ഡോ. മുസ്തഫ കമാൽ പാഷയുടെ ആത്മകഥ പ്രകാശനം ചെയ്തു

തിരൂരങ്ങാടി: സ്വന്തമായി വെട്ടിത്തെളിച്ച വഴിയിലൂടെ സഞ്ചരിച്ച ബഹുമുഖ പ്രതിഭയായിരുന്നു ഡോ. മുസ്തഫ കമാൽ പാഷയെന്ന് ഡോ. അബ്ദുസ്സമദ്‌ സമദാനി എം.പി പറഞ്ഞു. ഐ.പി.എച്ച് പ്രസിദ്ധീകരിച്ച കമാൽ പാഷയുടെ ആത്മകഥ 'ഞാൻ തെരഞ്ഞെടുത്ത എന്‍റെ ജീവിതം' പ്രകാശനം ചെയ്യുകയായിരുന്നു അദ്ദേഹം.

ജമാഅത്തെ ഇസ്ലാമി സംസ്ഥാന സെക്രട്ടറി ശൈഖ്‌ മുഹമ്മദ്‌ കാരകുന്ന് പുസ്തകം ഏറ്റുവാങ്ങി. ആത്മകഥ തയാറാക്കിയ പി.എസ്. ഷാഹിൻ സമർപ്പണ പ്രഭാഷണം നടത്തി. ഐ.പി.എച്ച് ഡയറക്ടർ കൂട്ടിൽ മുഹമ്മദലി അധ്യക്ഷത വഹിച്ചു.

കമാൽ പാഷയുടെ മക്കളായ സാജിദ്‌ പാഷ, ശാക്കിറ പാഷ, മരുമകൻ ഡോ. ബദീഉസ്സമാൻ, ഐ.പി.എച്ച്‌ അസിസ്റ്റന്‍റ് ഡയറക്ടർ കെ.ടി. ഹുസൈൻ, ജനറൽ കൺവീനർ നജീബ്‌ കളിയാട്ടമുക്ക്‌ എന്നിവർ സംസാരിച്ചു. മുസ്തഫ കമാൽ മുന്നിയൂർ, സൈതലവി പരാടൻ, ശറഫുദ്ദീൻ ചുഴലി എന്നിവർ നേതൃത്വം നൽകി.