നഗര വിശപ്പ്

ഹ​ബീ​ബ​ ടീ​ച്ച​ർ ന​ൽ​കി​യ സ​മ്മാ​ന​പ്പെ​ട്ടി പ്ര​യാ​ഗ് തു​റ​ന്നുനോ​ക്കി. ടു ബി​ മു​ത​ൽ ന​യ​ൻ ബി ​വ​രെ​യു​ള്ള പെ​ൻ​സി​ലു​ക​ളും ര​ണ്ട് ബ്ലെ​ൻ​ഡി​ങ് സ്റ്റംപു​ക​ളും ഇ​റേ​സ​റും ഷാ​ർ​പ്‌​ന​റു​മൊ​ക്കെ അ​ട​ങ്ങി​യ ഒ​ന്നാ​യി​രു​ന്നു അ​ത്‌. അ​വ​ന​ത​പ്പോ​ൾ അ​ത്യാ​വ​ശ്യ​മാ​യി​രു​ന്നു.

ജ​ന​ലി​ന്റെ അ​ടു​ത്താ​ണ് ഇ​രു​ന്നു വ​ര​ക്കാ​നു​ള്ള സ്ഥ​ലം പി​ടി​ച്ച​ത്. അ​ത​ങ്ങ​നെ​ത്ത​ന്നെ വേ​ണം. വ​ര​ക്ക് ന​ൽ​കു​ന്ന ഡെ​പ്തും വ​ര​ക്കുന്നി​ട​ത്തെ വെ​ളി​ച്ച​വും ത​മ്മി​ൽ ന​ല്ല ബ​ന്ധ​മു​ണ്ട്.

അ​ൽ​പ സ​മ​യ​ത്തി​നു ശേ​ഷം മ​ത്സ​രം ന​ട​ത്തു​ന്ന മാ​ഷ് ബോ​ർ​ഡി​ൽ എ​ഴു​തി.

ഹൈ​സ്കൂ​ൾ വി​ഭാ​ഗം ചി​ത്ര​ര​ച​ന

വി​ഷ​യം: ന​ഗ​ര​വി​ശ​പ്പ്.

അ​ൽ​പ​നേ​രം ആ​ലോ​ചി​ച്ച​തി​നുശേ​ഷം ടു ബി​യു​ടെ പെ​ൻ​സി​ലെ​ടു​ത്ത് പ്ര​യാ​ഗ് അ​വ​ന​ല്ലാ​തെ മറ്റാ​ർ​ക്കും പൂ​ർ​ണ​മാ​യി മ​ന​സ്സി​ലാ​ക്കാ​ൻ പ​റ്റാ​ത്ത ഒ​രു രൂ​പ​ത്തെ സൃ​ഷ്ടി​ക്കാ​ൻ ക​ട​ലാ​സി​ന്റെ പ​രു​പ​രു​ത്ത വ​ശ​ത്ത് തു​ട​ക്കം വെ​ച്ചു. ടീ​ച്ച​ർ ന​ൽ​കി​യ സ​മ്മാ​ന​പ്പെ​ട്ടി​യി​ൽ​നി​ന്നും പെ​ൻ​സി​ലു​ക​ൾ മാ​റി​മാ​റി കൈ​യി​ലേ​ക്ക് വ​രു​ന്ന​തും ക​ട​ലാ​സി​ലൊ​രു ത്രീ ​ഡ​യ​മെ​ൻ​ഷ​ൻ ചി​ത്രം പൊ​ങ്ങി വ​രു​ന്ന​തും ജ​നാ​ല​ക്ക​പ്പു​റം പു​റ​ത്തി​രു​ന്ന ടീ​ച്ച​ർ ക​ണ്ടു. പ​ല പേ​രു​ക​ൾ​കൊ​ണ്ട് വേ​ർ​തി​രി​ച്ച വ​ലി​യ കെ​ട്ടി​ട​ങ്ങ​ൾ​ക്കു താ​ഴെ ഒ​രു ഫ്ലൂ​റ​​െസ​ന്റ് നെ​യിം ബോ​ർ​ഡ്‌ തൂ​ങ്ങി കി​ട​പ്പു​ണ്ടാ​യി​രു​ന്നു.

‘സാ​ഗ​ർ റ​സ്റ്റാ​റ​ന്റ്’

ചി​ത്ര​ത്തി​ലെ ഹോ​ട്ട​ലി​ന് ഇം​ഗ്ലീ​ഷി​ൽ പേ​ര് ന​ൽ​കാ​മാ​യി​രു​ന്നെ​ന്ന് ഹ​ബീ​ബ ടീ​ച്ച​ർ​ക്ക് തോ​ന്നി. മ​ത്സ​ര​മാ​യ​തുകൊ​ണ്ട് നി​ർ​ദേ​ശ​ങ്ങ​ൾ​ക്ക് പ്ര​സ​ക്തി​യി​ല്ല​ല്ലോ എ​ന്ന് സ​മാ​ധാ​നി​ച്ചു വെ​ളി​ച്ചം മ​റ​യാ​ത്ത മ​ട്ടി​ൽ അ​വ​ർ ജ​ന​ലി​ന്റെ അ​ടു​ത്തുനി​ന്നും മാ​റി. പ്ര​യാ​ഗ് അ​വ​രെ ശ്ര​ദ്ധി​ച്ച​തേ​യി​ല്ല.

സാ​ഗ​ർ റ​സ്റ്റ​ാറ​ന്റി​ന്റെ നെ​യിം ബോ​ർ​ഡി​ന് താ​ഴെ​യു​ള്ള യൂ​നി​ഫോം ധാ​രി​യാ​യ മെ​ല്ലി​ച്ച മ​നു​ഷ്യ​ൻ ത​ന്റെ കൈ​യി​ൽ നീ​ട്ടി​പ്പി​ടി​ച്ചു നി​ൽ​ക്കു​ന്ന ഹോ​ട്ട​ൽ എ​ന്നെ​ഴു​തി​യ ചെ​റി​യ ബോ​ർ​ഡി​ൽ ബ്ലെ​ൻ​ഡി​ങ് സ്റ്റംപു​പ​യോ​ഗി​ച്ച് ബ്ല​ൻ​ഡ്ഷെ​യ്ഡ് ന​ൽ​കു​ക​യാ​യി​രു​ന്നു പ്ര​യാ​ഗ്. അ​യാ​ളു​ടെ ചെ​വി​യു​ടെ വ​ശ​ത്തു​കൂ​ടി ഉ​ച്ച​വി​യ​ർ​പ്പ് ഒ​ഴു​കി യൂ​നി​ഫോം ന​ന​ച്ചി​ട്ടു​ണ്ട്. കു​ടി​ച്ചുതീ​രാ​റാ​യ വാ​ൻ​ഡ്ഫി​ൻ കു​ടി​വെ​ള്ള ബോ​ട്ടി​ൽ അ​യാ​ളു​ടെ കാ​ലു​ക​ൾ​ക്ക് സ​മീ​പം മ​റി​ഞ്ഞു കി​ട​പ്പു​ണ്ട്. കു​പ്പി​യു​ടെ വാ​യ്ഭാ​ഗം​വ​രെ വെ​ള്ളം ചെ​രി​ഞ്ഞു വ​ര​ച്ചി​ട്ടു​ണ്ട്. ദാ​ഹി​ച്ചു​വ​ല​ഞ്ഞ ഭൂ​മി​യു​ടെ വാ​യി​ലേ​ക്ക് ഇ​പ്പൊ

ഒ​ഴു​കി​യെ​ത്തു​മെ​ന്ന് തോ​ന്നും...

മൂ​ടി തു​റ​ക്ക​ണോ..?

വേ​ണ്ട... ഉ​ച്ച​തി​രി​യും വ​രെ അ​യാ​ൾ​ക്ക് ചി​ല​പ്പോ​ൾ ദാ​ഹം തീ​ർ​ക്കേ​ണ്ടി വ​രും... ചി​ത്ര​ത്തി​ലാ​ണെ​ങ്കി​ൽപോ​ലും വെ​ള്ളം ക​ള​യാ​നു​ള്ള​ത​ല്ല. പ്ര​യാ​ഗ് അ​തി​ന്റെ മൂ​ടി

തു​റ​ന്നി​ല്ല.

പാ​ർ​ക്കി​ങ് സ്ഥ​ല​ത്ത് ആ​ഡം​ബ​ര കാ​റു​ക​ൾ പാ​ർ​ക്കു​ചെ​യ്തി​രു​ന്നു. അ​തി​ൽനി​ന്നി​റ​ങ്ങി വ​രു​ന്ന കാ​ലു​ക​ളി​ൽ പൊ​ടി​പ​റ്റാ​ത്ത ഷൂ​വു​ക​ൾ. ചാ​ർ​ക്കോ​ൾ പെ​ൻ​സി​ൽകൊ​ണ്ട് പ്ര​യാ​ഗ് അ​തി​നെ വീ​ണ്ടും ക​റു​പ്പി​ച്ചു.​കാ​റി​ന്റെ ചാ​വി വി​ര​ലി​ൽ ക​റ​ക്കി​ക്കൊ​ണ്ട് ഒ​രാ​ൾ കു​ടും​ബ​വു​മൊ​ത്ത് ഹോ​ട്ട​ലി​ലേ​ക്ക് ക​യ​റി​പ്പോ​കു​ന്നു. വി​ശ​പ്പ​ണ​ഞ്ഞി​ട്ടും തൂ​ക്കി​പ്പി​ടി​ച്ച പാ​ർ​സ​ൽ ക​വ​റു​മാ​യി സാ​ഗ​റി​ൽനി​ന്നും കു​റ​ച്ചു​പേ​ർ ഇ​റ​ങ്ങി വ​രു​ന്നു. പ്ര​യാ​ഗ് ന​യ​ൻ ബി ​പെ​ൻ​സി​ൽ ഒ​ന്നു​കൂ​ടെ ഷാ​ർ​പെ​ൻ ചെ​യ്തെ​ടു​ത്തു..​. അ​വി​ടെ​യും ഇ​വി​ടെ​യു​മാ​യി ഒ​രു തൊ​ട​ൽ... വി​യ​ർ​പ്പു​രു​ണ്ട വെ​ള്ള​ത്തു​ള്ളി​യെ​പ്പോ​ലെ യൂ​നി​ഫോം​ ധാ​രി ത​ല​ക​റ​ങ്ങി വീ​ഴു​മെ​ന്ന് തോ​ന്നി​പ്പി​ക്കു​ന്ന ക​റു​ത്തൊ​രു വ​ര​കൂ​ടി ചേ​ർ​ത്തു.

അ​യാ​ളെ വീ​ഴ്ത്ത​ണോ?

പെ​ൻ​സി​ൽ ലെ​ഡ് കൊ​ണ്ട് ഒ​രാ​ളെ വീ​ഴ്ത്താ​ൻ എ​ളു​പ്പ​മാ​ണ​ല്ലോ. പ​​േക്ഷ, അ​യാ​ളെ സ്നേ​ഹി​ക്കു​ന്ന​വ​രു​ടെ വി​തു​മ്പ​ലു​ക​ൾ പെ​ൻ​സി​ലി​ന്റെ മു​ന​യൊ​ടി​ക്കു​മെ​ന്നു തോ​ന്നി​യ​പ്പോ​ൾ അ​തു​മ​വ​ൻ വേ​ണ്ടാ എ​ന്ന് തീ​രു​മാ​നി​ച്ചു.

മ​ത്സ​രം അ​വ​സാ​നി​ക്കാ​ൻ അ​ഞ്ചു മി​നിറ്റു​കൂ​ടി​യുള്ളൂ എ​ന്നുകേ​ട്ട​പ്പോ​ൾ പ്ര​യാ​ഗ് ചി​ത്ര​ലോ​ക​ത്തുനി​ന്നും ത​ല​യു​യ​ർ​ത്തി. ജ​ന​ലി​ന​പ്പു​റ​ത്ത് ത​ന്റെ ടീ​ച്ച​റി​രി​ക്കു​ന്ന ത​ണ​ലി​ലേ​ക്ക് നോ​ക്കി. ത​ന്റെ കു​ട്ടി വി​ജ​യി​യാ​കു​മെ​ന്ന ആ​ത്മ​വി​ശ്വാ​സം ഹ​ബീ​ബ ടീ​ച്ച​റു​ടെ ചു​ണ്ടി​ൽ വി​രി​ഞ്ഞു.

പ​ല വേ​ദി​ക​ളി​ൽനി​ന്നും പ​രി​പാ​ടി​ക​ളാ​സ്വ​ദി​ച്ച് റി​സ​ൽട്ട്‌ വ​രും വ​രെ അ​വ​ർ രാ​ജാ​സ്‌ സ്കൂ​ളി​ൽത​ന്നെ നി​ന്നു. മ​ത്സ​രാ​ർ​ഥി​ക​ൾ​ക്കും എ​സ്കോ​ർ​ട്ടി​ങ് ടീ​ച്ചേ​ഴ്സി​നും​ വേ​ണ്ടി ത​യാ​റാ​ക്കി​യ സ​ദ്യ​യും പാ​യ​സ​വും ന​ല്ല രു​ചി​യു​ണ്ടാ​യി​രു​ന്നു. റി​സ​ൽട്ട്‌ വ​ന്ന​പ്പോ​ൾ വൈ​കു​ന്നേ​ര​മാ​യി. പ്ര​തീ​ക്ഷി​ച്ചപോ​ലെ

ഒ​ന്നാം സ്ഥാ​ന​വും എ ​ഗ്രേ​ഡും നേ​ടി അ​വ​ൻ സം​സ്ഥാ​ന​ത​ല​ത്തി​ലേ​ക്ക് എ​ത്തി​യി​ട്ടു​ണ്ടെ​ന്ന് വി​ധി​ക​ർ​ത്താ​ക്ക​ളു​ടെ അ​റി​യി​പ്പ് കേ​ട്ട​തും ഹ​ബീ​ബ ടീ​ച്ച​ർ അ​വ​നെ ചേ​ർ​ത്തു​പി​ടി​ക്കു​ക​യും നെ​റ്റി​യി​ലൊ​രു ഉ​മ്മ​വെ​ക്കു​ക​യും ചെ​യ്തു.

രാ​ജാ​സി​ൽനി​ന്നും തി​രി​ച്ചുപോ​രു​മ്പോ​ൾ വെ​യി​ലി​റ​ങ്ങി​യി​രു​ന്നു. രാ​വി​ലെ വ​ന്ന അ​തേ വേ​ഗ​ത പി​ടി​ച്ച് ടീ​ച്ച​ർ വ​ണ്ടി​യോ​ട്ടി​ക്കൊ​ണ്ടി​രു​ന്നു. ര​ണ്ടോ മൂ​ന്നോ ന​ഗ​ര​ങ്ങ​ൾ ക​ഴി​ഞ്ഞ് ടീ​ച്ച​ർ പ​റ​ഞ്ഞു.

‘‘ഒ​രു ചാ​യ കു​ടി​ക്കാം’’

‘‘ഇ​വി​ടെ അ​ടു​ത്ത് ന​ല്ലൊ​രു ഹോ​ട്ട​ലു​ണ്ട് ടീ​ച്ച​ർ’’ –പ്ര​യാ​ഗ് ത​ന്റെ മൗ​നം വെ​ടി​ഞ്ഞു.

അ​ൽ​പദൂ​രം ക​ഴി​ഞ്ഞ് ഒ​രു ഫ്ലൂ​റ​സെ​ന്റ് നെ​യിം ബോ​ർ​ഡ്‌ ക​ണ്ട് ടീ​ച്ച​ർ

വ​ണ്ടി ഒ​തു​ക്കി.

‘സാ​ഗ​ർ റ​സ്റ്റ​ാറ​ന്റ്’

അ​തി​ന്റെ താ​ഴെ നീ​ല സെ​ക്യൂ​രി​റ്റി യൂ​നിഫോം ധ​രി​ച്ച ഒ​രു മ​നു​ഷ്യ​ൻ ഹോ​ട്ട​ൽ എ​ന്നെ​ഴു​തി​യ ഒ​രു ബോ​ർ​ഡ്‌ പി​ടി​ച്ച് അ​വ​രെ ഹോ​ട്ട​ലി​ലേ​ക്ക് ക്ഷ​ണി​ക്കു​ന്നു.​ അ​യാ​ൾ വി​യ​ർ​ത്തു ന​ന​ഞ്ഞി​ട്ടു​ണ്ട്. വെ​ള്ളം തീ​ർ​ന്നുപോ​യ വാ​ൻ​ഡ്ഫി​ൻ വെ​ള്ള​ക്കു​പ്പി അ​യാ​ളു​ടെ പാ​ദ​ത്തെ തൊ​ട്ട് അ​പ്പോ​ഴും

കി​ട​പ്പു​ണ്ട്. പ്ര​യാ​ഗ് മെ​ല്ലെ ന​ട​ന്നുചെ​ന്ന് അ​യാ​ൾ​ക്ക് കൈ ​കൊ​ടു​ത്തു...

‘‘ഫ​സ്റ്റ്ണ്ട് അ​ച്ഛാ...’’

ഒ​ട്ടി​യ വ​യ​റുംകൊ​ണ്ട് അ​കി​ട് തൂ​ങ്ങി​യ ഒ​രു പ​ട്ടി അ​പ്പോ​ൾ അ​വ​രെ മ​റി​ക​ട​ന്ന് പി​ന്നി​ലേ​ക്ക് ന​ട​ന്നുപോ​യി. നേ​രി​യ ഒ​രു പു​ഞ്ചി​രി​യോ​ടെ അ​വ​രെ റ​സ്റ്റ​ാറ​ന്റി​ന്റെ ഉ​ള്ളി​ലേ​ക്കു ക​യ​റ്റി അ​യാ​ൾ ആ​രോ​ടൊ​ക്കെ​യോ പ​റ​യു​ന്നു​ണ്ടാ​യി​രു​ന്നു :

‘‘എ​ന്റെ മ​ക​നും ടീ​ച്ച​റു​മാ​ണ്... ചി​ത്രര​ച​ന​യി​ൽ ഫ​സ്റ്റ​ടി​ച്ചു വ​രി​ക​യാ​ണ്.’’

പി​ന്നെ അ​തി​വേ​ഗ​ത്തി​ൽ അ​യാ​ൾ പ​ഴ​യ സ്ഥ​ല​ത്തു ത​ന്നെ വ​ന്നുനി​ൽ​പു തു​ട​ർ​ന്നു.