കഞ്ചാവുമായി യുവാക്കൾ പിടിയിൽ

ഈരാറ്റുപേട്ട: കഞ്ചാവുമായി നാലുയുവാക്കൾ പിടിയിൽ. ഈരാറ്റുപേട്ട ആനിപ്പടി ഭാഗത്ത് വീട് വാടകക്കെടുത്ത് കഞ്ചാവ് കച്ചവടം നടത്തിവന്ന നാലുയുവാക്കളെയാണ് പിടികൂടിയത്.

ജോഷ്വാ മാനുവൽ, നിഖിൽ ജോസഫ് , റീഗൺ ഡെന്നീസ്, അലൻ ഷാജു എന്നിവരെയാണ് ഈരാറ്റുപേട്ട പൊലീസ് പിടികൂടിയത്.

ഇവരിൽനിന്ന് 200 ഗ്രാം കഞ്ചാവ് കണ്ടെടുത്തു. നിരീക്ഷണത്തിലായിരുന്ന ഇവരെ അരുവിത്തറ കോളജ് റോഡിലെ പാർക്കിങ് ഗ്രൗണ്ടിൽ നിർത്തിയിട്ടിരുന്ന കാറിൽനിന്ന് പൊലീസ് പിടികൂടുകയായിരുന്നു.