"ഞാൻ ഭാഗ്യവാനാണ്, എഴുന്നേറ്റു നടക്കാൻ കഴിയും, അതൊരു വലിയ ആക്രമണമായിരുന്നു” സൽമാൻ റുഷ്ദി

"ഞാൻ ഭാഗ്യവാനാണ്. ശരിക്കും നന്ദിപറയാൻ ആഗ്രഹിക്കുകയാണ്,എനിക്ക് എഴുന്നേറ്റു നടക്കാൻ കഴിയും. ഞാൻ സുഖമായിരിക്കുന്നുവെന്ന് പറയുമ്പോൾ, എ​െൻറ ശരീരം നിരന്തരം പരിശോധിക്കേണ്ടതുണ്ട്. അതൊരു വലിയ ആക്രമണമായിരുന്നു, ” ബുക്കർ പ്രൈസ് ജേതാവ് സൽമാൻ റുഷ്ദിയുടെ വാക്കുകളാണിത്.

75 കാരനായ എഴുത്തുകാരൻ കഴിഞ്ഞ വർഷം ആഗസ്റ്റ് 12 ന് ന്യൂയോർക്കിലെ ചൗതൗക്വാ ഇൻസ്റ്റിറ്റ്യൂഷനിൽ പ്രഭാഷണം നടത്തുമ്പോൾ ഒരാൾ സ്റ്റേജിലേക്ക് ഓടികയറി ആക്രമിക്കുകയായിരുന്നു. തുടർന്ന്, ഒരു കണ്ണിന്റെ കാഴ്ച നഷ്ട​പ്പെട്ടിരുന്നു. ആക്രമണത്തിന് ശേഷമുള്ള തന്റെ ആദ്യ അഭിമുഖമാണിപ്പോൾ പുറത്ത് വന്നത്. തന്റെ മക്കളായ സഫറും മിലനും ഉൾപ്പെടെ ത​ന്നെ പിന്തുണച്ചവരോടുള്ള നന്ദിയാണ് മനസിൽ നിറഞ്ഞുകിടക്കുന്നതെന്ന് റുഷ്ദി `ദി ന്യൂയോർക്കർ' മാസികയോട് പറഞ്ഞു.