ഡയാന, ഐൻസ്റ്റൈൻ, കാഫ്ക; ചി​ല ലേ​ല​ക്ക​ഥ​ക​ൾ

ഡ​യാ​ന രാ​ജ​കു​മാ​രി, സാ​ഹി​ത്യ​കാ​ര​ൻ കാ​ഫ്ക, വി​ഖ്യാ​ത ശാ​സ്ത്ര​ജ്ഞ​ൻ ഐ​ൻ​സ്റ്റൈ​ൻ തു​ട​ങ്ങി​യ​വ​രു​ടെ സ്വ​കാ​ര്യ​ശേ​ഖ​ര​ങ്ങ​ൾ അ​ടു​ത്ത​ദി​വ​സ​ങ്ങ​ളി​ൽ ​ലേ​ലം ചെ​യ്യുന്നു

സെ​ലി​ബ്രി​റ്റി​ക​ളും ച​രി​​ത്ര​പു​രു​ഷ​ന്മാ​രു​മെ​ല്ലാം ഉ​പ​യോ​ഗി​ച്ച വ​സ്തു​ക്ക​ളും അ​വ​രെ​ഴു​തി​യ ക​ത്തു​ക​ളു​മെ​ല്ലാം പി​ൽ​ക്കാ​ല​ത്ത് ലേ​ലം ചെ​യ്യു​ന്ന​ത് വ​ലി​യ വാ​ർ​ത്ത​യാ​ണ്. പ​ല ലേ​ല വ​സ്തു​ക്ക​ളു​ടെ​യും മൂ​ല്യം അ​ള​ക്കാ​ൻ ക​ഴി​യി​ല്ല. ഇ​പ്പോ​ഴി​താ ന​വ​സാ​മൂ​ഹി​ക മാ​ധ്യ​മ​ങ്ങ​ളി​ൽ നി​റ​ഞ്ഞു​നി​ൽ​ക്കു​ന്ന​ത് മൂ​ന്ന് ലേ​ല വാ​ർ​ത്ത​ക​ളാ​ണ്. ഡ​യാ​ന രാ​ജ​കു​മാ​രി, സാ​ഹി​ത്യ​കാ​ര​ൻ കാ​ഫ്ക, വി​ഖ്യാ​ത ശാ​സ്ത്ര​ജ്ഞ​ൻ ഐ​ൻ​സ്റ്റൈ​ൻ തു​ട​ങ്ങി​യ​വ​രു​ടെ സ്വ​കാ​ര്യ​ശേ​ഖ​ര​ങ്ങ​ൾ അ​ടു​ത്ത​ദി​വ​സ​ങ്ങ​ളി​ൽ ​ലേ​ലം ചെ​യ്യുന്നു.

1997ൽ ​കാ​റ​പ​ക​ട​ത്തി​ൽ മ​രി​ച്ച ഡ​യാ​ന​യു​ടെ വ​സ്ത്ര​ങ്ങ​ളും ക​ത്തു​ക​ളു​മാ​ണ് ലേ​ലം ചെ​യ്യാ​നൊ​രു​ങ്ങു​ന്ന​ത്. ജൂ​ലി​യ​ൻ ഓ​ക്‌​ഷ​ൻ എ​ന്ന സ്ഥാ​പ​ന​മാ​ണ് ലേ​ലം സം​ഘ​ടി​പ്പി​ക്കു​ന്ന​ത്. ഡ​യാ​ന​യു​ടെ പ്രി​യ ഡി​സൈ​ന​ർ​മാ​രാ​യ കാ​ത​റി​ൻ വോ​ക്ക​ർ, മു​റെ അ​ർ​ബെ​യ്ഡ്, വി​ക്ട​ർ എ​ഡ​ൽ സ്റ്റീ​ൻ എ​ന്നി​വ​ർ ഡി​സൈ​ൻ ചെ​യ്ത വ​സ്ത്ര​ങ്ങ​ളാ​ണ് ലേ​ല​ത്തി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

ക​ഴി​ഞ്ഞ ഡി​സം​ബ​റി​ൽ ഡ​യാ​ന​യു​ടെ നി​ശാ​വ​സ്ത്ര​ങ്ങ​ളി​ൽ ഒ​ന്ന് 1.1 ദ​ശ​ല​ക്ഷ​ത്തി​ല​ധി​കം ഡോ​ള​റി​ന് വി​റ്റു​പോ​യ​തി​നെ തു​ട​ർ​ന്നാ​ണ് കൂ​ടു​ത​ൽ വ​സ്ത്ര​ങ്ങ​ൾ വി​ൽ​ക്കാ​ൻ തീ​രു​മാ​നി​ച്ച​തെ​ന്ന് ജൂ​ലി​യ​ൻ​സ് ഓ​ക്‌​ഷ​ൻ സ്ഥാ​പ​ക​ൻ മാ​ർ​ട്ടി​ൻ നോ​ള​ൻ പ​റ​ഞ്ഞു. 150ൽ ​അ​ധി​കം വ​സ്തു​ക്ക​ൾ ലേ​ല​ത്തി​നു​ണ്ടാ​കും. ജൂ​ൺ 27നാ​ണ്.

വി​ശ്വ​സാ​ഹി​ത്യ​കാ​ര​ൻ ഫ്രാ​ൻ​സ് കാ​ഫ്ക​യു​ടെ നൂ​റാം ച​ര​മ വാ​ർ​ഷി​ക​മാ​ണി​ത്. ‘ദി ​മെ​റ്റാ​മോ​ർ​ഫ​സി​സി’​ന്റെ എ​ഴു​ത്തു​കാ​ര​ൻ 1920ൽ ​രോ​ഗി​യാ​യി കി​ട​ക്ക​വ​യെ എ​ഴു​തി​യ ക​ത്താ​ണി​പ്പോ​ൾ ലേ​ല​ത്തി​ന് വെ​ച്ചി​രി​ക്കു​ന്ന​ത്. ‘എ​ന്തെ​ങ്കി​ലും എ​ഴു​തി​യി​ട്ടി​പ്പോ​ൾ മൂ​ന്ന് വ​ർ​ഷ​മാ​കു​ന്നു’​വെ​ന്ന് തു​ട​ങ്ങു​ന്ന ക​ത്ത് ഒ​രു പ്ര​സാ​ധ​ക​ന്റെ സ്വ​കാ​ര്യ ശേ​ഖ​ര​ത്തി​ൽ​നി​ന്നാ​ണ് ക​ണ്ടെ​ത്തി​യ​ത്. ഏ​ക​ദേ​ശം ഒ​രു കോ​ടി രൂ​പ​യാ​ണ് ക​ത്തി​ന് വി​ല​യി​ട്ടി​രി​ക്കു​ന്ന​ത്.

ര​ണ്ടാം ലോ​ക യു​ദ്ധ​ത്തി​ൽ ജ​പ്പാ​നി​ൽ (ഹി​രോ​ഷി​മ​യി​ലും നാ​ഗ​സാ​ക്കി​യി​ലും) അ​ണു​ബോം​ബ് വ​ർ​ഷി​ച്ച അ​മേ​രി​ക്ക​യെ ഈ ​മേ​ഖ​ല​യി​ൽ ഗ​വേ​ഷ​ണ​ത്തി​ന് പ്രേ​രി​പ്പി​ച്ച​ത് ആ​ൽ​ബ​ർ​ട്ട് ഐ​ൻ​സ്റ്റൈ​ന്റെ ഒ​രു ക​ത്താ​ണ്. ര​ണ്ടാം ലോ​ക​യു​ദ്ധം ആ​രം​ഭി​ക്കു​ന്ന​തി​ന് ര​ണ്ടാ​ഴ്ച മു​മ്പ്, 1939 ആ​ഗ​സ്റ്റ് ര​ണ്ടി​ന് യു.​എ​സ് പ്ര​സി​ഡ​ന്റ് ഫ്രാ​ങ്ക്‍ലി​ൻ റൂ​സ് വെ​ൽ​റ്റി​ന് ഐ​ൻ​സ്റ്റൈ​ൻ ഒ​രു മു​ന്ന​റി​യി​പ്പ് ക​ത്ത് അ​യ​ച്ചി​രു​ന്നു.

ഹി​റ്റ്ല​റു​ടെ ജ​ർ​മ​നി അ​ണു​ബോം​ബ് സാ​​ങ്കേ​തി​ക​വി​ദ്യ കൈ​വ​ശ​പ്പെ​ടു​ത്തി​യി​ട്ടു​ണ്ടെ​ന്നും അ​തി​നാ​ൽ ഏ​ത് നി​മി​ഷ​വും അ​ത് പ്ര​യോ​ഗി​ക്കു​മെ​ന്നു​മാ​യി​രു​ന്നു ഐ​ൻ​സ്റ്റൈ​ന്റെ മു​ന്ന​റി​യി​പ്പ്. ഇ​ത് പ​രി​ഗ​ണി​ച്ചാ​ണ് അ​മേ​രി​ക്ക അ​ണു​ബോം​ബ് ഗ​വേ​ഷ​ണം ഊ​ർ​ജി​ത​മാ​ക്കു​ന്ന​ത്. പ്ര​സ്തു​ത ക​ത്തി​പ്പോ​ൾ മൈ​ക്രോ​സോ​ഫ്റ്റ് സ​ഹ​സ്ഥാ​പ​ക​ൻ പോ​ൾ അ​ല​ന്റെ കൈ​യി​ലാ​ണ്. ഇ​വ​രു​ടെ ക​മ്പ​നി​യാ​ണി​പ്പോ​ൾ ലേ​ല​ത്തി​ന് ഒ​രു​ങ്ങു​ന്ന​ത്. ആ​റ് ദ​ശ​ല​ക്ഷം ഡോ​ള​ർ​വ​രെ ക​മ്പ​നി ക​ത്തി​ന് പ്ര​തീ​ക്ഷി​ക്കു​ന്നു​ണ്ട്.