സ്കൂട്ടറിൽ ഒളിപ്പിച്ചു കടത്താൻ ശ്രമിച്ച 30 കിലോ കഞ്ചാവുമായി യുവാവ് പിടിയിൽ
text_fieldsഅറസ്റ്റിലായ സൽമാനുൽ ഫാരിസുമായി അന്വേഷണ ഉദ്യോഗസ്ഥർ
വണ്ടൂർ: സ്കൂട്ടറിൽ ഒളിപ്പിച്ചു കടത്താൻ ശ്രമിച്ച 30 കിലോ കഞ്ചാവുമായി മഞ്ചേരി സ്വദേശി എക്സൈസിന്റെ പിടിയിൽ. മഞ്ചേരി പുല്ലൂർ സ്വദേശി സൽമാനുൽ ഫാരിസ് (36) ആണ് തിരുവാലി ചെള്ളിത്തോടിന് സമീപം വെച്ച് പിടിയിലായത്. മൂന്ന് പൊതികളിലായി ബൈക്കിന്റെ മൂന്ന് ഭാഗങ്ങളിൽ സൂക്ഷിച്ച നിലയിലായിരുന്നു. മാസങ്ങളായി ഇയാളെ എക്സൈസ് നിരീക്ഷിച്ചുവരുകയായിരുന്നു.
കഞ്ചാവ് മൊത്ത വിൽപ്പനക്കാരനാണ് പിടിയിലായ സൽമാനുൽ ഫാരിസ്. ഇയാൾ മുൻപും സമാന കേസിൽ അറസ്റ്റിലായിട്ടുണ്ട്. ആന്ധ്രയിൽ നിന്നാണ് കഞ്ചാവ് എത്തിച്ചത്. എക്സൈസ് ഇൻസ്പെക്ടർ ടി. ഷിജു മോൻ, പ്രിവന്റീവ് ഓഫിസർമാരായ പി. അശോക്, റെജി തോമസ്, സിവിൽ എക്സൈസ് ഓഫിസർമാരായ പി. സഫീറലി, വി. മുഹമ്മദ് അഫ്സൽ, വി. ലിജിൻ, എൻ. മുഹമ്മദ് ഷരീഫ്, കെ. ആബിദ്, എം. സുനിൽ കുമാർ, ടി. സുനീർ, പി. സബീറലി, എ.കെ. നിമിഷ, പി. സജിത, ലിൻസി വർഗീസ്, ഡ്രൈവർ സവാദ് നാലകത്ത് തുടങ്ങിയവരടങ്ങിയ സംഘമാണ് പ്രതിയെ പിടികൂടിയത്. മഞ്ചേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.