കലാമൂല്യവും ഗ്രാമക്കാഴ്ചയുമായി അൻവർ പല്ലനയുടെ വരകൾ

ആ​റാ​ട്ടു​പു​ഴ: പ​ല്ല​ന ഗ്രാ​മ​ത്തി​ന്റെ സ്വ​ന്തം ചി​ത്ര​കാ​ര​നാ​ണ് അ​ൻ​വ​ർ പ​ല്ല​ന. ക​ലാ​മൂ​ല്യ​വും ഗ്രാ​മീ​ണ​ഭം​ഗി​യും വൈ​വി​ധ്യ​ങ്ങ​ളു​ടെ വ​ർ​ണ​ക്കൂ​ട്ടു​ക​ളും ഒ​ത്തു​ചേ​രു​ന്ന ചി​ത്ര​ക​ലാ വൈ​ഭ​വം നാ​ട് ക​ണ്ട​റി​ഞ്ഞി​ട്ടു​ണ്ട്. കേ​ര​ളം മു​ഴു​വ​ൻ അ​റി​യ​പ്പെ​ടേ​ണ്ട പ്ര​തി​ഭ​യാ​ണെ​ന്ന് അ​ൻ​വ​റി​ന്റെ സൃ​ഷ്ടി​ക​ളു​ടെ ക​ലാ​മൂ​ല്യം ബോ​ധ്യ​പ്പെ​ട്ട​വ​ർ സ​മ്മ​തി​ക്കും.

2023ലെ ​കേ​ര​ള ല​ളി​ത​ക​ലാ അ​ക്കാ​ദ​മി​യു​ടെ അം​ഗീ​കാ​രം ല​ഭി​ച്ച​തോ​ടെ വൈ​കി​യെ​ങ്കി​ലും അ​ർ​ഹി​ക്കു​ന്ന അം​ഗീ​കാ​രം ല​ഭി​ച്ച​തി​ന്റെ സ​ന്തോ​ഷ​ത്തി​ലാ​ണ് ഗ്രാ​മ​വാ​സി​ക​ൾ. റി​യ​ലി​സ്റ്റി​ക് വി​ഭാ​ഗ​ത്തി​ൽ അ​ക്രി​ലി​ക്കി​ൽ വ​ര​ച്ച ചി​ത്ര​ത്തി​നാ​ണ് കേ​ര​ള ല​ളി​ത​ക​ലാ അ​ക്കാ​ദ​മി​യു​ടെ പു​ര​സ്കാ​രം ല​ഭി​ച്ച​ത്.

തൃ​ക്കു​ന്ന​പ്പു​ഴ പ​ഞ്ചാ​യ​ത്തി​ൽ പ​ല്ല​ന പ​ട​ന്ന​യി​ൽ അ​ൻ​വ​ർ ചി​ത്ര​ര​ച​ന​യി​ൽ ചെ​റു​പ്പം മു​ത​ൽ മി​ക​ച്ച സി​ദ്ധി തെ​ളി​യി​ച്ച ക​ലാ​കാ​ര​നാ​ണ്. അ​ൻ​വ​റി​ന്റെ അ​ഭി​രു​ചി മ​ന​സ്സി​ലാ​ക്കി വീ​ട്ടു​കാ​രും പൂ​ർ​ണ പി​ന്തു​ണ ന​ൽ​കി. നാ​ഷ​ന​ൽ ഡി​പ്ലോ​മ ഇ​ൻ ഫൈ​ൻ ആ​ർ​ട്സി​ലും മാ​വേ​ലി​ക്ക​ര ര​വി​വ​ർ​മ ചി​ത്ര​ക​ല കോ​ള​ജി​ലും ചി​ത്ര​ക​ല പ​ഠി​ച്ചു. കേ​ര​ള​ത്തി​ന​ക​ത്തും പു​റ​ത്തും ഗ​ൾ​ഫ് രാ​ജ്യ​ങ്ങ​ളി​ലും ചി​ത്ര​ക​ല​യു​മാ​യി ബ​ന്ധ​പ്പെ​ട്ട പ​ണി​യി​ലേ​ർ​പ്പെ​ട്ടു.

ഇ​പ്പോ​ൾ ഫ്രീ​ലാ​ൻ​സ് ആ​ർ​ട്ടി​സ്റ്റാ​യി പ​ത്ത​നാ​പു​രം ഗാ​ന്ധി​ഭ​വ​ൻ പ്ര​സി​ദ്ധീ​ക​രി​ക്കു​ന്ന സ്നേ​ഹ​രാ​ജ്യം മാ​ഗ​സി​നി​ൽ ജോ​ലി ചെ​യ്തു​വ​രു​ന്നു. കൂ​ടാ​തെ ആ​സ്ട്രേ​ലി​യ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ചി​ൽ​ഡ്ര​ൻ​സ് ബൈ​ബി​ൾ പ​ബ്ലി​ഷി​ങ്, ചെ​ങ്ങ​ന്നൂ​ർ കേ​ന്ദ്ര​മാ​യ ആ​ർ​ഷ​നാ​ദം പ​ബ്ലി​ക്കേ​ഷ​ൻ​സ്, ബം​ഗ​ളൂ​രു കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ഐ​മാ​ജി​ക് ക​മ്പ​നി​ക​ൾ​ക്ക് വേ​ണ്ടി​യും ചി​ത്ര​ങ്ങ​ൾ വ​ര​ക്കു​ന്നു. കൂ​ടാ​തെ കേ​ര​ള​ത്തി​ലെ പ്ര​മു​ഖ​ങ്ങ​ളാ​യ നി​ര​വ​ധി വാ​രി​ക​ക​ളി​ലെ ര​ച​ന​ക​ൾ​ക്ക് വേ​ണ്ടി ചി​ത്രം വ​ര​ച്ചി​ട്ടു​ണ്ട്.

പ​ല്ല​ന ഗ്രാ​മ​വും അ​വി​ടു​ത്തെ മ​നു​ഷ്യ​രു​മൊ​ക്കെ അ​ൻ​വ​റി​ന്റെ ര​ച​ന​യി​ൽ നി​ര​വ​ധി ത​വ​ണ ചി​ത്ര​ങ്ങ​ളാ​യി പി​റ​ന്നി​ട്ടു​ണ്ട്. തെ​ര​ഞ്ഞെ​ടു​പ്പ് കാ​ല​ങ്ങ​ളി​ൽ സ്ഥാ​നാ​ർ​ഥി​ക​ൾ ത​ങ്ങ​ളു​ടെ ചി​ത്ര​ങ്ങ​ൾ അ​ൻ​വ​റി​നെ​ക്കൊ​ണ്ട് വ​ര​പ്പി​ച്ച് പ്ര​ചാ​ര​ണ​ത്തി​ന് ഉ​പ​യോ​ഗി​ക്കു​ന്ന​ത് ഏ​റെ ശ്ര​ദ്ധി​ക്ക​പ്പെ​ടാ​റു​ണ്ട്. പ്ര​മു​ഖ​രാ​യ പ​ല സാ​ഹി​ത്യ​കാ​ര​ന്മാ​രു​ടെ​യും ര​ച​ന ര​ച​ന​ക​ൾ​ക്ക് വേ​ണ്ടി അ​ൻ​വ​ർ ചി​ത്രം വ​ര​ച്ചി​ട്ടു​ണ്ട്.

ഒ​ട്ടു​മി​ക്ക രാ​ഷ്ട്രീ​യ നേ​താ​ക്ക​ന്മാ​രു​ടെ​യും ക​ലാ-​കാ​യി​ക രം​ഗ​ത്തെ പ്ര​മു​ഖ​രു​ടെ​യും ലോ​ക​നേ​താ​ക്ക​ളു​ടെ​യും അ​ൻ​വ​ർ വ​ര​ച്ച പോ​ർ​ട്രേ​റ്റ് ചി​ത്ര​ങ്ങ​ൾ മ​നോ​ഹ​ര​ങ്ങ​ളാ​ണ്. കേ​ര​ള ചി​ത്ര​ക​ലാ പ​രി​ഷ​ത്ത് സം​ഘ​ടി​പ്പി​ക്കു​ന്ന ചി​ത്ര​ക​ലാ ക്യാ​മ്പി​ൽ നി​ര​വ​ധി ത​വ​ണ പ​ങ്കെ​ടു​ത്തി​ട്ടു​ണ്ട്.

2022 ‘മ​ഴ​യെ’ എ​ക്സി​ബി​ഷ​നി​ൽ അ​ൻ​വ​ർ വ​ര​ച്ച മ​ഴ​യ​ത്ത് ഉ​ന്തു​വ​ണ്ടി​യു​മാ​യി പോ​കു​ന്ന ക​ച്ച​വ​ട​ക്കാ​ര​ന്‍റെ ചി​ത്രം ശ്ര​ദ്ധി​ക്ക​പ്പെ​ട്ടി​രു​ന്നു. വ​ലി​യ വി​ല​യ്​​ക്കാ​ണ് ഈ ​ചി​ത്രം വി​ദേ​ശി സ്വ​ന്ത​മാ​ക്കി​യ​ത്. പ​ല്ല​ന തോ​പ്പി​ൽ ജ​ങ്​​ഷ​ന് വ​ട​ക്കു​ഭാ​ഗ​ത്താ​യി നെ​റ്റ്കോ​ണ്‍ സ്റ്റു​ഡി​യോ എ​ന്ന പേ​രി​ൽ സ്ഥാ​പ​നം ന​ട​ത്തു​ന്നു​ണ്ട്. സ​ഫീ​ന​യാ​ണ് ഭാ​ര്യ.