Begin typing your search above and press return to search.
exit_to_app
exit_to_app
Posted On
date_range 1 Aug 2024 9:02 AM GMT Updated On
date_range 1 Aug 2024 9:35 AM GMTരാജീവ് മാമ്പുള്ളിയുടെ കവിതകൾ...
text_fieldsbookmark_border
വേട്ട - കവിത
പത്തായം നിറച്ച് സ്നേഹമായിരുന്നെങ്കിലും,
കരണ്ടത് കരളായിരുന്നു!
കെണി വെച്ച് പിടിക്കാതെ, ഇല്ലം ചുടാതെ
പൊത്തിൻ വാലറ്റം വരെ പോയെങ്കിലും
വാലു പോലും കിട്ടാതെ പുലിവാലായി
കൈയ്യിൽ പിടി തരാതൊളിക്കുന്നു.
തുടരുന്നു ഞാൻ
മാർജ്ജാര മനസ്സുമായി അവിശ്രമം!
തേടൽ -കവിത
മൂക്കുത്തിപ്പൂമേലെ കാവ്യക്കാറ്റിഴയുന്നു
എഴുത്തുലയുന്നു കൺകോണുകളിൽ
വാക്കുറ്റു നോക്കുന്നു കണ്ണിൽ
വരികൾ വിരിയാതെ കവിളിൽ തിങ്ങിവിങ്ങുന്നു
നെറ്റിയിൽ മയങ്ങുന്നു ഉപമകൾ
വിക്കിലുറയ്ക്കാത്ത അക്ഷരങ്ങൾ കാതു വിട്ടിറങ്ങുന്നു
താളം തെറ്റി
വൃത്തം വിട്ട്
കളം മറന്നോരു കവിത
അലഞ്ഞുതിരിയുന്നു കവിയെ തേടി ......
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story