വി​ജ​യ​ല​ക്ഷ്മി ബാ​ല​ന്‍റെ​ ജീ​വി​തവും ക​ല ത​ന്നെ​യാ​യി​രു​ന്നു

നി​ല​മ്പൂ​ർ: പ്ര​ശ​സ്ത നാ​ട​ക-​സി​നി​മ ക​ലാ​കാ​ര​നാ​യി​രു​ന്ന നി​ല​മ്പൂ​ർ ബാ​ല​ന്‍റെ ജീ​വി​ത​പ​ങ്കാ​ളി വി​ജ​യ​ല​ക്ഷ്മി​യും ബാ​ല​നെ പോ​ലെ ക​ല ജീ​വി​ത​മാ​ക്കി​യ വ​നി​ത. കോ​ഴി​ക്കോ​ട് ന​ട​ക്കാ​വാ​ണ് ജ​ന്മ​ദേ​ശം. പ്രാ​ദേ​ശി​ക നാ​ട​ക സ​മി​തി​ക​ൾ​ക്കൊ​പ്പം നാ​ട​ക​ങ്ങ​ളി​ൽ അ​ഭി​ന​യി​ച്ചി​രു​ന്നെ​ങ്കി​ലും വി​ജ​യ​ല​ക്ഷ്മി ന​ടി എ​ന്ന നി​ല​യി​ൽ പ്ര​ശ​സ്ത​യാ​യ​ത് മു​ഹ​മ്മ​ദ് യൂ​സ​ഫി​ന്‍റെ ‘ക​ണ്ടം ബെ​ച്ച കോ​ട്ട്’ നാ​ട​ക​ത്തി​ലൂ​ടെ ആ​യി​രു​ന്നു.

1956ൽ ​ആ​കാ​ശ​വാ​ണി കോ​ഴി​ക്കോ​ട് നി​ല​യം അ​ത് റേ​ഡി​യോ നാ​ട​ക​മാ​ക്കി പ്ര​ക്ഷേ​പ​ണം ചെ​യ്തു. അ​തി​ലും വി​ജ​യ​ല​ക്ഷ്മി​യു​ടെ അ​ഭി​ന​യം ശ്ര​ദ്ധ​നേ​ടി. അ​ങ്ങ​നെ 16ാം വ​യ​സ്സി​ൽ റേ​ഡി​യോ ആ​ർ​ട്ടി​സ്റ്റാ​യി. ആ​കാ​ശ​വാ​ണി​യു​ടെ എ ​ഗ്രേ​ഡ് ആ​ർ​ട്ടി​സ്റ്റ് ആ​ണ് വി​ജ​യ​ല​ക്ഷ്മി.

‘ക​ണ്ടം ബെ​ച്ച കോ​ട്ട്’ നാ​ട​ക​മാ​ണ് വി​ജ​യ​ല​ക്ഷ്മി​യേ​യും നി​ല​മ്പൂ​ർ ബാ​ല​നെ​യും ഒ​ന്നി​പ്പി​ച്ച​ത്. ആ ​നാ​ട​കം നി​ല​മ്പൂ​രി​ൽ അ​വ​ത​രി​പ്പി​ച്ചി​രു​ന്നു. കോ​ഴി​ക്കോ​ട്ടു​നി​ന്ന് എ​ത്തി​യ വി​ജ​യ​ല​ക്ഷ്മി ഉ​ൾ​പ്പെ​ട്ട നാ​ട​ക​സം​ഘം ത​ങ്ങി​യ​ത് നി​ല​മ്പൂ​ർ യു​വ​ജ​ന ക​ല​സ​മി​തി​യു​ടെ കേ​ന്ദ്ര​ത്തി​ലാ​ണ്. ക​ലാ​സ​മി​തി​യു​ടെ പ്ര​ധാ​നി​ക​ളി​ൽ ഒ​രാ​ളാ​യി​രു​ന്നു ബാ​ല​ൻ. അ​ഭി​ന​യി​ക്കു​മ്പോ​ൾ വി​ജ​യ​ല​ക്ഷ്മി​യെ ശ്ര​ദ്ധി​ച്ച ബാ​ല​ന്‍റെ അ​മ്മ​യും സ​ഹോ​ദ​ര​ങ്ങ​ളും നാ​ട​കം കാ​ണ​ൽ ഒ​രു പെ​ണ്ണു​കാ​ണ​ൽ കൂ​ടി​യാ​ക്കി.

അ​ത് ഇ​രു​വ​രു​ടെ​യും വി​വാ​ഹ​ത്തി​ൽ എ​ത്തി​ച്ചു. 1957 ഡി​സം​ബ​ർ എ​ട്ടി​നാ​യി​രു​ന്നു വി​വാ​ഹം. ശേ​ഷം വി​ജ​യ​ല​ക്ഷ്മി നി​ല​മ്പൂ​ർ യു​വ​ജ​ന ക​ലാ​സ​മി​തി​യു​ടെ ന​ടി​യാ​യി. മ​റു​നാ​ട​ൻ മ​ല​യാ​ളി​ക​ളു​ടെ ഒ​ട്ടേ​റെ കേ​ന്ദ്ര​ങ്ങ​ളി​ൽ ന​ട​ത്തി​യ നാ​ട​ക അ​വ​ത​ര​ണ​ങ്ങ​ളി​ൽ ആ ​ദ​മ്പ​തി​മാ​ർ ഒ​ന്നി​ച്ച​ഭി​ന​യി​ച്ചു. ‘കാ​ഫ​ർ’, ‘ക​ളി​ത്തോ​ക്ക്’, ‘ചു​വ​ന്ന ഘ​ടി​കാ​രം’ എ​ന്നീ നാ​ട​ക​ങ്ങ​ളി​ൽ ബാ​ല​നോ​ടൊ​പ്പം വി​ജ​യ​ല​ക്ഷ്മി അ​ഭി​ന​യി​ച്ചു.

1980ൽ ​സം​ഗ​മം അ​വ​ത​രി​പ്പി​ച്ച ജ​മാ​ൽ കൊ​ച്ച​ങ്ങാ​ടി​യു​ടെ ‘ഇ​നി​യും ഉ​ണ​രാ​ത്ത​വ​ർ’ നാ​ട​ക​ത്തി​ലെ അ​ഭി​ന​യ​ത്തി​ന് മി​ക​ച്ച സ​ഹ​ന​ടി​ക്കു​ള്ള സം​സ്ഥാ​ന പു​ര​സ്കാ​രം വി​ജ​യ​ല​ക്ഷ്മി​ക്ക് ല​ഭി​ച്ചു. 2006ൽ ​കേ​ര​ള സം​ഗീ​ത നാ​ട​ക അ​ക്കാ​ദ​മി ഗു​രു​പൂ​ജ പു​ര​സ്കാ​രം ന​ൽ​കി ആ​ദ​രി​ച്ചു. ഭ​ർ​ത്താ​വി​നൊ​പ്പം വി​ജ​യ​ല​ക്ഷ്മി​യും സി​നി​മ​യി​ലെ​ത്തി.

‘നി​ർ​മാ​ല്യം’, ‘ബ​ന്ധ​നം’, ‘ഹ​ർ​ഷ​ഭാ​ഷ്പം’, ‘ഒ​രേ തൂ​വ​ൽ പ​ക്ഷി​ക​ൾ’ തു​ട​ങ്ങി ഓ​ർ​മി​ക്ക​പ്പെ​ടു​ന്ന ന​ല്ല സി​നി​മ​ക​ളി​ൽ ബാ​ല​നും വി​ജ​യ​ല​ക്ഷ്മി​യും ഒ​ന്നി​ച്ച​ഭി​ന​യി​ച്ചു. 1990 ഫെ​ബ്രു​വ​രി നാ​ലി​ന് നി​ല​മ്പൂ​ർ ബാ​ല​ൻ വി​ട​പ​റ​ഞ്ഞ ശേ​ഷ​വും വി​ജ​യ​ല​ക്ഷ്മി അ​ഭി​ന​യം തു​ട​ർ​ന്നു. 2024 റി​ലീ​സ് ചെ​യ്ത ഇ.​കെ. അ​യ്മു​വി​ന്‍റെ ‘ജീ​വി​തം പ​റ​യു​ന്ന ചോ​പ്പ്’ എ​ന്ന സി​നി​മ​യി​ലാ​ണ് അ​വ​സാ​ന​മാ​യി അ​ഭി​ന​യി​ച്ച​ത്.