ഇ​താ​ണ് ഡാ​ന്റെ​യു​ടെ മു​ഖം!

‘ഡി​വൈ​ൻ കോ​മ​ഡി’ ര​ചി​ച്ച ഡാ​ന്റെ അ​ലി​ഗി​യേ​രി​യെ​ക്കു​റി​ച്ച് കേ​ട്ടി​ട്ടി​ല്ലേ? ഡാ​ന്റെ​യു​ടെ ക​വി ഭാ​വ​ന​യി​ൽ വി​രി​ഞ്ഞ മ​ര​ണാ​ന​ന്ത​ര ലോ​ക​വും ന​ര​ക​വു​മൊ​ക്കെ​യാ​ണ് മു​ഖ്യ​ധാ​ര സാ​ഹി​ത്യ​ത്തി​ലും ലോ​ക​ത്തി​ന്റെ പൊ​തു​ബോ​ധ​ത്തി​ലു​​മെ​ല്ലാം ഇ​ന്നും നി​റ​ഞ്ഞു​നി​ൽ​ക്കു​ന്ന​ത്. 1321ൽ ​ഇ​റ്റ​ലി​യി​ൽ മ​രി​ച്ച ഡാ​ന്റെ​യു​ടെ മു​ഖം എ​ങ്ങ​നെ​യാ​യി​രു​ന്നു? ജീ​വി​ച്ചി​രു​ന്ന കാ​ല​ത്ത് അ​ദ്ദേ​ഹ​ത്തി​ന്റേ​താ​യ ഒ​രു പോ​ർ​ട്രേ​റ്റ് എ​വി​ടെ​യും ക​ണ്ടെ​ത്തി​യി​ട്ടി​ല്ല. 1495ൽ, ​സാ​ൻ​ഡ്രോ ബോ​ട്ടി​സെ​ല്ലി എ​ന്ന ഇ​റ്റാ​ലി​യ​ൻ ചി​ത്ര​കാ​ര​ൻ വ​ര​ച്ച പെ​യി​ന്റി​ങ്ങാ​ണ് ഡാ​ന്റെ​യു​ടെ ഏ​ക ദൃ​ശ്യ റ​ഫ​റ​ൻ​സ്. അ​ദ്ദേ​ഹ​മാ​ക​ട്ടെ, ഡാ​ന്റെ​യെ ക​ണ്ടി​ട്ടി​ല്ല. ഡാ​ന്റെ​യു​ടെ കാ​ല​ത്ത് ജീ​വി​ച്ചി​രു​ന്ന​വ​രു​ടെ പി​ൻ​ഗാ​മി​ക​ളി​ൽ​നി​ന്ന് ശേ​ഖ​രി​ച്ച വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് അ​ദ്ദേ​ഹം ഡാ​ന്റെ​യെ വ​ര​ച്ച​ത്.
എ​ന്നാ​ൽ, ഇ​പ്പോ​ഴി​താ ഡാ​ന്റെ​യു​ടെ ത​ല​യോ​ട്ടി​യും മു​ഖ​ത്തെ എ​ല്ലു​ക​ളും ശാ​സ്ത്രീ​യ പ​രി​ശോ​ധ​ന ന​ട​ത്തി ഡാ​ന്റെ​യു​ടെ മു​ഖം പു​ന​രാ​വി​ഷ്ക​രി​ച്ചി​രി​ക്കു​ക​യാ​ണ് ഏ​താ​നും ഗ​വേ​ഷ​ക​ർ. ബ്ര​സീ​ലി​യ​ൻ ഗ്രാ​ഫി​ക് വി​ദ​ഗ്ധ​ൻ സി​സെ​റോ​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രീ​ക്ഷ​ണ​ത്തി​നു പി​ന്നി​ൽ. 1921ൽ, ​ഡാ​ന്റെ​യു​ടെ എ​ല്ലു​ക​ളെ​ക്കു​റി​ച്ച് ല​ഭി​ച്ച പ​ഠ​ന​ത്തി​​ന്റെ​യും അ​ദ്ദേ​ഹ​ത്തെ മു​ഖ​ത്തെ​പ്പ​റ്റി 2007ൽ ​പു​റ​ത്തു​വ​ന്ന മ​റ്റൊ​രു പ​ഠ​ന​ത്തി​ന്റെ​യും അ​ടി​സ്ഥാ​ന​ത്തി​ൽ ത​ല​യോ​ട്ടി ഡി​ജി​റ്റ​ൽ രൂ​പ​ത്തി​ൽ പു​ന​രാ​വി​ഷ്ക​രി​ക്കു​ക​യാ​യി​രു​ന്നു ഗ​വേ​ഷ​ക​ർ.ര​ണ്ടു സെ​റ്റ് ചി​ത്ര​ങ്ങ​ളാ​ണ് അ​വ​ർ വി​ക​സി​പ്പി​ച്ച​ത്. ഇ​രു​ണ്ട നി​റ​ത്തി​ൽ മു​ടി​യൊ​ന്നു​മി​ല്ലാ​ത്ത​തും ക​ണ്ണ​ട​ച്ചി​രി​ക്കു​ന്ന​തു​മാ​യ ഒ​രെ​ണ്ണം; അ​തി​നു​ശേ​ഷം, ക​ണ്ണ് തു​റ​ന്നി​രി​ക്കു​ന്ന​തും വ​സ്​​ത്രം ധ​രി​ച്ച​തു​മാ​യ ക​ള​ർ ചി​ത്രം. ഇ​ത് ര​ണ്ടും സം​യോ​ജി​പ്പി​ച്ചാ​ണ് ​​ത്രി​മാ​ന ചി​ത്രം വി​ക​സി​പ്പി​ച്ച​ത്. നി​ല​വി​ലു​ള്ള പെ​യി​ന്റി​ങ്ങി​ൽ​നി​ന്ന് ഏ​റെ വ്യ​ത്യാ​സ​മു​ണ്ട് ഈ ​ചി​ത്ര​ത്തി​ന്.