‘ക​മ​റു​ദ്ദീ​ൻ കു​ഫി​യ’ സ​ർ​വ​ക​ലാ​ശാ​ല​യി​ലേ​ക്ക്

‘സാ​യ്പി​നെ കെ​ട്ടി​യി​ട്ട വീ​ട്ടു​മു​റ്റ​ത്തെ

പ​ന​യി​ൽ കാ​യ്ച്ച കു​രു​വി​ല്ലാ​ത്ത

ഈ​ന്ത​പ്പ​ഴ​മോ

ഒ​ര​മേ​രി​ക്ക​ൻ ത​ല​യോ വേ​ണ്ട​തെ​ന്ന്

ബ​സ​റ​ക്കാ​ര​ൻ ക്യാ​ഷ​ർ ഇ​മാ​ദ് കു​ലു​ങ്ങി​ച്ചി​രി​ക്കു​ന്നു’

മ​ല​യാ​ള ക​വി​ത​യു​ടെ പ​ര​മ്പ​രാ​ഗ​ത വാ​ക്കു​ക​ൾ​ക്കി​ട​യി​ലൂ​ടെ ന​ട​ക്കാ​ൻ കൂ​ട്ടാ​ക്കാ​തെ സ്വ​ന്തം ചി​ന്ത​ക​ൾ​ക്ക​യി സ്വ​ന്ത​മാ​യി വാ​ക്കു​ക​ൾ തീ​ർ​ത്ത ക​വി​യാ​ണ് ക​മ​റു​ദ്ദീ​ൻ ആ​മ​യം എ​ന്നു പ​റ​ഞ്ഞാ​ൽ അ​തി​ശ​യോ​ക്തി​യാ​വി​ല്ല. അ​തി​നാ​ലാ​ണ് അ​തി​ന് ആ​മ​യ​ത്ത് നി​ന്ന് ഒ​റ്റ​യ​ടി​ക്ക് ഗ​സ്സ​യു​ടെ തെ​രു​വി​ലേ​ക്ക് പാ​ഞ്ഞെ​ത്താ​നും മു​റി​വേ​റ്റ​വാ​ക്കു​ക​ളെ കു​ഫി​യ പു​ത​പ്പി​ച്ച് ക​വി​ത​യി​ലേ​ക്ക് ക​യ​റ്റാ​നും ചോ​ര​വ​റ്റി പ്രാ​ണ​ൻ നി​ല​ക്കു​ന്ന​തി​ന് മു​മ്പ് മ​ല​യാ​ള​ത്തി​ലേ​ക്ക് കൊ​ണ്ടു​വ​രാ​നും സാ​ധി​ക്കു​ന്ന​ത്. വാ​ക്കും മ​ന​സ്സും ത​മ്മി​ൽ ല​യി​ക്കു​മ്പോ​ൾ ഇ​തി​ന്‍റെ ര​ണ്ടി​ന്‍റെ​യും രീ​തി​യി​ൽ നി​ന്നു​മാ​റി പു​തി​യ ചി​ല ചി​ന്ത​ക​ളു​ണ്ടാ​ക്കു​ന്ന മാ​ന്ത്രി​ക​ത ആ​മ​യം ക​വി​ത​ക​ളി​ൽ നി​ന്ന് പ​റി​ച്ചെ​ടു​ക്കാ​നാ​കും. അ​തി​നാ​ലാ​ണ് ക​ണ്ണൂ​ർ സ​ർ​വ​ക​ലാ​ശാ​ല​യു​ടെ ബി​രു​ദാ​ന​ന്ത​ര ബി​രു​ദ​ത്തി​ന്‍റെ പാ​ഠ​പു​സ്ത​ക​ത്തി​ലേ​ക്ക് ക​മ​റു​വി​ന്‍റെ കു​ഫി​യ എ​ന്ന ക​വി​ത തെ​ര​ഞ്ഞെ​ടു​ക്ക​പ്പെ​ട്ട​തും. കേ​ര​ള സ​ർ​വക​ലാ​ശാ​ല​യു​ടെ ജ​ന​റ​ൽ വി​ഭാ​ഗ​ത്തി​ലും ഇ​ദ്ദേ​ഹ​ത്തി​ന്‍റെ ക​വി​ത​ക​ൾ ഇ​ടം​പി​ടി​ച്ചി​ട്ടു​ണ്ട്.

അ​ധി​നി​വേ​ശ​ങ്ങ​ൾ വ​ലി​ഞ്ഞു​മു​റു​ക്കി​യ മി​ഡി​ലി​സ്റ്റി​ന്‍റെ പ്രാ​ണ​നി​ൽനി​ന്ന് ചി​ത​റി തെ​റി​ച്ച ചോ​ര​യും മാം​സ​വും ക​ല​ർ​ന്ന വാ​ക്കു​ക​ൾ മ​ല​യാ​ള​ത്തി​ൽ അ​ടു​ക്കി​വെ​ച്ച​വ​ർ അ​ധി​ക​മി​ല്ല. അ​തി​രു​ക​ൾ രാ​ജ്യ​ങ്ങ​ളെ​യാ​ണ് വേ​ർ​തി​രി​ക്കു​ന്ന​ത​ന്നും എ​ന്നാ​ൽ വാ​ക്കു​ക​ൾ മ​നു​ഷ്യ​നു​വേ​ണ്ടി നി​ര​ന്ത​രം പ​റ​ഞ്ഞു​കൊ​ണ്ടി​രി​ക്കു​ക​യാ​ണെ​ന്നും, അ​ത്ത​രം വാ​ക്കു​ക​ൾ ക​വി​ത​ക​ളാ​കു​മ്പോ​ൾ അ​വ​ക്ക് മൂ​ർ​ച്ച കൂ​ടു​ത​ലാ​ണെ​ന്നും ആ​മ​യം ക​വി​ത​ക​ൾ സാ​ക്ഷ്യ​പ്പെ​ടു​ത്തു​ന്നു. കാ​ൽ​നൂ​റ്റാ​ണ്ടി​ലേ​റെ​യാ​യി ദു​ബൈ​യി​ൽ പ്ര​വ​ർ​ത്തി​ക്കു​ന്ന ഇ​ദ്ദേ​ഹ​ത്തി​ന്‍റെ അ​ന​വ​ധി ക​വി​ത​ക​ളാ​ണ് പ്ര​മു​ഖ പ്ര​സി​ദ്ദീ​ക​ര​ണ​ങ്ങ​ളി​ൽ വ​ന്നി​ട്ടു​ള്ള​ത്. വി​വി​ധ ഭാ​ഷ​ക​ളി​ലേ​ക്കും ക​മ​റു​വി​ന്‍റെ ക​വി​ത​ക​ൾ ചേ​ക്കേ​റി​യി​ട്ടു​ണ്ട്. മി​ഡി​ലി​സ്റ്റി​ലെ തീ​പ്പി​ടി​ച്ച ക​വി​ത​ക​ളെ മ​ല​യാ​ള​ത്തി​ലേ​ക്ക് നി​ര​ന്ത​രം കൊ​ണ്ടു​വ​രു​ന്ന ക​വി​യാ​ണ് ആ​മ​യം. പി​റ​ന്ന മ​ണ്ണി​നു​വേ​ണ്ടി​യു​ള്ള പോ​രാ​ട്ട​ത്തി​നി​ട​യി​ൽ വെ​ച്ച് പ​രി​ക്കു​പ​റ്റി​യ വാ​ക്കു​ക​ളു​മാ​യി ആം​ബു​ല​ൻ​സു​ക​ൾ ആ​മ​യ​ത്തി​ന്‍റെ ക​വി​ത​യി​ലേ​ക്ക് നി​ര​ന്ത​രം പാ​ഞ്ഞു​വ​രു​ന്ന​ത് വേ​റി​ട്ട വ​ഴി​ക​ളു​ടെ വൈ​വി​ധ്യം കൊ​ണ്ടാ​ണ്.

ലോ​കം ഒ​രു വൃ​ക്ഷ​മാ​ണെ​ങ്കി​ൽ അ​തി​ന്‍റെ പേ​രാ​ണ് യു.​എ.​ഇ. ആ ​മ​ര​ത്തി​ൽ വി​വി​ധ രാ​ജ്യ​ങ്ങ​ളു​ടെ കൂ​ടു​ക​ൾ. ആ ​കൂ​ട്ടി​ൽനി​ന്ന് സ്വ​ന്തം നാ​ട്ടി​ലേ​ക്ക് ദേ​ശാ​ട​ന​ത്തി​ന് പോ​കു​ന്ന പ​ക്ഷി​ക​ൾ. അ​വ​ർ തി​രി​ച്ച് വ​രു​മ്പോ​ൾ കൊ​ണ്ടു​വ​രു​ന്ന സ്നേ​ഹ​ത്തി​ന്‍റെ മ​ധു​ര​വും ദേ​ശ​ത്തി​ന്‍റെ ചോ​ര​യും മാം​സ​വും കൊ​ണ്ട് തീ​ർ​ത്ത ക​വി​ത​യാ​ണ് ആ​മ​യ​ത്തി​ന്‍റെ കു​ഫി​യ. അ​ധി​നി​വേ​ശം നി​ര​ന്ത​രം ക​ട്ടെ​ടു​ത്ത്, ചു​ട്ടെ​രി​ച്ച്, കൊ​ന്നൊ​ടു​ക്കി കൊ​ണ്ടി​രി​ക്കു​ന്ന സ്വ​ന്തം നാ​ട്ടി​ലേ​ക്ക് പോ​കു​ന്ന ഒ​രാ​ൾ തി​രി​ച്ചു​വ​രു​മ്പോ​ൾ കൊ​ണ്ടു​വ​രു​ന്ന​ത് അ​വ​ന്‍റെ പ്രാ​ണ​നെ അ​ട​ക്കി​യ കു​ഫി​യ​യാ​ണ്. അ​ധി​നി​വേ​ശ​ങ്ങ​ൾ​ക്ക് പ​ല​മു​ഖ​മാ​ണെ​ന്നും അ​ത് ഒ​രു ത​ര​ത്തി​ല​ല്ലെ​ങ്കി​ൽ മ​റ്റൊ​രു​ത​ര​ത്തി​ൽ സ​മൂ​ഹ​ത്തി​ൽ അ​ഴി​ഞ്ഞാ​ടി കൊ​ണ്ടി​രി​ക്കു​ക​യാ​ണെ​ന്നും ഓ​ർ​മി​പ്പി​ക്കു​ന്നു​ണ്ട് ക​മ​റു​ദ്ദീ​ന്‍റെ ‘പ​ത്ത് ടാ​ബ്ല​റ്റു​ക​ളി​ലെ’ ഈ ​ക​വി​ത.

‘പ​യ്പ്പ് സ​ഹി​ക്കാ​തെ

ആ​മ​യെ ചു​ട്ടു​തി​ന്ന​തി​ന്

ഒ​റ്റ​രാ​ത്രി​കൊ​ണ്ട് കു​ടി​യൊ​ഴി​പ്പി​ച്ച

പ​ണ്ട​ത്തെ നാ​യാ​ടി കോ​ള​നി​യി​ല്‍

അ​ല്‍ഫാം ക​ട​ക​ൾ

പു​ക​യൂ​തി ര​സി​ച്ചു നി​ൽ​ക്കു​ന്നു’.

എ​ന്ന് വെ​റു​ത​യ​ങ്ങ് എ​ഴു​തു​ക​യ​ല്ല, ചി​ല ധി​ക്കാ​ര​ങ്ങ​ളു​ടെ ക​ര​ണ​ക്കു​റ്റി​ക്ക് നോ​ക്കി എ​ണ്ണം പ​റ​ഞ്ഞ ഒ​രു പെ​ട കൊ​ടു​ക്കു​ക​യാ​ണ് ക​വി ചെ​യ്യു​ന്ന​ത്. നി​ല​വി​ലെ കേ​ര​ള രാ​ഷ്ട്രീ​യ-​സാ​മൂ​ഹ്യ-​സാം​സ്കാ​രി​ക രം​ഗ​ങ്ങ​ളി​ലെ​ല്ലാം ത​ന്നെ ഇ​ത്ത​രം അ​ടി​ക​ളു​ടെ കു​റ​വ് ധാ​രാ​ള​മു​ണ്ട്. പ്രാ​ദേ​ശി​ക ത​ല​ത്തി​ൽ​വെ​ച്ചു​ത​ന്നെ ഇ​തി​ന് പ​രി​ഹാ​രം ഉ​ണ്ടാ​യി​ട്ടി​ല്ലെ​ങ്കി​ൽ, ത​ക്ക സ​മ​യ​ത്ത് വേ​ണ്ട​ത് ചെ​യ്യാ​തെ ക​ണ്ണ​ട​ച്ച് ഇ​രു​ട്ടാ​ക്കാ​നാ​ണ് ഭാ​വ​മെ​ങ്കി​ൽ ഫാ​സി​സ​ത്തി​ന് ക​ട​ന്നു​വ​ര​വ് എ​ളു​പ്പ​മാ​ണെ​ന്നാ​ണ് ക​ഴി​ഞ്ഞു​പോ​യ തെ​ര​ഞ്ഞെ​ടു​പ്പു​ക​ൾ അ​ടി​വ​ര​യി​ടു​ന്ന​ത്. ഇ​ത്ത​രം വൃ​ത്തി​ക്കെ​ട്ട മൗ​ന​ങ്ങ​ൾ ഉ​ട​ക്കാ​ൻ വാ​ക്കു​ക​ൾ​ക്കു​ള്ള ഉ​ൾ​ക്ക​രു​ത്ത് മ​റ്റൊ​ന്നി​നു​മി​ല്ല.

‘സ്വേ​ച്ഛാ​ധി​പ​തി​ക​ളെ

വെ​റു​തെ മീ​ശ പി​രി​ക്ക​ല്ലേ

ചി​രി​പ്പി​ക്ക​ല്ലേ

പ​റ​ത്തി​ക്ക​ള​യു​മെ​ന്ന് വീ​മ്പ​ടി​ക്ക​ല്ലേ

ഒ​ട്ടൊ​ന്ന് മു​ന്നോ​ട്ട് പോ​യി

പി​ന്തി​രി​ഞ്ഞു നോ​ക്കി​യാ​ല്‍

നി​ങ്ങ​ള്‍ ഞ​ങ്ങ​ള്‍ക്ക്

വെ​റു​മൊ​രു ട്രാ​വ​ല്‍ ഏ​ജ​ന്റ്’.

ആ​മ​യ​ത്തി​ന്‍റെ ക​വി​ത​ക​ളി​ൽ എ​ല്ലാം ത​ന്നെ സ​മ​കാ​ലി​ക വി​ഷ​യ​ങ്ങ​ളോ​ട് മു​ഖ​ത്തോ​ട് മു​ഖം നോ​ക്കി​യു​ള്ള ചോ​ദ്യം ചെ​യ്യ​ലു​ക​ൾ വാ​യി​ച്ചെ​ടു​ക്കാ​നാ​കും. ഭ​ക്ഷ​ണ​ത്തി​ലും വ​സ്ത്ര​ത്തി​ലും വോ​ട്ടു​ക​ൾ നേ​ടാ​നു​ള്ള വെ​റു​പ്പു​ക​ൾ തു​ന്നി​ച്ചേ​ർ​ക്കു​ന്ന കെ​ട്ട​കാ​ല​ത്തെ നോ​ക്കി നി​ൽ​ക്കെ ഇ​ങ്ങ​നെ​യെ​ല്ലാ​തെ പി​ന്നെ എ​ങ്ങ​നെ​യാ​ണ് ക​വി പ​റ​യേ​ണ്ട​ത്.

‘വ​ല്ലാ​ത്തൊ​രു

തീ​റ്റ ഭ്രാ​ന്ത​ന്‍ കു​ട്ടി​ത​ന്നെ.

കാ​ല​ന്റെ വാ​ഹ​നം

പോ​ത്തെ​ന്ന് പ​റ​ഞ്ഞ​തും

ബീ​ഫ് ഫ്രൈ ​ചോ​ദി​ച്ച് ക​ര​ച്ചി​ലാ​യി

ശ്ര​ദ്ധ​യൊ​ന്ന് മാ​റ്റാ​ന്‍

മാ​ന​ത്തെ ച​ന്ദ്ര​നെ കാ​ട്ടി​യ​തും

പ​ത്തി​രി​ക്ക് കൂ​ടി​യാ​യി അ​ല​റി​ക്ക​ര​ച്ചി​ല്‍’.

പൊ​ന്നാ​നി താ​ലൂ​ക്കി​ലെ ആ​മ​യ​ത്താ​ണ്​ ജ​ന​നം. മ​താ​പി​താ​ക്ക​ൾ: എം.​എ മു​ഹ​മ്മ​ദ്, പി ​ഫാ​ത്തി​മ്മ. ഭാ​ര്യ: റ​സീ​ന. മ​ക്ക​ൾ: ദി​യ, റ​യാ​ൻ, ഇ​ഹാ​ൻ. അ​ധ്യാ​പ​ക​നാ​യും, പ​ത്ര​പ്ര​വ​ർ​ത്ത​ക​നാ​യും കു​റ​ച്ചു​കാ​ലം നാ​ട്ടി​ൽ ജോ​ലി ചെ​യ്തു. 1996 മു​ത​ൽ യു.​എ.​ഇ​യി​ൽ.