വിസ്മയങ്ങൾ പെയ്തിറങ്ങി; കോട്ടക്കൽ സേക്രഡ് ഹാ​ർ​ട്ട്‌ സ്കൂളിന് കലാകിരീടം

കോ​ട്ട​ക്ക​ൽ: ആ​യു​ർ​വേ​ദ​ന​ഗ​ര​ത്തി​ൽ ര​ണ്ട് രാ​പ്പ​ക​ലു​ക​ൾ വി​സ്മ​യ​ങ്ങ​ൾ പെ​യ്തി​റ​ങ്ങി​യ സി.​ബി.​എ​സ്.​ഇ സ​ഹോ​ദ​യ സ്കൂ​ൾ കോം​പ്ല​ക്സ് മ​ല​പ്പു​റം റീ​ജ്യ​ൻ ജി​ല്ല ക​ലോ​ത്സ​വ​ത്തി​ന് തി​ര​ശ്ശീ​ല. 126 ഇ​ന​ങ്ങ​ൾ പൂ​ർ​ത്തി​യാ​യ​തോ​ടെ ആ​തി​ഥേ​യ​രാ​യ കോ​ട്ട​ക്ക​ൽ സേ​ക്ര​ഡ്‌ ഹാ​ർ​ട്ട്‌ സീ​നി​യ​ർ സെ​ക്ക​ൻ​ഡ​റി സ്കൂ​ൾ ഓ​വ​റോ​ൾ ചാ​മ്പ്യ​ന്മാ​രാ​യി.

873 പോ​യ​ന്‍റ്​ നേ​ടി​യാ​ണ് സേ​ക്ര​ഡ് ക​ലാ​കി​രീ​ടം ചൂ​ടി​യ​ത്. എം.​ഇ.​എ​സ് കാ​മ്പ​സ് സ്കൂ​ൾ കു​റ്റി​പ്പു​റം (832) ര​ണ്ടും സെ​ന്റ്‌ ജോ​സ​ഫ്സ്‌ സ്കൂ​ൾ പു​ത്ത​ന​ങ്ങാ​ടി (651) മൂ​ന്നും സ്ഥാ​ന​ങ്ങ​ൾ നേ​ടി. ച​ടു​ല​താ​ള​ങ്ങ​ളോ​ടെ മാ​ർ​ഗം​ക​ളി​യും സം​ഘ​നൃ​ത്ത​വും ഞാ​യ​റാ​ഴ്ച പ്ര​ധാ​ന​വേ​ദി​യെ സ​ജീ​വ​മാ​ക്കി. വേ​ദി ര​ണ്ടി​ൽ വി​സ്മ​യ​ങ്ങ​ൾ അ​ഴ​ക് വി​രി​യി​ച്ച് മോ​ഹി​നി​യാ​ട്ട​വും ഭ​ര​ത​നാ​ട്യ​വും അ​ര​ങ്ങേ​റി. മോ​ണോ​ആ​ക്ട്, മി​മി​ക്രി, സ്കി​റ്റ്, സം​ഘ​ഗാ​നം തു​ട​ങ്ങി​യ മ​ത്സ​ര​ങ്ങ​ളും അ​ര​ങ്ങേ​റി. ജി​ല്ല​യി​ലെ 62 സ്കൂ​ളു​ക​ളി​ൽ​നി​ന്നാ​യി ആ​റാ​യി​ര​ത്തോ​ളം പ്ര​തി​ഭ​ക​ളാ​ണ് ക​ലോ​ത്സ​വ​ത്തി​ൽ മാ​റ്റു​ര​ച്ച​ത്. സ്റ്റേ​ജി​ത​ര മ​ത്സ​ര​ങ്ങ​ൾ കോ​ട്ട​ക്ക​ൽ പീ​സ് പ​ബ്ലി​ക് സ്കൂ​ളി​ൽ നേ​ര​േ​ത്ത പൂ​ർ​ത്തി​യാ​യി​രു​ന്നു.