ചോര വീണ മണ്ണില്‍‌നിന്നുയര്‍ന്നുവന്ന കവി

തിരുവനന്തപുരം: വയലാറിനുശേഷം മലയാള ആസ്വാദകർ കൊണ്ടാടിയ ജനപ്രീതി നേടിയ കലാകാരനാണ് അനിൽ പച്ചൂരാൻ. ത​െൻറ ആദ്യത്തെ ചലച്ചിത്രഗാനം കൊണ്ടുതന്നെ അദ്ദേഹം അതിപ്രശസ്തനായി. മണ്ണി​െൻറ മണമുള്ള ഭാഷ കായംകുളത്തെ പുതുപ്പള്ളിക്കാരന് ജന്മസിദ്ധമായിരുന്നു. കവിതകളിലെ നാടന്‍ ശീലുകള്‍ അനില്‍ പനച്ചൂരാനെ ഈ മേഖലയില്‍ വ്യത്യസ്തനാക്കി. സ്വന്തം ആലാപന ശൈലിയിലൂടെ അദ്ദേഹം പുതുവഴി വെട്ടി.

ചുവപ്പുനിറഞ്ഞ ത​െൻറ കാഴ്ചപ്പാടുകളിൽ ഇഴചേർത്ത്, കമ്യൂണിസ്​റ്റ്​ പ്രസ്ഥാനത്തി​െൻറ ചരിത്രത്തിലേക്ക് എത്തിനോക്കുകയായിരുന്നു 'ചോര വീണ മണ്ണില്‍‌നിന്നുയര്‍ന്നുവന്ന പൂമരം...' എന്ന ആദ്യ സിനിമാഗാനം. അതൊരു മുഴക്കമായി കേരളത്തിൽ നിറഞ്ഞു. ആസ്വാദകർക്ക് പുതിയൊരു അനുഭവം നൽകി. ഈ ഗാനത്തിനു പിറകെ 'കഥ പറയുമ്പോൾ' എന്ന ചിത്രത്തിലെ 'വ്യത്യസ്തനാമൊരു ബാർബറാം ബാലനെ...' എന്ന ഗാനവും ഇദ്ദേഹത്തെ ജനപ്രിയനാക്കി.

'ആത്മസംഘർഷത്തി​െൻറ ഉപോൽപന്നമാണ് കവിത; സംഘർഷമില്ലാതെ കവിതയില്ല' എന്നായിരുന്നു പനച്ചൂരാ​െൻറ അഭിപ്രായം. ബാലചന്ദ്രൻ ചുള്ളിക്കാടിനെപ്പോലെ പഠനസമയത്ത് എഴുതുന്ന കവിതകൾ വശ്യമായ രീതിയിൽ ചൊല്ലിയിരുന്നു. ചൊൽക്കാഴ്ചയുടെ കവി എന്ന വിശേഷണം അദ്ദേഹത്തിന് ലഭിച്ചു.

ഇദ്ദേഹത്തി​െൻറ 'അനാഥൻ' എന്ന കവിത ജയരാജി​െൻറ 'മകൾക്ക്​' എന്ന സിനിമക്ക്​ ഒരു പ്രചോദനമായി. പുരോഗമനകലാ സാംസ്‌കാരിക രംഗങ്ങളില്‍ ശക്തമായ സാന്നിധ്യമായിരുന്നു പനച്ചൂരാന്‍. മുഴുവൻ സമയ സാംസ്കാരിക പ്രവർത്തകനായും കവിയെന്ന നിലയിലും കേരളം കീഴടക്കി. ചോരവീണ മണ്ണിൽനിന്ന്​ എന്ന വരികളെഴുതിയ കവി തന്നെയാണ് ജിമിക്കിക്കമ്മൽ വരികളെഴുതിയതും. സ്വന്തമായെരു ശൈലി മലയാളത്തിൽ സൃഷ്​ടിച്ചു.