കേരളഗാനം: കാര്യങ്ങൾ വ്യക്തമാക്കി ശ്രീകുമാരൻ തമ്പിക്ക് മെയിൽ അയച്ചെന്ന് സച്ചിദാനന്ദൻ

തൃ​ശൂ​ർ: കേ​ര​ള​ഗാ​ന വി​വാ​ദ​ത്തി​ൽ ക​വി ശ്രീ​കു​മാ​ര​ൻ ത​മ്പി​യു​ടെ ആ​രോ​പ​ണ​ങ്ങ​ൾ​ക്ക് വീ​ണ്ടും വി​ശ​ദീ​ക​ര​ണ​വു​മാ​യി സാ​ഹി​ത്യ അ​ക്കാ​ദ​മി അ​ധ്യ​ക്ഷ​ൻ കെ. ​സ​ച്ചി​ദാ​ന​ന്ദ​ൻ. ശ്രീ​കു​മാ​ര​ൻ ത​മ്പി​യോ​ട് പാ​ട്ട് ചോ​ദി​ക്കാ​ൻ അ​ക്കാ​ദ​മി സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി​യ​ത് സാം​സ്കാ​രി​ക വ​കു​പ്പ് സെ​ക്ര​ട്ട​റി​യാ​​ണെ​ന്നും അ​ദ്ദേ​ഹ​മെ​ഴു​തി​യ​ത് പ​റ്റി​ല്ലെ​ന്ന് ക​ണ്ടെ​ത്തി​യ​ത്​ വ​കു​പ്പ് സെ​ക്ര​ട്ട​റി കൂ​ടി ഉ​ൾ​പ്പെ​ട്ട സ​മി​തി​യാ​ണെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ഒ​രു വാ​ഗ്ദാ​ന ലം​ഘ​ന​വും ന​ട​ന്നി​ട്ടി​ല്ല. അ​ക്കാ​ദ​മി അ​ധ്യ​ക്ഷ​ൻ ക​മ്മി​റ്റി​യി​ലെ ഒ​രു അം​ഗം മാ​ത്ര​മാ​ണ്. ഒ​രാ​ളും വ​സ്തു​നി​ഷ്ഠ കാ​ര​ണ​ങ്ങ​ളാ​ൽ ത​മ്പി​യു​ടെ ഗാ​നം അം​ഗീ​കാ​ര​യോ​ഗ്യ​മാ​യി ക​രു​തി​യി​ല്ല. കേ​ര​ള​ഗാ​ന പ​ദ്ധ​തി ത​ന്നെ സ​ർ​ക്കാ​റി​ന്‍റേ​താ​ണ്, അ​ക്കാ​ദ​മി​യു​ടേ​ത​ല്ല. ഗാ​ന​ങ്ങ​ൾ ഇ​പ്പോ​ഴും വ​രു​ന്നു, പ​ഴ​യ ക​വി​ത​ക​ളും ചി​ല​ർ നി​ർ​ദേ​ശി​ക്കു​ന്നു. അ​ന്തി​മ തീ​രു​മാ​നം കൃ​തി​യും സം​ഗീ​ത​വും ഒ​രു​പോ​ലെ സ​ർ​ക്കാ​ർ ക​മ്മി​റ്റി അം​ഗീ​ക​രി​ക്കു​മ്പോ​ൾ മാ​ത്ര​മേ ഉ​ണ്ടാ​കൂ. സ​ത്യ​ങ്ങ​ൾ വ്യ​ക്ത​മാ​ക്കി ശ്രീ​കു​മാ​ര​ൻ ത​മ്പി​ക്ക് നേ​രി​ട്ട് ഇ ​മെ​യി​ൽ അ​യ​ച്ചി​ട്ടു​ണ്ടെ​ന്നും സ​ച്ചി​ദാ​ന​ന്ദ​ൻ സ​മൂ​ഹ​മാ​ധ്യ​മ​ത്തി​ൽ പ​ങ്കു​വെ​ച്ച കു​റി​പ്പി​ൽ പ​റ​ഞ്ഞു.

കുറിപ്പി​െൻറ പൂർണരൂപം

ആയിരക്കണക്കിന് സഹൃദയർ എൻ്റെ നിലപാടിന് പിന്തുണയുമായി വരുന്നുണ്ട്. അവർ അറിയാത്ത ഒരു കാര്യം ശ്രീ. തമ്പിയോട് പാട്ട് ചോദിക്കാൻ - അംഗീകരിക്കും എന്ന ഒരു ഗാരണ്ടിയും നൽകാതെ -അക്കാദമി സെക്രട്ടറിയോട് നിർദേശിച്ചത് സാംസ്കാരിക വകുപ്പ് സെക്രട്ടറി ആണെന്നും അത് പറ്റില്ലെന്ന് കണ്ടെത്തിയത് അവർ കൂടി ഉൾപ്പെട്ട കമ്മിറ്റി ആണെന്നും ഉള്ള കാര്യമാണ്. ഇതിൽ ഒരു വാഗ്ദാന ലംഘനവും ഇല്ല. ഞാൻ ആ കമ്മിറ്റിയിലെ വെറും ഒരു അംഗം ആണ്. സന്നിഹിതരായിരുന്നവരിൽ ഒരാളും വസ്തുനിഷ്ഠകാരണങ്ങളാൽ തമ്പിയുടെ ഗാനം അംഗീകാരയോഗ്യമായി കരുതിയില്ല. കേരളഗാനം പ്രോജക്ട് തന്നെ അക്കാദമിയുടെ അല്ല, സർക്കാരിൻ്റെതാണ്.

ഗാനങ്ങൾ ഇപ്പോഴും വരുന്നു, പഴയ കവിതകളും ചിലർ നിർദ്ദേശിക്കുന്നു. അന്തിമ തീരുമാനം കൃതിയും സംഗീതവും ഒരേ പോലെ സർക്കാർ കമ്മിറ്റി അംഗീകരിക്കുമ്പോൾ മാത്രമേ ഉണ്ടാകൂ.ഈ കാര്യത്തെ എന്തോ വ്യക്തികാര്യമായി , മാനാപമാനകാര്യമായി, അഥവാ, അക്കാദമി കാര്യമായി, ചിത്രീകരിക്കുന്നവരുടെ സത്യസന്ധതയും രാഷ്ട്രീയവും മന: ശാസ്ത്രവും പരിശോധന അർഹിക്കുന്നു. ഒരു സെൻസന്യാസി യെപ്പോലെ മൗനം പാലിക്കാം എന്ന് കരുതിയതാണ്, പക്ഷേ അസത്യപ്രസ്താ വങ്ങളും വാർത്തകളും തുടർച്ചയായി വരുന്നതിനാൽ ഇത്രയും വ്യക്തമാക്കാതെ വയ്യ എന്ന് തോന്നി. വിമർശകരുടെ ഭാഷ എനിക്ക് അറിയാത്തതിൽ ഖേദമില്ല. അത് അവരെത്തന്നെ വെളിപ്പെടുത്തുന്നു . സത്യങ്ങൾ എല്ലാം ഞാൻ ശ്രീ തമ്പിക്ക് നേരിട്ട് ഇമെയിൽ ആയി മിനിയാന്നു തന്നെ എഴുതുകയും ചെയ്തിരുന്നു.