യു​വാ​വി​നെ ത​ട്ടി​ക്കൊ​ണ്ടു പോ​യി വ​ധി​ക്കാ​ന്‍ ശ്ര​മം: ഒ​രാ​ള്‍കൂ​ടി പി​ടി​യി​ല്‍

കൊ​ണ്ടോ​ട്ടി: പ​ള്ളി​ക്ക​ല്‍ സ്വ​ദേ​ശി​യാ​യ യു​വാ​വി​നെ ത​ട്ടി​ക്കൊ​ണ്ടു പോ​യി ത​ട​വി​ലാ​ക്കി മാ​ര​ക​മാ​യി മ​ര്‍ദി​ച്ച് വ​ധി​ക്കാ​ന്‍ ശ്ര​മി​ച്ച കേ​സി​ല്‍ ഒ​രാ​ള്‍കൂ​ടി അ​റ​സ്റ്റി​ല്‍. പ​ള്ളി​ക്ക​ല്‍ സ്വ​ദേ​ശി അ​ത്താ​ണി​ക്ക​ല്‍ അ​ബ്ദു​ല്‍ റ​സാ​ഖി​നെ​യാ​ണ്​ (45) കൊ​ണ്ടോ​ട്ടി ഡി​വൈ.​എ​സ്.​പി കെ. ​അ​ഷ​റ​ഫി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം പി​ടി​കൂ​ടി​യ​ത്. ഇ​യാ​ള്‍ എ​സ്.​ഡി.​പി.​ഐ പ്ര​വ​ര്‍ത്ത​ക​നാ​ണെ​ന്ന് പൊ​ലീ​സ് പ​റ​ഞ്ഞു. മു​ഖ്യ പ്ര​തി​യ​ട​ക്കം മൂ​ന്ന് പേ​രെ ക​ഴി​ഞ്ഞ ദി​വ​സം പി​ടി​കൂ​ടി​യി​രു​ന്നു. ഇ​തോ​ടെ കേ​സി​ല്‍ അ​റ​സ്റ്റി​ലാ​യ​വ​ർ നാ​ലാ​യി.

ക​ഴി​ഞ്ഞ ജ​നു​വ​രി 20നാ​ണ് കേ​സി​നാ​സ്പ​ദ​മാ​യ സം​ഭ​വം. പ​രാ​തി​ക്കാ​ര​നാ​യ യു​വാ​വി​നെ പ​ള്ളി​ക്ക​ലി​ലെ വീ​ട്ടി​ല്‍നി​ന്ന് രാ​ത്രി ത​ട്ടി​ക്കൊ​ണ്ടു​പോ​യി ക​രി​പ്പൂ​രി​ലെ എ​സ്.​ഡി.​പി.​ഐ നേ​താ​വാ​യ ആ​ന​പ്ര ഫൈ​സ​ലി​ന്റെ വീ​ട്ടി​ല്‍ എ​ത്തി​ച്ച് ന​ഗ്ന​നാ​ക്കി മാ​ര​കാ​യു​ധ​ങ്ങ​ള്‍ ഉ​പ​യോ​ഗി​ച്ച് മ​ര്‍ദി​ച്ച​താ​യാ​ണ്​ കേ​സ്. വെ​ള്ളം ചോ​ദി​ച്ച​പ്പോ​ള്‍ മൂ​ത്രം കു​ടി​പ്പി​ക്കു​ക​യും പി​ന്നീ​ട് പു​ല​ര്‍ച്ച മാ​ര​ക​മാ​യി പ​രി​ക്കേ​റ്റ യു​വാ​വി​നെ പ​ള്ളി​ക്ക​ലി​ലെ വീ​ട്ടി​ല്‍ ഉ​പേ​ക്ഷി​ക്കു​ക​യും പൊ​ലീ​സി​ല്‍ പ​രാ​തി​പ്പെ​ട്ടാ​ല്‍ വ​ധി​ക്കു​മെ​ന്ന്​ ഭീ​ഷ​ണി​പ്പെ​ടു​ത്തി​യ​താ​യും പ​രാ​തി​യി​ലു​ണ്ട്.

ഈ ​മാ​സം എ​ട്ടി​ന് വീ​ണ്ടും മു​ഖം​മൂ​ടി ധ​രി​ച്ച അ​ഞ്ചം​ഗ സം​ഘം വീ​ട്ടി​ലെ​ത്തി ഭീ​ഷ​ണി​പ്പെ​ടു​ത്തി​യ​തോ​ടെ​യാ​ണ് യു​വാ​വ് പൊ​ലീ​സി​ല്‍ പ​രാ​തി ന​ല്‍കി​യ​ത്. രാ​ഷ്ട്രീ​യ കാ​ര​ണ​ങ്ങ​ളാ​ണ് സം​ഭ​വ​ത്തി​നു പി​ന്നി​ലെ​ന്നാ​ണ് സൂ​ച​ന. ആ​ന​പ്ര ഫൈ​സ​ല്‍ വി​ദേ​ശ​ത്തേ​ക്ക് ക​ട​ന്ന​താ​യി സൂ​ച​ന​യു​ണ്ട്. കേ​ന്ദ്ര ഏ​ജ​സി​ക​ളു​ടെ സ​ഹാ​യ​ത്തോ​ടെ ഇ​യാ​ളെ നാ​ട്ടി​ലെ​ത്തി​ക്കാ​നു​ള്ള ശ്ര​മം തു​ട​ങ്ങി. കേ​സി​ല്‍ ഉ​ള്‍പ്പെ​ട്ട മ​റ്റു പ്ര​തി​ക​ളെ​ക്കു​റി​ച്ച് വ്യ​ക്ത​മാ​യ സൂ​ച​ന ല​ഭി​ച്ച​താ​യി അ​ന്വേ​ഷ​ണ സം​ഘം അ​റി​യി​ച്ചു. പ​രാ​തി​ക്കാ​ര​നും കു​ടും​ബ​വും താ​മ​സി​ക്കു​ന്ന വീ​ട്ടി​ലെ​ത്തി ഭീ​ഷ​ണി​പ്പെ​ടു​ത്തി മൊ​ബൈ​ല്‍ ഫോ​ണു​ക​ള്‍ കൊ​ണ്ടു​പോ​യ​തി​നും ഇ​വ​ര്‍ക്കെ​തി​രെ വ​ധ​ഭീ​ഷ​ണി മു​ഴ​ക്കി​യ​തി​നും മ​റ്റു ര​ണ്ട് കേ​സു​ക​ള്‍ തേ​ഞ്ഞി​പ്പ​ലം പൊ​ലീ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ട്. ഈ ​കേ​സി​ലെ പ്ര​തി​ക​ള്‍ക്കാ​യു​ള്ള അ​ന്വേ​ഷ​ണം ഊ​ര്‍ജി​ത​മാ​ക്കി​യ​താ​യും പൊ​ലീ​സ് അ​റി​യി​ച്ചു.

ഡി​വൈ.​എ​സ്.​പി കെ. ​അ​ഷ​റ​ഫി​ന്റെ നേ​തൃ​ത്വ​ത്തി​ല്‍ തേ​ഞ്ഞി​പ്പ​ലം ഇ​ന്‍സ്പെ​​ക്ട​ര്‍ എ​ന്‍.​ബി. ഷൈ​ജു, കൊ​ണ്ടോ​ട്ടി ഇ​ന്‍സ്പെ​ക്ട​ര്‍ പ്ര​മോ​ദ്, പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ സ​ത്യ​നാ​ഥ​ന്‍ മ​നാ​ട്ട്, ശ​ശി കു​ണ്ട​റ​ക്കാ​ട്, അ​സീ​സ്, ഉ​ണ്ണി​കൃ​ഷ്ണ​ന്‍ മാ​രാ​ത്ത്, പി. ​സ​ഞ്ജീ​വ്, എ​സ്.​ഐ ദി​നേ​ശ​ന്‍, എ.​എ​സ്.​ഐ ര​വി എ​ന്നി​വ​രാ​ണ് അ​ന്വേ​ഷ​ണം ന​ട​ത്തു​ന്ന​ത്.