍ രാ​ത്രി മ​യ​ക്കു​മ​രു​ന്ന് ക​ച്ച​വ​ട​ക്കാ​രും സാ​മൂ​ഹി​ക​വി​രു​ദ്ധ​രും ത​മ്പ​ടി​ക്കു​ന്നു​ണ്ട്. ഈ ​ഭാ​ഗ​ത്ത് മോ​ഷ​ണം വ്യാ​പ​ക​മാ​ണെ​ന്ന് നേ​ര​ത്തേ മു​ത​ല്‍ പ​രാ​തി​യു​ണ്ട്. ഇ​രു​ട്ടാ​യാ​ല്‍ ഇ​വി​ടം വി​ജ​ന​മാ​ണ്.