ര​ണ്ടു ഭാ​ഷ​യി​ൽ പു​സ്ത​ക​മെ​ഴു​തി ലോ​ക റെ​ക്കോ​ഡി​ട്ട്​ എ​ട്ടു വ​യ​സ്സു​കാ​രി

ഷാ​ർ​ജ: 'വ​ള​രെ ചെ​റു​പ്പ​ത്തി​ൽ​ത​ന്നെ കു​ട്ടി​ക​ളു​ടെ ക​ഴി​വു​ക​ൾ ക​ണ്ടെ​ത്താ​ൻ ഞാ​ൻ ആ​ഗ്ര​ഹി​ക്കു​ന്നു' -ഇ​ത്​ ഏ​തെ​ങ്കി​ലും മു​തി​ർ​ന്ന എ​ഴു​ത്തു​കാ​രു​ടെ വാ​ക്കു​ക​ള​ല്ല. എ​ട്ടു​ വ​യ​സ്സു​കാ​രി അ​ൽ​ദാ​ബി അ​ൽ മു​ഹൈ​രി​യു​ടെ വാ​ക്കു​ക​ളാ​ണ്. അ​ത്ര​യേ​റെ പ​ക്വ​ത​യാ​ണ​വ​ൾ​ക്ക്. എ​ട്ടാം വ​യ​സ്സി​ൽ അ​വ​ൾ എ​ഴു​തി​യ പു​സ്ത​കം ഇ​പ്പോ​ൾ ഗി​ന്ന​സ്​ റെ​ക്കോ​ഡി​ലും ഇ​ടം​പി​ടി​ച്ചി​രി​ക്കു​ന്നു.

ഷാ​ർ​ജ പു​സ്ത​കോ​ത്സ​വ​ത്തി​ലെ​ത്തു​ന്ന പു​സ്ത​ക​പ്രേ​മി​ക​ളെ അ​തി​ശ​യി​പ്പി​ക്കു​ന്നു​ണ്ട്​ ഈ ​ഇ​മാ​റാ​ത്തി കു​ട്ടി. ര​ണ്ടു ഭാ​ഷ​ക​ളി​ൽ പു​സ്ത​കം ഇ​റ​ക്കു​ന്ന ഏ​റ്റ​വും പ്രാ​യം കു​റ​ഞ്ഞ പെ​ൺ​കു​ട്ടി എ​ന്ന ഗി​ന്ന​സ്​ റെ​ക്കോ​ഡാ​ണ്​ അ​ൽ​ദാ​ബി ​സ്വ​ന്ത​മാ​ക്കി​യ​ത്. ​'ഐ ​ഹാ​ഡ്​ ആ​ൻ ഐ​ഡി​യ' എ​ന്ന പേ​രി​ൽ ക​ഴി​ഞ്ഞ ജൂ​ലൈ ഏ​ഴി​ന്​ പു​റ​ത്തി​റ​ക്കി​യ പു​സ്ത​കം അ​റ​ബി, ഇം​ഗ്ലീ​ഷ്​ ഭാ​ഷ​ക​ളി​ലാ​ണ്​ ത​യാ​റാ​ക്കി​യി​രി​ക്കു​ന്ന​ത്. ഇ​തി​ന​കം 1000ത്തോ​ളം കോ​പ്പി​ക​ൾ വി​റ്റ​ഴി​ഞ്ഞു.

പു​തു​ത​ല​മു​റ എ​ഴു​ത്തു​കാ​രെ വ​ള​ർ​ത്തി​ക്കൊ​ണ്ടു​വ​രു​ക​യാ​ണ്​ ത​ന്‍റെ ല​ക്ഷ്യ​മെ​ന്ന്​ അ​ൽ​ദാ​ബി പ​റ​യു​ന്നു. ഇ​തി​നാ​യി 'കു​ട്ടി​ക​ളി​ൽ​നി​ന്ന്​ കു​ട്ടി​ക​ളി​ലേ​ക്ക്​ പു​സ്ത​കം' എ​ന്ന ​പേ​രി​ൽ പ്ര​ത്യേ​ക പ​ദ്ധ​തി​യും ത​യാ​റാ​ക്കി​യി​ട്ടു​ണ്ട്. നാ​ലു മു​ത​ൽ 10 വ​യ​സ്സ്​ വ​രെ പ്രാ​യ​മു​ള്ള കു​ട്ടി​ക​ളി​ൽ ഇം​ഗ്ലീ​ഷി​ലോ അ​റ​ബി​യി​ലോ എ​ഴു​ത്ത്​ പ്രോ​ത്സാ​ഹി​പ്പി​ക്കാ​നാ​ണ്​ ല​ക്ഷ്യം.

ക​ഴി​ഞ്ഞ ഷാ​ർ​ജ പു​സ്ത​കോ​ത്സ​വം മു​ത​ലാ​ണ്​ അ​ൽ​ദാ​ബി എ​ഴു​ത്തി​ൽ സ​ജീ​വ​മാ​യി തു​ട​ങ്ങി​യ​ത്. ര​ക്ഷി​താ​ക്ക​ൾ​ക്കൊ​പ്പം പ​ബ്ലി​ഷി​ങ്​ കോ​ൺ​ഫ​റ​ൻ​സി​ൽ പ​​ങ്കെ​ടു​ത്ത​ത്​ മു​ത​ലാ​ണ്​ എ​ഴു​ത്തി​ന്‍റെ വ​ഴി​യി​ൽ കൂ​ടു​ത​ൽ ന​ട​ക്കാ​ൻ തീ​രു​മാ​നി​ച്ച​ത്. ആ ​കോ​ൺ​ഫ​റ​ൻ​സി​ൽ ഇ​ന്‍റ​ർ​നാ​ഷ​ന​ൽ പ​ബ്ലി​ഷേ​ഴ്​​സ്​ അ​സോ​സി​യേ​ഷ​ൻ പ്ര​സി​ഡ​ന്‍റ്​ ശൈ​ഖ ബു​ദൂ​ർ അ​ൽ ഖാ​സി​മി 'ആ​ർ​ക്കെ​​ങ്കി​ലും എ​ന്തെ​ങ്കി​ലും ചോ​ദി​ക്കാ​നു​ണ്ടോ' എ​ന്ന ചോ​ദ്യ​മു​ന്ന​യി​​ച്ച​പ്പോ​ൾ അ​ൽ​ദാ​ബി​യും കൈ ​ഉ​യ​ർ​ത്തി.

'നി​ങ്ങ​ളെ പോ​ലെ വ​ലി​യ നി​ല​യി​ലെ​ത്താ​ൻ ഞാ​ൻ എ​ന്ത്​ ചെ​യ്യ​ണം' എ​ന്നാ​യി​രു​ന്നു അ​വ​ളു​ടെ ചോ​ദ്യം. ഇ​ത്​ കേ​ട്ട ശൈ​ഖ ബു​ദൂ​ർ അ​വ​ളെ വേ​ദി​യി​ലേ​ക്ക്​ വി​ളി​ച്ചു. 'എ​ന്തു​കൊ​ണ്ടാ​ണ്​ വ​ലി​യ ആ​ളാ​വ​ണ​മെ​ന്ന്​ ആ​ഗ്ര​ഹി​ക്കു​ന്ന​ത്​' എ​ന്നാ​യി​രു​ന്നു ശൈ​ഖ ബു​ദൂ​റി​ന്‍റെ ചോ​ദ്യം. ​പ്ര​സി​ദ്ധീ​ക​ര​ണ​ങ്ങ​ളെ കു​റി​ച്ചു​ള്ള ചി​ന്ത​ക​ൾ എ​നി​ക്കും പ​ങ്കി​ടാ​ൻ ക​ഴി​യു​മെ​ന്ന്​ അ​വ​ൾ മ​റു​പ​ടി ന​ൽ​കി. 'നീ​യാ​ണ്​ ലോ​ക​ത്തി​ലെ ഏ​റ്റ​വും പ്രാ​യം കു​റ​ഞ്ഞ ഇ​മാ​റാ​ത്തി പ​ബ്ലി​ഷ​റെ​ന്നും ഒ​രി​ക്ക​ൽ ഈ ​വേ​ദി​യി​ൽ വ​ന്ന്​ സം​സാ​രി​ക്കാ​ൻ ക​ഴി​യു​മെ​ന്നും' പ​റ​ഞ്ഞാ​ണ്​ ശൈ​ഖ അ​വ​ളെ യാ​ത്ര​യാ​ക്കി​യ​ത്.

ആ​റു​ മാ​സം പ്രാ​യ​മു​ള്ള​പ്പോ​ൾ മു​ത​ൽ അ​വ​ൾ​ക്ക്​ പു​സ്ത​ക​​ങ്ങ​ളോ​ട്​ ഇ​ഷ്ട​മാ​യി​രു​ന്നു​വെ​ന്ന്​ മാ​താ​വ്​ മൗ​സ പ​റ​യു​ന്നു. ​ചെ​റി​യ പ്രാ​യ​ത്തി​ൽ​ത​ന്നെ ഗ്ര​ഹ​ങ്ങ​ളു​ടെ പേ​ര്​ പ​റ​യു​മാ​യി​രു​ന്നു. മൂ​ന്നു​ വ​യ​സ്സ്​ മു​ത​ൽ പു​സ്ത​ക​ങ്ങ​ൾ വാ​യി​ച്ചു​തു​ട​ങ്ങി. നാ​ല​ര വ​യ​സ്സു​ള്ള​​പ്പോ​ൾ എ​ഴു​ത്തും സ​ജീ​വ​മാ​ക്കി.