ഡോ.എ. ബഷീർ കുട്ടിയുടെ രണ്ട്​ പുസ്തകങ്ങൾ ഇനി വായനക്കാരിലേക്ക്...

തിരുവനന്തപുരം: പ്രശസ്​ത മന:ശാസ്ത്രജ്ഞൻ ഡോ. എ. ബഷീർ കുട്ടിയുടെ രണ്ട്​ പുസ്തകങ്ങൾ ഇനി വായനക്കാരിലേക്ക്. ഷാർജ പുസ്തകോത്സവത്തിൽ അദ്ദേഹത്തി​ന്റെ രണ്ടു പുസ്തകങ്ങൾ പ്രകാശനം ചെയ്യും.

‘മനസ്​, ഉയർന്ന ചിന്തയും പ്രവൃത്തിയും’, ‘ഒരു മനശാസ്ത്രജ്ഞന്‍റെ കേസ്​ ഡയറി’ എന്നീ പുസ്തകങ്ങളാണ്​ നവംബർ 16ന് ഷാർജ റൈറ്റേഴ്​സ്​ ഫോറത്തിൽ പ്രകാശനം ചെയ്യുക. ലിപി പബ്ലിക്കേഷൻസാണ്​ പുസ്തക പ്രസാധകർ. തിരുവനന്തപുരം മെഡിക്കൽ കോളേജിൽ അസ്സോസിയേറ്റ്​ പ്രൊഫസറായിരുന്ന ഡോ. എ. ബഷീർകുട്ടി, കേരള മെന്‍റൽ ഹെൽത്ത്​ അതോറിറ്റി മെമ്പറും ഇന്ത്യൻ അസോസിയേഷൻ ഫോർ ക്ലിനിക്കൽ സൈക്കോളജി ഫെലോയുമാണ്​.

അക്കാദമിക്​ മേഖലയിലും അല്ലാതെയുമായി ഒമ്പത്​ പുസ്തകങ്ങൾ രചിച്ചിട്ടുണ്ട്​. ‘മനസ്സും ദാമ്പത്യവും’, ‘ജീവിത പങ്കാളി എങ്ങിനെ’, ‘മനസ്സും ആത്മവിശ്വാസവും’ തുടങ്ങിയവ അദ്ദേഹത്തിന്‍റെ പ്രശസ്ത രചനകളാണ്​.

മഹാത്മഗാന്ധി പീസ്​ ഫൗണ്ടേഷൻ എക്സലൻസ്​ അവാർഡ്​, രാഷ്ട്രീയ ഗൗരവ്​ അവാർഡ്​ തുടങ്ങിയ പുരസ്കാരങ്ങളും അദ്ദേഹത്തിന്​ ലഭിച്ചിട്ടുണ്ട്​.