ഇ​രു​ട്ടി​ൽ കൈ​പി​ടി​ക്കു​ന്ന പു​സ്ത​കം

വാ​യ​ന​യു​ടെ രാ​ഷ്ട്രീ​യാ​നു​ഭ​വം സ​മ്മാ​നി​ക്കു​ന്ന പു​സ്ത​ക​മാ​ണ് നി​യ​മാ​ധ്യാ​പ​ക​നും നാ​ഷ​നൽ ട്രെ​യി​ന​റു​മാ​യ ഡോ. ​പി.​കെ. അ​നീ​സി​ന്റെ ഇ​രു​ട്ടി​ൽ കൈ​പി​ടി​ക്കു​ന്ന വെ​ളി​ച്ച​ങ്ങ​ൾ. ജീ​വി​ത​വി​ജ​യം, വ്യ​ക്തി​ത്വ​വി​കാ​സം തു​ട​ങ്ങി​യ വി​ഷ​യ​ങ്ങ​ളു​മാ​യി ബ​ന്ധ​പ്പെ​ട്ട എ​ഴു​ത്തു​ക​ളി​ലും പ്ര​സം​ഗ​ങ്ങ​ളി​ലും സാ​ധാ​ര​ണ കാ​ണാ​റു​ള്ള അ​രാ​ഷ്ട്രീ​യ ഉ​ള്ള​ട​ക്കം തൊ​ട്ടുതീ​ണ്ടി​യി​ട്ടി​ല്ല എ​ന്ന​താ​ണ് ഈ ​പു​സ്ത​ക​ത്തെ വ്യ​ത്യ​സ്ത​മാ​ക്കു​ന്ന​ത്.

സ്വ​ന്തം ജീ​വി​താ​നു​ഭ​വ​ങ്ങ​ൾ, വാ​യ​നാ​നു​ഭ​വ​ങ്ങ​ൾ, കേ​ട്ട​റി​വു​ക​ൾ, ച​രി​ത്ര​വ​സ്തു​ത​ക​ൾ തു​ട​ങ്ങി​യ​വ​യു​ടെ പി​ൻ​ബ​ല​ത്തി​ലാ​ണ് ഗ്ര​ന്ഥ​കാ​ര​ൻ ആ​ശ​യ​ങ്ങ​ളെ അ​വ​ത​രി​പ്പി​ക്കു​ന്ന​ത്.

മാ​ന​വി​ക​ത, ജ​നാ​ധി​പ​ത്യ​ബോ​ധം, മ​തേ​ത​ര​ത്വം തു​ട​ങ്ങി​യ രാ​ഷ്ട്രീ​യ​മൂ​ല്യ​ങ്ങ​ൾ​ക്കൊ​പ്പം സ​ത്യം, ക​രു​ണ, ത്യാ​ഗം, സ്നേ​ഹം, സ​ഹ​നം തു​ട​ങ്ങി​യ ശാ​ശ്വ​ത​മൂ​ല്യ​ങ്ങ​ളെ​യും ഉ​ൾ​വ​ഹി​ക്കു​ന്ന നാ​ൽ​പതോ​ളം അ​ധ്യാ​യ​ങ്ങ​ൾ ല​ളി​ത​മാ​യ ഭാ​ഷ​കൊ​ണ്ടും ആ​വി​ഷ്കാ​രം കൊ​ണ്ടും ശ്ര​ദ്ധേ​യ​മാ​ണ്. ചെ​റു​ക​ഥ​യോ​ട് ചേ​ർ​ന്നുനി​ൽ​ക്കു​ന്ന ആ​ഖ്യാ​ന​രീ​തി വാ​യ​ന​ക്കാ​രു​ടെ ഹൃ​ദ​യ​ത്തി​ൽ തൊ​ടു​ന്ന​ത്ര​യും വൈ​കാ​രി​ക​വും ഭാ​വ​സാ​ന്ദ്ര​വു​മാ​ണ്.

കേ​ര​ള​ത്തി​ലെ ഒ​രു ഇ​ന്റ​നാ​ഷ​ന​ൽ സ്കൂ​ളി​ൽ ട്രെ​യി​ന​റാ​യി എ​ത്തി​യ​പ്പോ​ൾ മൂ​ന്നാം ക്ലാ​സു​കാ​രി​യു​ടെ Are you a muslim​? എ​ന്ന​ചോ​ദ്യ​ത്തി​നു മു​ന്നി​ൽ പ​ക​ച്ചു​പോ​യ​തി​നെ​ക്കു​റി​ച്ചെ​ഴു​തു​ന്ന ‘മ​തി​ലാ​വാ​തി​രി​ക്ക​ട്ടെ മ​ത​ങ്ങ​ൾ’ എ​ന്ന അ​ധ്യാ​യം മ​ത​കേ​ന്ദ്രീ​കൃ​ത​മാ​യ സ​ങ്കു​ചി​ത​ബോ​ധ്യ​ങ്ങ​ൾ സൃ​ഷ്ടി​ക്കു​ന്ന അ​പ​ക​ട​ത്തെ തു​റ​ന്നുകാ​ണി​ക്കു​ന്നു. സോ​മ​ൻ ക​ട​ലൂ​രി​ന്റെ ‘മി​ടു​ക്ക​ർ’ എ​ന്ന ക​വി​ത ഈ ​സ​ന്ദ​ർ​ഭ​ത്തോ​ട് ചേ​ർ​ത്തു​വെ​ക്കു​ക​യും ചെ​യ്യു​ന്നു.

‘സ​ത്യം പ​റ​യ​ണ​മെ​ന്ന് പ​ഠി​പ്പി​ക്കാ​ൻ ന​മു​ക്കൊ​രു സി​ല​ബ​സു​ണ്ടോ?’ –എം.​പി. മ​ന്മ​ഥ​ന്റെ ഈ ​ചോ​ദ്യം പ​രാ​മ​ർ​ശ​വി​ധേ​യ​മാ​കു​ന്ന ‘വി​ദ്യാ​ഭ്യാ​സ​മ​ല്ല, മ​നഃ​സാ​ക്ഷി’ എ​ന്ന അ​ധ്യാ​യം തി​രി​ച്ച​റി​വാ​യി വി​ക​സി​ക്കാ​ത്ത അ​റി​വി​ന്റെ നി​ഷ്ഫ​ല​ത ചൂ​ണ്ടി​ക്കാ​ണി​ക്കു​ന്നു.

അ​ട്ട​പ്പാ​ടി​യി​ൽ മ​ധു എ​ന്ന ആ​ദി​വാ​സി​യെ മ​ർ​ദി​ച്ചു കൊ​ന്ന​വ​രും അ​വ​രെ സ​ഹാ​യി​ക്കാ​നാ​യി കൂ​റു​മാ​റി ക​ള്ള​സാ​ക്ഷി പ​റ​ഞ്ഞ​വ​രു​മാ​യ വി​ദ്യാ​സ​മ്പ​ന്ന​രെ​യും ക​ള്ളം പ​റ​യേ​ണ്ടി വ​ന്ന​തി​ൽ ഖേ​ദി​ച്ച് സ​ത്യം വി​ളി​ച്ചു പ​റ​ഞ്ഞ നി​ര​ക്ഷ​ര​നാ​യ ക​ക്കി മൂ​പ്പ​നെ​യും മു​ഖാ​മു​ഖം നി​ർ​ത്തി ഗ്ര​ന്ഥ​കാ​ര​ൻ ന​മ്മു​ടെ വി​ദ്യാ​ഭ്യാ​സ സ​മ്പ്ര​ദാ​യ​ത്തെ പ്ര​ശ്ന​വ​ത്കരി​ക്കു​ന്നു.

ലോ​ക​ക​പ്പ് ഹോ​ക്കി ഫൈ​ന​ലി​ൽ ജ​ർ​മ​നി​യെ 8-1ന് ​തോ​ൽ​പിച്ച ഇ​ന്ത്യ​ൻ ടീ​മി​ന്റെ നാ​യ​ക​നാ​യ ധ്യാ​ൻ​ച​ന്ദി​ന് ത​ന്റെ സൈ​ന്യ​ത്തി​ൽ ഉ​ന്ന​ത​പ​ദ​വി വാ​ഗ്ദാ​നം ചെ​യ്ത ഹി​റ്റ് ല​റെ അ​ദ്ദേ​ഹം സൗ​മ്യ​മാ​യി തി​ര​സ്ക​രി​ക്കു​ന്ന ച​രി​ത്ര​സ​ന്ദ​ർ​ഭം ഭ്രാ​ന്ത​മാ​യ ദേ​ശ​സ്നേ​ഹ​നാ​ട്യ​ങ്ങ​ളെ മ​റി​ക​ട​ക്കു​ന്ന രാ​ജ്യ​സ്നേ​ഹ​ത്തെ​ക്കു​റി​ച്ചു​ള്ള സ​വി​ശേ​ഷ ബോ​ധ്യ​ത്തി​ന്റെ അ​ട​യാ​ള​മാ​യി ഗ്ര​ന്ഥ​കാ​ര​ൻ അ​വ​ത​രി​പ്പി​ക്കു​ന്നു. ഇ​ത്ത​രം സ​ന്ദ​ർ​ഭ​ങ്ങ​ളി​ലെ​ല്ലാം തി​ക​ഞ്ഞ സാ​മൂ​ഹി​ക പ്ര​തി​ബ​ദ്ധ​ത​യും രാ​ഷ്ട്രീ​യ​ബോ​ധ്യ​വും എ​ഴു​ത്തി​ന്റെ അ​ടി​യ​ട​രാ​യി വ​ർ​ത്തി​ക്കു​ന്നു.

‘ആ​രാ​ണ് നാ​യ​ക​ർ’ എ​ന്ന ചി​ന്ത നാ​യ​ക​ത്വ​ത്തെ സം​ബ​ന്ധി​ക്കു​ന്ന വ്യ​തി​രി​ക്ത​മാ​യ ധാ​ര​ണ​യി​ലേ​ക്ക് ന​മ്മെ ന​യി​ക്കു​ന്ന വി​ധ​ത്തി​ലാ​ണ് പി.​കെ. അ​നീ​സ് അ​വ​ത​രി​പ്പി​ക്കു​ന്ന​ത്. ഇം​ഗ്ല​ണ്ടി​ലെ ലി​വ​ർ​പൂ​ളി​ൽനി​ന്ന് കൊ​ൽ​ക്ക​ത്ത​യി​ലേ​ക്ക് പു​റ​പ്പെ​ട്ട ‘റാ​ണാ​ഗ​ഞ്ചി’ എ​ന്ന ക​പ്പ​ലി​ലെ സ്രാ​ങ്കാ​യി​രു​ന്ന ഹ​സ​ൻ മ​റ്റു യാ​ത്ര​ക്കാ​രാ​ൽ വം​ശീ​യാ​ധി​ക്ഷേ​പ​ത്തി​നി​ര​യാ​കു​ന്നു.

എ​ന്നാ​ൽ, വ​സൂ​രി​ബാ​ധ​യേ​റ്റ് ക​പ്പ​ലി​ലു​ള്ള​വ​രു​ടെ ജീ​വി​തം പ്ര​തി​സ​ന്ധി​യി​ലാ​കു​മ്പോ​ൾ ജീ​വ​ൻപോ​ലും പ​ണ​യംവെ​ച്ച് അ​വ​രെ പ​രി​ച​രി​ക്കു​ന്ന​ത് ഹ​സ​നാ​ണ്. ഉ​ചി​ത​വും നി​സ്വാ​ർ​ഥ​വു​മാ​യ പ്ര​വൃ​ത്തി ചെ​യ്യു​ന്ന സാ​ധാ​ര​ണ മ​നു​ഷ്യ​രാ​ണ് യ​ഥാ​ർ​ഥ നാ​യ​ക​ർ എ​ന്ന് ഹ​സ​നെ മു​ൻ​നി​ർത്തി സ​മ​ർ​ഥി​ക്കു​ന്ന​തി​നൊ​പ്പം പ്ലാ​ച്ചി​മ​ട സ​മ​ര​ത്തി​ലെ നാ​യി​ക​യാ​യ മ​യി​ല​മ്മ, മു​ത്ത​ങ്ങ സ​മ​ര​നാ​യ​ക​ർ തു​ട​ങ്ങി​യ​വ​രെ​യും ഓ​ർ​ക്കു​ന്നു എ​ന്ന​താ​ണ് ഈ ​പു​സ്ത​ക​ത്തി​ന്റെ ലോ​ക​വീ​ക്ഷ​ണ​ത്തെ വ്യ​തി​രി​ക്ത​മാ​ക്കു​ന്ന​ത്.

നാ​യ​ക​ത്വം എ​ന്ന​ത് സ​വ​ർ​ണ-​ഉ​പ​രി​വ​ർ​ഗ ബോ​ധ്യ​ത്തി​ന്റെ വാ​ർ​പ്പു​രൂ​പ​ങ്ങ​ൾ​ക്ക​തീ​ത​മാ​യ, ജീ​വി​ത​സ്പ​ർ​ശി​യാ​യ പ്ര​വ​ർ​ത്ത​ന മാ​തൃ​ക​യാ​ണെ​ന്ന് ഗ്ര​ന്ഥ​കാ​ര​ൻ പ​റ​യു​ന്നു.

വ്യ​വ​സ്ഥ​യു​ടെ നി​യ​ത​മാ​യ വ്യാ​ക​ര​ണ​ങ്ങ​ളെ അ​തി​ലം​ഘി​ക്കു​ന്ന മ​നു​ഷ്യ​രാ​ണ് ച​രി​ത്രം സൃ​ഷ്ടി​ക്കു​ന്ന​ത് എ​ന്ന് സൂ​ചി​പ്പി​ക്കാ​നാ​ണ് റി​ച്ചാ​ർ​ഡ് ബാ​ക്കി​ന്റെ ‘ജൊ​നാ​ഥ​ൻ ലി​വി​ങ്സ്റ്റ​ൺ സീ​ഗ​ൾ’ എ​ന്ന പു​സ്ത​ക​ത്തെ ആ​ഖ്യാ​ന​ത്തി​ലേ​ക്ക് ചേ​ർ​ത്തു​വെ​ക്കു​ന്ന​ത്. പ​രു​ന്തി​നൊ​പ്പം ഉ​യ​ര​ത്തി​ൽ പ​റ​ക്കാ​നാ​ഗ്ര​ഹി​ച്ച് കു​ല​ത്തി​ൽനി​ന്നും പു​റ​ത്താ​ക്ക​പ്പെ​ടു​ക​യും ഒ​ടു​വി​ൽ നി​ശ്ച​യ​ദാ​ർ​ഢ്യ​ത്തി​ലൂ​ടെ ത​ന്റെ ല​ക്ഷ്യ​ത്തി​ലെ​ത്തു​ക​യും ചെ​യ്ത ജൊനാ​ഥ​ൻ എ​ന്ന കാ​ക്ക​യു​ടെ ക​ഥ പ​റ​ഞ്ഞു​കൊ​ണ്ട് പി.കെ. അ​നീ​സ് എ​ഴു​തു​ന്നു.

‘എ​പ്പോ​ഴും എ​ല്ലാ​വ​രെ​യും അ​നു​സ​രി​ച്ചി​രു​ന്നാ​ൽ ഉ​യ​ര​ങ്ങ​ളി​ൽ എ​ത്താ​നാ​വു​മോ? ചി​ല ഘ​ട്ട​ങ്ങ​ളി​ൽ സ്വ​ന്ത​മാ​യ, സ്വ​ത​ന്ത്ര​മാ​യ തീ​രു​മാ​നം എ​ടു​ക്കേ​ണ്ടിവ​രും’. അ​ച്ച​ട​ക്ക​ത്തി​ന്റെ ചി​ട്ട​വ​ട്ട​ങ്ങ​ളി​ലൂ​ടെ വി​ക​സി​ക്കു​ന്ന വ്യ​ക്തി​ത്വ​വി​കാ​സ​ത്തെ​ക്കാ​ൾ ‘സ​ർ​ഗാ​ത്മ​ക​മാ​യ ധി​ക്കാ​ര​മാ​ണ്’ വ്യ​വ​സ്ഥ​യു​ടെ ന​വീ​ക​ര​ണ​ത്തി​ൽ സു​പ്ര​ധാ​ന​മെ​ന്ന ബോ​ധ്യ​മാ​ണ് ഇ​വി​ടെ എ​ഴു​ത്തി​നെ ന​യി​ക്കു​ന്ന​ത്. ഇ​ത്ത​രം സ​ന്ദ​ർ​ഭ​ങ്ങ​ളി​ലെ​ല്ലാം എ​ഴു​ത്തു​കാ​ര​ൻ വി​ദ്യാ​ർ​ഥി​ക​ളെ അ​ഭി​സം​ബോ​ധ​ന ചെ​യ്യു​ന്നു എ​ന്ന​തും പ്ര​സ​ക്ത​മാ​ണ്.

വെ​ള്ള​പ്പാ​ച്ചി​ലി​ൽ ഒ​ഴു​കി​പ്പോ​കു​ന്ന​തി​നി​ട​യി​ൽ മ​റ്റു​ള്ള​വ​ർ​ക്ക് അ​പാ​യ​സൂ​ച​ന​യാ​കു​ന്ന നാ​യ, വീ​ട്ടി​ലേ​ക്കോ​ടി​ക്ക​യ​റു​ന്ന കു​റ്റ​വാ​ളി​ക്ക് ഒ​രു നി​മി​ഷം​പോ​ലും ആ​ലോ​ചി​ക്കാ​തെ അ​ഭ​യം ന​ൽ​കു​ന്ന വീ​ട്ട​മ്മ, അ​ജ്ഞേ​യ​മാ​യ കാ​ര​ണ​ങ്ങ​ളാ​ൽ ര​ക്ഷ​ക​രാ​വു​ന്ന മ​നു​ഷ്യ​ർ എ​ന്നി​ങ്ങ​നെ വി​ശ​ദീ​ക​രി​ക്കാ​നാ​വാ​ത്ത വൈ​കാ​രി​ക​സ​ന്ധി​ക​ളെ ആ​ത്മീ​യ​ചാ​രു​ത​യോ​ടെ ആ​വി​ഷ്കരി​ക്കു​ന്ന അ​ധ്യാ​യ​ങ്ങ​ൾ ഭാ​ഷ​യു​ടെ ലാ​ളി​ത്യ​വും സൗ​ന്ദ​ര്യ​വുംകൊ​ണ്ട് വേ​റി​ട്ടു നി​ൽ​ക്കു​ന്നു.

സാ​മൂ​ഹി​ക പ്ര​തി​ബ​ദ്ധ​ത​യു​ള്ള മ​നു​ഷ്യ​നാ​യി ഒ​രു വ്യ​ക്തി​യെ പ​രി​വ​ർ​ത്തി​പ്പി​ക്കാ​നു​ത​കു​ന്ന നി​ര​വ​ധി ഘ​ട​ക​ങ്ങ​ൾ സ​മ​ന്വ​യി​ക്കു​ന്ന രാ​ഷ്ട്രീ​യ ഗ്ര​ന്ഥ​മാ​ണി​ത്. മ​നു​ഷ്യ​നെ പ​രി​ഗ​ണി​ക്കാ​ത്ത വി​ജ​യ​ങ്ങ​ളെ​ല്ലാം പ​രാ​ജ​യ​ങ്ങ​ളാ​ണ് എ​ന്ന് സ​മ​ർ​ഥിക്കു​ന്ന​തി​ലൂ​ടെ യ​ഥാ​ർ​ഥ വി​ജ​യ​ങ്ങ​ളു​ടെ മാ​നി​ഫെ​സ്റ്റോയായി ഈ ​പു​സ്ത​കം മാ​റു​ന്നു.