ഫാഷിസത്തെ മാനവികത കൊണ്ട് എതിരിടണം -പ്രകാശ് രാജ്, നാടകോത്സവത്തിന് തിരിതെളിഞ്ഞു

തൃ​ശൂ​ർ: കേ​ര​ള​ത്തി​ന്റെ സാം​സ്കാ​രി​ക​വും സാ​മൂ​ഹി​ക​വു​മാ​യ മു​ന്നേ​റ്റ​ത്തി​ന് നാ​ട​ക​ങ്ങ​ൾ ന​ൽ​കി​യ സം​ഭാ​വ​ന വി​സ്മ​രി​ക്കാ​നാ​വി​ല്ലെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പ​ത്തു​ദി​വ​സം നീ​ളുന്ന രാ​ജ്യാ​ന്ത​ര നാ​ട​കോ​ത്സ​വം ‘ഇ​റ്റ്ഫോ​കി’​ന്റെ ഉ​ദ്ഘാ​ട​നം ഓ​ൺ​ലൈ​നാ​യി നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം. മ​നു​ഷ്യ​നെ ഒ​ന്നി​പ്പി​ക്കു​ന്ന വേ​ദി​യാ​യി നാ​ട​കോ​ത്സ​വം മാ​റി​യെ​ന്നും അ​ദ്ദേ​ഹം പ​റ​ഞ്ഞു. ന​വീ​ക​രി​ച്ച മു​ര​ളി തി​യ​റ്റ​റി​ന്റെ ഉ​ദ്ഘാ​ട​ന​വും അ​ദ്ദേ​ഹം നി​ർ​വ​ഹി​ച്ചു. സാം​സ്‌​കാ​രി​ക മ​ന്ത്രി സ​ജി ചെ​റി​യാ​ൻ അ​ധ്യ​ക്ഷ​ത വ​ഹി​ച്ചു.

സാം​സ്കാ​രി​ക സ്ഥാ​പ​ന​ങ്ങ​ളു​ടെ കൂ​ട്ടാ​യ്മ​യി​ൽ 15 ദി​വ​സ​​ത്തെ രാ​ജ്യാ​ന്ത​ര മേ​ള അ​ടു​ത്ത​വ​ർ​ഷം ആ​രം​ഭി​ക്കു​മെ​ന്ന് മ​ന്ത്രി പറഞ്ഞു.. ല​ളി​ത​ക​ല അ​ക്കാ​ദ​മി, സം​ഗീ​ത നാ​ട​ക അ​ക്കാ​ദ​മി, സാ​ഹി​ത്യ അ​ക്കാ​ദ​മി, കേ​ര​ള ക​ലാ​മ​ണ്ഡ​ലം, സി​നി​മ അ​ക്കാ​ദ​മി തു​ട​ങ്ങി​യ സ്ഥാ​പ​ന​ങ്ങ​ളെ ഒ​ന്നി​പ്പി​ച്ചാ​ണ് മേ​ള സം​ഘ​ടി​പ്പി​ക്കു​ക. നാ​ട​കോ​ത്സ​വ​ത്തി​ന്റെ സ​മ​യ​ത്തു​ത​ന്നെ ല​ളി​ത​ക​ല അ​ക്കാ​ദ​മി​യു​ടെ നേ​തൃ​ത്വ​ത്തി​ൽ രാ​ജ്യാ​ന്ത​ര ആ​ർ​ട്ട് ക്യാ​മ്പും ച​ല​ച്ചി​ത്ര അ​ക്കാ​ദ​മി​യു​ടെ നേ​തൃ​ത്വ​ത്തി​ൽ ച​ല​ച്ചി​ത്ര​മേ​ള​യും ന​ട​ത്തും. ക​ലാ​മ​ണ്ഡ​ല​ത്തി​ലെ വി​ദ്യാ​ർ​ഥി​ക​ളു​ടെ ക​ലാ അ​വ​ത​ര​ണ​വും ഉ​ണ്ടാ​കും. സാ​ഹി​ത്യ അ​ക്കാ​ദ​മി സം​ഘ​ടി​പ്പി​ച്ചു​വ​രു​ന്ന സാ​ഹി​ത്യോ​ത്സ​വ​വും ഇ​തേ സ​മ​യ​ത്തേ​ക്ക് ക്ര​മീ​ക​രി​ക്കും- അ​ദ്ദേ​ഹം പ​റ​ഞ്ഞു.

റ​വ​ന്യൂ മ​ന്ത്രി കെ. ​രാ​ജ​ൻ ഇ​റ്റ്ഫോ​ക് ബു​ള്ള​റ്റി​ൻ ‘സെ​ക്ക​ൻ​ഡ് ബെ​ൽ’ പ്ര​കാ​ശ​നം ചെ​യ്തു. ഉ​ന്ന​ത വി​ദ്യാ​ഭ്യാ​സ-​സാ​മൂ​ഹി​ക നീ​തി വ​കു​പ്പ് മ​ന്ത്രി ഡോ. ​ആ​ർ. ബി​ന്ദു, പി. ​ബാ​ല​ച​ന്ദ്ര​ൻ എം.​എ​ൽ.​എ​ക്ക് ന​ൽ​കി ഫെ​സ്റ്റി​വ​ൽ ബാ​ഗ് പ്ര​കാ​ശ​നം ചെ​യ്തു. ഫെ​സ്റ്റി​വെ​ൽ ബു​ക്ക് ടി.​എ​ൻ. പ്ര​താ​പ​ൻ എം.​പി മേ​യ​ർ എം.​കെ. വ​ർ​ഗീ​സി​ന് ന​ൽ​കി പ്ര​കാ​ശ​നം ചെ​യ്തു. കേ​ര​ള സം​ഗീ​ത നാ​ട​ക അ​ക്കാ​ദ​മി ചെ​യ​ർ​മാ​ൻ മ​ട്ട​ന്നൂ​ർ ശ​ങ്ക​ര​ൻ​കു​ട്ടി പ്ര​ഭാ​ഷ​ണം ന​ട​ത്തി.

ഫാ​ഷി​സ​ത്തെ മാ​ന​വി​ക​ത കൊ​ണ്ട് എ​തി​രി​ട​ണം -പ്ര​കാ​ശ് രാ​ജ്

തൃ​ശൂ​ർ: ഫാ​ഷി​സ​ത്തെ​യും അ​ക്ര​മ​ത്തെ​യും എ​തി​രി​ടാ​ൻ മാ​ന​വി​ക​ത കൊ​ണ്ട് മാ​ത്ര​മേ സാ​ധി​ക്കൂ​വെ​ന്ന് ന​ട​ൻ പ്ര​കാ​ശ് രാ​ജ്. ജീ​വി​ത​ത്തെ സ​മ്പു​ഷ്ടി​പ്പെ​ടു​ത്തി​യ മ​നോ​ഹ​ര​മാ​യ ച​രി​ത്രം മാ​ന​വി​ക​ത​ക്ക് പ​റ​യാ​നു​ണ്ട്. മാ​ന​വി​ക​ത​ക്കൊ​പ്പം ജീ​വി​ത​വും പ​തി​യെ ഒ​ഴു​കു​ക​യാ​ണ്. ആ ​ഒ​ഴു​ക്കി​നൊ​പ്പം തി​യ​റ്റ​റും അ​ത് കൊ​ണ്ടു​ത​രു​ന്ന സ​ന്തോ​ഷ​ത്തി​ന്റെ ഒ​ത്തു​ചേ​ര​ലും ഉ​ണ്ട്. തി​യ​റ്റ​റി​ന്റെ വ​ർ​ത്ത​മാ​ന​വും ഭാ​വി​യും സ​ന്തോ​ഷ​മ​യ​മാ​ണ്. കേ​ര​ള​ത്തി​ൽ ഒ​ട്ടേ​റെ ഫെ​സ്റ്റി​വ​ലു​ക​ളി​ൽ പ​​ങ്കെ​ടു​ത്തു. കേ​ര​ളീ​യ​ർ ന​ൽ​കു​ന്ന സ്നേ​ഹ​ത്തി​നും അ​നു​ഭാ​വ​ത്തി​നും ക​ട​പ്പെ​ട്ടി​രി​ക്കു​ന്നു. പ​ല​രും കേ​ര​ളീ​യ​നാ​യി ക​ണ​ക്കാ​ക്കു​ന്ന​തി​ൽ അ​ഭി​മാ​ന​മുണ്ടെന്ന് അ​ദ്ദേ​ഹം പ​റ​ഞ്ഞു.