തുലാം പിറന്നു; അത്യുത്തര കേരളത്തിന് ഇനി കളിയാട്ടക്കാലം

പ​യ്യ​ന്നൂ​ർ: തു​ലാ​മാ​സം പി​റ​ന്ന​തോ​ടെ പ്ര​തീ​ക്ഷ​യു​ടെ ചി​ല​മ്പൊ​ലി​യു​മാ​യി തെ​ക്ക​ട​വ​ൻ ത​റ​വാ​ട്ടി​ൽ കു​ണ്ടോ​ർ​ച​ാമു​ണ്ഡി​യു​ടെ പു​റ​പ്പാ​ട്. ഉ​ത്ത​ര കേ​ര​ള​ത്തി​ൽ ഇ​ട​വ​പ്പാ​തി വ​രെ​യു​ള്ള രാ​പ്പ​ക​ലു​ക​ൾ ക​ളി​യാ​ട്ട​ക്കാ​ല​ത്തി​ന്റെ ആ​ര​വ​മു​യ​രു​ന്ന​തി​ന്റെ ചി​ല​മ്പൊ​ലി താ​ള​മാ​ണ് തു​ലാം ഒ​ന്നി​ന് തെ​ക്ക​ട​വ​ൻ ത​റ​വാ​ട്ടി​ൽ മു​ഴ​ങ്ങി​യ​ത്.

അ​ത്യു​ത്ത​ര​കേ​ര​ള​ത്തി​ൽ ക​ളി​യാ​ട്ട​ക്കാ​ല​ത്തി​ന്റെ വാ​ചാ​ലു​ക​ളു​ണ​രു​ന്ന​ത് തു​ലാ​മാ​സം മു​ത​ലാ​ണ്. തു​ട​ർ​ന്ന് ആ​റു മാ​സ​ത്തി​ല​ധി​കം ക്ഷേ​ത്ര​ങ്ങ​ളും ത​റ​വാ​ടു​മു​റ്റ​ങ്ങ​ളും കൊ​യ്തൊ​ഴി​ഞ്ഞ പാ​ട​ങ്ങ​ളും ചെ​ണ്ട​യു​ടെ​യും ചി​ല​മ്പി​ന്റെ​യും രൗ​ദ്ര​താ​ളം കൊ​ണ്ട് മു​ഖ​രി​ത​മാ​വും.

പ​യ്യ​ന്നൂ​രി​ൽ സു​ബ്ര​ഹ്മ​ണ്യ​സ്വാ​മി ക്ഷേ​ത്ര​ത്തി​ന​ടു​ത്ത് തെ​ക്ക​ട​വ​ൻ ത​റ​വാ​ടു​ക്ഷേ​ത്ര​ത്തി​ൽ കു​ണ്ടോ​ർ ചാ​മു​ണ്ഡി​യു​ടെ ന​ട​ന​കാ​ന്തി​യോ​ടെ​യാ​ണ് തെ​യ്യാ​ട്ട​ക്കാ​ല​ത്തി​ന് തി​രി​തെ​ളി​ഞ്ഞ​ത്. തു​ലാ​പ​ത്തി​ന് നീ​ലേ​ശ്വ​രം മ​ന്ദം​പു​റ​ത്ത് കാ​വി​ൽ ക​ളി​യാ​ട്ടം തു​ട​ങ്ങു​ന്ന​തോ​ടെ​യാ​ണ് ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ലെ കാ​വു​ക​ൾ സ​ജീ​വ​മാ​വു​ക.

എ​ന്നാ​ൽ, പ​ത്തി​ന് മു​മ്പു​ത​ന്നെ പ​യ്യ​ന്നൂ​രി​ലെ തെ​ക്ക​ട​വ​ൻ ത​റ​വാ​ട്ടി​ൽ കു​ണ്ടോ​ർ ചാ​മു​ണ്ഡി​യും കൂ​ടെ​യു​ള്ളോ​രും ഉ​റ​ഞ്ഞാ​ടി തു​ട​ക്ക​മി​ടു​ന്നു. തു​ലാം ഒ​ന്നി​ന് തു​ട​ങ്ങി ര​ണ്ടി​നാ​ണ് ഇ​വി​ടെ അ​വ​സാ​നി​ക്കു​ന്ന​ത്. ഇ​ട​വ​പ്പാ​തി​യി​ൽ വ​ള​പ​ട്ട​ണം ക​ള​രി വാ​തി​ൽ​ക്ക​ൽ ക​ളി​യാ​ട്ട​ത്തോ​ടെ ക​ളി​യാ​ട്ട​ക്കാ​ല​ത്തി​ന് തി​ര​ശീ​ല വീ​ഴും.

ക​ർ​ണാ​ട​ക​യി​ലെ കാ​വേ​രി​യി​ൽ നി​ന്ന് യാ​ത്ര തി​രി​ച്ച ശി​വ​ചൈ​ത​ന്യ സ്വ​രൂ​പി​ണി​യാ​യ ദേ​വി കീ​ഴും ശാ​സ്താ​വി​ന്റെ സ​ങ്കേ​ത​ത്തി​ൽ എ​ത്തു​ക​യും തു​ട​ർ​ന്ന് കാ​സ​ർ​കോ​ടി​ന് കി​ഴ​ക്കു മാ​റി കു​ണ്ടോ​റ ഗ്രാ​മ​ത്തി​ൽ താ​മ​സി​ക്കു​ക​യും ചെ​യ്തു​വെ​ന്നാ​ണ് ഐ​തി​ഹ്യം. ഇ​വി​ടെ നി​ന്ന് മ​ല​നാ​ട്ടി​ലെ​ത്തി​യ ദേ​വി പ​യ്യ​ന്നൂ​ർ പെ​രു​മാ​ളി​ന്റെ ഊ​രി​ലും തു​ട​ർ​ന്ന് കൊ​റ്റി പ​ഴ​ശി കാ​വി​ലും ക​ണ്ണ​ങ്ങാ​ട്ട് ക്ഷേ​ത്ര​ത്തി​ലും എ​ത്തി​യ​ത്രെ.

കു​ണ്ടോ​ർ ചാ​മു​ണ്ഡി​യു​ടെ പ​രി​പാ​ല​നാ​വ​കാ​ശം തെ​ക്ക​ട​വ​ൻ ത​റ​വാ​ട്ടു​കാ​ർ​ക്കാ​ണ്. ഇ​താ​ണ് ഈ ​ത​റ​വാ​ട്ടി​ൽ നി​ന്ന് തു​ട​ക്കം കു​റി​ക്കാ​ൻ കാ​ര​ണം. വേ​ല സ​മു​ദാ​യ​ത്തി​ൽ​പ്പെ​ട്ട​വ​രാ​ണ് കോ​ല​ധാ​രി. വേ​ല​ൻ രാ​മ​ന്റെ കു​ടും​ബ​ത്തി​നാ​ണ് ഇ​വി​ടെ ജ​ന്മാ​വ​കാ​ശം. തു​ട​ർ ദി​വ​സ​ങ്ങ​ളി​ൽ മ​റ്റ് ത​റ​വാ​ടു​ക​ളി​ലും കെ​ട്ടി​യാ​ടും. ഉ​ത്ത​ര​കേ​ര​ള​ത്തി​ന്റെ ഗ്രാ​മീ​ണ ജീ​വി​ത​ത്തി​ന്റെ തു​ടി​പ്പാ​യ ക​ളി​യാ​ട്ടം കൂ​ടാ​ൻ ജാ​തി മ​ത​ത്തി​ന​തീ​ത​മാ​യി നാ​ട്ടു​കാ​ർ എ​ത്തി​ച്ചേ​രു​ന്നു എ​ന്നും തെ​യ്യ​ത്തി​ന്റെ പ്ര​ത്യേ​ക​ത​യാ​ണ്.