കേന്ദ്രീകൃത മാലിന്യ സംസ്കരണം അഴിമതിയെന്ന്​ ബ്രഹ്മപുരം പഠിപ്പിക്കുന്നു - മേധ പട്കർ

തൃ​ശൂ​ർ: അ​ശാ​സ്ത്രീ​യ​വും ആ​സൂ​ത്രി​ത​ര​ഹി​ത​വു​മാ​യ കേ​ന്ദ്രീ​കൃ​ത മാ​ലി​ന്യ സം​സ്ക​ര​ണം അ​ഴി​മ​തി​യി​ലേ ക​ലാ​ശി​ക്കൂ​വെ​ന്ന പാ​ഠ​മാ​ണ് ബ്ര​ഹ്മ​പു​രം ന​ൽ​കു​ന്ന​തെ​ന്ന് പ​രി​സ്ഥി​തി - സാ​മൂ​ഹി​ക പ്ര​വ​ർ​ത്ത​ക മേ​ധ പ​ട്ക​ർ. അ​ന്ത​രി​ച്ച ഡോ​ക്യു​മെ​ന്‍റ​റി സം​വി​ധാ​യ​ക​ൻ കെ.​പി. ശ​ശി​യു​ടെ അ​നു​സ്മ​ര​ണ സ​മ്മേ​ള​ന​ത്തി​ൽ മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​വ​ർ. എ​ങ്ങ​നെ മാ​ലി​ന്യം ഉ​ണ്ടാ​കു​ന്നു, അ​ത് എ​ങ്ങ​നെ സം​സ്ക​രി​ക്ക​ണം തു​ട​ങ്ങി​യ ച​ർ​ച്ച​ക​ൾ ന​ട​ക്കു​മ്പോ​ൾ കേ​ന്ദ്രീ​കൃ​ത​മാ​യി മാ​ലി​ന്യം ശേ​ഖ​രി​ക്കു​ന്ന​തി​ന്‍റെ ജ​നാ​ധി​പ​ത്യ വി​രു​ദ്ധ വ​ശം തു​റ​ന്നു കാ​ട്ട​ണം. വി​കേ​ന്ദ്രീ​കൃ​ത സം​സ്ക​ര​ണ​മാ​ണ് ആ​വ​ശ്യ​മെ​ന്ന തി​രി​ച്ച​റി​വ്​ വേ​ണം. കേ​ന്ദ്രീ​കൃ​ത​മാ​യി ശേ​ഖ​രി​ക്ക​ലും നീ​ക്കം ചെ​യ്യ​​ലും അ​ഴി​മ​തി​ക്കു​ള്ള മാ​ർ​ഗം കൂ​ടി​യാ​ണ്.

വാ​യു​വും വെ​ള്ള​വും സം​ര​ക്ഷി​ക്കാ​ൻ ഇ​ന്ന​ത്തെ ജീ​വി​ത രീ​തി മാ​റ്റ​ണം. വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് പ​രി​സ്ഥി​തി ആ​ഘാ​ത പ​ഠ​നം നി​ർ​ബ​ന്ധ​മാ​യും വേ​ണ്ടി​ട​ത്ത് കോ​ർ​പ​റേ​റ്റു​ക​ൾ​ക്ക് വി​ക​സ​ന​ത്തി​ന് തു​റ​ന്നി​ടാ​ൻ ‘ഈ​സ് ഓ​ഫ് ഡൂ​യി​ങ് ബി​സി​ന​സി’​ന് ഒ​ഴു​ക്കി​ല്ലെ​ന്ന് പ​റ​ഞ്ഞ് കേ​ന്ദ്ര ഭ​ര​ണാ​ധി​പ​ന്മാ​ർ അ​വ ദു​ർ​ബ​ല​പ്പെ​ടു​ത്തു​ക​യാ​ണ്.

ആ ​ഒ​ഴു​ക്ക് ന​മ്മു​ടെ ജീ​വി​തം താ​റു​മാ​റാ​ക്കി​യാ​ണ് ക​ട​ന്നു​പോ​കു​ന്ന​ത്. സ​മ​കാ​ലി​ക സാ​ഹ​ച​ര്യ​ത്തി​ൽ യ​ഥാ​ർ​ഥ സ്വാ​ത​​ന്ത്ര്യ പോ​രാ​ളി​യാ​യി​രു​ന്നു കെ.​പി. ശ​ശി​യെ​ന്ന്​ മേ​ധ പ​ട്​​ക​ർ പ​റ​ഞ്ഞു. അ​ദ്ദേ​ഹം ഭ​ര​ണ​കൂ​ട അ​ധി​കാ​ര​ത്തെ ചോ​ദ്യം ചെ​യ്യു​ക​യും ജ​നാ​ധി​കാ​ര​​ത്തെ ആ​ഘോ​ഷി​ക്കു​ക​യും ചെ​യ്തു. ഇ​ന്ന് ഇ​ന്ത്യ വ​ർ​ഗീ​യ സം​ഘ​ർ​ഷ ഭൂ​മി​യാ​കു​മ്പോ​ഴും അം​ബാ​നി​ക്കും അ​ദാ​നി​ക്കും ഒ​ത്തു​തീ​ർ​പ്പ് പ​റ​ഞ്ഞ് തെ​ര​ഞ്ഞെ​ടു​പ്പ് രാ​ഷ്ട്രീ​യ നേ​തൃ​ത്വം ജ​ന വി​രു​ദ്ധ​മാ​കു​മ്പോ​ഴും ‘ഡോ​ണ്ട് ലീ​വ് ദ ​ഫൈ​റ്റ്’ എ​ന്ന ശ​ശി​യു​ടെ ഗാ​ന​മാ​ണ് ഓ​ർ​മ​യി​ലെ​ത്തു​ന്ന​ത്. ജ​ന​കീ​യ സ​മ​ര​ങ്ങ​ൾ ഉ​ണ​രേ​ണ്ട കാ​ല​മാ​ണി​ത്. ഇ​ന്ത്യ​ൻ ഭ​ര​ണ​ഘ​ട​ന​യു​ടെ മൂ​ല്യ​ങ്ങ​ളെ ഉ​യ​ർ​ത്തി​പ്പി​ടി​ച്ച് ബു​ദ്ധി​ജീ​വി​ക​ളു​ടെ​യും ആ​ക്ടി​വി​സ്റ്റു​ക​ളു​ടെ​യും ഒ​ത്തു​ചേ​ര​ലാ​ണ്​ അ​തി​ന് വേ​ണ്ട​തെ​ന്നും അ​വ​ർ പ​റ​ഞ്ഞു.

കോ​ർ​പ​റേ​റ്റ് - രാ​ഷ്ട്രീ​യ കൂ​ട്ടു​കെ​ട്ട് ആ​ദി​വാ​സി​ക​ൾ പോ​ലു​ള്ള അ​രി​കു​വ​ത്ക​രി​ക്ക​പ്പെ​ട്ട ജ​ന​വി​ഭാ​ഗ​ങ്ങ​ളു​ടെ ജീ​വി​തം ത​ക​ർ​ക്കു​ക​യാ​ണെ​ന്ന് ഒ​ഡി​ഷ​യി​ലെ മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ പ്ര​ഫു​ല്ല സാ​മ​ന്ത​ര. കെ.​പി. ശ​ശി പൊ​രു​തി​യ കാ​ല​ത്തി​ൽ നി​ന്ന് വ്യ​ത്യ​സ്ത​മാ​യി ഫാ​ഷി​സ​ത്തി​ന്റെ പു​തു​വെ​ല്ലു​വി​ളി​ക​ളാ​ണ് രാ​ജ്യം അ​ഭി​മു​ഖീ​ക​രി​ക്കു​ന്ന​തെ​ന്ന് ‘കൗ​ണ്ട​ർ ക​റ​ണ്ട്സ്’ അ​സോ​സി​യേ​റ്റ് എ​ഡി​റ്റ​ർ സ​ത്യാ​സാ​ഗ​ർ അ​ഭി​പ്രാ​യ​പ്പെ​ട്ടു. നാ​ണ​മി​ല്ലാ​ത്ത​വ​രോ​ട് യു​ദ്ധം ചെ​യ്യേ​ണ്ട അ​വ​സ്ഥ​യാ​ണ് ഇ​ന്നു​ള്ള​ത്. അ​തി​ന് പു​തു കാ​മ്പ​യി​നു​ക​ളും സ​മ​ര​മാ​ർ​ഗ​ങ്ങ​ളും ഉ​ണ്ടാ​കേ​ണ്ട​തു​ണ്ടെ​ന്നും അ​ദ്ദേ​ഹം പ​റ​ഞ്ഞു.

കെ.​പി. ശ​ശി​യു​ടെ ജീ​വി​തം ത​ന്നെ​യാ​യി​രു​ന്നു സ​ന്ദേ​ശ​മെ​ന്ന് ബം​ഗ​ളൂ​രു​വി​ലെ മാ​ധ്യ​മ പ്ര​വ​ർ​ത്ത​ക സ​ന്ധ്യ സ്റ്റീ​ഫ​ൻ അ​ഭി​പ്രാ​യ​പ്പെ​ട്ടു. സി​നി​മ ആ​ക്ടി​വി​സ്റ്റ് മേ​ഘ് നാ​ഥ്, വി​ൽ​ഫ്ര​ഡ് ഡി ​കോ​സ്റ്റ, ധീ​രേ​ന്ദ്ര പാ​ണ്ഡ, റോ​യ് ഡേ​വി​ഡ്, എ​സ്.​പി. ഉ​ദ​യ​കു​മാ​ർ, സേ​വ​ർ കു​ജു​ർ എ​ന്നി​വ​രും സം​സാ​രി​ച്ചു. ഉ​ച്ച​ക്ക് ആ​ർ.​പി. അ​മു​ദ​ൻ സം​വി​ധാ​നം ചെ​യ്ത കെ.​പി ശ​ശി​യെ​ക്കു​റി​ച്ചു​ള്ള ‘ബ്ര​ത്ത് ടു ​ബ്ര​ത്ത്’ പ്ര​ദ​ർ​ശി​പ്പി​ച്ചു. ശ​ശി​യു​ടെ കാ​ർ​ട്ടൂ​ണു​ക​ളു​ടെ പ്ര​ദ​ർ​ശ​ന​വും ഒ​രു​ക്കി​യി​രു​ന്നു.