ഷാ​ർ​ജ പു​സ്ത​കോ​ത്സ​വം; അ​പൂ​ർ​വ കൈ​യെ​ഴു​ത്തു പ്ര​തിക​ളും പു​സ്ത​ക​ങ്ങ​ളും പ്ര​ദ​ർ​ശ​ന​ത്തി​ന്​

ഷാ​ർ​ജ: അ​ടു​ത്ത ബു​ധ​നാ​ഴ്ച ആ​രം​ഭി​ക്കു​ന്ന ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ ന​ഗ​രി​യി​ൽ അ​പൂ​ർ​വ കൈ​യെ​ഴു​ത്തു lilife​പ്ര​തി​ക​ളും പു​സ്ത​ക​ങ്ങ​ളും പ്ര​ദ​ർ​ശി​പ്പി​ക്കും. ച​രി​ത്ര​ത്തി​ലും വി​ജ്ഞാ​ന​ത്തി​ലും ത​ൽ​പ​ര​രാ​യ​വ​രെ ല​ക്ഷ്യം വെ​ച്ചാ​ണ്​ പ്ര​ദ​ർ​ശ​നം ഒ​രു​ക്കു​ന്ന​ത്. 13ാം നൂ​റ്റാ​ണ്ടി​ലേ​ത​ട​ക്കം അ​റ​ബി​ക്​-​ഇ​സ്​​ലാ​മി​ക കൈ​യെ​ഴു​ത്തു പ്ര​തി​ക​ളും പു​സ്ത​ക​ങ്ങ​ളും ഇ​തി​ൽ ഉ​ൾ​പ്പെ​ടും.

പ​ല​തും ആ​ദ്യ​മാ​യാ​ണ്​ പ​ശ്ചി​മേ​ഷ്യ​യി​ലെ ഒ​രു വേ​ദി​യി​ൽ പ്ര​ദ​ർ​ശി​പ്പി​ക്ക​പ്പെ​ടു​ന്ന​ത്. അ​റ​ബ്​ നാ​ഗ​രി​ക​ത​ക​ളു​ടെ വ​ള​ർ​ച്ച​യി​ലും ഉ​യ​ർ​ച്ച​യി​ലും വി​ജ്ഞാ​ന​ത്തി​നു​ള്ള പ​ങ്ക്​ വെ​ളി​ച്ച​ത്തു​കൊ​ണ്ടു​വ​രു​ക​യും ജ​ന​ങ്ങ​ളെ അ​റി​യി​ക്കു​ക​യും ചെ​യ്യു​ക എ​ന്ന​താ​ണ്​ പ്ര​ദ​ർ​ശ​നം ല​ക്ഷ്യം​വെ​ക്കു​ന്ന​ത്.

ഇ​റ്റ​ലി​യി​ലെ സേ​ക്ര​ഡ്​ ഹാ​ർ​ട്ട്​ കാ​ത്ത​ലി​ക്​ യൂ​നി​വേ​ഴ്​​സി​റ്റി​യും അം​ബ്രോ​സി​യ​ൻ ലൈ​ബ്ര​റി​യും ചേ​ർ​ന്നാ​ണ്​ പ്ര​ദ​ർ​ശ​നം ഒ​രു​ക്കു​ന്ന​ത്. ഈ ​വ​ർ​ഷ​ത്തെ പു​സ്ത​ക​മേ​ള​യി​ലെ അ​തി​ഥി​രാ​ജ്യ​മാ​ണ്​ ഇ​റ്റ​ലി. വി​ശു​ദ്ധ ഖു​ർ​ആ​ന്‍റെ 15, 16 നൂ​റ്റാ​ണ്ടു​ക​ളി​ലെ അ​പൂ​ർ​വ കൈ​യെ​ഴു​ത്തു​പ്ര​തി​ക​ളു​ടെ ശേ​ഖ​ര​ത്തി​ൽ​നി​ന്ന് പ​ക​ർ​ത്തി​യ പേ​ജു​ക​ൾ, പ​തി​നേ​ഴാം നൂ​റ്റാ​ണ്ടി​ലെ പ്ര​പ​ഞ്ച​ശാ​സ്ത്ര​വു​മാ​യി ബ​ന്ധ​പ്പെ​ട്ട 'അ​സ്തി​ത്വ​ത്തി​ന്റെ അ​ത്ഭു​ത​ങ്ങ​ൾ' എ​ന്ന ത​ല​ക്കെ​ട്ടി​ലു​ള്ള കൈ​യെ​ഴു​ത്തു​പ്ര​തി എ​ന്നി​വ പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ന്നു​ണ്ട്.

മു​ഹ​മ്മ​ദ്​ ന​ബി​യു​ടെ വം​ശാ​വ​ലി രേ​ഖ​പ്പെ​ടു​ത്തി​യ കൈ​യെ​ഴു​ത്തു​പ്ര​തി​യും പ്ര​ദ​ർ​ശ​ന​ത്തി​ൽ ച​രി​ത്രാ​ന്വേ​ഷ​ക​​രെ ആ​ക​ർ​ഷി​ക്കു​ന്ന​താ​ണ്. പ്ര​ശ​സ്ത ഗ്രീ​ക്ക് ച​രി​ത്ര​കാ​ര​നാ​യ ഹെ​റോ​ഡോ​ട്ട​സി​ന്‍റെ പു​സ്ത​ക​വും പ്ര​ദ​ർ​ശ​ന​ത്തി​ലു​ണ്ടാ​കും. പു​രാ​ത​ന ഈ​ജി​പ്തി​ന്‍റെ ഭൂ​പ​ട​മ​ട​ക്കം പ​ഴ​യ​കാ​ല​ത്തെ മാ​പ്പു​ക​ളും കു​റി​പ്പു​ക​ളും അ​ല​ക്സാ​ൻ​ഡ്രി​യ​യി​ലെ പു​രാ​ത​ന ലൈ​ബ്ര​റി​യി​ൽ നി​ന്നു​ള്ള കൈ​യെ​ഴു​ത്തു​പ്ര​തി​ക​ളും ഇ​തി​നൊ​പ്പം കാ​ണാ​നു​ള്ള അ​വ​സ​ര​മു​ണ്ടാ​കും.