എം.ഡി.എം.എയുമായി യുവാവ് പിടിയിൽ

മൂവാറ്റുപുഴ: കിഴക്കൻ മേഖലയിൽ ചെറുകിട വിൽപനക്കാർക്ക് എം.ഡി.എം.എ മയക്കുമരുന്ന് എത്തിച്ചുനൽകുന്നയാളെ അറസ്റ്റ് ചെയ്തു.

മൂവാറ്റുപുഴ പെരുമറ്റം ചേനക്കര പറമ്പിൽ അമീൻ ലാലാണ് (അപ്പുക്കുട്ടൻ- 31) പിടിയിലായത്. ഞായറാഴ്ച രാവിലെ അസി. കമീഷണർ ടെനിമോൻ ബർണാഡിന്റെ നേതൃത്വത്തിൽ പെരുമറ്റത്തുള്ള അമീൻ ലാലിന്റെ വീട്ടിൽ പരിശോധന നടത്തിയ ശേഷമാണ് ഇയാളെ കസ്റ്റഡിയിലെടുത്തത്.

കഴിഞ്ഞ ദിവസങ്ങളിൽ എം.ഡി.എം.എയുമായി എട്ടുപേരാണ് എക്സൈസ് പിടിയിലായത്. 22 ഗ്രാം എം.ഡി.എം.എയുമായി പിടിയിലായ ഷെബീറിൽനിന്ന് ലഭിച്ച വിവരങ്ങളുടെ അടിസ്ഥാനത്തിലാണ് അമീൻ ലാലിനെ അറസ്റ്റ് ചെയ്തത്.