ഭാര്യയെ തീകൊളുത്തി കൊലപ്പെടുത്തിയ കേസിൽ യുവാവിന്​ ജീവപര്യന്തം

ഇ​രി​ങ്ങാ​ല​ക്കു​ട: ഭാ​ര്യ​യെ തീ​കൊ​ളു​ത്തി കൊ​ല​പ്പെ​ടു​ത്തി​യ കേ​സി​ൽ യു​വാ​വി​ന്​ ​ ജീ​വ​പ​ര്യ​ന്തം ത​ട​വും ല​ക്ഷം രൂ​പ പി​ഴ​യും. ചെ​ങ്ങാ​ലൂ​ർ കു​ണ്ടു​ക​ട​വ് പ​യ്യ​പ്പി​ള്ളി വീ​ട്ടി​ൽ ബി​രാ​ജു​വി​നെ​യാ​ണ്​ (43) ഇ​രി​ങ്ങാ​ല​ക്കു​ട അ​ഡീ​ഷ​ന​ൽ ജി​ല്ല സെ​ഷ​ൻ​സ്​ ജ​ഡ്ജി കെ.​എ​സ്. രാ​ജീ​വ് ശി​ക്ഷി​ച്ച​ത്. പി​ഴ അ​ട​ക്കാ​ത്ത പ​ക്ഷം നാ​ലു വ​ർ​ഷം കൂ​ടി ത​ട​വ്​ അ​നു​ഭ​വി​ക്ക​ണം. കൊ​ല്ല​പ്പെ​ട്ട യു​വ​തി​യു​ടെ പി​താ​വി​ന്​ ന​ഷ്ട​പ​രി​ഹാ​രം ന​ൽ​കാ​ൻ ജി​ല്ല ലീ​ഗ​ൽ സ​ർ​വി​സ്​ അ​തോ​റി​റ്റി​ക്ക് കോ​ട​തി നി​ർ​ദേ​ശം ന​ൽ​കി.

കോ​ട​ശ്ശേ​രി ക​ണ്ണോ​ളി വീ​ട്ടി​ൽ ജ​നാ​ർ​ദ​ന​ന്‍റെ മ​ക​ൾ ജീ​തു​വാ​ണ്​ (32) 2018 ഏ​പ്രി​ൽ 29ന്​ ​കൊ​ല്ല​പ്പെ​ട്ട​ത്. ക​ണ്ടു​ക​ട​വി​ൽ കു​ടും​ബ​ശ്രീ യോ​ഗ​ത്തി​ന് എ​ത്തി​യ ജീ​തു​വി​നെ പി​താ​വി​ന്​ മു​ന്നി​ൽ വെ​ച്ച്​ പ്ര​തി പെ​ട്രോ​ൾ ഒ​ഴി​ച്ച്​ ക​ത്തി​ക്കു​ക​യാ​യി​രു​ന്നു. ജാ​മ്യ​ത്തി​നാ​യി പ്ര​തി സു​പ്രീം കോ​ട​തി​യെ വ​രെ സ​മീ​പി​ച്ചു​വെ​ങ്കി​ലും ല​ഭി​ച്ചി​രു​ന്നി​ല്ല.

പു​തു​ക്കാ​ട് പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ൽ​ ഇ​ൻ​സ്​​പെ​ക്ട​ർ എ​സ്.​പി. സു​ധീ​ര​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ പി.​ജെ. ജോ​ബി, അ​ഡ്വ​ക്ക​റ്റു​മാ​രാ​യ ജി​ഷ ജോ​ബി, വി.​എ​സ്. ദി​ന​ൽ, എ​ബി​ൻ ഗോ​പു​ര​ൻ എ​ന്നി​വ​ർ ഹാ​ജ​രാ​യി.