എ‍‍​ന്‍റെ ഇടുക്കി: ഇനിയും പ്രതീക്ഷകളുണ്ട്....

നാ​ട​ക​ര​ച​യി​താ​വും സം​വി​ധാ​യ​ക​നു​മാ​യ ടി.​എം. എ​ബ്ര​ഹാം ഇടുക്കിയെ കുറിച്ച് സംസാരിക്കുന്നു.. (കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ്​ ജേ​താ​വും സം​ഗീ​ത നാ​ട​ക അ​ക്കാ​ദ​മി മു​ൻ വൈ​സ്​ ചെ​യ​ർ​മാ​നു​മാ​ണ് എബ്രഹാം).

തൊ​ടു​പു​ഴ​ക്ക​ടു​ത്ത്​ നെ​യ്യ​​ശ്ശേ​രി​യാ​ണ്​ എ​ന്‍റെ സ്വ​ദേ​ശം. നെ​യ്യ​ശ്ശേ​രി ഉ​ണി​ച്ചി​ക്ക​വ​ല​യി​ൽ​നി​ന്നാ​ണ്​ എ​ന്‍റെ ത​റ​വാ​ട്ടു​വീ​ട്ടി​ലേ​ക്ക്​ തി​രി​യു​ന്ന​ത്. 21 വ​യ​സ്സു​വ​രെ അ​വി​ടെ​യാ​ണ്​ ജീ​വി​ച്ച​ത്. എ​ഫ്.​എ.​സി.​ടി​യി​ൽ ജോ​ലി കി​ട്ടി​യ​തോ​ടെ താ​മ​സം എ​റ​ണാ​കു​ള​ത്തേ​ക്ക്​ മാ​റ്റി. ഇ​പ്പോ​ൾ ഇ​ട​പ്പ​ള്ളി​യി​ലാ​ണ്. എ​ങ്കി​ലും മാ​സ​ത്തി​ലൊ​രി​ക്ക​ൽ ഞാ​ൻ ജ​ന്മ​നാ​ട്ടി​ൽ എ​ത്താ​റു​ണ്ട്.

1970ക​ളു​ടെ തു​ട​ക്ക​ത്തി​ൽ ഒ​രി​ക്ക​ൽ ഞാ​ൻ എ​റ​ണാ​കു​ള​ത്തു​നി​ന്ന്​​ നെ​യ്യ​ശ്ശേ​രി​യി​ലെ വീ​ട്ടി​ലേ​ക്ക്​ പോ​കു​മ്പോ​ൾ മൂ​വാ​റ്റു​പു​ഴ-​തൊ​ടു​പു​ഴ അ​തി​ർ​ത്തി​യി​ൽ ഒ​രു സ​മ​രം ന​ട​ക്കു​ന്നു. വാ​ഹ​ന​ങ്ങ​ളെ​ല്ലാം ത​ട​ഞ്ഞ്​ യാ​ത്ര​ക്കാ​​രെ ഇ​റ​ക്കി​വി​ടു​ക​യാ​ണ്. അ​ന്വേ​ഷി​ച്ച​പ്പോ​ഴാ​ണ്​ അ​ത്​ ഇ​ടു​ക്കി ജി​ല്ല രൂ​പ​വ​ത്​​ക​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടു​ള്ള സ​മ​ര​മാ​ണെ​ന്ന്​ അ​റി​ഞ്ഞ​ത്. പു​തി​യൊ​രു ജി​ല്ല​യെ​ക്കു​റി​ച്ച്​ ആ​ദ്യം കേ​ൾ​ക്കു​ന്ന​ത്​ അ​ങ്ങ​നെ​യാ​ണ്. ഇ​ടു​ക്കി ജി​ല്ല രൂ​പ​പ്പെ​ടു​ത്തി​യ​തി​ൽ ആ​ദ്യ ക​ല​ക്ട​ർ എ​ന്ന നി​ല​യി​ൽ ഡോ. ​ഡി. ബാ​ബു പോ​ളി​ന്​ വ​ലി​യ പ​ങ്കു​ണ്ട്. ജി​ല്ല ഉ​ണ്ടാ​യ​തോ​ടെ ആ ​നാ​ടി​ന്‍റെ ഭൂ​പ്ര​ദേ​ശ​ങ്ങ​ളും പ്ര​ത്യേ​കി​ച്ച്, ​ തൊ​ടു​പു​ഴ​യും പ​രി​സ​ര​വും ഒ​രു​പാ​ട്​ വ​ള​ർ​ന്നു. എം.​എ​ൽ.​എ​മാ​ർ എ​ന്ന നി​ല​യി​ൽ പി.​ജെ. ജോ​സ​ഫും പി.​ടി. തോ​മ​സു​മെ​ല്ലാം അ​തി​നു​വേ​ണ്ടി പ്ര​വ​ർ​ത്തി​ച്ച​വ​രാ​ണ്. കേ​ര​ള​ത്തി​ലെ മ​റ്റ്​ സ്ഥ​ല​ങ്ങ​ളി​ൽ കാ​ണു​ന്ന​ത്ര ഗ​താ​ഗ​ത​ക്കു​രു​ക്ക്​ ഇ​ല്ല എ​ന്ന​ത്​ തൊ​ടു​പു​ഴ​യു​ടെ പ്ര​ത്യേ​ക​ത​യാ​ണ്. നി​ര​വ​ധി​ ബൈ​പാ​സു​ക​ൾ ഉ​ള്ള​താ​കാം കാ​ര​ണം.

എ​റ​ണാ​കു​ള​ത്ത്​ പി.​ടി. തോ​മ​സു​മാ​യു​ള്ള അ​ടു​പ്പ​മാ​യി​രു​ന്നു എ​ന്‍റെ ഇ​ടു​ക്കി ബ​ന്ധം. ഇ​ട​ക്കി​ടെ വി​ളി​ക്കും. എ​ന്‍റെ എ​ഴു​പ​താം പി​റ​ന്നാ​ളി​ന്​ പൊ​ന്നാ​ട​യും മൊ​​മ​ന്‍റോ​യു​മാ​യി കാ​ണാ​ൻ വ​ന്നി​രു​ന്നു. പ്ര​തീ​ക്ഷി​ച്ച​ള​തി​ലും വ​രെ വേ​ഗ​ത്തി​ലാ​ണ്​ ഇ​ടു​ക്കി​യു​ടെ വ​ള​ർ​ച്ച. എ​ന്നാ​ൽ, അ​ടി​സ്ഥാ​ന സൗ​ക​ര്യം ഇ​നി​യും മെ​ച്ച​പ്പെ​ടേ​ണ്ട​തു​ണ്ട്. ഇ​ടു​ക്കി​യി​ൽ എ​ല്ലാ​യി​ട​ത്തൊ​ന്നും പോ​കാ​ൻ ക​ഴി​ഞ്ഞി​ട്ടി​ല്ല. മൂ​ന്നാ​റും വ​ട്ട​വ​ട​യും കാ​ന്ത​ല്ലൂ​രു​മെ​ല്ലാം മ​നോ​ഹ​ര സ്ഥ​ല​ങ്ങ​ളാ​ണ്​. ജി​ല്ല​യി​ൽ ക​ലാ-​സാം​സ്കാ​രി​ക പ്ര​വ​ർ​ത്ത​ന​ങ്ങ​ൾ ഉ​ണ്ടെ​ങ്കി​ലും അ​വാ​ർ​ഡ്​ പ​രി​ഗ​ണ​ന​ക്കൊ​ന്നും ആ​രു​ടെ​യും പേ​രു​ക​ൾ കി​ട്ടാ​റി​ല്ല എ​ന്ന​ത്​ സം​ഗീ​ത നാ​ട​ക അ​ക്കാ​ദ​മി​യു​ടെ ഭാ​ര​വാ​ഹി​യാ​യി ഇ​രു​ന്ന​പ്പോ​ൾ ഞാ​ൻ ശ്ര​ദ്ധി​ച്ചി​ട്ടു​ണ്ട്. ഈ ​കു​റ​വ്​ നി​ക​ത്തി​യെ​ടു​ക്കേ​ണ്ട​തു​ണ്ട്. സ​ർ​ക്കാ​ർ പ്ര​ഖ്യാ​പി​ച്ച സാം​സ്കാ​രി​ക സ​മു​ച്ഛ​യം പോ​ലു​ള്ള പ​ദ്ധ​തി​ക​ൾ യാ​ഥാ​ർ​ഥ്യ​മാ​കു​മ്പോ​ൾ ഇ​ടു​ക്കി​യും ഈ ​മേ​ഖ​ല​യി​ൽ സ്വ​യം​പ​ര്യാ​പ്​​ത​മാ​കു​മെ​ന്ന്​ ​ക​രു​താം.