അകക്കണ്ണിൽ വിരിഞ്ഞ വർണങ്ങളുമായി നജാഹിന്‍റെ പുസ്തകമൊരുങ്ങി

മ​ല​പ്പു​റം: കാ​ഴ്ച​പ​രി​മി​തി സ്വ​പ്ന​ങ്ങ​ൾ​ക്ക് ഒ​രി​ക്ക​ലും പ​രി​ധി നി​ശ്ച​യി​ച്ചി​ട്ടി​ല്ലെ​ന്ന്​ തെ​ളി​യി​ച്ച ന​ജാ​ഹി​ന്‍റെ ജീ​വി​താ​നു​ഭ​വം ആ​ത്മ​ക​ഥാ​രൂ​പ​ത്തി​ൽ പു​റ​ത്തി​റ​ങ്ങു​ന്നു. അ​പ്ര​തീ​ക്ഷി​ത​മാ​യി എ​ത്തി​യ വി​ധി​യെ തോ​ൽ​പി​ച്ച അ​നു​ഭ​വ​ങ്ങ​ളാ​ണ് ഈ 18​കാ​ര​ൻ പു​സ്ത​ക​ത്തി​ൽ വി​വ​രി​ക്കു​ന്ന​ത്. ഒ​ലീ​വ് ബു​ക്സ് പ്ര​സി​ദ്ധീ​ക​രി​ക്കു​ന്ന 'വ​ർ​ണ​ങ്ങ​ൾ' എ​ന്ന പു​സ്ത​കം മോ​ട്ടി​വേ​ഷ​ന​ൽ ട്രെ​യി​ന​ർ ജോ​സ​ഫ് അ​ന്നം​കു​ട്ടി ജോ​സ്, അ​ധ്യാ​പ​ക​രെ​യും നാ​ട്ടു​കാ​രെ​യും സാ​ക്ഷി​യാ​ക്കി ശ​നി​യാ​ഴ്ച പ്ര​കാ​ശ​നം ചെ​യ്യും.

അ​രീ​ക്കോ​ട് സു​ല്ല​മു​സ്സ​ലാം ഓ​റി​യ​ന്‍റ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ് ടു ​ഹ്യു​മാ​നി​റ്റീ​സ് വി​ദ്യാ​ർ​ഥി​യാ​യ ന​ജാ​ഹി​ന്‍റെ ഇ​ഷ്ട​വി​ഷ​യം രാ​ഷ്ട്രീ​യം, യാ​ത്ര, വാ​യ​ന എ​ന്നി​വ​യാ​ണ്. ഒ​മ്പ​താം വ​യ​സ്സി​ലാ​ണ് ഹൈ​ഡ്രോ​സെ​ഫാ​ല​സി​നെ തു​ട​ർ​ന്ന് ത​ല​ച്ചോ​റി​ൽ​നി​ന്ന് ക​ണ്ണി​ലേ​ക്കു​ള്ള ഞ​ര​മ്പു​ക​ൾ ദു​ർ​ബ​ല​മാ​യി കാ​ഴ്ച ന​ഷ്ട​മാ​യ​ത്. വാ​യ​ന​യും എ​ഴു​ത്തും ഇ​ഷ്ട​മാ​യ ന​ജാ​ഹി​ന്‍റെ പ്രി​യ എ​ഴു​ത്തു​കാ​ര​ൻ ബെ​ന്യാ​മി​നാ​ണ്. അ​ദ്ദേ​ഹ​ത്തി​ന്‍റെ എ​ല്ലാ കൃ​തി​ക​ളും വാ​യി​ച്ചു.

നേ​രി​ൽ കാ​ണാ​നും സം​സാ​രി​ക്കാ​നും ആ​ഗ്ര​ഹ​മു​ണ്ടെ​ന്ന് യു. ​ന​ജാ​ഹ് പ​റ​യു​ന്നു. പു​സ്ത​ക​ങ്ങ​ൾ വാ​യി​ക്കു​ന്ന​ത് സാ​​ങ്കേ​തി​ക വി​ദ്യ​യു​ടെ​യും ഓ​ഡി​യോ ലൈ​ബ്ര​റി​യു​ടെ​യും ബ്രെ​യി​ൽ ലി​പി​യു​ടെ​യും സ​​ഹാ​യ​ത്തോ​ടെ​യാ​ണ്. കൂ​ടാ​തെ സു​ഹൃ​ത്തു​ക്ക​ൾ വാ​യി​ച്ച് കേ​ൾ​പ്പി​ക്കു​ക​യും ചെ​യ്യും. പി​യാ​നോ, ഫ്ലൂ​ട്ട്, കീ​ബോ​ർ​ഡ് എ​ന്നി​വ​യും വാ​യി​ക്കും. മി​മി​ക്രി അ​വ​ത​രി​പ്പി​ക്കാ​നും ഗാ​നം ആ​ല​പി​ക്കാ​നും ഇ​ഷ്ട​മാ​ണ്.

ഒ​മ്പ​താം ക്ലാ​സ് മു​ത​ലാ​ണ് എ​ഴു​തി​ത്തു​ട​ങ്ങി​യ​ത്. രാ​ഷ്ട്രീ​യ​വും സാ​മൂ​ഹി​ക പ്ര​ശ്ന​ങ്ങ​ളു​മൊ​ക്കെ​യാ​ണ് വി​ഷ​യം. ഈ ​വ​ർ​ഷം ഏ​പ്രി​ലി​ലാ​ണ് പു​സ്ത​ക​ത്തി​ന്‍റെ പ​ണി​പ്പു​ര തു​ട​ങ്ങി​യ​ത്. ഹി​സ്റ്റ​റി അ​ധ്യാ​പ​ക​ൻ നി​സാ​റാ​ണ് ജീ​വി​താ​നു​ഭ​വം പു​സ്ത​ക​മാ​ക്ക​​ണ​മെ​ന്ന് നി​ർ​ദേ​ശി​ച്ച​ത്. 2000 കോ​പ്പി പ്രീ​ബു​ക്ക്​ ചെ​യ്തി​ട്ടു​ണ്ട്. ചെ​റു​പ്പ​ത്തി​ൽ സൈ​ക്കി​ൾ ഓ​ടി​ക്കാ​ൻ പ​ഠി​ച്ച​താ​ണ്. ഇ​പ്പോ​ഴും സൈ​ക്കി​ൾ ഓ​ടി​ക്കും. അ​തെ​ങ്ങ​നെ എ​ന്ന ചോ​ദ്യ​ത്തി​നു​ള്ള മ​റു​പ​ടി അ​തെ​ല്ലാം പു​സ്ത​ക​ത്തി​ൽ വി​ശ​ദ​മാ​ക്കു​ന്നു എ​ന്നാ​ണ്.

പ്ല​സ് ടു ​പ​ഠ​ന​ത്തി​നു ശേ​ഷം ​പൊ​ളി​റ്റി​ക്ക​ൽ സ​യ​ൻ​സ്, ഇം​ഗ്ലീ​ഷ് എ​ന്നി​വ പ​ഠി​ക്കാ​നാ​ണ് താ​ൽ​പ​ര്യം. സി​വി​ൽ സ​ർ​വി​സാ​ണ് ല​ക്ഷ്യം. മ​ല​പ്പു​റ​ത്ത് പു​സ്ത​ക പ്ര​കാ​ശ​ന ച​ട​ങ്ങി​ന്‍റെ ഭാ​ഗ​മാ​യി എ​ത്തി​യ ന​ജാ​ഹും അ​ധ്യാ​പ​ക​രും ജി​ല്ല ക​ല​ക്ട​റെ സ​ന്ദ​ർ​ശി​ച്ചാ​ണ് മ​ട​ങ്ങി​യ​ത്. വ​ള്ളി​ക്കാ​പ​റ്റ കേ​ര​ള സ്കൂ​ൾ ഫോ​ർ ദ ​ബ്ലൈ​ൻ​ഡി​ലാ​ണ് ഏ​ഴാം ക്ലാ​സ് പ​ഠി​ച്ച​ത്. എ​സ്.​എ​സ്.​എ​ൽ.​സി​ക്ക് ഒ​മ്പ​ത് എ ​പ്ല​സും പ്ല​സ് വ​ണി​ൽ എ​ല്ലാ വി​ഷ​യ​ത്തി​നും ഫു​ൾ എ ​പ്ല​സും നേ​ടി​യ ഈ ​മി​ടു​ക്ക​ൻ പു​ത്ത​ല​ത്ത് ഉ​ഴു​ന്ന​ൻ ഉ​മ്മ​റി​ന്‍റെ​യും റു​ഖി​യ​യു​ടെ​യും മ​ക​നാ​ണ്. ഷാ​ജ​ഹാ​ൻ, തെ​ജി​ൻ എ​ന്നി​വ​ർ സ​ഹോ​ദ​ര​ങ്ങ​ളാ​ണ്.