അക്കിത്തത്തിന്‍റെ വേർപാട് ജ്ഞാ​ന​പീ​ഠ നിറവിൽ

ഭാഷയുടെയും ചിന്തയുടേയും പാരമ്പര്യ ഊർജം ആ​ധു​നി​ക ക​വി​ത​യി​ലേ​ക്ക്​ സന്നിവേശിപ്പിച്ച മ​ല​യാ​ള​ത്തി​​ന്‍റെ മ​ഹാ​ക​വി അ​ക്കി​ത്തം അ​ച്യു​ത​ൻ ന​മ്പൂ​തി​രി​യുടെ വേർപാട് ​രാ​ജ്യ​ത്തെ പ​ര​മോ​ന്ന​ത സാ​ഹി​ത്യ പു​ര​സ്​​കാ​ര​മാ​യ ജ്ഞാ​ന​പീ​ഠത്തിന്‍റെ നിറവിൽ. 'വെ​ളി​ച്ചം ദുഃ​ഖ​മാ​ണു​ണ്ണീ, ത​മ​സ്സ​ല്ലോ സു​ഖ​പ്ര​ദം' എ​ന്ന അ​യ​ത്​​ന ല​ളി​തമെങ്കിലും ഗഹനമായ വ​രി​ക​ളി​ലൂ​ടെ കാവ്യഭൂമികയിൽ ചിരപ്രതിഷ്​ഠ നേടിയ മലയാളത്തി​​െൻറ പ്രിയ കവിയാണ്​​ 55ാമ​ത്​ ജ്ഞാ​ന​പീ​ഠ പു​ര​സ്​​കാ​ര​ത്തി​ലൂ​ടെ ആ​ദ​രി​ക്ക​പ്പെ​ട്ട​ത്. കാ​ല​ത്തെ അ​തി​ജീ​വി​ക്കു​ന്ന പ്ര​വ​ച​നാ​ത്മ​ക വ​രി​ക​ൾ​ക്കു​ട​മ​യാ​യ അ​ക്കി​ത്ത​ത്തി​​ലൂ​ടെ ഇ​ത്​ ആ​റാ​മൂ​ഴ​മാ​ണ്​ മ​ല​യാ​ള​ത്തി​ലേ​ക്ക്​ ജ്ഞാ​ന​പീ​ഠം പ​ടി​ക​യ​റി വ​ന്ന​ത്. മു​മ്പ്​ ജി. ​ശ​ങ്ക​ര​ക്കു​റു​പ്പ്, ത​ക​ഴി ശി​വ​ശ​ങ്ക​ര​പ്പി​ള്ള, എ​സ്.​കെ. പൊ​െ​റ്റ​ക്കാ​ട്, എം.​ടി. വാ​സു​ദേ​വ​ൻ നാ​യ​ർ, ഒ.​എ​ൻ.​വി. കു​റു​പ്പ്​ എ​ന്നി​വ​ർ​ക്കാ​ണ്​ പു​ര​സ്​​കാ​രം ല​ഭി​ച്ച​ത്.

കാ​വ്യ​ലോ​ക​ത്തി​ന്​ ന​ൽ​കി​യ സ​മ​ഗ്ര സം​ഭാ​വ​ന ക​ണ​ക്കി​ലെ​ടു​ത്താ​ണ്​ അ​ക്കി​ത്ത​ത്തി​ന്​ മ​േ​ഹാ​ന്ന​ത പു​ര​സ്​​കാ​രം ന​ൽ​കു​ന്ന​തെ​ന്ന്​ ജ്ഞാ​ന​പീ​ഠ ​ജേ​താ​വ്​ കൂ​ടി​യാ​യ സ​മി​തി അ​ധ്യ​ക്ഷ പ്ര​തി​ഭ റാ​യ്​ പ​റ​ഞ്ഞിരുന്നു. അ​നു​നി​മി​ഷം മാ​റു​ന്ന കാ​ല​ത്തെ പൂ​ർ​ണ​മാ​യി ആ​വാ​ഹി​ച്ച്​ അ​സാ​ധ്യ​മാ​യ ദീ​നാ​നു​ക​മ്പ​യോ​ടെ കാ​വ്യ​ര​ച​ന ന​ട​ത്തു​ന്ന അ​ത്യ​ധി​കം ആ​ർ​ജ​വ​മു​ള്ള കാ​വ്യ വ്യ​ക്തി​ത്വ​മാ​ണ്​ അ​ക്കി​ത്ത​ത്തി​േ​ൻ​റ​ത്. ക​വി​ത​ക​ളി​ൽ മാ​ത്രം ഒ​തു​ങ്ങാ​തെ നാ​ട​കം, ചെ​റു​ക​ഥ, ബാ​ല​സാ​ഹി​ത്യം, ഉ​പ​ന്യാ​സം തു​ട​ങ്ങി ഇ​ത​ര​മേ​ഖ​ല​ക​ളി​ലും കൈ​യൊ​പ്പു ചാ​ർ​ത്തി​യെ​ന്നും പു​ര​സ്​​കാ​ര സ​മി​തി അ​ഭി​പ്രാ​യ​പ്പെ​ട്ടിരുന്നു.

46 ഓ​ളം കൃ​തി​ക​ള്‍ മ​ല​യാ​ള​ത്തി​നു വ​ര​ദാ​ന​മാ​യി മ​ഹാ​ക​വി സ​മ്മാ​നി​ച്ചി​ട്ടു​ണ്ട്. ഇ​രു​പ​താം നൂ​റ്റാ​ണ്ടി​​െൻറ ഇ​തി​ഹാ​സം, ഭാ​ഗ​വ​തം, നി​മി​ഷ ക്ഷേ​ത്രം, വെ​ണ്ണ​ക്ക​ല്ലി​​െൻറ ക​ഥ, ബ​ലി​ദ​ര്‍ശ​നം,അ​ക്കി​ത്ത​ത്തി​​െൻറ ​തെ​ര​ഞ്ഞെ​ടു​ത്ത ക​വി​ത​ക​ള്‍, ഇ​ടി​ഞ്ഞു​പൊ​ളി​ഞ്ഞ ലോ​കം, സ​മ​ത്വ​ത്തി​​െൻറ ആ​കാ​ശം, ക​ര​ത​ലാ​മ​ല​കം, സ്പ​ര്‍ശ​മ​ണി​ക​ള്‍, അ​ഞ്ചു നാ​ടോ​ടി​പ്പാ​ട്ടു​ക​ള്‍, മാ​ന​സ​പൂ​ജ തുടങ്ങിയവ​യാ​ണ് പ്ര​ധാ​ന​കൃ​തി​ക​ള്‍.

പാ​ല​ക്കാ​ട് ജി​ല്ല​യി​ലെ കു​മ​ര​ന​ല്ലൂ​രി​ലെ അ​മേ​റ്റൂ​ര്‍ അ​ക്കി​ത്ത​ത്ത് മ​ന​യി​ല്‍ 1926 മാ​ര്‍ച്ച് 18ന് ​അ​ക്കി​ത്ത​ത്ത് വാ​സു​ദേ​വ​ന്‍ ന​മ്പൂ​തി​രി​യു​ടെ​യും ചേ​കൂ​ര്‍ മ​ന​യ്ക്ക​ല്‍ പാ​ര്‍വ​തി അ​ന്ത​ര്‍ജ​ന​ത്തി​​െൻറ​യും മ​ക​നാ​യാ​ണ്​ ജ​ന​നം. 1956 മു​ത​ല്‍ കോ​ഴി​ക്കോ​ട് ആ​കാ​ശ​വാ​ണി നി​ല​യ​ത്തി​ല്‍ സ്‌​ക്രി​പ്റ്റ് എ​ഴു​ത്തു​കാ​ര​നാ​യി പ്ര​വ​ര്‍ത്തി​ച്ച അ​ദ്ദേ​ഹം 75ല്‍ ​ആ​കാ​ശ​വാ​ണി തൃ​ശൂ​ര്‍ നി​ല​യ​ത്തി​ല്‍ എ​ഡി​റ്റ​റാ​യും ചു​മ​ത​ല വ​ഹി​ച്ചു. 1985ല്‍ ​വി​ര​മി​ച്ചു.

2017ൽ ​പ​ത്മ​ശ്രീ പു​ര​സ്​​കാ​രം ന​ൽ​കി രാ​ജ്യം ആ​ദ​രി​ച്ച കാ​വ്യ​പ്ര​തി​ഭ​ക്ക്​ കേ​ന്ദ്ര സാ​ഹി​ത്യ അ​ക്കാ​ദ​മി, കേ​ര​ള സാ​ഹി​ത്യ അ​ക്കാ​ദ​മി എ​ന്നി​വ​യു​ടേ​ത​ട​ക്കം നി​ര​വ​ധി പു​ര​സ്​​കാ​ര​ങ്ങ​ൾ ല​ഭി​ച്ചി​ട്ടു​ണ്ട്.