കുഞ്ഞുങ്ങളെ കൊലപ്പെടുത്തി മൃതദേഹം ഒരു വർഷത്തോളം കാറിൽ സൂക്ഷിച്ചു; 33കാരി അറസ്റ്റിൽ

വാഷിങ്​ടൺ: അമേരിക്കയിൽ സഹോദരിയുടെ മക്കളെ കൊലപ്പെടുത്തിയ ശേഷം മൃതദേഹങ്ങൾ ഒരു വർഷത്തോളം കാറിൽ സൂക്ഷിച്ച 33കാരി അറസ്റ്റിൽ. കുട്ടികളുടെ മൃതദേഹങ്ങൾ കാറിൽ സൂക്ഷിച്ച ശേഷം അവർ സാധാരണപോലെ അമേരിക്കൻ നിരത്തുകളിൽ വാഹനമോടിക്കുകയും ചെയ്​തിരുന്നു. പരിശോധനക്കിടെ ഇവർ പിടിയിലാകുകയായിരുന്നുവെന്ന്​ ​െപാലീസ്​ പറഞ്ഞു.

അമേരിക്കൻ മോ​ട്ടോറിസ്റ്റായ നികോളെ ജോൺസണാനാണ്​ പൊലീസിന്‍റെ പിടിയിലായത്​. കിഴക്കൻ തീരമായ ബാൾട്ടിമോർ സ്വദേശിയാണ്​ ഇവർ. ഇവർക്കെതിരെ ബാലപീഡനം ഉൾപ്പെടെയുള്ള കുറ്റങ്ങൾ ചുമത്തിയാണ്​ കേസെടുത്തത്​.

ഏഴ​ുവയസുകാരിയായ മരുമകളുടെയും അഞ്ചുവയസായ ആൺക്കുട്ടിയുടെയും മൃതദേഹമാണ്​ പൊലീസ്​ കണ്ടെടുത്തത്​. കഴിഞ്ഞവർഷം മേയിലാണ്​ നികോളെ മരുമകളെ കൊലപ്പെടുത്തിയത്​. ശേഷം മൃതദേഹം സ്യൂട്ട്​കേസിലാക്കി കാറിൽ സൂക്ഷിക്കുകയായിരുന്നു. ഒരു വർഷത്തിന്​ ശേഷമായിരുന്നു ആൺകുട്ടിയുടെ കൊലപാതകം. ഈ വർഷം മേയിൽ കൊലപ്പെടുത്തിയ കുട്ടിയുടെ മൃതദേഹം പ്ലാസ്റ്റിക്​ ബാഗിൽ പൊതിഞ്ഞ്​ പെൺകുട്ടിയുടെ മൃതദേഹത്തിന്​ സമീപം സൂക്ഷിക്കുകയായിരുന്നു. പിന്നീട്​, സാധാരണപോലെ അവർ നഗരത്തിൽ വാഹനമോടിക്കുകയും ചെയ്​തു.

ബുധനാഴ്ച അമിതവേഗത്തിലെത്തിയ വാഹനം പൊലീസ്​ തടഞ്ഞുനിർത്തുകയായിരുന്നു. പരിശോധനയിൽ വാഹനത്തിന്‍റെ രേഖകൾ ഹാജരാക്കാൻ നികോളെക്ക്​ കഴിഞ്ഞില്ല. ഇതോടെ പൊലീസ്​ കാർ പരിശോധിക്കുകയായിരുന്നു. ഇതിനിടെയാണ്​ മൃതദേഹം ക​ണ്ടുകിട്ടുന്നത്​.

2019മുതൽ കുട്ടികളുടെ പരിചരണം നികോളെ ഏറ്റെടുക്കുകയായിരുന്നുവെന്ന്​ ​ സഹോദരി ​െപാലീസിനോട്​​ പറഞ്ഞു. രണ്ടു കുട്ടികളെയും നിരന്തരം മർദിച്ചിരുന്നതായി നികോളെ ​സമ്മതിച്ചു. തല തറയിലിടിച്ച്​ വീണാണ്​ പെൺകുട്ടി മരിച്ചതെന്ന്​ നികോളെ സമ്മതിച്ചു. എന്നാൽ ആൺകുട്ടിയുടെ മരണം എങ്ങനെയാണെന്ന്​ അവർ പറയാൻ തയാറായിട്ടില്ല.