വരുന്നു 'ദിഗംബരൻ'; അനന്തഭദ്രം നോവലിൽ നിന്ന് മറ്റൊരു സിനിമ കൂടി

സുനിൽ പരമേശ്വരൻ എഴുതിയ അനന്തഭദ്രം നോവൽ വീണ്ടും സിനിമയാകുന്നു. സുനിൽ പരമേശ്വർ ഫേസ്ബുക്കിലൂടെയാണ് പുതിയ സിനിമയുടെ പ്രഖ്യാപനം നടത്തിയത്. 'ദിഗംബരൻ' എന്നാണ് പുതിയ ചിത്രത്തിന്‍റെ പേര്. ഫഹദ് ഫാസിൽ ചിത്രമായ 'അതിരൻ' സംവിധാനം ചെയ്ത വിവേകാണ് 'ദിഗംബരൻ' നിനിമയും സംവിധാനം ചെയ്യുന്നത്.

കോവിഡ് നിയന്ത്രണങ്ങൾ മാറിയാൽ ധനുഷ്കോടിയിലും ഹിമാലയത്തിലുമായി ചിത്രീകരണം നടക്കും. ഒരു നോവലിനെ ആധാരമാക്കി രണ്ട് സിനിമയുണ്ടാകുന്നത് ആദ്യമായിട്ടായിരിക്കുമെന്ന് സുനിൽ പരമേശ്വർ പറയുന്നു. സിനിമയിൽ ദിഗംബരന്‍റെ മറ്റൊരു മുഖം കാണാമെന്നാണ് ഇദ്ദേഹം പറയുന്നത്.

മനോരമ ആഴ്ചപ്പതിപ്പിൽ പ്രസിദ്ധീകരിച്ച നോവലായ 'അനന്തഭദ്രം' പൃഥ്വിരാജിനെയും കാവ്യാ മാധവനെയും കേന്ദ്ര കഥാപാത്രങ്ങളാക്കി 2005ൽ ഇതേപേരിൽ സന്തോഷ് ശിവന്‍റെ സംവിധാനത്തിൽ തിയറ്ററുകളിലെത്തിയിരുന്നു.