വി​ട​വാ​ങ്ങ​ലി​​ന്റെ ഹ​ജ്ജ്

ഊ​ണി​ന് വ​ട്ടം കൂ​ടി​യി​രു​ന്ന ഒ​രു ഉ​ച്ച​നേ​ര​ത്താ​ണ് അ​പ്ര​തീ​ക്ഷി​ത​മാ​യി മ​ദീ​ന​യി​ൽ​നി​ന്ന് ഉ​പ്പ​യു​ടെ ഫോ​ൺ കാ​ൾ വ​ന്ന​ത്. ഹ​ജ്ജി​നു​ള്ള ഓ​ൺ​ലൈ​ൻ ബു​ക്കി​ങ്​ മ​രു​മ​ക​നെ കൊ​ണ്ട് ചെ​ക്ക് ചെ​യ്യി​പ്പി​ക്കാ​നാ​യി​രു​ന്നു ആ ​കാ​ൾ. എ​ന്നാ​ൽ ക​ഴി​ക്കാ​നാ​യി ഉ​രു​ള​യു​രു​ട്ടു​ന്ന നേ​ര​ത്ത് അ​തി​​ന്റെ രു​ചി​യി​ൽ കൂ​ടാ​ൻ ഉ​പ്പ​യെ അ​രി​കി​ൽ കി​ട്ടാ​ത്ത സ​ങ്ക​ടം ഉ​ള്ളി​ൽ പെ​യ്തി​റ​ങ്ങി​യ അ​തേ നി​മി​ഷ​മാ​ണ് ആ ​സ്വ​രം തേ​ടി​യെ​ത്തി​യ​തെ​ന്ന അ​തി​ശ​യ​ത്തോ​ടെ​യും കൊ​തി​യോ​ടെ​യും ഉ​പ്പ​യെ കേ​ട്ടി​രു​ന്നു.

ഉ​ള്ളി​ൽ നി​ന്ന​ല​ച്ചു​വ​ന്ന ആ​ഗ്ര​ഹ​ത്തി​ന് പി​ന്നെ ക​ടി​ഞ്ഞാ​ണി​ട്ടി​ല്ല. ഞാ​നും കൂ​ടെ ഉ​പ്പ​യോ​ടൊ​പ്പം ഹ​ജ്ജി​ന് പൊ​യ്ക്കോ​ട്ടേ എ​ന്ന ചോ​ദ്യ​ത്തി​ന് ‘ഉ​മ്മി പൊ​യ്ക്കോ​ളൂ, സി​മ​യേം വാ​പ്പി​യേം ഞ​ങ്ങ​ൾ നോ​ക്കി​ക്കോ​ളാം’ എ​ന്നാ​യി​രു​ന്നു മ​ക്ക​ളു​ടെ ഉ​ത്ത​രം. പ​തി​നാ​ലാം വ​യ​സ്സി​ൽ ഉ​പ്പ​യു​മൊ​ത്തു​ള്ള ഹ​ജ്ജി​നു​ശേ​ഷം അ​ങ്ങ​നെ​യൊ​രു അ​വ​സ​രം സ്വ​പ്ന​മാ​യി​രു​ന്നു. അ​തി​നാ​ൽ ഉ​പ്പ​യും ഞാ​നും മാ​ത്ര​മാ​യു​ള്ളൊ​രു ഹ​ജ്ജ് എ​ന്ന​ത് കാ​ത്തു​കാ​ത്ത് കി​ട്ടി​യ സു​വ​ർ​ണാ​വ​സ​ര​മാ​യി​രു​ന്നു.

പി​ന്നെ​യെ​ല്ലാം പെ​ട്ടെ​ന്നാ​യി​രു​ന്നു. ഉ​പ്പ​യു​ടെ അ​ടു​ത്ത് മ​ദീ​ന​യി​ൽ എ​ത്തി​യ ദി​വ​സം മ​റ​ക്കാ​ൻ ക​ഴി​യാ​ത്ത​ത്ര സു​ന്ദ​ര​മാ​ണ്. അ​ത്ര​മേ​ൽ ഉ​ത്സാ​ഹ​ഭ​രി​ത​നും സ​ന്തോ​ഷ​വാ​നു​മാ​യി ഉ​പ്പ​യെ അ​ടു​ത്തെ​ങ്ങും അ​ങ്ങ​നെ ക​ണ്ടി​രു​ന്നി​ല്ല. സാ​ധാ​ര​ണ, ഉ​പ്പ​യു​ടെ കാ​ര്യ​ങ്ങ​ൾ അ​റി​ഞ്ഞു ചെ​യ്തു കൊ​ടു​ക്കു​ക​യാ​ണ് പ​തി​വ്. എ​ന്നാ​ൽ അ​ന്ന് പ​തി​വി​ന് വി​പ​രീ​ത​മാ​യി പ​ല​കാ​ര്യ​ങ്ങ​ളും ഉ​പ്പ സ​ന്തോ​ഷ​ത്തോ​ടെ പ​റ​ഞ്ഞേ​ൽ​പി​ച്ചു ചെ​യ്യി​പ്പി​ച്ചു. ആ​ന​ന്ദം കൊ​ണ്ട് ഉ​ള്ള് തു​ടി​ക്കു​മ്പോ​ഴാ​ണ് അ​ടു​ത്ത ആ​വ​ശ്യം വ​ന്ന​ത്. ‘നീ​യെ​ന്റെ പു​റ​മൊ​ക്കെ ന​ന്നാ​യി തേ​ച്ചൊ​ന്നു കു​ളി​പ്പി​ച്ചേ’ എ​ന്ന്.

ഒ​രു കു​ഞ്ഞി​നെ എ​ന്ന പോ​ലെ ഉ​പ്പ​യു​ടെ പു​റ​വും കാ​ലു​ക​ളു​മൊ​ക്കെ തേ​ച്ചു കു​ളി​പ്പി​ച്ച് ന​ഖ​മൊ​ക്കെ മു​റി​ച്ചു​കൊ​ടു​ത്തു. തു​ട​ർ​ന്നു​ള്ള യാ​ത്ര​ക​ൾ ഹ​ജ്ജി​​ന്റെ ഓ​രോ ക​ർ​മ​ങ്ങ​ളും ഉ​പ്പ​യു​ടെ അ​റി​വി​നും നി​ഷ്ഠ​ക്കും അ​നു​സ​രി​ച്ചു​ള്ള​താ​യി​രു​ന്നു. മ​റ്റു​ള്ള​വ​രു​ടെ കീ​ഴി​ല്‍ നി​ൽ​ക്കാ​നോ ആ ​നി​ഷ്ഠ​ക​ൾ​ക്കൊ​ത്ത് ആ​രാ​ധ​നാ​ക​ർ​മ​ങ്ങ​ളി​ൽ ഏ​ർ​പ്പെ​ടാ​നോ തീ​രെ താ​ൽ​പ​ര്യ​മി​ല്ലാ​ത്ത ഉ​പ്പ​യു​ടെ കൂ​ടെ ‘ന​ട​ന്ന്’ ത​ന്നെ​യു​ള്ള പോ​ക്കും വ​ര​വും. ക​ർ​മ​ങ്ങ​ൾ​ക്കൊ​ക്കെ​യാ​യി കു​റെ ന​ട​ന്ന​പ്പോ​ഴാ​ണ് ഉ​പ്പ​യു​ടെ കാ​ൽ വി​ര​ലു​ക​ൾ​ക്ക് വേ​ദ​ന​യാ​യി​ട്ടു ചെ​രു​പ്പു​ക​ൾ പ​ര​സ്പ​രം മാ​റി ഇ​ട്ടു ന​ട​ന്ന് തു​ട​ങ്ങി​യ​ത്. ആ ​ന​ട​ത്തം ബാ​ഹ്യാ​ർ​ഥ​ത്തി​ലും ആ​ന്ത​രീ​കാ​ർ​ഥ​ത്തി​ലും ഒ​രു​പാ​ട് ഉ​ണ​ർ​ച്ച​ക്ക് കാ​ര​ണ​വു​മാ​യി. രാ​ത്രി ഏ​റെ വൈ​കു​വോ​ളം ജം​റ​യി​ലു​ള്ള പ്രാ​ർ​ഥ​ന ക​ഴി​ഞ്ഞു തി​രി​ഞ്ഞു​നോ​ക്കു​മ്പോ​ഴാ​കും എ​ത്ര​യോ മ​നു​ഷ്യ​ർ ഉ​പ്പ​യു​ടെ പ്രാ​ർ​ഥ​ന​യി​ൽ കൂ​ട്ടാ​യി കൂ​ടി​യ കാ​ര്യ​മ​റി​യു​ക. പ്രാ​ർ​ഥ​ന​യെ​ന്നാ​ൽ ബ​ഹു​വ​ച​ന​ത്തി​ലു​ള്ള പ്ര​വ​ർ​ത്ത​ന​മൂ​ല്യ​ങ്ങ​ൾ ആ​ണെ​ന്ന് അ​റി​ഞ്ഞ​ത് ഉ​പ്പ​യി​ൽ​നി​ന്നാ​ണ്. അ​ങ്ങ​നെ​ങ്കി​ൽ അ​റി​ഞ്ഞ​തി​ൽ വെ​ച്ച് ഏ​റ്റ​വും സു​ധാ​മ​യ​മാ​യ പ്രാ​ർ​ഥ​ന ഉ​പ്പ ത​ന്നെ​യാ​ണ്.

ഉ​പ്പ​യു​ടെ മ​ര​ണം ഞ​ങ്ങ​ളു​ടെ ഒ​രു​മി​ച്ചു​ള്ള ഹ​ജ്ജ് ക​ഴി​ഞ്ഞു​ ര​ണ്ടാം കൊ​ല്ല​മാ​യി​രു​ന്നു. എ​ല്ലാ അ​ർ​ഥ​ത്തി​ലും വി​ട​വാ​ങ്ങ​ലി​​ന്റെ ഹ​ജ്ജ്. ഒ​രു ബു​ധ​നാ​ഴ്ച പു​ല​ർ​ച്ചെ ര​ണ്ടു മ​ണി​ക്കാ​ണ് മ​ദീ​ന​വാ​സി​യാ​യ ഉ​പ്പ​യു​ടെ സു​ഹൃ​ത്ത് സു​ലൈ​മാ​ൻ മാ​മ​യു​ടെ ഫോ​ൺ കാ​ൾ വ​ന്ന​ത്. ഏ​റെ പ​രി​ഭ്രാ​ന്ത​നാ​യി കാ​ൾ അ​റ്റ​ൻ​ഡ്​ ചെ​യ്യു​ന്ന ന​ല്ല പാ​തി​യു​ടെ മു​ഖം വ​ല്ലാ​ത്തൊ​രു ആ​ന്ത​ലോ​ടെ​യാ​ണ് ക​ണ്ട​ത്. കാ​ര്യ​മെ​ന്തെ​ന്ന്​ എ​ത്ര ചോ​ദി​ച്ചി​ട്ടും പ​റ​യാ​ൻ കൂ​ട്ടാ​ക്കാ​ത്ത​തു ക​ണ്ട​പ്പോ​ൾ വേ​ഗം അം​ഗ​ശു​ദ്ധി വ​രു​ത്തി പ്രാ​ർ​ഥ​ന​യി​ൽ മു​ഴു​കി.

ഖു​ർ​ആ​ൻ തു​റ​ന്ന​പ്പോ​ൾ ആ​ദ്യം ക​ണ്ട സൂ​ക്തം മ​ര​ണ​ത്തെ കു​റി​ച്ചു​ള്ള​തു ത​ന്നെ​യാ​യി​രു​ന്നു. എന്നാലും പ്രാ​ണ​നി​ലേ​ക്ക് അ​രി​ച്ചു​ക​യ​റു​ന്ന ത​ണു​പ്പി​നി​ട​യി​ലും ആ ​സ​ത്യ​ത്തെ ഉ​ൾ​ക്കൊ​ള്ളാ​ൻ മ​ന​സ്സു ത​യാ​റാ​കു​ന്നില്ലാ​യി​രു​ന്നു. പു​ണ്യ പ്ര​വാ​ച​ക​​ന്റെ ചാ​ര​ത്തു​ള്ള ജ​ന്ന​ത്തു​ൽ ബ​ഖി​ഇ​അ​യി​ൽ അ​വ​സാ​ന നി​ദ്ര കൊ​ള്ള​ണ​മെ​ന്ന ആ​ഗ്ര​ഹം സ​ഫ​ല​മാ​ക്കി​യാ​ണ് ഉ​പ്പ മ​ര​ണ ശേ​ഷ​വും അ​തി​ശ​യി​പ്പി​ച്ച​ത്.