മേപ്പാടിയിൽ ആറു കിലോ കഞ്ചാവുമായി യുവാവാക്കൾ​ അറസ്റ്റിൽ

മേ​പ്പാ​ടി: മ​യ​ക്കു​മ​രു​ന്ന് ഉ​പ​യോ​ഗ​ത്തി​നെ​തി​രെ ബോ​ധ​വ​ത്​​ക​ര​ണം ന​ട​ത്തു​ക, വി​പ​ണ​നത്തി​നെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​ക എ​ന്ന ല​ക്ഷ്യ​ത്തോ​ടെ ജി​ല്ല​യി​ൽ ന​ട​ത്തി​വ​രു​ന്ന 'യോ​ദ്ധാ​വ്' ആ​ന്‍റി നാ​ർ​കോ​ട്ടി​ക് സ്പെ​ഷൽ ഡ്രൈ​വി​ന്‍റെ ഭാ​ഗ​മാ​യി ന​ട​ത്തി​യ പ​രി​ശോ​ധ​ന​യി​ൽ ആ​റ്​ കി​ലോ ക​ഞ്ചാ​വു​മാ​യി യു​വാ​വ്​ പി​ടി​യി​ലാ​യി. മേ​പ്പാ​ടി എ​സ്.​എ​ച്ച്.​ഒ വി​പി​ന്‍റെ നേ​തൃ​ത്വ​ത്തി​ൽ, വി​ത്തു​കാ​ട് പി​ച്ചം കു​ന്ന​ശ്ശേ​രി വീ​ട്ടി​ൽ നാ​സി​കി​നെ (26) ആ​ണ് അ​റ​സ്റ്റ് ചെ​യ്ത​ത്. അ​റ​സ്റ്റ്​ ചെ​യ്യു​ന്ന​തി​​നി​ടെ അ​ടി​വ​സ്ത്ര​ത്തി​ൽ ഒ​ളി​പ്പി​ച്ചി​രു​ന്ന പെ​പ്പ​ർ സ്പ്രേ ​എ​ടു​ത്ത് പൊ​ലീ​സ് ഉ​ദ്യോ​ഗ​സ്ഥ​ന്‍റെ ക​ണ്ണി​ൽ അ​ടി​ക്കു​ക​യും വ​ല​തു കൈത്തണ്ട​യി​ൽ ശ​ക്ത​മാ​യി ക​ടി​ച്ച് ക​സ്റ്റ​ഡി​യി​ൽ നി​ന്നും ഓ​ടി ര​ക്ഷ​പെ​ടാ​ൻ ശ്ര​മി​ക്കു​ക​യും ചെ​യ്തു. തു​ട​ർ​ന്ന്​ ​പൊ​ലീ​സ് സം​ഘം ഇ​യാ​ളെ മ​ൽ​പ്പി​ടിത്ത​ത്തി​ലൂ​ടെ കീ​ഴ്പ്പെ​ടു​ത്തു​ക​യാ​യി​രു​ന്നു. ​പൊ​ലീ​സി​നെ ആ​ക്ര​മി​ച്ച​തി​നും ഡ്യൂ​ട്ടി ത​ട​സ്സ​പ്പെ​ടു​ത്തി​യ​തി​നും ഇ​യാ​ൾ​ക്കെ​തി​രെ മ​റ്റൊ​രു കേ​സ് കൂ​ടി ര​ജി​സ്റ്റ​ർ ചെ​യ്തി​ട്ടു​ണ്ട്.

ആ​ന്ധ്ര​യി​ൽ​നി​ന്നാ​ണ് ഇ​യാ​ൾ മൊ​ത്ത​മാ​യി ക​ഞ്ചാ​വ് വാ​ങ്ങു​ന്ന​ത്. ട്രെ​യി​നി​ലും തു​ട​ർ​ന്ന് ഓ​ട്ടോ​റി​ക്ഷ​യി​ലു​മാ​യി അ​തി​ർ​ത്തി ക​ട​ത്തി​ കൊ​ണ്ടു​വ​രുക​യാ​ണ് പ​തി​വെ​ന്ന് ഇ​യാ​ൾ ചോ​ദ്യം ചെ​യ്യ​ലി​ൽ പൊ​ലീ​സി​നോ​ട് പ​റ​ഞ്ഞു. ചേ​ര​മ്പാ​ടി അ​തി​ർ​ത്തി ക​ട​ത്തി​യ ശേ​ഷം അ​വി​ടെ നി​ന്ന് ബൈ​ക്കി​ൽ ക​ഞ്ചാ​വ് ര​ഹ​സ്യ​മാ​യി സൂ​ക്ഷി​ക്കാ​ൻ സു​ഹൃ​ത്താ​യ മ​ണി എ​ന്ന​യാ​ളു​ടെ കോ​ട്ട​ത്ത​റ​യി​ലെ പാ​റാ​യി​ൽ വീ​ട്ടി​ൽ എ​ത്തി​ക്കു​ക​യാ​യി​രു​ന്നു. അ​വി​ടെ വെ​ച്ച് ചെ​റി​യ പാ​ക്ക​റ്റു​ക​ൾ ആ​ക്കി ചി​ല്ല​റ വി​ൽ​പ​ന ചെ​യ്യു​ക​യാ​ണ് ഇ​വ​രു​ടെ രീ​തി.

നാ​സി​ക്കി​നെ മു​മ്പും ക​ഞ്ചാ​വു​മാ​യി പി​ടി​കൂ​ടി​യ​തി​ന് അ​മ്പ​ല​വ​യ​ൽ, ക​ൽ​പ​റ്റ സ്റ്റേ​ഷ​നു​ക​ളി​ൽ കേ​സു​ക​ൾ നി​ല​വി​ലു​ണ്ട്. ഇ​യാ​ൾ​ക്ക് ക​ഞ്ചാ​വ് ക​ട​ത്തു​ന്ന​തി​നും ഒ​ളി​പ്പി​ച്ച് വെക്കു​ന്ന​തി​നും സ​ഹാ​യ​ങ്ങ​ൾ ചെ​യ്യു​ന്ന കൂ​ട്ടു​ക​ച്ച​വ​ട​ക്കാ​ര​നാ​യ കോ​ട്ട​ത്ത​റ വ​യ​ൽ പാ​റാ​യി​ൽ മ​ണി​യെ​യും(25) ​പൊ​ലീ​സ് അ​റ​സ്റ്റ് ചെ​യ്തു. എ​സ്.​സി.​പി​ഒ​മാ​രാ​യ നൗ​ഫ​ൽ, മു​ജീ​ബ്, പ്ര​ശാ​ന്ത്, ഗോ​വി​ന്ദ​ൻ​കു​ട്ടി, വി​മ​ൽ കു​മാ​ർ, ശ്രീ​ജി​ത്ത്, മ​ജീ​ദ്, സി.​പി.​ഒ​മാ​രാ​യ സ​ഹീ​ർ അ​ഹ​മ്മ​ദ്, ഷാ​ജ​ഹാ​ൻ, ഷാ​ലു എ​ന്നി​വ​ർ പൊ​ലീ​സ് സം​ഘ​ത്തി​ൽ ഉ​ണ്ടാ​യി​രു​ന്നു. പ്ര​തി​ക​ളെ തി​ങ്ക​ളാ​ഴ്ച കോ​ട​തി​യി​ൽ ഹാ​ജ​രാ​ക്കും.