യുവാവിനെ ആക്രമിച്ച കേസ്: ഒളിവിൽപോയ പ്രതി അറസ്റ്റിൽ

ഈരാറ്റുപേട്ട: യുവാവിനെ ആക്രമിച്ച കേസിൽ ഒളിവിൽപോയ പ്രതി അറസ്റ്റിൽ. അരുവിത്തുറ തൊമ്മൻപറമ്പിൽ വീട്ടിൽ അക്ബർ ഷാ അൻസാരിയെയാണ് (24) അറസ്റ്റ് ചെയ്തത്. കഴിഞ്ഞ ജൂണിലാണ് ഇയാളും സുഹൃത്തുക്കളും ചേർന്ന് ഈരാറ്റുപേട്ട കാഞ്ഞിരപ്പള്ളി റോഡിലെ പെട്രോൾപമ്പിന് സമീപം തടിക്കപ്പറമ്പിൽ വീട്ടിൽ ടി.ടി. അഷ്കറിനെ ആക്രമിച്ചത്.

സംഭവത്തിനുശേഷം പ്രതികളെല്ലാവരും ഒളിവിൽ പോയിരുന്നു. തുടർന്ന് നടത്തിയ അന്വേഷണത്തിൽ പ്രതികളായ അരുവിത്തുറ പറമ്പുകാട്ടിൽ വീട്ടിൽ ഷഹനാസ് സക്കീർ (26), അരുവിത്തുറ കല്ലോലിയിൽ അൽത്താഫ് (19), ഈരാറ്റുപേട്ട കൊച്ചുപറമ്പിൽ മുഹമ്മദ് അൻഷാദ് (21) എന്നിവരെ പിടികൂടിയിരുന്നു. ഈരാറ്റുപേട്ട എസ്.ഐ വിഷ്ണു വി.വി, സി.പി.ഒമാരായ ജിനു കെ.ആർ, ജോബി ജോസഫ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.