ഹിമാലയത്തിന് അടരുവാൻ വയ്യ!

ആ​കാ​ശം മു​ട്ടെ നി​ൽ​ക്കു​ന്ന ഗി​രി​ശൃം​ഗ​ങ്ങ​ളോ​ട് ഉ​യ​ര​ത്തി​ലെ​ത്താ​ൻ മ​ത്സ​രി​ക്കു​ന്ന പൈ​ൻ​മ​ര​ങ്ങ​ൾ ഹി​മാ​ല​യ​ത്തി​ന്റെ മ​ണ്ണ് അ​ട​ർ​ന്നു വീ​ഴാ​തെ അ​മ​ർ​ത്തിപ്പി​ടി​ച്ചി​രി​ക്കു​ക​യാ​ണ്. എ​ന്നാ​ൽ അ​വ​യു​ടെ അ​ടി​വേ​ര​റു​ത്തും പാ​റ ത​ക​ർ​ക്കാ​നു​ള്ള വി​സ്ഫോ​ട​ന​ങ്ങ​ൾ ന​ട​ത്തി​യും ക​ണ്ണും മൂ​ക്കു​മി​ല്ലാ​തെ ന​ട​ത്തു​ന്ന വി​ക​സ​ന​ത്തി​നി​ട​യി​ൽ ഗി​രി​ശൃം​ഗ​ങ്ങ​ളൊ​ന്നാ​കെ ഇ​ടി​ഞ്ഞു​വീ​ണു​ കൊ​ണ്ടി​രി​ക്കു​ന്നു

ഹ​രി​ദ്വാ​റി​ൽനി​ന്ന് ഉ​ത്ത​ർ​പ്ര​ദേ​ശ് ട്രാ​ൻ​സ്​​പോ​ർ​ട്ട് കോ​ർ​പ​റേ​ഷ​ന്റെ ബ​സി​ൽ ഒ​രു മ​ണി​ക്കൂ​ർ കൊ​ണ്ടാ​ണ് ഋ​ഷി​കേ​ശി​ലെ​ത്തി​യ​ത്. അ​വി​ടെ​നി​ന്ന് ഉ​ത്ത​രകാ​ശി​യി​ലേ​ക്ക് ആ​ശ്ര​യി​ക്കാ​വു​ന്ന പൊ​തു​ഗ​താ​ഗ​തം പ്ര​ധാ​ന​മാ​യും തെ​ഹ്‍രി ഗ​ഡ്‍വാ​ൾ ട്രാ​ൻ​സ്​​പോ​ർ​ട്ട് കോ​ർ​പ​റേ​ഷ​ൻ ന​ട​ത്തു​ന്ന ബ​സ് സ​ർ​വിസാ​യ ‘വി​ശ്വ​നാ​ഥ് സേ​വ’​യാ​ണ്. ഹി​മാ​ല​യ നി​ര​ക​ളി​ലെ ചു​ര​ങ്ങ​ളി​ലൂ​ടെ ത​ദ്ദേ​ശീ​യ​രു​ടെ സ​ഞ്ചാ​ര​ത്തി​ന് ഒ​രു​ക്കി​യ മി​നി​ബ​സു​ക​ൾ. ത​ദ്ദേ​ശീ​യ​രെ കൂ​ടാ​തെ ഉ​ത്ത​ര​കാ​ശി​യി​ലേ​ക്കും ഗം​ഗോ​ത്രി​യി​ലേ​ക്കും യ​മു​നോ​ത്രി​യി​ലേ​ക്കും സ്വ​ന്തം നി​ല​ക്ക് വാ​ഹ​നം വി​ളി​ച്ച് പോ​കാ​ത്ത സാ​ധാ​ര​ണ​ തീ​ർ​ഥാ​ട​ക​രു​ടെ ആ​ശ്ര​യ​വും ‘വി​ശ്വ​നാ​ഥ് സേ​വ’​യാ​ണ്. ഇ​ത​ല്ലെ​ങ്കി​ൽ പി​ന്നെ ഷെയർ ടാ​ക്സി​യാ​ണ് ശ​ര​ണം. ഗം​ഗോ​ത്രി-​യ​മു​നോ​ത്രി-​കാ​ശീ​നാ​ഥ്-​ബ​ദ്രീ​നാ​ഥ് (ചാ​ർ ധാം) ​യാ​ത്ര​യു​ടെ സ​മ​യ​മ​ല്ലാ​തി​രു​ന്നി​ട്ടും തീ​ർ​ഥാ​ട​ക​ർ​ക്ക് കു​റ​വൊ​ന്നു​മി​ല്ല. ഉ​ടു​ക്കുകൊ​ട്ടി ശം​ഖു​മു​ഴ​ക്കി ഗം​ഗോ​ത്രി​യി​ലേ​ക്കും യ​മു​നോ​ത്രി​യി​ലേ​ക്കും ഇ​ട​ത​ട​വി​ല്ലാ​തെ പോ​യ്​​ക്കൊ​ണ്ടി​രി​ക്കു​ന്ന തീ​ർ​ഥാ​ട​ക​ർ. അ​കം നി​റ​ഞ്ഞു​ക​വി​ഞ്ഞ വാ​ഹ​ന​ങ്ങ​ളു​ടെ മു​ക​ളി​ലേ​റി​യാ​ണ് സ്ത്രീ​ക​ള​ട​ക്ക​മു​ള്ള യാ​ത്രി​ക​രു​ടെ, ദു​ർ​ഘ​ട​മാ​യ മ​ല​മ്പാ​ത​യി​ലൂ​ടെ​യു​ള്ള യാ​ത്ര.

അ​ട​ർ​ന്നുവീ​ഴു​ന്ന ഗി​രിശൃം​ഗ​ങ്ങ​ൾ

ആ​കാ​ശംമു​ട്ടെ നി​ൽ​ക്കു​ന്ന ഗി​രി​ശൃം​ഗ​ങ്ങ​ളോ​ട് ഉ​യ​ര​ത്തി​ലെ​ത്താ​ൻ മ​ത്സ​രി​ക്കു​ന്ന മ​നോ​ഹ​ര​മാ​യ പൈ​ൻ​മ​ര​ങ്ങ​ൾ ഹി​മാ​ല​യ​ത്തി​ന്റെ മ​ണ്ണ് അ​ട​ർ​ന്നുവീ​ഴാ​തെ അ​മ​ർ​ത്തിപ്പി​ടി​ച്ചി​രി​ക്കു​ക​യാ​ണ്. എ​ന്നാ​ൽ, അ​വ​യു​ടെ അ​ടി​വേ​ര​റു​ത്തും പാ​റ ത​ക​ർ​ക്കാ​നു​ള്ള വി​സ്ഫോ​ട​ന​ങ്ങ​ൾ ന​ട​ത്തി​യും ക​ണ്ണും മൂ​ക്കു​മി​ല്ലാ​തെ ന​ട​ത്തു​ന്ന വി​ക​സ​ന​ത്തി​നി​ട​യി​ൽ ഗി​രി​ശൃം​ഗ​ങ്ങ​ളൊ​ന്നാ​കെ ഇ​ടി​ഞ്ഞു​വീ​ണു​കൊ​ണ്ടി​രി​ക്കു​ന്നു. ഋ​ഷി​കേ​ശ് മു​ത​ൽ ഉ​ത്ത​ര​കാ​ശി വ​രെ​യു​ള്ള പ​ല ഭാ​ഗ​ങ്ങ​ളി​ലും മ​ല​യി​ടി​ഞ്ഞുവീ​ണ് പാ​ത​ക​ൾ ദു​ർ​ഘ​ട​മാ​യ​തി​നാ​ൽ ‘വി​ശ്വ​നാ​ഥ് സേ​വ’ ആ​ശ്ര​യി​ച്ച് മ​ല​ഞ്ചെ​രി​വി​ലൂ​ടെ​യു​ള്ള യാ​ത്ര​യി​ൽ വീ​ർ​പ്പ​ട​ക്കി​പ്പി​ടി​ച്ചി​രി​ക്കേ​ണ്ടിവ​രും. അ​ടു​ത്തൊ​ന്നും മ​ഴ പെ​യ്യാ​തി​രു​ന്നി​ട്ടും ഹി​മാ​ല​യ നി​ര​ക​ളി​ലെ ക​ല്ലും മ​ണ്ണും പാ​റ​ക​ളും റോ​ഡി​ലേ​ക്ക് അ​ട​ർ​ന്നു​വീ​ണു​കൊ​ണ്ടേ​യി​രി​ക്കു​ന്നു. മ​ല​യൊ​ന്നാ​കെ ഇ​ള​കി അ​ട​ർ​ന്നുനി​ൽ​ക്കു​ന്ന ഭാ​ഗ​ങ്ങ​ളി​ൽ ക​മ്പി​ക​ൾ ആ​ഴ​ത്തി​ൽ അ​ടി​ച്ചുക​യ​റ്റി അ​വ​ക്കുമേ​ൽ നേ​ർ​ത്ത ഇ​രു​മ്പു​വ​ല​യി​ട്ട് അ​തി​​ന്മേ​ൽ കോ​ൺ​​ക്രീ​റ്റും സി​മെ​ന്റും വെ​ച്ചു​പി​ടി​പ്പി​ക്കാ​ൻ നോ​ക്കു​ന്നു​ണ്ട്. എ​ന്നാ​ൽ, പ​ല​യി​ട​ങ്ങ​ളി​ലും ഈ ​കോ​​ൺ​ക്രീ​റ്റ് പു​ത​പ്പി​നും ത​ടു​ത്തു​നി​ർ​ത്താ​ൻ ക​ഴി​യാ​ത്ത ത​ര​ത്തി​ൽ മ​ല​ അ​ട​ർ​ന്നുവ​രു​ന്ന​തും പി​ള​ർ​ന്ന് നി​ൽ​ക്കു​ന്ന​തും കാ​ണാം. ദേ​ശീ​യപാ​ത വീ​തികൂ​ട്ടാ​നാ​യി താ​ഴ്ഭാ​ഗം ഇ​ടി​ച്ചി​ട​ത്തെ​ല്ലാം മ​ല​യു​ടെ മു​ക​ളി​ൽ നി​ന്നു​ള്ള ഭാ​ഗ​ങ്ങ​ൾ അ​ട​ർ​ന്നു​വീ​ണു​കി​ട​ക്കു​ന്ന​തുകാ​ണാം.

അ​ട​രു​ന്ന മ​ല​നി​ര​ക​ൾ​ക്ക് കോ​ൺ​ക്രീ​റ്റ് പു​ത​പ്പു​ക​ൾ

ഒ​രു മ​​ഴ​യെ​ങ്ങാ​നും പെ​യ്താ​ൽ കേ​ര​ള​ത്തി​ലെ ഉ​രു​ൾ​പൊ​ട്ട​ൽ ക​ണ​ക്കെ ഇ​ള​കി​യ ഭാ​ഗ​ങ്ങ​ളൊ​ന്നാ​കെ​യു​തി​ർ​ന്ന് കു​ത്തി​യൊ​ലി​ച്ചുവ​ന്ന് റോ​ഡും കൊ​ണ്ട് പോ​കു​ന്ന നി​ല​യി​ൽ ഭീ​തി​ദ​മാ​ണ​വ​സ്ഥ. അ​ട​ർ​ന്നു​വീ​ണു​കൊ​ണ്ടി​രി​ക്കു​ന്ന ഒ​രു മ​ല​നി​ര ഒ​ന്നാ​കെ കോ​ൺ​ക്രീ​റ്റ് വി​രി​പ്പി​ട്ട് പൊ​തി​യു​ന്ന പ്ര​വൃ​ത്തി ഋ​ഷി​കേ​ശി​ൽ നി​ന്നും ഉ​ത്ത​ര​കാ​ശി​യി​ലേ​ക്കു​ള്ള വ​ഴി​മ​ധ്യേ ഛംബ ​പി​ന്നി​ട്ട ശേ​ഷം ക​ണ്ടു. ദേ​ശീ​യ​പാ​ത​യു​ടെ വീ​തികൂ​ട്ടാ​ൻ മ​ല​യു​ടെ താ​ഴ്വാ​രം ഇ​ടി​ച്ചി​ട്ട​പ്പോ​ൾ മ​ല​യൊ​ന്നാ​കെ നി​ര​ങ്ങി​യി​റ​ങ്ങു​ന്ന​ത് ത​ട​യാ​നു​ള്ള ശ്ര​മ​മാ​ണ്. മണ്ണുമാന്തി യന്ത്ര​മു​പ​യോ​ഗി​ച്ച് മ​ല​മു​ക​ളി​ലേ​ക്ക് വ​ഴി​വെ​ട്ടി മു​ക​ളി​ൽനി​ന്നും മ​ല​യി​ടി​ച്ചു​നി​ര​ത്തി താ​ഴേ​ക്കി​ട്ടു​കൊ​ണ്ടാ​ണി​ത് ചെ​യ്യു​ന്ന​ത്. മ​ല​മു​ക​ളി​ൽനി​ന്ന് ത​ള്ളു​ന്ന​തി​ന​നു​സ​രി​ച്ച് മ​ല​യു​ടെ ഭാ​ഗ​മാ​യു​ള്ള മ​ണ്ണും ക​ല്ലും പാ​റ​യു​​മെ​ല്ലാം നി​ര​ങ്ങി ഗ​താ​ഗ​തം ത​ട​യാ​ത്ത റോ​ഡി​ലേ​ക്ക് വ​രു​ന്നു. അ​വി​ടെ നി​ര​ത്തി​യി​ട്ടി​രി​ക്കു​ന്ന മ​ണ്ണു​മാ​ന്തി​ക​ളു​പ​യോ​ഗി​ച്ച് വ​ഴിത​ട​സ്സമൊ​ഴി​വാ​ക്കു​ക​യും എ​ടു​ത്തു​മാ​റ്റു​ക​യും ചെ​യ്തുകൊ​ണ്ടി​രി​ക്കു​ന്നു. ഒ​ട്ടി​പ്പി​ടി​ക്കാ​ൻ മ​ണ്ണി​ന് പ​ശി​മ​യി​ല്ലാ​ത്ത അ​ട​ർ​ന്നു​വീ​ഴാ​ൻ വെ​മ്പിനി​ൽ​ക്കു​ന്ന മ​ണ്ണു​ള്ള ഇ​തുപോ​ലൊ​രു മ​ല​ക്കു​ള്ളി​ലൂ​ടെ​യാ​ണ് ബ​ദ്രീ​നാ​ഥി​ലേ​ക്കും കേ​ദാ​ർ​നാ​ഥി​ലേ​ക്കും പോ​കു​ന്ന തീ​ർ​ഥാ​ട​ക​രെ ഗ​ഗോ​ത്രി​യു​മാ​യും യ​മു​നോ​ത്രി​യു​മാ​യും ബ​ന്ധി​പ്പി​ക്കു​ന്ന ‘ചാ​ർ ധാം’ ​പ​ദ്ധ​തി​ക്കാ​യി സി​ൽ​ക്യാ​ര മു​ത​ൽ ബാ​ർ​കോ​ട്ട് വ​രെ കി​ലോ​മീ​റ്റ​ർ നീ​ള​ത്തി​ലൊ​രു തു​ര​ങ്ക​മു​ണ്ടാ​ക്കാ​ൻ കേ​ന്ദ്ര സ​ർ​ക്കാ​ർ തീ​രു​മാ​നി​ച്ച​ത്. നി​ര​ന്ത​രം ഇ​ടി​ഞ്ഞു​വീ​ണു​കൊ​ണ്ടി​രു​ന്ന് ലോ​ക​ത്തെത​ന്നെ ഏ​റ്റ​വും വെ​ല്ലു​വി​ളി നി​റ​ഞ്ഞ തു​ര​ങ്ക നി​ർ​മാ​ണ​മാ​യി സി​ൽ​ക്യാ​ര മാ​റി​യ​ത് അ​തുകൊ​ണ്ടാ​ണ്. അ​വ​സാ​ന​മി​ടി​ഞ്ഞു​വീ​ണ് 41 തൊ​ഴി​ലാ​ളി​ക​ൾ തു​ര​ങ്ക​ത്തി​ന​ക​ത്ത് കു​ടു​ങ്ങി​യ​പ്പോ​ൾ മാ​ത്ര​മാ​ണ് പു​റം​ലോ​ക​മ​റി​ഞ്ഞ​തെ​ന്ന് മാ​ത്രം.

കേ​ര​ള​വും ഉ​ത്ത​ര​ാഖ​ണ്ഡും

ഉ​ത്ത​ര​കാ​ശി​യി​ലേ​ക്കു​ള്ള ബ​സി​ൽ രാ​ത്രി ധ​രാ​ശു​വി​ൽ വ​ന്നി​റ​ങ്ങു​മ്പോ​ൾ അ​പ​ക​ടം ന​ട​ന്ന സി​ൽ​ക്യാ​ര​യി​ലെ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ശൈ​ലേ​ന്ദ്ര സി​ങ് കൊ​ഹ്‍ലി തു​ര​ങ്കം സ​ന്ദ​ർ​ശി​ക്കാ​നി​രി​ക്കു​ന്ന ഉ​ത്ത​രാ​ഖ​ണ്ഡ് മു​ഖ്യ​മ​ന്ത്രി പു​ഷ്‍ക​ർ സി​ങ് ധാ​മി​യെ കാ​ത്തുനി​ൽ​പാ​ണ്. തു​ര​ങ്ക​ത്തി​ലേ​ക്കു​ള്ള വ​ഴി​യ​ന്വേ​ഷി​ച്ച​പ്പോ​ൾ താ​നും അ​ങ്ങോ​ട്ടാ​ണെ​ന്നും കൊ​ണ്ടു​വി​ടാ​മെ​ന്നും പ​റ​ഞ്ഞ് കൊ​ഹ്‍ലി സ്വ​ന്തം വാ​ഹ​ന​ത്തി​ൽ ക​യ​റ്റി. കേ​വ​ലം 60 മീ​റ്റ​റി​ന​പ്പു​റ​ത്ത് കു​ടു​ങ്ങി​യ 41 മ​നു​ഷ്യ​രെ ഇ​ത്ര നാ​ളാ​യി​ട്ടും പു​റ​ത്തെ​ടു​ക്കാ​ൻ ക​ഴി​യാ​ത്ത​ത് എ​ന്തു​കൊ​ണ്ടെ​ന്ന് ചോ​ദി​ച്ച​പ്പോ​ൾ ഇ​താ​ണ് കേ​ര​ള​വും ഉ​ത്ത​ര​ാഖ​ണ്ഡും ത​മ്മി​ലു​ള്ള ​വ്യ​ത്യാ​സ​മെ​ന്നാ​യി​രു​ന്നു കൊ​ഹ്‍ലി​യു​ടെ ആ​ദ്യ മ​റു​പ​ടി. ക​ഴി​ഞ്ഞ മാ​സ​വും കേ​ര​ള​ത്തി​ൽ വ​ന്നുപോ​യ ബി.​ജെ.​പി നേ​താ​വാ​യ കൊ​ഹ്‍ലി തു​ട​ർ​ച്ച​യാ​യി ഒ​രു പാ​ർ​ട്ടി​ക്ക് ത​ന്നെ അ​ധി​കാ​രം ന​ൽ​കി​യാ​ൽ ഉ​ത്ത​രാ​ഖ​ണ്ഡി​ന്റെ ഗ​തി​യാ​യി​രി​ക്കു​മെ​ന്ന് ഓ​ർ​മി​പ്പി​ച്ചു. പ്ര​തി​പ​ക്ഷം ഒ​ട്ടു​മി​ല്ലാ​താ​യ ഉ​ത്ത​രാ​ഖ​ണ്ഡി​ൽ സ​ർ​ക്കാ​റി​ന് ആ​രെ​യും പേ​ടി​ക്കാ​നി​ല്ലാ​ത്ത സ്ഥി​തി​യാ​ണ്. സി​ൽ​ക്യാ​ര തു​ര​ങ്ക​ത്തി​ൽ ദു​ര​ന്ത നി​വാ​ര​ണ​ത്തി​ന് സൗ​ക​ര്യ​ങ്ങ​ളൊ​രു​ക്കാ​ത്ത​തോ ര​ക്ഷാ​ദൗ​ത്യ​ത്തി​ന്റെ വേ​ഗ​ത കു​റ​ഞ്ഞ​തോ ചോ​ദ്യം ചെ​യ്യാ​ൻ ഒ​രു നേ​താ​വ് പോ​ലു​മി​ല്ലെ​ന്ന് കൊ​ഹ്‍ലി ചൂ​ണ്ടി​ക്കാ​ട്ടി.

കേ​വ​ലം 60 മീ​റ്റ​ർ അ​പ്പു​റ​ത്ത് ക​ഴി​യു​ന്ന 41 തൊ​ഴി​ലാ​ളി​ക​ൾ​ക്കാ​യി ശു​ഷ്‍കാ​ന്തി​യോ​ടെ​യു​ള്ള പ​രി​ശ്ര​മം തു​ട​ങ്ങു​ന്ന​തുപോ​ലും ഒ​രാ​ഴ്ച ക​ഴി​ഞ്ഞാ​ണ്. അ​തി​നാ​ക​ട്ടെ ഉ​ള്ളി​ൽ കു​ടു​ങ്ങി​യ​വ​ർ​ക്കൊ​പ്പം തു​ര​ങ്കം പ​ണി​തു​കൊ​ണ്ടി​രു​ന്ന തൊ​ഴി​ലാ​ളി​ക​ൾ പ്ര​തി​ഷേ​ധ​ത്തി​നി​റ​ങ്ങേ​ണ്ടി വ​ന്നു. 60 മീ​റ്റ​ർ നീ​ള​ത്തി​ൽ തു​ര​ങ്ക​മി​ടി​ഞ്ഞു​വീ​ണ​പ്പോ​ൾ മ​റ്റു ഭാ​ഗ​ങ്ങ​ളി​ലു​ണ്ടാ​യ വി​ള്ള​ലു​ക​ൾ സി​മെ​ന്റ് പൂ​ശി​യ​ട​ച്ച് തു​ര​ങ്ക​മു​ഖം മ​നോ​ഹ​ര​മാ​ക്കാ​നാ​യി​രു​ന്നു നി​ർ​മാ​ണ ക​രാ​ർ ഏ​റ്റെ​ടു​ത്ത ന​വ​യു​ഗ ക​മ്പ​നി​യു​ടെ തി​ടു​ക്കം. അ​തി​നു​ള്ള ആ​വേ​ശ​മോ സം​വി​ധാ​ന​മോ തൊ​ഴി​ലാ​ളി​ക​ളെ ര​ക്ഷി​ക്കാ​നു​ണ്ടാ​യി​ല്ല.

നി​യ​മ​വും ച​ട്ട​വും നി​യ​​​​ന്ത്ര​ണ​വു​മി​ല്ല

ഇ​ടി​ഞ്ഞു​വീ​ണ് 41 മ​നു​ഷ്യ​ർ ഉ​ള്ളി​ല​ക​പ്പെ​ട്ട​ത് ലോ​ക​മ​റി​യു​ന്ന​തുവ​രെ കേ​ന്ദ്ര സ​ർ​ക്കാ​റും ഗ​താ​ഗ​ത മ​ന്ത്രാ​ല​യ​വും ദേ​ശീ​യപാ​ത ​അ​തോ​റി​റ്റി​യും അ​ഭി​മാ​ന​പൂ​ർ​വം അ​വ​ത​രി​പ്പി​ച്ചി​രു​ന്ന പ​ദ്ധ​തി​യാ​യി​രു​ന്നു നാ​ല​ര കി​ലോ​മീ​റ്റ​റി​ലേ​റെ ദൈ​ർ​ഘ്യ​മു​ള്ള സി​ൽ​ക്യാ​ര ബെ​ൻ​ഡ് - ബാ​ർ​കോ​ട്ട് തു​ര​ങ്കം അ​ട​ങ്ങു​ന്ന 880 കി​ലോ​മീ​റ്റ​ർ ദൈ​ർ​ഘ്യ​മു​ള്ള ചാ​ർ​ധാം പ​ദ്ധ​തി. ഹി​മാ​ല​യ നി​ര​ക​ളു​ടെ മ​ണ്ണി​ന്റെ സ​വി​ശേ​ഷ​ത, ഭൗ​മോ​പ​രി​ത​ലം, പ്ര​വ​ച​നാ​തീ​ത​മാ​യ കാ​ലാ​വ​സ്ഥ, വ​ന്യ​ജീ​വി​ക​ളു​ടെ​യും മ​റ്റു ജീ​വ​ജാ​ല​ങ്ങ​ളു​ടെ​യും അ​തി​ജീ​വ​നം എ​ന്നി​വ​യൊ​ന്നും പ​ഠി​ക്കാ​തെ​യും പ​രി​ഗ​ണി​ക്കാ​തെ​യു​മാ​ണ് ‘ചാ​ർ ധാം’ ​പ​ദ്ധ​തി​യു​മാ​യി മു​ന്നോ​ട്ടു​പോ​കു​ന്ന​ത്. വ​രും വ​രാ​യ്ക​ക​ൾ നോ​ക്കാ​തെ പ​ദ്ധ​തി​യു​മാ​യി മു​ന്നോ​ട്ടു​​പോ​കാ​ൻ വ​ള​രെ ത​ന്ത്ര​പ​ര​മാ​യി പ​രി​സ്ഥി​തി ആ​ഘാ​ത പ​ഠ​നം പോ​ലും വേ​ണ്ടെ​ന്നുവെ​ച്ചു. അ​തി​നാ​യി കേ​ന്ദ്ര ഗ​താ​ഗ​ത മ​ന്ത്രാ​ല​യം 880 കി​ലോ​മീ​റ്റ​ർ ദൈ​ർ​ഘ്യ​മു​ള്ള ‘ചാ​ർ ധാം’ ​പ​ദ്ധ​തി​യെ നി​ര​വ​ധി ക​ഷണങ്ങ​ളാ​ക്കി മു​റി​ച്ച് ദൈ​ർ​ഘ്യം കു​റ​ഞ്ഞ ചെ​റു​പ​ദ്ധ​തി​ക​ളാ​ക്കി മാ​റ്റി. അ​തോ​ടെ പ​രി​സ്ഥി​തി നി​യ​മ​ങ്ങ​ളും ച​ട്ട​ങ്ങ​ളും നി​യ​ന്ത്ര​ണ​ങ്ങ​ളൊ​ന്നു​മി​ല്ലാ​ത്ത പ​ദ്ധ​തി​യാ​യി ‘ചാ​ർ ധാം’ ​മാ​റി.

ദേ​ശസു​ര​ക്ഷ ഉ​ന്ന​യി​ച്ചാ​ൽ പ​രി​സ്ഥി​തി​ക്കും ര​ക്ഷ​യി​ല്ല

2018ൽ ​പ​ദ്ധ​തി ആ​രം​ഭി​ക്കും മു​​മ്പെ ഇ​ക്കാ​ര്യം ചൂ​ണ്ടി​ക്കാ​ട്ടി ‘സി​റ്റി​സ​ൺ​സ് ഓ​ഫ് ഗ്രീ​ൻ ഡൂ​ൺ’ എ​ന്ന പ​രി​സ്ഥി​തി സം​ഘ​ട​ന ദേ​ശീ​യ ഹ​രി​ത ട്രൈ​ബ്യൂ​ണ​ലി​നെ സ​മീ​പി​ച്ചി​രു​ന്നു. പ​രി​സ്ഥി​തി​ക്ക് പ​ദ്ധ​തി​യു​ണ്ടാ​ക്കു​ന്ന ആ​ഘാ​തം പ​ഠി​ക്കാ​തെ ഒ​രി​ക്ക​ലും ഇ​ത് ന​ട​പ്പി​ലാ​ക്ക​രു​തെ​ന്ന് അ​വ​ർ ഹ​രി​ത ട്രൈ​ബ്യൂ​ണ​ൽ മു​മ്പാ​കെ വാ​ദി​ച്ചു. ഇ​തി​നെ എ​തി​ർ​ത്ത കേ​ന്ദ്ര സ​ർ​ക്കാ​ർ 2006ലെ ​പ​രി​സ്ഥി​തി ആ​ഘാ​ത പ​ഠ​ന വി​ജ​്ഞാ​പ​നം അ​നു​സ​രി​ച്ച് 100 കി​ലോ​മീ​റ്റ​റി​ലേ​റെ ദൈ​ർ​ഘ്യ​മു​ള്ള പു​തി​യ ദേ​ശീ​യ​പാ​ത​ക​ൾ​ക്കും ദേ​ശീ​യപാ​ത വി​ക​സ​ന​ത്തി​നും മാ​ത്ര​മേ പ​രി​സ്ഥി​തി ആ​ഘാ​ത പ​ഠ​നം ആ​വ​ശ്യ​മു​ള്ളൂ എ​ന്ന് ഹ​രി​ത ട്രൈ​ബ്യൂ​ണ​ലി​ൽ സ​ത്യ​വാ​ങ്മൂ​ലം സ​മ​ർ​പ്പി​ച്ചു.

16 ബൈ​പാ​സു​ക​ളു​ള്ള ‘ചാ​ർ ധാം’ ​നി​ര​വ​ധി ക​ഷണ​ങ്ങ​ളാ​ക്കി മു​റി​ച്ച് ന​ട​പ്പാ​ക്കു​ന്ന പ​ദ്ധ​തി ആ​യ​തി​നാ​ൽ പ​രി​സ്ഥി​തി ആ​ഘാ​ത പ​ഠ​നം വേ​ണ്ട എ​ന്ന വാ​ദം ട്രൈ​ബ്യൂ​ണ​ൽ അം​ഗീ​ക​രി​ച്ചു. ട്രൈ​ബ്യൂ​ണ​ൽ വി​ധി​ക്കെ​തി​രെ ‘സി​റ്റി​സ​ൺ​സ് ഓ​ഫ് ഗ്രീ​ൻ ഡൂ​ൺ’ 2019-ൽ ​സു​പ്രീം​കോ​ട​തി​യെ സ​മീ​പി​ച്ചു​വെ​ങ്കി​ലും നി​രാ​ശ​യാ​യി​രു​ന്നു ഫ​ലം. വി​ഷ​യം പ​ഠി​ക്കാ​ൻ സു​പ്രീം​കോ​ട​തി നി​യോ​ഗി​ച്ച സ​മി​തി വി​ഷ​യ​ത്തി​ൽ ഭി​ന്നി​ച്ച് സ​മ​ർ​പ്പി​ച്ച റി​പ്പോ​ർ​ട്ടി​ൽ ഭൂ​രി​പ​ക്ഷം പേ​രും മേ​ഖ​ല​യു​ടെ ത​​ന്ത്ര​പ​ര​മാ​യ പ്രാ​ധാ​ന്യം പ​രി​ഗ​ണി​ച്ച് അ​നു​മ​തി ന​ൽ​ക​ണ​മെ​ന്ന് ശി​പാ​ർ​ശ ചെ​യ്തു. ക​ഴി​ഞ്ഞ വ​ർ​ഷം ഡി​സം​ബ​ർ 14ന് ​പു​റ​പ്പെ​ടു​വി​ച്ച പ​രി​സ്ഥി​തി ആ​ഘാ​ത പ​ഠ​നം ന​ട​ത്താ​തെ വി​ധി​യി​ൽ ‘ചാ​ർ ധാം’ ​പ​ദ്ധ​തി​ക്കാ​യി 10 മീ​റ്റ​ർ വീ​തി​യി​ൽ ദേ​ശീ​യ പാ​ത നി​ർ​മി​ക്കാ​ൻ അ​നു​മ​തി ന​ൽ​കി.

ഈ​യ​ടു​ത്ത കാ​ല​ത്താ​യി ദേ​ശ​സു​ര​ക്ഷ​ക്ക് ക​ടു​ത്ത ​വെ​ല്ലു​വി​ളി​ക​ളു​ണ്ട് എ​ന്നും സൈ​നി​ക​ർ​ക്കു​ള്ള പ​ശ്ചാ​ത്ത​ല സൗ​ക​ര്യ​മൊ​രു​ക്കാ​ൻ ഇ​ന്ത്യാ -ചൈ​ന അ​തി​ർ​ത്തി മേ​ഖ​ല​ക​ളി​ൽ ത​​ന്ത്ര​പ്രാ​ധാ​ന്യ​മു​ള്ള വീ​തി​യേ​റി​യ റോ​ഡു​ക​ൾ ആ​വ​ശ്യ​മാ​ണെ​ന്നും ചൂ​ണ്ടി​ക്കാ​ട്ടി​യാ​യി​രു​ന്നു സു​പ്രീം​കോ​ട​തി വി​ധി. ദേ​ശസു​ര​ക്ഷ ഉ​യ​ർ​ത്തി​ക്കാ​ണി​ച്ചാ​ൽ പി​ന്നെ പൗ​രാ​വ​കാ​ശ നി​യ​മ​ങ്ങ​ൾ മാ​ത്ര​മ​ല്ല, പ​രി​സ്ഥി​തി സം​ര​ക്ഷ​ണ നി​യ​മ​ങ്ങ​ളും ബാ​ധ​ക​മ​ല്ല എ​ന്ന് ‘ചാ​ർ ധാം’ ​പ​ദ്ധ​തി തെ​ളി​യി​ച്ചു.

ദു​ര​ന്ത നി​വാ​ര​ണ പ​ദ്ധ​തി​യും ര​ക്ഷ​പ്പെ​ടാ​നു​ള്ള വ​ഴി​യു​മി​ല്ല

പ​രി​സ്ഥി​തി ആ​ഘാ​ത പ​ഠ​നം ന​ട​ത്തി​യി​രു​ന്നു​വെ​ങ്കി​ൽ തു​ര​ങ്ക നി​ർ​മാ​ണം ന​ട​ത്താ​ൻ സി​ൽ​ക്യാ​ര - ബാ​ർ​കോ​ട്ട് മേ​ഖ​ല സു​ര​ക്ഷി​ത​മാ​ണോ എ​ന്ന് തീ​രു​മാ​നി​ക്കാ​ൻ സ​ഹാ​യ​ക​മാ​കു​മാ​യി​രു​ന്നു​വെ​ന്നും പ​രി​സ്ഥി​തി ആ​ഘാ​ത പ​ഠ​ന റി​പ്പോ​ർ​ട്ടി​ന് അ​നു​സൃ​ത​മാ​യി ഒ​രു ദു​ര​ന്ത നി​വാ​ര​ണ പ​ദ്ധ​തി കൂ​ടി ഉ​ണ്ടാ​ക്കു​മാ​യി​രു​ന്നു​വെ​ന്നും ‘ചാ​ർ ധാം’ ​പ​ദ്ധ​തി​ക്ക് പ​രി​സ്ഥി​തി ആ​ഘാ​ത പ​ഠ​നം ആ​വ​ശ്യ​മാ​ണോ എ​ന്ന് പ​രി​ശോ​ധി​ക്കാ​ൻ സു​പ്രീം​കോ​ട​തി നി​യോ​ഗി​ച്ച സ​മി​തി​യു​ടെ അ​ധ്യ​ക്ഷ​ൻ ര​വി ചോ​പ്ര ഓ​ർ​മി​പ്പി​ച്ചു. പ​രി​സ്ഥി​തി ആ​ഘാ​ത പ​ഠ​നം ആ​വ​ശ്യ​മി​ല്ലാ​തെ വ​ന്ന​​തോ​ടെ ദു​ര​ന്ത നി​വാ​ര​ണ പ​ദ്ധ​തി​യും വേ​ണ്ടെ​ന്നാ​യെ​ന്നും അ​ദ്ദേ​ഹം പ​റ​ഞ്ഞു. ഇ​ത്ര​യും വ​ലി​യൊ​രു പ​ദ്ധ​തി നി​ര​വ​ധി കഷണങ്ങ​ളാ​ക്കി മു​റി​ച്ച് പ​രി​സ്ഥി​തി ആ​ഘാ​ത പ​ഠ​നം ന​ട​ത്താ​തി​രു​ന്ന​തി​നെക്കുറി​ച്ച് ചോ​ദി​ച്ച​​പ്പോ​ൾ 41 തൊ​ഴി​ലാ​ളി​ക​ളെ ര​ക്ഷ​പ്പെ​ടു​ത്തി​യ ശേ​ഷം അ​ത്ത​രം കാ​ര്യ​ങ്ങ​ൾ പ​രി​ശോ​ധി​ക്കാ​മെ​ന്നുപ​റ​ഞ്ഞ് ഉ​ത്ത​ര​കാ​ശി ജി​ല്ല​യു​​ടെ ചു​മ​ത​ല​യു​ള്ള ഉ​ത്ത​രാ​ഖ​ണ്ഡ് മ​ന്ത്രി പ്രേംച​ന്ദ്ര അ​ഗ​ർ​വാ​ൾ ഒ​ഴി​ഞ്ഞു​മാ​റി.

പ​രി​സ്ഥി​തി ആ​ഘാ​ത പ​ഠ​ന​വും ദു​ര​ന്ത നി​വാ​ര​ണ പ​ദ്ധ​തി​യും മാ​ത്ര​മ​ല്ല, കേ​ന്ദ്ര സ​ർ​ക്കാ​ർ നി​ഷ്‍ക​ർ​ഷി​ച്ച വ്യ​വ​സ്ഥ​ക​ളെ​ല്ലാം നി​ർ​മാ​ണ ക​മ്പ​നി​യാ​യ ‘ന​വ​യു​ഗ’ മ​റി​ക​ട​ന്നു. ദേ​ശീ​യപാ​ത 134ൽ 4.531 ​കി​ലോ​മീ​റ്റ​ർ ദൈ​ർ​ഘ്യ​ത്തി​ൽ 1119.69 കോ​ടി രൂ​പ​യു​ടെ സി​ൽ​ക്യാ​ര ബെ​ൻ​ഡ് -ബാ​ർ​കോ​ട്ട് തു​ര​ങ്ക പ​ദ്ധ​തി​ക്കാ​യി കേ​ന്ദ്രമ​​ന്ത്രി​സ​ഭ​യു​ടെ സാ​മ്പ​ത്തി​ക കാ​ര്യ​ങ്ങ​ൾ​ക്കു​ള്ള സ​മി​തി അ​നു​മ​തി ന​ൽ​കി​യ​പ്പോ​ൾ മു​ന്നോ​ട്ടു​വെ​ച്ച പ്ര​ധാ​ന വ്യ​വ​സ്ഥ​യാ​യി​രു​ന്നു അ​പ​ക​ട​മു​ണ്ടാ​കു​​മ്പോ​ൾ ര​ക്ഷ​പ്പെ​ടാ​നു​ള്ള വ​ഴി. ര​ക്ഷ​പ്പെ​ടാ​നു​ള്ള ആ ​വ​ഴി​യൊ​രു​ക്കാ​തെ​യാ​യി​രു​ന്നു ഈ ​തു​ര​ങ്ക നി​ർ​മാ​ണ​മെ​ന്ന​റി​യു​ന്ന​ത് ഇ​ടി​ഞ്ഞുവീ​ണ് 41 തൊ​ഴി​ലാ​ളി​ക​​ൾ കു​ടു​ങ്ങി​യ​​പ്പോ​ഴാ​ണ്. സി​ൽ​ക്യാ​ര തു​ര​ങ്ക​ത്തി​ൽ അ​പ​ക​ട​ങ്ങ​ളി​ൽനി​ന്നും ര​ക്ഷ​പ്പെ​ടാ​നു​ള്ള വ​ഴി​യൊ​രു​ക്ക​ണ​മെ​ന്ന് കേ​ന്ദ്ര സ​ർ​ക്കാ​ർ നി​ർ​ദേ​ശി​ച്ചി​ട്ടും ക​രാ​ർ ഏ​റ്റെ​ടു​ത്ത ‘ന​വ​യു​ഗ’ ക​മ്പ​നി അ​ത് ന​ട​പ്പാ​ക്കാ​തി​രു​ന്ന​ത് എ​ന്തു​കൊ​ണ്ടാ​ണെ​ന്ന് ചോ​ദി​ച്ച​പ്പോ​ൾ, താ​ങ്ക​ൾ ചോ​ദി​ച്ച ചോ​ദ്യം ത​ങ്ങ​ളു​ടെ മ​ന​സ്സിലു​മു​ണ്ട് എ​ന്നാ​യി​രു​ന്നു ദേ​ശീ​യപാ​ത പ​ശ്ചാ​ത്ത​ല വി​ക​സ​ന കോ​ർ​പ​റേ​ഷ​ൻ ലി​മി​റ്റ​ഡ് ചെ​യ​ർ​മാ​ൻ മ​ഹ്മൂ​ദ് അ​ഹ​മ്മ​ദ് ന​ൽ​കി​യ മ​റു​പ​ടി. ഈ ​വി​ഷ​യം പ​രി​ശോ​ധി​ക്കു​മെ​ന്നും ഇ​പ്പോ​ൾ ത​ങ്ങ​ളു​​ടെ പ്ര​ഥ​മ പ​രി​ഗ​ണ​ന 41 സ​ഹ​പ്ര​വ​ർ​ത്ത​ക​രെ സു​ര​ക്ഷി​ത​മാ​യി പു​റ​ത്തെ​ത്തി​ക്കാ​നാ​ണെ​ന്നും, മ​ന്ത്രി പ​റ​ഞ്ഞ​തു പോ​ലെ അ​ദ്ദേ​ഹ​വും ആ​വ​ർ​ത്തി​ച്ചു.

ജോ​ഷി​മ​ഠും സി​ൽ​ക്യാ​ര​യും ന​ൽ​കു​ന്ന​ത് ഒ​രേ മു​ന്ന​റി​യി​പ്പ്

കു​ന്നും മ​ല​യു​മി​ടി​ഞ്ഞു​കൊ​ണ്ടേ​യി​രി​ക്കു​ന്ന അ​ങ്ങേ​യ​റ്റം പ​രി​സ്ഥി​തി​ലോ​ല​മാ​ണ് മേ​ഖ​ല എ​ന്നും ഹി​മാ​ല​യ​ത്തി​ന്റെ ഭൂ​പ്ര​കൃ​തം പ്ര​വ​ച​നാ​തീ​ത​മാ​ണെ​ന്നും ഇ​തി​ന​കം ആ​ശ​ങ്ക​യി​ലാ​ഴ്ത്തി​യ മേ​ഖ​ല​യെ വീ​തി​യേ​റി​യ ഇ​ര​ട്ട​പാ​ത​യി​ലൂ​ടെ കൂ​ടു​ത​ൽ അ​പ​ക​ട​ത്തി​ലാ​ക്കു​ക​യാ​ണ് ചെ​യ്യു​ന്ന​തെ​ന്നും ‘ഗം​ഗ ആ​ഹ്വാ​ൻ’ അം​ഗ​മാ​യ മ​ല്ലി​ക ഭാ​നോ​ട്ട് ചൂ​ണ്ടി​ക്കാ​ട്ടു​ന്നു. ഭൂ​മി​യും അ​തി​നുമേ​ൽ പ​ണി​ത കെ​ട്ടി​ട​ങ്ങ​ളും നെ​ടു​കെ പി​ള​ർ​ന്ന ജോ​ഷി​മ​ഠി​ലും നി​ർ​മാ​ണ​ത്തി​ലി​രി​ക്കു​ന്ന തു​ര​ങ്ക​ങ്ങ​ൾ​ക്ക് ന​ടു​വി​ലേ​ക്ക് മ​ല ഇ​ടി​ഞ്ഞു​താ​ഴ്ന്ന് 41 തൊ​ഴി​ലാ​ളി​ക​ളെ കു​രു​ക്കി​ലാ​ക്കി​യ സി​ൽ​ക്യാ​ര​യി​ലും അ​തീ​വ പ​രി​സ്ഥി​തി ലോ​ല​മാ​യ ഹി​മാ​ല​യം ന​ൽ​കു​ന്ന​ത് ഒ​രേ മു​ന്ന​റി​യി​പ്പാ​ണ്. ഒ​ന്നു തൊ​ട്ടാ​ൽ ഉ​തി​ർ​ന്നു വീ​ഴാ​ൻ പാ​ക​ത്തി​ൽ മ​ണ്ണും ക​ൽ​ചീ​ളു​ക​ളും ഒ​ട്ടി​പ്പി​ടി​ച്ച് നി​ൽ​ക്കു​ന്ന ഈ ​മ​ല​നി​ര​ക​ളി​ൽ ഇ​നി ക​ണ്ണു​മ​ട​ച്ചു​ള്ള നി​ർ​മാ​ണ​ങ്ങ​ൾ സാ​ധ്യ​മ​ല്ലെ​ന്ന മു​ന്ന​റി​യി​പ്പ്.

കാ​ണാ​ൻ മ​നോ​ഹ​ര​മാ​ണെ​ങ്കി​ലും ഉ​തി​ർ​ന്നു വീ​ഴാ​ൻ വെ​മ്പിനി​ൽ​ക്കു​ന്ന ഹി​മാ​ല​യ​ൻ മ​ലനി​ര​ക​ളി​​ലെ നി​ർ​മാ​ണ​ങ്ങ​ൾ എ​ന്തു​മാ​ത്രം സ​ങ്കീ​ർ​ണ​വും അ​പ​ക​ട​ക​ര​വു​മാ​ണെ​ന്ന് സി​ൽ​ക്യാ​ര ന​മ്മോ​ട് പ​റ​യു​ന്നു.