മാഹിയിൽ നിന്നും കടത്തിയ മദ്യവുമായി യുവാവ് അറസ്റ്റിൽ

വടകര: എക്സൈസ് സര്‍ക്കിള്‍ പാർട്ടി മാഹി റെയിൽവേ സ്റ്റേഷൻ പരിസരങ്ങളില്‍ നടത്തിയ പരിശോധനയിൽ 12 ലിറ്റർ വിദേശ മദ്യവുമായി യുവാവ് അറസ്റ്റിൽ. പാലക്കാട് ഒറ്റപ്പാലം ചലവറ പിള്ളത്ത് വീട്ടിൽ ശ്രീജിത്ത്(26)നെയാണ് അറസ്റ്റ് ചെയ്തത്. വടകര ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.

പരിശോധനക്ക് വടകര എക്സൈസ് സി.ഐ ടി.എം. ശ്രീനിവാസന്‍, പ്രിവന്റിവ് ഓഫിസർമാരായ കെ.പി. സുനില്‍, പി.പി. രാമചന്ദ്രൻ, അബ്ദുള്‍ സമദ്, സിവില്‍ എക്സൈസ് ഓഫിസർമാരായ കെ.എൻ. ജിജു, പി. ലിനീഷ്, ഡ്രൈവർ ബബിൻ എന്നിവർ നേതൃത്വം നൽകി.