നവതിയാശംസ നേർന്ന രാഹുൽ ഗാന്ധിക്ക് എം.ടി.വാസുദേവന്‍ നായർ പേന സമ്മാനിച്ചു

നവതിയാഘോഷിക്കുന്ന സാഹിത്യകാരൻ എം.ടി.വാസുദേവന്‍ നായരുമായി കോണ്‍ഗ്രസ് നേതാവ് രാഹുല്‍ ഗാന്ധി കൂടിക്കാഴ്ച നടത്തി. കോട്ടക്കൽ ആര്യവൈദ്യശാലയിൽ തന്നെ കാണാനെത്തിയ രാഹുലിനു സ്നേഹസമ്മാനമായി എം.ടി. പേന കൈമാറി. കൂടിക്കാഴ്ചയുടെ ചിത്രങ്ങൾ രാഹുൽ ഗാന്ധി ഫേസ് ബുക്ക് പേജിൽ പങ്കുവച്ചു.

എം.ടിയുടെ പുസ്തകങ്ങളെക്കുറിച്ചും സിനിമകളെക്കുറിച്ചും ആരോഗ്യത്തെക്കുറിച്ചും രാഹുൽ സംസാരിച്ചു. എ.ഐ.സി.സി സംഘടനാകാര്യ ജനറല്‍ സെക്രട്ടറി കെ.സി.വേണുഗോപാൽ ഒപ്പമുണ്ടായിരുന്നു. മുട്ടുവേദനക്കുൾപ്പെടെ ആശ്വാസം തേടി കഴിഞ്ഞ വ്യാഴാഴ്ചയാണു രാഹുല്‍ ആര്യവൈദ്യശാലയിലെത്തിയത്. പതിവുള്ള കർക്കടക ചികിത്സക്കു വന്നതായിരുന്നു എം.ടി.