‘ആ​ഗ​സ്റ്റ് വ​രെ’- മ​നു​ഷ്യ ബ​ന്ധ​ങ്ങ​ളു​ടെ ക​ഥാ​ക​ഥ​നം

ക​ഥ​ക​ൾ എ​ല്ലാ​യ്പോ​ഴും യാ​ഥാ​ർ​ഥ്യ​മാ​യി​ക്കൊ​ള്ള​ണ​മെ​ന്നി​ല്ല. എ​ന്നാ​ൽ, വാ​സ്ത​വം അ​ല്ലാ​താ​യി​രി​ക്കു​മ്പോ​ഴും മ​നു​ഷ്യാ​വ​സ്ഥ​യെ​ക്കു​റി​ച്ച് യ​ഥാ​ത​ഥ​മാ​യി പ​റ​യു​ന്നു എ​ന്ന​താ​ണ് അ​വ​യു​ടെ മ​ഹ​ത്ത്വം. സ​ൽ​മ​ൻ റു​ഷ്ദി​യു​ടെ ഭാ​ഷ​യി​ൽ പ​റ​ഞ്ഞാ​ൽ, അ​സാ​ധ്യ​ത​ക​ളു​ടെ സൗ​ന്ദ​ര്യ​മാ​ണ് ക​ഥ​ക​ളു​ടെ നി​റ​വ്. അ​തി​ലൂ​ടെ അ​വ സാ​ധ്യ​ത​ക​ളെ​ക്കു​റി​ച്ച് -സ​ത്യ​മ​ല്ലാ​തി​രി​ക്കെ സ​ത്യ​ത്തെ​ക്കു​റി​ച്ച്- പ​റ​യു​ന്നു. ഗ​ബ്രി​യേ​ൽ ഗാ​ർ​സ്യാ മാ​ർ​കേ​സ് അ​സ​ത്യ​ങ്ങ​ളി​ലൂ​ടെ സ​ത്യം പ​റ​യു​ന്നു, മാ​ജി​ക്കി​ലെ​ന്ന​വ​ണ്ണം ഒ​രു പു​തി​യ യാ​ഥാ​ർ​ഥ്യ​ത്തെ സൃ​ഷ്ടി​ക്കു​ന്നു എ​ന്ന റു​ഷ്ദി​യു​ടെ വാ​ക്കു​ക​ൾ ഇ​ത്ത​രു​ണ​ത്തി​ൽ ശ്ര​ദ്ധേ​യ​മാ​ണ്. ഇ​തി​നെ പൂ​ർ​ണ​മാ​യി സാ​ധൂ​ക​രി​ക്കു​ന്നി​ല്ലെ​ങ്കി​ലും, അ​തി​ന്റെ അം​ശ​ങ്ങ​ൾ പ്ര​തി​ഫ​ലി​ക്കു​ന്ന ഒ​ന്നാ​ണ് മാ​ർ​കേ​സി​ന്റെ അ​വ​സാ​ന​ത്തെ കൃ​തി, ‘ആ​ഗ​സ്റ്റ് വ​രെ’ (Until August).

ഓ​ർ​മ​ക​ളാ​ണ് ത​ന്റെ ക​ഥ​ക​ളു​ടെ ഉ​റ​വി​ട​വും ഉ​പ​ക​ര​ണ​വു​മെ​ന്നും അ​തി​ന്റെ അ​ഭാ​വ​ത്തി​ൽ എ​ല്ലാം അ​വ​സാ​നി​ക്കു​മെ​ന്നും മാ​ർ​കേ​സ് പ​റ​ഞ്ഞ​ത് ഓ​ർ​മ​വ​രു​ന്നു. എ​ന്നാ​ൽ, ഓ​ർ​മ​യും മ​റ​വി​യും ത​മ്മി​ലു​ള്ള പോ​രാ​ട്ട​ത്തി​നി​ട​യി​ലാ​ണ് അ​ദ്ദേ​ഹം ഈ ​കൃ​തി എ​ഴു​തി​യ​ത് എ​ന്ന​ത് അ​ർ​ഥ​വ​ത്താ​ണ്. പ്രാ​യം എ​ഴു​പ​തു​ക​ളോ​ട് അ​ടു​ത്ത​പ്പോ​ൾ മ​ക​ൻ റോ​ഡ്രി​ഗോ ഗാ​ർ​സ്യാ (Rodrigo Garcia) അ​ദ്ദേ​ഹ​ത്തോ​ട് ഒ​രു ചോ​ദ്യം ഉ​ന്ന​യി​ക്കു​ന്നു​ണ്ട്: ‘‘രാ​ത്രി​യി​ൽ വി​ള​ക്ക​ണ​ച്ച് ഉ​റ​ങ്ങാ​ൻ കി​ട​ക്കു​മ്പോ​ൾ അ​ച്ഛ​ൻ എ​ന്താ​ണ് ആ​ലോ​ചി​ക്കു​ന്ന​ത്?” “എ​ല്ലാം അ​വ​സാ​നി​ച്ചു​വ​ല്ലോ എ​ന്ന ചി​ന്ത”, ഇ​താ​യി​രു​ന്നു അ​ദ്ദേ​ഹ​ത്തി​ന്റെ ഉ​ത്ത​രം.

ഇ​തി​ന് എ​ത്ര​യോ വ​ർ​ഷ​ങ്ങ​ൾ​ക്കു ശേ​ഷ​മാ​ണ് അ​ദ്ദേ​ഹം ‘ആ​ഗ​സ്റ്റ് വ​രെ’ എ​ഴു​തു​ന്ന​ത്. 2003ൽ ​തു​ട​ങ്ങി 2004ൽ ​അ​ത് മു​ഴു​മി​പ്പി​ക്കു​ന്നു. ഇ​തി​നി​ട​യി​ൽ അ​ഞ്ചു പ്രാ​വ​ശ്യം തി​രു​ത്തി എ​ഴു​തി. അ​വ​സാ​ന​ത്തെ കൈ​യെ​ഴു​ത്തു പ്ര​തി പൂ​ർ​ത്തീ​ക​രി​ക്കു​ന്ന​ത് 2004 ജൂ​ലൈ 5ന്. ​അ​തി​ന്റെ ആ​ദ്യ പേ​ജി​ൽ ‘Grand final ok’” എ​ന്നെ​ഴു​തി ത​ന്റെ സെ​ക്ര​ട്ട​റി​ക്ക് കൈ​മാ​റി​ക്കൊ​ണ്ട് അ​ദ്ദേ​ഹം പ​റ​ഞ്ഞു, ‘‘ചി​ല​പ്പോ​ഴൊ​ക്കെ പു​സ്ത​ക​ങ്ങ​ളെ വി​ശ്ര​മി​ക്കാ​ൻ അ​നു​വ​ദി​ക്ക​ണം.’’ കൃ​തി​യെ​ക്കു​റി​ച്ച് അ​ദ്ദേ​ഹ​ത്തി​ന് പൂ​ർ​ണ​തൃ​പ്തി ഉ​ണ്ടാ​യി​രു​ന്നി​ല്ലെ​ന്ന​തി​ന്റെ ആ​ദ്യ​സൂ​ച​ന. ഒ​ടു​വി​ൽ ഇ​ക്കാ​ര്യം കു​ടും​ബാം​ഗ​ങ്ങ​ളോ​ടു ത​ന്നെ അ​ദ്ദേ​ഹം വ്യ​ക്ത​മാ​ക്കി: ‘‘പു​സ്ത​കം ശ​രി​യാ​യെ​ന്ന് തോ​ന്നു​ന്നി​ല്ല. ഇ​ത് നി​ർ​ബ​ന്ധ​മാ​യും ന​ശി​പ്പി​ച്ച് ക​ള​യ​ണം.’’

എ​ന്നാ​ൽ അ​വ​ർ അ​ദ്ദേ​ഹ​ത്തെ ധി​ക്ക​രി​ക്കാ​ൻ തീ​രു​മാ​നി​ക്കു​ക​യാ​ണു​ണ്ടാ​യ​ത്. ഇ​തി​നെ​ക്കു​റി​ച്ച് അ​ദ്ദേ​ഹ​ത്തി​ന്റെ മ​ക്ക​ൾ പ​റ​യു​ന്ന​ത് ഇ​ങ്ങ​നെ: ‘‘കാ​ലം വി​ധി​യെ​ഴു​ത​ട്ടെ എ​ന്നു ക​രു​തി ഞ​ങ്ങ​ൾ കൈ​യെ​ഴു​ത്തു പ്ര​തി മാ​റ്റി​വെ​ച്ചു. പ​ത്തു​വ​ർ​ഷ​ത്തി​നു​ശേ​ഷം വീ​ണ്ടും വാ​യി​ച്ച​പ്പോ​ൾ അ​തി​ൽ ഉ​ത്കൃ​ഷ്ട​മാ​യ പ​ല​തു​മു​ള്ള​താ​യി തോ​ന്നി... അ​ദ്ദേ​ഹ​ത്തി​ന്റെ ര​ച​നാ​വൈ​ഭ​വം, കാ​വ്യാ​ത്മ​ക​മാ​യ ഭാ​ഷ, മ​നോ​ഹ​ര​മാ​യ അ​ഖ്യാ​ന ശൈ​ലി, പ്ര​ണ​യ​ത്തോ​ടു​ള്ള സ​മീ​പ​നം... ഒ​ടു​വി​ൽ മ​റ്റെ​ല്ലാ പ​രി​ഗ​ണ​ന​ക​ൾ​ക്കു​മ​പ്പു​റം വാ​യ​ന​ക്കാ​രു​ടെ സ​ന്തോ​ഷ​ത്തി​ന് പ്രാ​ധാ​ന്യം ന​ൽ​കാ​ൻ ഞ​ങ്ങ​ൾ തീ​രു​മാ​നി​ച്ചു.” ഇ​തി​ന്റെ പ​രി​ണ​ത​ഫ​ല​മാ​ണ് ഈ ​പു​സ്ത​കം.

വ​ള​രെ കു​റ​ച്ച് ക​ഥാ​പാ​ത്ര​ങ്ങ​ൾ മാ​ത്ര​മു​ള്ള കൃ​തി​യി​ൽ ഓ​രോ​രു​ത്ത​രും അ​വ​ര​വ​രു​ടെ ലോ​ക​ത്താ​ണ് ജീ​വി​ക്കു​ന്ന​ത്. ഓ​രോ​രു​ത്ത​ർ​ക്കും അ​വ​രു​ടേ​താ​യ സ​ത്യ​മു​ണ്ട്. അ​താ​ക​ട്ടെ പ​ര​സ്പ​രം പൊ​രു​ത്ത​പ്പെ​ടു​ന്നു​മി​ല്ല. ഇ​തി​ന്റെ ഏ​റ്റ​വും ന​ല്ല ഉ​ദാ​ഹ​ര​ണ​മാ​ണ് നോ​വ​ലി​ലെ കേ​ന്ദ്ര ക​ഥാ​പാ​ത്ര​മാ​യ അ​ന മ​ഗ്ദ​ലീ​ന ബ​കും അ​വ​രു​ടെ ഭ​ർ​ത്താ​വു​മാ​യു​ള്ള ബ​ന്ധം. പ്ര​ണ​യ​ത്തി​ന്റെ ഉ​റ​വ വ​റ്റാ​തി​രു​ന്നി​ട​ത്തോ​ളം സ​ന്തോ​ഷ​ഭ​രി​ത​മാ​യ ദാ​മ്പ​ത്യ​ജീ​വി​ത​മാ​യി​രു​ന്നു അ​വ​രു​ടേ​ത്. ആ​കെ ഉ​ണ്ടാ​യി​രു​ന്നൊ​രു ബു​ദ്ധി​മു​ട്ട് മ​ക​ൾ ക​ന്യാ​സ്ത്രീ മ​ഠ​ത്തി​ൽ ചേ​രാ​ൻ തീ​രു​മാ​നി​ച്ച​ത് മാ​ത്ര​മാ​ണ്.

എ​ന്നാ​ൽ, മ​റ്റു ചി​ല​ർ അ​വ​രു​ടെ (അ​ന​യു​ടെ) ജീ​വി​ത​ത്തി​ലേ​ക്ക് ക​ട​ന്നു​വ​രു​ന്ന​തോ​ടെ അ​തു​വ​രെ ഭ​ദ്ര​മെ​ന്നു തോ​ന്നി​യ ബ​ന്ധ​ങ്ങ​ളു​ടെ ഇ​ഴ പി​രി​ഞ്ഞു​തു​ട​ങ്ങു​ന്നു. ഓ​രോ​രു​ത്ത​രും അ​വ​രു​ടേ​താ​യ തു​രു​ത്തു​ക​ളി​ൽ അ​ഭ​യം തേ​ടു​ന്നു, അ​ന്യോ​ന്യം ഒ​റ്റ​പ്പെ​ടു​ന്നു. ഇ​ത് ഭൗ​തി​ക​മോ ശാ​രീ​രി​ക​മോ അ​ല്ല. ബ​ന്ധ​ങ്ങ​ളു​ടെ, അ​ടു​പ്പ​ത്തി​ന്റെ അ​ഥ​വാ സ്നേ​ഹ​ത്തി​ന്റെ, അ​ഭാ​വം. ആ​ൾ​ക്കൂ​ട്ട​ത്തി​ൽ ത​നി​യെ എ​ന്നു പ​റ​യും​പോ​ലെ ഒ​രു​മി​ച്ച് ക​ഴി​യു​മ്പോ​ഴും വെ​വ്വേ​റെ ജീ​വി​ക്കു​ന്ന അ​വ​സ്ഥ. ഏ​കാ​ന്ത​ത​യോ അ​തി​നെ സൂ​ചി​പ്പി​ക്കു​ന്ന മ​റ്റു പ​ദ​ങ്ങ​ളോ പ​തി​നാ​റ് ത​വ​ണ​യാ​ണ് വെ​റും 108 പേ​ജു​ള്ള ഈ ​ചെ​റു​കൃ​തി​യി​ൽ മാ​ർ​കേ​സ് ഉ​പ​യോ​ഗി​ച്ചി​രി​ക്കു​ന്ന​ത്.

മ​ധ്യ​വ​യ​സ്ക​യാ​യ അ​ന​യു​ടെ അ​ഞ്ചു വ​ർ​ഷ​ത്തെ ജീ​വി​ത​വും അ​വ​ർ വ​ർ​ഷാ​വ​ർ​ഷം അ​മ്മ​യെ അ​ട​ക്കം ചെ​യ്ത ദ്വീ​പി​ലേ​ക്ക് ന​ട​ത്തു​ന്ന ഒ​റ്റ​യാ​ൾ യാ​ത്ര​ക​ളും യാ​ത്രാ​വേ​ള​ക​ളി​ൽ അ​വ​ർ ഏ​ർ​പ്പെ​ടു​ന്ന ചി​ല വി​വാ​ഹേ​ത​ര ബ​ന്ധ​ങ്ങ​ളു​മാ​ണ് ക​ഥ​യു​ടെ പ്ര​മേ​യം. ക​ഥ ആ​രം​ഭി​ക്കു​ന്ന​ത് അ​മ്മ​യു​ടെ ശ​വ​കു​ടീ​ര​ത്തി​ൽ പൂ​ക്ക​ൾ അ​ർ​പ്പി​ക്കാ​ൻ അ​ന പോ​കു​ന്ന​തോ​ടെ​യാ​ണെ​ങ്കി​ൽ, അ​വ​സാ​നി​ക്കു​ന്ന​ത് അ​വ​രു​ടെ ഭൗ​തി​കാ​വ​ശി​ഷ്ട​ങ്ങ​ൾ സ​ഞ്ചി​യി​ലാ​ക്കി അ​ന വീ​ട്ടി​ൽ തി​രി​കെ​യെ​ത്തി “അ​മ്മ മാ​ത്ര​മേ ത​ന്നെ മ​ന​സ്സി​ലാ​ക്കി​യി​ട്ടു​ള്ളൂ” എ​ന്ന് ഭ​ർ​ത്താ​വി​നോ​ട് പ​റ​യു​ന്ന​തോ​ടെ​യാ​ണ്. കൃ​തി​യി​ലൂ​ടെ ജീ​വി​ത​ത്തി​ന്റെ​യും മ​ര​ണ​ത്തി​ന്റെ​യും അ​ർ​ഥം തേ​ടു​ക​യാ​ണ് ക​ഥാ​കൃ​ത്ത്.

ക​ഥ തു​ട​ങ്ങു​ന്ന​ത് ഒ​രു ആ​ഗ​സ്റ്റ് 16 വെ​ള്ളി​യാ​ഴ്ച​യോ​ടെ​യാ​ണ്. പ​തി​വു​പോ​ലെ അ​മ്മ​യു​ടെ കു​ഴി​മാ​ടം സ​ന്ദ​ർ​ശി​ച്ച് ആ ​വ​ർ​ഷ​ത്തെ ത​ന്റെ അ​നു​ഭ​വ​ങ്ങ​ളെ​ല്ലാം അ​വ​രോ​ട് അ​ന വി​വ​രി​ക്കു​ന്നു. അ​തി​നു​ശേ​ഷം സ​ന്ധ്യ​ക്ക് ഹോ​ട്ട​ലി​ലെ ബാ​റി​ലെ​ത്തി ത​ന്റെ ഇ​ഷ്ട പാ​നീ​യ​മാ​യ ജി​ൻ നു​ണ​ഞ്ഞു​കൊ​ണ്ടി​രി​ക്കു​മ്പോ​ഴാ​ണ് അ​വ​ൾ അ​യാ​ളെ ക​ണ്ടു​മു​ട്ടു​ന്ന​തും പ​രി​ച​യ​പ്പെ​ടു​ന്ന​തും ഇ​രു​വ​രും ചേ​ർ​ന്ന് നൃ​ത്തം ചെ​യ്യു​ന്ന​തും. എ​ല്ലാം ക​ഴി​യു​മ്പോ​ൾ അ​ന അ​യാ​ളെ ത​ന്റെ കി​ട​പ്പ​റ​യി​ലേ​ക്ക് ക്ഷ​ണി​ക്കു​ന്നു.

അ​ന: ന​മു​ക്ക് മു​ക​ളി​ലേ​ക്ക് പോ​യാ​ലോ?

അ​യാ​ൾ: ഞാ​ൻ ഇ​വി​ടെ താ​മ​സി​ക്കു​ന്നി​ല്ല.

അ​ന: പ​ക്ഷേ, ഞാ​ൻ ഇ​വി​ടെ താ​മ​സി​ക്കു​ന്നു​ണ്ട്, ര​ണ്ടാം നി​ല​യി​ലെ ഇ​രു​നൂ​റ്റി മൂ​ന്നാം

ന​മ്പ​ർ മു​റി​യി​ൽ.

തു​ട​ർ​ന്ന് ഇ​രു​വ​രും മു​റി​യി​ലേ​ക്ക് പോ​കു​ക​യും ശാ​രീ​രി​ക​ബ​ന്ധ​ത്തി​ൽ ഏ​ർ​പ്പെ​ടു​ക​യും ചെ​യ്യു​ന്നു. ഒ​ടു​വി​ൽ അ​യാ​ൾ ചോ​ദി​ക്കു​ന്നു, “എ​ന്തു​കൊ​ണ്ട് ഞാ​ൻ?” “പൊ​ടു​ന്ന​നെ ഉ​ണ്ടാ​യൊ​രു വെ​ളി​പാ​ട്” എ​ന്നാ​യി​രു​ന്നു ഇ​തി​നു​ള്ള അ​വ​ളു​ടെ മ​റു​പ​ടി. അ​ന ഉ​റ​ങ്ങി എ​ഴു​ന്നേ​ൽ​ക്കു​മ്പോ​ൾ പ​ക്ഷേ അ​യാ​ളെ കാ​ണു​ന്നി​ല്ല. പെ​ട്ടെ​ന്ന് മേ​ശ​പ്പു​റ​ത്തു കി​ട​ക്കു​ന്ന പു​സ്ത​ക​ത്തി​നു​ള്ളി​ൽ എ​ന്തോ ഉ​ള്ള​തു​പോ​ലെ തോ​ന്നി. തു​റ​ന്നു നോ​ക്കി​യ​പ്പോ​ൾ 20 ഡോ​ള​റി​ന്റെ ഒ​റ്റ നോ​ട്ട്! ഇ​തോ​ടെ ക്രോ​ധ​വും സ​ങ്ക​ട​വും നാ​ണ​ക്കേ​ടും മാ​റി​മാ​റി അ​വ​രെ വേ​ട്ട​യാ​ടാ​ൻ തു​ട​ങ്ങി.

അ​ന വീ​ട്ടി​ൽ തി​രി​ച്ചെ​ത്തി​യ​ത് തി​ക​ച്ചും വ്യ​ത്യ​സ്ത​യാ​യ ഒ​രാ​ളാ​യി​ട്ടാ​ണ്. പു​ക​വ​ലി പു​ന​രാ​രം​ഭി​ക്കു​ന്നു, വാ​യ​ന​യും ഉ​റ​ക്ക​വും തീ​രെ ഇ​ല്ലാ​താ​യി. ഭ​ർ​ത്താ​വ് ത​ന്നെ സം​ശ​യി​ക്കു​ന്നു​ണ്ടോ എ​ന്ന ചി​ന്ത വേ​റെ. അ​വ​സാ​നം എ​ല്ലാ​റ്റി​ന്റെ​യും കാ​ര​ണം പു​സ്ത​ക​ത്തി​ൽ അ​യാ​ൾ വെ​ച്ചി​ട്ടു​പോ​യ 20 ഡോ​ള​റാ​ണെ​ന്ന് അ​വ​ർ ക​ണ്ടെ​ത്തു​ന്നു.

അ​ടു​ത്ത വ​ർ​ഷ​വും പ​തി​വ് സ​ന്ദ​ർ​ശ​ന​ത്തി​ന് അ​വ​ൾ ദ്വീ​പി​ൽ എ​ത്തു​ക​യും അ​മ്മ​യോ​ട് ക​ഴി​ഞ്ഞ ആ​ഗ​സ്റ്റ് 16ന് ​സം​ഭ​വി​ച്ച​തു​ൾ​പ്പെ​ടെ​യു​ള്ള കാ​ര്യ​ങ്ങ​ൾ അ​വ​ത​രി​പ്പി​ക്കു​ക​യും ചെ​യ്യു​ന്നു. ത​ന്റെ പ്ര​വൃ​ത്തി അ​മ്മ അം​ഗീ​ക​രി​ക്കു​മെ​ന്ന ഉ​റ​ച്ച​വി​ശ്വാ​സ​ത്തി​ലാ​ണ് അ​വ​ൾ താ​മ​സ​സ്ഥ​ല​ത്തേ​ക്ക് യാ​ത്ര തി​രി​ക്കു​ന്ന​ത്. മാ​ർ​ഗ​മ​ധ്യേ അ​വ​ൾ ഹെ​യ​ർ സ്റ്റൈ​ലി​സ്റ്റി​ന്റെ അ​ടു​ത്ത് പോ​യി മു​ടി മു​റി​ക്കു​ന്നു​ണ്ട്. അ​തി​ന്റെ കൂ​ലി​യാ​യി അ​യാ​ൾ 20 ഡോ​ള​ർ ആ​വ​ശ്യ​പ്പെ​ട്ട​പ്പോ​ൾ തെ​ല്ലൊ​ന്ന് അ​ത്ഭു​തം കൂ​റി​യെ​ങ്കി​ലും അ​തി​നെ ത​ന്റെ ‘സാ​ഹ​സ​ത്തി​നു​ള്ള’ അ​മ്മ​യു​ടെ അം​ഗീ​കാ​ര​മാ​യി വ്യാ​ഖ്യാ​നി​ക്കാ​ൻ അ​ന അ​മാ​ന്തി​ക്കു​ന്നി​ല്ല. തു​ട​ർ​ന്ന് അ​ജ്ഞാ​ത കാ​മു​ക​ൻ ത​നി​ക്ക് ന​ൽ​കി​യ 20 ഡോ​ള​ർ അ​യാ​ൾ​ക്ക് ന​ൽ​കി​യി​ട്ട് പ​റ​ഞ്ഞു, ‘‘ന​ല്ല കാ​ര്യ​ങ്ങ​ൾ​ക്കാ​യി ചെ​ല​വ​ഴി​ക്കു​ക. ര​ക്ത​വും മാം​സ​വും കൊ​ണ്ടു​ണ്ടാ​ക്കി​യ കാ​ശാ​ണി​ത്.” ഇ​തു ക​ഴി​ഞ്ഞ് ഹോ​ട്ട​ലി​ൽ എ​ത്തി​യ അ​വ​ർ ത​ന്റെ ഇ​ഷ്ട​ത്തി​ന് വി​രു​ദ്ധ​മാ​യി മ​റ്റൊ​ര​ജ്ഞാ​ത​നു​മാ​യി ശാ​രീ​രി​ക ബ​ന്ധ​ത്തി​ൽ ഏ​ർ​പ്പെ​ട്ടു. ഇ​തി​ന് അ​യാ​ൾ ന​ൽ​കു​ന്ന ന്യാ​യീ​ക​ര​ണം, ‘‘വി​ധി​യെ അ​ർ​ക്കും ത​ട​യാ​നാ​വി​ല്ല” എ​ന്ന​താ​ണ്.

ആ​ദ്യ​ത്തേ​ത് തി​ക​ച്ചും ആ​ക​സ്മി​ക​മാ​യി സം​ഭ​വി​ച്ച​താ​ണെ​ങ്കി​ലും അ​ത് ത​ന്റെ ഭാ​ഗ്യ​മാ​യി​രു​ന്നെ​ന്ന് അ​ന വി​ല​യി​രു​ത്തു​ന്നു. അ​തി​ൽ താ​നാ​ണ് തീ​രു​മാ​ന​മെ​ടു​ത്ത​തും തി​ര​ഞ്ഞെ​ടു​ത്ത​തും. ര​ണ്ടാ​മ​ത്തേ​തി​ലാ​ക​ട്ടെ മ​റ്റൊ​രാ​ൾ തീ​രു​മാ​ന​മെ​ടു​ക്കു​ക​യും താ​ൻ തി​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തു. ര​ണ്ടാ​മ​ത്തേ​തി​ൽ ഇ​തൊ​ന്നു​മാ​യി​രു​ന്നി​ല്ല -ശ​രീ​ര​ത്തെ മെ​തി​ക്കു​ന്ന, പൊ​ള്ളു​ന്ന എ​ന്തോ വ​ന്യ​മാ​യ സു​ഖം. ഇ​നി​യു​ള്ള അ​വ​സ​ര​ങ്ങ​ളി​ൽ തി​ര​ഞ്ഞെ​ടു​ക്കാ​നു​ള്ള ത​ന്റെ സ്വാ​ത​ന്ത്ര്യം ആ​ർ​ക്കും അ​ടി​യ​റ​വെ​ക്കി​ല്ലെ​ന്ന് അ​ന തീ​രു​മാ​നി​ക്കു​ന്നു.

അ​ടു​ത്ത മൂ​ന്ന് (മൂ​ന്നും അ​ഞ്ചും യാ​ത്ര​ക​ളി​ൽ) സ​ന്ദ​ർ​ശ​ന​ങ്ങ​ളി​ൽ ര​ണ്ടു പ്രാ​വ​ശ്യം അ​വ​ൾ ഇ​തി​ൽ പൂ​ർ​ണ​മാ​യി വി​ജ​യി​ക്കു​ക​യും ചെ​യ്തു. നാ​ലാം ത​വ​ണ അ​വ​ൾ എ​തി​ർ​ക്കു​ക​യോ അ​നു​കൂ​ലി​ക്കു​ക​യോ ചെ​യ്യു​ന്നി​ല്ല. എ​ന്നി​രു​ന്നാ​ലും ഒ​രു പു​രു​ഷ​നു​മാ​യി കി​ട​ക്ക പ​ങ്കി​ടു​ന്നു. അ​ഞ്ചാം സ​ന്ദ​ർ​ശ​ന​വേ​ള​യി​ൽ പ​ക്ഷേ മ​റ്റൊ​രു കാ​ര്യം സം​ഭ​വി​ക്കു​ന്നു. അ​ന അ​മ്മ​യു​ടെ കു​ഴി​മാ​ട​ത്തി​ൽ ചെ​ല്ലു​മ്പോ​ൾ മ​റ്റാ​രോ അ​ർ​പ്പി​ച്ച പൂ​ക്ക​ൾ വാ​ടി​ക്ക​രി​ഞ്ഞു കി​ട​ക്കു​ന്ന​തു കാ​ണു​ന്നു. എ​ല്ലാ വ​ർ​ഷ​വും അ​വി​ടെ വ​ന്നു​പോ​കു​ന്നൊ​രു വൃ​ദ്ധ​നാ​ണ് ഇ​തി​ന്റെ ആ​ളെ​ന്ന് ശ്മ​ശാ​നം സൂ​ക്ഷി​പ്പു​കാ​ര​നി​ൽ​നി​ന്ന് അ​വ​ൾ മ​ന​സ്സി​ലാ​ക്കു​ന്നു. ജീ​വി​ച്ചി​രു​ന്ന​പ്പോ​ൾ അ​മ്മ ഇ​ട​ക്കി​ടെ ദ്വീ​പ് സ​ന്ദ​ർ​ശി​ച്ച​തി​ന്റെ​യും ത​ന്നെ അ​വി​ടെ അ​ട​ക്ക​ണ​മെ​ന്ന് വാ​ശി​പി​ടി​ച്ച​തി​ന്റെ​യും കാ​ര​ണം. ത​നി​ക്ക് അ​മ്മ​യു​ടെ പ്ര​തി​ച്ഛാ​യ​യാ​ണെ​ന്ന് അ​വ​ൾ തി​രി​ച്ച​റി​ഞ്ഞ നി​മി​ഷം. അ​മ്മ​ക്ക് മാ​ത്ര​മേ ത​ന്നെ പൂ​ർ​ണ​മാ​യി മ​ന​സ്സി​ലാ​ക്കാ​നാ​കൂ എ​ന്ന് അ​വ​ൾ ഭ​ർ​ത്താ​വി​നോ​ട് പ​റ​ഞ്ഞ​തി​ന്റെ പൊ​രു​ൾ ഇ​താ​ണ്.

അ​ന​യു​ടെ മ​നോ​വ്യ​ഥ/​മാ​ന​സി​ക സം​ഘ​ർ​ഷം സ​ന്തോ​ഷം തേ​ടി​യു​ള്ള അ​വ​ളു​ടെ യാ​ത്ര​യി​ൽ​നി​ന്നാ​ണ് തു​ട​ങ്ങു​ന്ന​ത് എ​ന്ന് മാ​ർ​കേ​സ് നോ​വ​ലി​ലൂ​ടെ പ​റ​യാ​തെ പ​റ​യു​ന്നു. സ​ന്തോ​ഷം തേ​ടു​ന്ന യാ​ത്ര​ക​ൾ ഒ​രു ക​ണ​ക്കി​ന് സ്വാ​ത​ന്ത്ര്യ പ്ര​ഖ്യാ​പ​നം​കൂ​ടി​യാ​ണ്. ഇ​ത്ത​രം യാ​ത്ര​ക​ൾ​ക്കി​ട​യി​ൽ മ​ഹാ​പാ​പ​ങ്ങ​ൾ ല​ളി​ത​വും നി​ർ​ദോ​ഷ​വു​മെ​ന്ന് ന​മു​ക്ക് തോ​ന്നും. അ​വ നാം ​മ​റ​ന്നെ​ന്നും വ​രും. എ​ന്നാ​ൽ, ചെ​റി​യ പാ​പ​ങ്ങ​ൾ ന​മ്മെ അ​ല​ട്ടു​ക​യും മു​റി​വേ​ൽ​പി​ച്ചു​കൊ​ണ്ടു​മി​രി​ക്കും.

കു​റ്റ​ബോ​ധ​ത്താ​ൽ പീ​ഡ​നം അ​നു​ഭ​വി​ക്കു​ന്ന വീ​ര​ന്മാ​രു​ടെ ജീ​വി​ത​വും വേ​ദ​ന​ജ​ന​ക​മാ​കു​മെ​ന്ന് ഹോ​മ​ർ പ​റ​ഞ്ഞ​ത് ഇ​തു​മൂ​ല​മാ​ണ്. ഓ​രോ മ​നു​ഷ്യ​നും അ​യാ​ൾ മാ​ത്ര​മ​ല്ല, മ​റ്റാ​രാ​ൾ​കൂ​ടി​യാ​ണ്. അ​യാ​ൾ മ​റ്റൊ​രാ​ളു​ടെ വി​ധി​ക​ർ​ത്താ​വു​മാ​ണ്. ഈ ​കൃ​തി​ക്ക് മാ​ർ​കേ​സി​ന്റെ മ​റ്റു കൃ​തി​ക​ളു​ടെ ഒ​ഴു​ക്കും ദാ​ർ​ശ​നി​ക ഭാ​വ​വും ഇ​ല്ലെ​ങ്കി​ലും, അ​ത് മ​നു​ഷ്യ​ബ​ന്ധ​ങ്ങ​ളു​ടെ ക്ഷ​ണി​ക​ത​യും പ്ര​ണ​യ​വും ര​തി​യും ത​മ്മി​ലു​ള്ള അ​ന്ത​ര​വും വ​ള​രെ ഭം​ഗി​യാ​യി ചി​ത്രീ​ക​രി​ക്കു​ന്നു. അ​ത് ഒ​രേ​സ​മ​യം ന​മ്മു​ടെ കാ​ല​ഘ​ട്ട​ത്തെ സ്വാം​ശീ​ക​രി​ക്കു​ക​യും അ​തി​നെ എ​തി​ർ​ക്കു​ക​യും ചെ​യ്യു​ന്നു.