Begin typing your search above and press return to search.
proflie-avatar
Login
exit_to_app
exit_to_app
Homechevron_rightCulturechevron_rightBookschevron_rightജീ​വി​ത​ത്തി​ന്റെ...

ജീ​വി​ത​ത്തി​ന്റെ ഗ​ന്ധ​യാ​മി​നി

text_fields
bookmark_border
ജീ​വി​ത​ത്തി​ന്റെ ഗ​ന്ധ​യാ​മി​നി
cancel

ഭൂ​ത​വ​ര്‍ത്ത​മാ​ന​ങ്ങ​ളെ ക​ൽ​പ​ന​യും യാ​ഥാ​ര്‍ഥ്യ​വും ചേ​ര്‍ത്ത് അ​വ​ത​രി​പ്പി​ക്കു​ന്ന നോ​വ​ലു​ക​ള്‍ വാ​യ​ന​ക്കാ​രെ വ​ള​രെ വേ​ഗ​ത്തി​ല്‍ ആ​ക​ര്‍ഷി​ക്കു​ന്നു. ച​രി​ത്ര​ത്തി​നി​ട​യി​ലൂ​ടെ സ്വ​ന്തം ക​ഥാ​പാ​ത്ര​ങ്ങ​ളെ ഇ​റ​ക്കി​വി​ട്ടാ​ണ് നോ​വ​ലി​സ്റ്റ് ക​ഥ പ​റ​യു​ന്ന​ത്. ഇ​തി​ല്‍ ച​രി​ത്ര​വും വ​ര്‍ത്ത​മാ​ന​വും ഇ​ഴ​ചേ​ര്‍ന്നി​രി​ക്കും. ഇ​ത്ത​ര​ത്തി​ല്‍ ആ​ഖ്യാ​ന​ത്തി​ലും ശി​ൽ​പ​നി​ര്‍മി​തി​യിലും ഏ​റെ ​പു​തു​മ​ക​ള്‍ നി​റ​ഞ്ഞ​താ​ണ് ഷാ​ന​വാ​സ് പോ​ങ്ങ​നാ​ടി​ന്റെ ‘ഗ​ന്ധ​യാ​മി​നി’ എ​ന്ന നോ​വ​ല്‍. പു​തി​യ നോ​വ​ലി​ല്‍ ഗു​ജ​റാ​ത്തി​ലെ വ​ര്‍ഗീ​യ ക​ലാ​പ​ത്തി​ൽ ജീ​വി​തം ത​ക​ര്‍ന്ന​വ​രെ​യാ​ണ് എ​ഴു​ത്തു​കാ​ര​ൻ അ​വ​ത​രി​പ്പി​ക്കു​ന്ന​ത്. മ​നു​ഷ്യ​മ​ന​സ്സി​ന്റെ ആ​ഴ​ങ്ങ​ളി​ലൂ​ടെ സ​ഞ്ച​രി​ക്കാ​നും നോ​വ​ലി​സ്റ്റി​ന് ക​ഴി​ഞ്ഞി​രുന്നു. പ്ര​ണ​യ​ത്തി​ന്റെ നി​ശ്ശ​ബ്ദ​ഭം​ഗി​യാ​ണ് ‘ഗ​ന്ധ​യാ​മി​നി’​യെ ക​ഥാ​ബ​ന്ധി​ത​മാ​ക്കു​ന്ന​ത്.

തെ​ക്ക​ൻ കേ​ര​ള​ത്തി​ലെ കീ​ഴ്‌​പേ​രൂ​ര്‍ എ​ന്ന ഗ്രാ​മ​ത്തി​ന്റെ നി​ഷ്‌​ക​ള​ങ്ക​ത​യി​ലേ​ക്ക് എ​വി​ടെനി​ന്നോ വ​ന്നു​ചേ​രു​ന്ന ക​ന​ക​രാ​ജ​ന്‍ എ​ന്ന മ​നു​ഷ്യ​നി​ലൂ​ടെ​യാ​ണ് നോ​വ​ല്‍ തു​റ​ക്ക​പ്പെ​ടു​ന്ന​ത്. ഈ ​മ​നു​ഷ്യ​ന്റെ പൂ​ര്‍വ​ച​രി​ത്ര​മൊ​ന്നും നാ​ട്ടു​കാ​ര്‍ അ​റി​യു​ന്നി​ല്ല. ന​ഷ്ട​ങ്ങ​ളു​ടെ നെ​രി​പ്പോ​ടും നെ​ഞ്ച​ത്തൊ​തു​ക്കി ജീ​വി​ക്കു​ന്ന ക​ന​ക​രാ​ജ​ന്റെ ക​ഥാ​ക​ഥ​ന​ത്തി​ലൂ​ടെ നോ​വ​ല്‍ വി​ക​സി​ക്കു​ന്നു.

ഒ​രു നാ​ട്ടി​ന്‍പു​റ​ത്തി​ന്റെ ക​ഥ​യാ​യി തു​ട​ങ്ങു​ന്നു, നോ​വ​ലി​ന്റെ ആ​ന്ത​രി​ക​ത​ല​ത്തി​ലേ​ക്ക് ക​ട​ക്കു​മ്പോ​ള്‍ വ​ര്‍ഗീ​യ​ത​യു​ടെ ക​ന​ലാ​ണ് ജ്വ​ലി​ക്കു​ന്ന​ത്. ര​ണ്ടാ​യി​ര​ത്തി​ര​ണ്ടി​ലെ ഗു​ജ​റാ​ത്ത് വ​ര്‍ഗീ​യ​ക​ലാ​പ​ത്തി​ന്റെ അ​ഗ്നി​പ​ഥ​ത്തി​ലേ​ക്ക് വാ​യ​ന​ക്കാ​രെ നോ​വ​ലി​സ്റ്റ് അ​തി​വേ​ഗം കൊ​ണ്ടു​പോ​കു​ന്നു. കെ​ട്ട​ട​ങ്ങാ​ത്ത ആ​ര്‍ത്ത​നാ​ദ​ങ്ങ​ള്‍ക്കി​ട​യി​ലൂ​ടെ, ചോ​ര​പു​ര​ണ്ട വാ​ളു​ക​ള്‍ക്കി​ട​യി​ലൂ​ടെ വ​ര്‍ഗീ​യ ക​ലാ​പ​ത്തി​ന്റെ പ​രി​സ​ര​ത്തി​ലേ​ക്കാ​ണ് വാ​യ​ന​ക്കാ​രെ നോ​വ​ല്‍ ആ​ന​യി​ക്കു​ന്ന​ത്.

എ​ല്ലാം ഇ​ട്ടെ​റി​ഞ്ഞു​പോ​യ നൂ​റു​ക്ക​ണ​ക്കി​ന് മ​നു​ഷ്യ​രു​ടെ ജീ​വി​ത​മാ​ണ് നോ​വ​ലി​ന്റെ അ​ക​മ്പൊ​രു​ള്‍. അ​റ്റു​പോ​യ പ്ര​ണ​യ​ത്തെ തി​രി​ച്ചു​പി​ടി​ക്കാ​നു​ള്ള മ​ന​സ്സി​ന്റെ അ​ദ​മ്യ​മാ​യ ത്വ​ര. പ​ക്ഷേ, പ്ര​ണ​യ​നി​രാ​സ​ത്താ​ല്‍ വീ​ണ്ടും മു​റി​വേ​റ്റു​പോ​കു​ന്ന സു​ധീ​ശ​ന്‍ എ​ന്ന ക​ഥാ​പാ​ത്രം കാ​രു​ണ്യ​ത്തി​ന്റെ​യും സ്‌​നേ​ഹ​ത്തി​ന്റെ​യും പ്ര​തീ​ക​മാ​ണ്. വൃ​ദ്ധ​സ​ദ​ന​ത്തി​ലൂ​ടെ ജീ​വി​ത​സാ​യാ​ഹ്ന​ത്തി​ലെ​ത്തി​യ​വ​ര്‍ക്ക് അ​ത്താ​ണി​യാ​ണ് ഈ ​മ​നു​ഷ്യ​ന്‍. ഭൂ​ത​കാ​ല ന​ഷ്ട​ങ്ങ​ളു​ടെ നോ​വു​ക​ള്‍ പേ​റു​മ്പോ​ഴും ആ​ശ്വാ​സ​ത്തി​ന്റെ ന​നു​ത്ത സാ​ന്നി​ധ്യ​മാ​യി തോ​ന്നി​യ ര​ഞ്ജി​നി​യും വേ​ദ​ന​യാ​ണ് അ​യാ​ള്‍ക്ക് സ​മ്മാ​നി​ക്കു​ന്ന​ത്.

കേ​ര​ള​ത്തി​ലെ ക​മ്യൂ​ണി​സ്റ്റ് പാ​ര്‍ട്ടി​യു​ടെ മാ​റി​യ മു​ഖ​ത്തെ​യും നോ​വ​ല്‍ അ​വ​ത​രി​പ്പി​ക്കു​ന്നു. സു​ജാ​ത, ആ​ശ്രി​ത​നി​യ​മ​ന​ത്തി​നാ​യി എ​ത്ര​കാ​ല​മാ​ണ് ആ ​സ്ത്രീ സ​ര്‍ക്കാ​ര്‍ ഓ​ഫി​സു​ക​ളി​ല്‍ ക​യ​റി​യി​റ​ങ്ങി​യ​ത്. ക​രു​ണ​യി​ല്ലാ​ത്ത അ​ധി​കാ​രി​വ​ര്‍ഗം അ​വ​ളു​ടെ ജോ​ലി ത​ട്ടി​ത്തെ​റി​പ്പി​ക്കു​ക​യാ​ണ്. അ​വി​ടെ ര​ഞ്ജി​നി​യെ​ന്ന സ​മ​ർ​ഥ​യാ​യ ഉ​ദ്യോ​ഗ​സ്ഥ​യു​ടെ പോ​രാ​ട്ട​വീ​ര്യ​മാ​ണ് അ​വ​ള്‍ക്ക് സ​ഹാ​യ​ത്തി​നു​ണ്ടാ​യി​രു​ന്ന​ത്. വ​ര്‍ത്ത​മാ​ന​കാ​ല സാ​മൂ​ഹി​കാ​വ​സ്ഥ​യെ​യും ബ്യൂ​റോ​ക്ര​സി​യെ​യും നോ​വ​ല്‍ തു​റ​ന്നു​കാ​ട്ടു​ന്നു.

ആ​ത്മ​വി​ചാ​ര​ത്തി​ലൂ​ടെ​യും സം​ഭാ​ഷ​ണ​ങ്ങ​ളി​ലൂ​ടെ​യു​മാ​ണ് ക​ഥ വാ​ര്‍ന്നു​വീ​ഴു​ന്ന​ത്. ക​ന​ക​രാ​ജ​ന്‍-​സു​ജാ​ത, സു​ധീ​ശ​ന്‍-​ര​ഞ്ജി​നി എ​ന്നീ ദ്വ​ന്ദ്വ​ക​ഥാ​പാ​ത്ര​ങ്ങ​ളി​ലൂ​ടെ​യാ​ണ് നോ​വ​ല്‍ വ​ള​രു​ന്ന​ത്. സു​ധീ​ശ​ന്റെ​യും ക​ന​ക​രാ​ജ​ന്റെ​യും ജീ​വി​ത​ക​ഥ​ന​ത്തി​ല്‍ മ​നഃ​സാ​ക്ഷി​യെ പി​ടി​ച്ചു​ല​ക്കുന്ന എ​ത്ര​യോ സം​ഭ​വ​ങ്ങ​ളാ​ണ് നി​ര​ന്നു​നി​ല്‍ക്കു​ന്ന​ത്. ഇ​വ​ര്‍ക്കൊ​പ്പം സു​ജാ​ത​യും ര​ഞ്ജി​നി​യും ത​ന​ത് വ്യ​ക്തി​ത്വ​ത്തി​ന്റെ സ​വി​ശേ​ഷ​ത​യാ​ല്‍ വ​ര്‍ത്ത​മാ​ന​കാ​ല പെ​ണ്‍ജീ​വി​ത്തി​ന്റെ പ്ര​തി​രൂ​പ​ങ്ങ​ളാ​യി മാ​റു​ന്നു. സു​ജാ​ത​യു​ടെ ദു​രി​ത​ക​ഥ നീ​റ്റു​ന്ന ചി​ത്ര​മാ​യി വാ​യ​ന​ക്കാ​രു​ടെ മ​ന​സ്സി​ല്‍ നി​ല​നി​ല്‍ക്കു​കത​ന്നെ ചെ​യ്യും.

ല​ളി​ത​വും സു​ന്ദ​ര​വു​മാ​യ ആ​ഖ്യാ​ന​ശൈ​ലി നോ​വ​ലി​ന് വാ​യ​ന​സു​ഖം ത​രു​ന്നു. വ​ര്‍ഗീ​യ​ക​ലാ​പ​ത്തി​ന്റെ ഇ​ട​യി​ലൂ​ടെ വാ​യ​ന​ക്കാ​രെ സൂ​ക്ഷ്മ​ത​യോ​ടെ നോ​വ​ലി​സ്റ്റ് കൊ​ണ്ടു​പോ​കു​ന്നു. ഗോ​ധ്രാ​ ക​ലാ​പ പ​ശ്ചാ​ത്ത​ലം കേ​ര​ള​ത്തി​ന്റെ പശ്ചാത്തലത്തി​ലേ​ക്ക് എ​ത്തി​ക്കാ​നും ക​ഴി​ഞ്ഞി​രി​ക്കു​ന്നു. ഗു​ജ​റാ​ത്ത് ക​ലാ​പം നി​റ​യു​മ്പോ​ഴും നോ​വ​ലി​ല്‍ കേ​ര​ള​ത്ത​നി​മ നി​റ​ഞ്ഞു​നി​ല്‍ക്കു​ന്നു. ഗു​ജ​റാ​ത്ത് ക​ലാ​പ​ത്തെ കേ​ര​ളീ​യ ജീ​വി​ത​ത്തി​ന്റെ ഭാ​ഗ​മാ​ക്കു​ന്ന മ​ല​യാ​ള​ത്തി​ലെ ആ​ദ്യ നോ​വ​ലാ​യി​രി​ക്കും ‘ഗ​ന്ധ​യാ​മി​നി’.

അ​പ​ക​ട​ക​ര​മാ​യ വ​ഴി​യി​ലൂ​ടെ ക​ഥ​യെ ന​യി​ച്ച് ല​ക്ഷ്യ​സ്ഥാ​ന​ത്ത് സു​ര​ക്ഷി​ത​മാ​യി എ​ത്തി​ക്കാ​ന്‍ നോ​വ​ലി​സ്റ്റി​ന് സാ​ധി​ച്ചി​രി​ക്കു​ന്നു. ഇ​തൊ​രു ചെ​റി​യ​കാ​ര്യ​മ​ല്ല. ജീ​വി​ത​വ്യ​ഥ​ക​ളും ക​ലാ​പ​ക്കെ​ടു​തി​യും നോ​വ​ലി​നെ ഗൗ​ര​വ​മു​ള്ള​താ​ക്കി മാ​റ്റു​ന്നു. എ​ന്നി​രു​ന്നാ​ലും ര​ച​ന​യി​ലെ ലാ​ളി​ത്യം വാ​യ​ന​ക്കാ​രെ അ​നാ​യാ​സം നോ​വ​ലി​​ലേ​ക്ക് പ്ര​വേ​ശിപ്പി​ക്കാ​നു​ള്ള വാ​തി​ല്‍ തു​റ​ന്നി​ട്ടി​രി​ക്കു​ന്നു. ശ​ക്ത​മാ​യ പ്ര​മേ​യ​ത്തെ അ​യ​ത്‌​ന​ല​ളി​ത​മാ​ക്കി​യി​രി​ക്കു​ന്നു എ​ന്ന​താ​ണ് ഈ ​കൃ​തി​യു​ടെ പ്ര​ത്യേ​ക​ത.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:booksreadingliterature
News Summary - Book
Next Story