സാൽമരച്ചുവട്ടിൽ അവർ നാടകമൊരുക്കും; കാട് പകരുന്ന സംഗീതത്തിൽ...

തൃ​ശൂ​ർ: എ​ല്ലാ​വ​ർ​ഷ​വും ഡി​സം​ബ​റി​ൽ ഡാ​ർ​ജ​ലി​ങ്-​സി​ക്കിം അ​തി​ർ​ത്തി​യി​ൽ ഗാ​രോ മ​ല​നി​ര​ക​ൾ​ക്ക് താ​ഴെ വ​ന​പ്ര​ദേ​ശ​ത്ത് സാ​ൽ മ​ര​ത്തി​ന്റെ (കൈ​മ​രു​ത് -ശാ​ല മ​രം) കീ​ഴി​ൽ അ​വ​ർ എ​ത്തും. മ​ര​ച്ചു​വ​ട് വൃ​ത്തി​യാ​ക്കും മു​ള​ങ്കു​ഴ​ലും ഇ​ല​ക​ളും ഉ​പ​യോ​ഗി​ച്ച് മ​റ തീ​ർ​ക്കും, പി​ന്നീ​ട് നാ​ട​കം തു​ട​ങ്ങും.

മൈ​ക്കും ലൈ​റ്റും സാ​​ങ്കേ​തി​ക വി​ദ്യ​ക​ളു​മി​ല്ലാ​തെ കാ​ടൊ​രു​ക്കു​ന്ന പ​ശ്ചാ​ത്ത​ല സം​ഗീ​ത​ത്തി​ൽ അ​വ​ർ നാ​ട​കം ക​ളി​ക്കും. ‘സാ​ൽ​മ​ര​ത്തി​ന് കീ​ഴെ’ എ​ന്ന​റി​യ​പ്പെ​ടു​ന്ന ഡി​സം​ബ​റി​ലെ മൂ​ന്ന് ഫെ​സ്റ്റി​വ​ൽ ദി​ന​ങ്ങ​ൾ ക​ഴി​ഞ്ഞ 13 വ​ർ​ഷ​മാ​യി നാ​ട​കാ​സ്വാ​ദ​ക​ർ​ക്ക് മ​റ​ക്കാ​നാ​വാ​ത്ത അ​നു​ഭ​വ​മാ​ണ്.

അ​സ​മി​ലെ ഗോ​ൽ​പാ​ര ജി​ല്ല​യി​ൽ രാം​പൂ​ർ എ​ന്ന കു​ഗ്രാ​മ​ത്തി​ലാ​ണ് ടി​ബ​റ്റോ-​ബ​ർ​മ​ൻ വം​ശ​ജ​രാ​യ മ​ല​യോ​ര ഗോ​ത്ര വി​ഭാ​ഗ​മാ​യ ‘രാ​ഭ ’ക്കാ​രു​ടെ ‘ബാ​ദു​ഗ്ദു​പ തി​യ​റ്റ​ർ കോ​ള​നി’ നാ​ട​ക ഗ്രാ​മ​മു​ള്ള​ത്. ഇ​വ​രാ​ണ് ‘ സാ​ൽ മ​ര​ത്തി​ന് കീ​ഴെ’ എ​ന്ന തി​യ​റ്റ​ർ ഫെ​സ്റ്റി​വ​ലി​ന്റെ ന​ട​ത്തി​പ്പു​കാ​ർ.

13ാമ​ത് ഇ​റ്റ്ഫോ​ക്കി​ന് ‘റാ​ഥേ​ർ റാ​ഷി’ നാ​ട​ക​വു​മാ​യി തൃ​ശൂ​രി​ൽ ഇ​വ​ർ എ​ത്തു​ന്ന​ത് തി​യ​റ്റ​ർ സ്ഥാ​പ​കാ​ചാ​ര്യ​നാ​യ ശു​ക്രാ​ചാ​ർ​ജ്യ രാ​ഭ​യു​ടെ വേ​ർ​പാ​ടി​ന്റെ വേ​ദ​ന​യോ​ടെ​യാ​ണ്. 2010ൽ ​ഒ​ടു​വി​ൽ ഇ​റ്റ്ഫോ​ക്കി​ൽ എ​ത്തി​യ​ത് അ​ദ്ദേ​ഹം സം​വി​ധാ​നം​ ചെ​യ്ത നാ​ട​ക​വു​മാ​യി​ട്ടാ​യി​രു​ന്നു.

ഇ​പ്പോ​ഴി​താ അ​ദ്ദേ​ഹം സം​വി​ധാ​നം ചെ​യ്ത മ​റ്റൊ​രു നാ​ട​ക​വു​മാ​യി സം​വി​ധാ​യ​ക​നി​ല്ലാ​​തെ എ​ത്തി​യി​രി​ക്കു​ന്നു, അ​ദ്ദേ​ഹ​ത്തി​ന്റെ സാ​ന്നി​ധ്യം ഞ​ങ്ങ​ളി​ലു​ണ്ട്-​തി​യ​റ്റ​ർ മാ​നേ​ജി​ങ് ഡ​യ​റ​ക്ട​ർ മ​ദ​ൻ രാ​ഭ ‘മാ​ധ്യ​മ’ ത്തോ​ട് പ​റ​ഞ്ഞു.

നാ​ട​ക​ക്ക​മ്പ​നി​ക​ൾ ന​ഗ​ര​ങ്ങ​ളി​ൽ ചേ​ക്കേ​റു​മ്പോ​ഴാ​ണ് ന​മു​ക്ക് ഗ്രാ​മാ​ന്ത​ര​ങ്ങ​ളി​ലേ​ക്ക് പോ​കാം. അ​വി​ടെ​യാ​ണ് ​ക​ഥ​ക​ളു​ടെ സാ​ഗ​ര​മു​ള്ള​തെ​ന്ന് ശു​ക്രാ​ചാ​ർ​ജ്യ രാ​ഭ ത​ന്റെ സം​ഘാം​ഗ​ങ്ങ​ളോ​ട് പ​റ​ഞ്ഞ​ത്. അ​ങ്ങ​നെ കാ​ടി​നോ​ട് ചേ​ർ​ന്ന് രാം​പൂ​ർ എ​ന്ന ഉ​ൾ​ഗ്രാ​മ​ത്തി​ൽ ബാ​ദു​ഗ്ദു​പ തി​യ​റ്റ​ർ കോ​ള​നി 1998ൽ ​സ്ഥാ​പി​ച്ചു.

ചെ​റി​യ ഓ​ഡി​റ്റോ​റി​യം, ര​ണ്ട് ഗെ​സ്റ്റ്ഹൗ​സു​ക​ൾ, ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കു​മു​ള്ള ഡോ​ർ​മി​റ്റ​റി, പ​രി​ശീ​ല​ന സ്ഥ​ലം ഇ​വ അ​ട​ങ്ങി​യ​താ​യി​രു​ന്നു നാ​ട​ക ഗ്രാ​മം. 23 വ​ർ​ഷ​ത്തി​നി​ടെ 24 ഗ്രാ​മീ​ണ ത​നി​മ​യു​ള്ള നാ​ട​ക​ങ്ങ​ളാ​ണ് ഇ​വ​ർ അ​വ​ത​രി​പ്പി​ച്ച​ത്.

നാ​ടോ​ടി ക​ഥ​ക​ളെ​യും ഐ​തി​ഹ്യ​ങ്ങ​ളെ​യും സ​മ​കാ​ലി​ക യാ​ഥാ​ർ​ഥ്യ​ത്തി​ല​ടു​പ്പി​ച്ച് സ​ത്യം തു​റ​ന്നു​പ​റ​യു​ന്ന നാ​ട​ക​ങ്ങ​ളാ​യി​രു​ന്നു ഓ​രോ​ന്നും. ഇ​ത്ത​വ​ണ ഇ​റ്റ്ഫോ​ക്കി​ൽ എ​ത്തു​ന്ന​തും ജാ​തി മേ​ൽ​ക്കോ​യ്മ​ക​ളെ ചോ​ദ്യം​ചെ​യ്യു​ന്ന ഇ​തി​വൃ​ത്ത​വു​മാ​യി​ട്ടാ​ണ്.

മു​ഴു​വ​ൻ സ​മ​യ നാ​ട​ക പ്ര​വ​ർ​ത്ത​ക​രാ​യ കു​ടും​ബ​മാ​ണ് നാ​ട​ക ഗ്രാ​മ​ത്തി​ലു​ള്ള​ത്. കേ​ന്ദ്ര സാം​സ്കാ​രി​ക മ​ന്ത്രാ​ല​യ​ത്തി​ൽ​നി​ന്ന് ചെ​റി​യ തു​ക​മാ​സം തോ​റും കി​ട്ടു​ന്നു​ണ്ട്. അ​ത് വീ​തം​വെ​ച്ചാ​ണ് ജീ​വി​തം ത​ള്ളി​നീ​ക്കു​ന്ന​ത്. പ​ല സ​ർ​ക്കാ​ർ സ്കീ​മു​ക​ളും സ​ഹാ​യ​വും ചു​വ​പ്പു​നാ​ട​യി​ൽ കു​ടു​ങ്ങി​ക്കി​ട​ക്കു​കയാണ്. കൃ​ഷി ഉ​ള്ള​തി​നാ​ൽ വീ​ട്ടി​ൽ അ​രി​യു​ണ്ട്,പി​ന്നെ സ​ബ്ജി, കു​റ​ച്ചു ഉ​പ്പും...ഇ​വ​യി​ലാ​ണ് ജീ​വി​തം മു​ന്നോ​ട്ടു​പോ​കു​ന്ന​ത്-​മ​ദ​ൻ രാ​ഭ പ​റ​യു​ന്നു.

2018 ജൂ​ൺ ഒ​ന്നി​നാ​ണ് 44ാം വ​യ​സ്സി​ൽ ശു​ക്രാ​ചാ​ർ​ജ്യ രാ​ഭ ഹൃ​ദ​യ​സ്തം​ഭ​നം മൂ​ലം മ​രി​ച്ച​ത്. വി​യോ​ഗം സൃ​ഷ്ടി​ച്ച പ്ര​തി​സ​ന്ധി മ​റി​ക​ട​ന്ന് ‘ സാ​ൽ​മ​ര​ത്തി​ന് കീ​ഴെ’ എ​ന്ന നാ​ട​ക ഫെ​സ്റ്റി​വ​ൽ നാ​ടി​ന്റെ ആ​ഘോ​ഷ​മാ​ക്കി തി​യ​റ്റ​റി​ന്റെ പ്ര​യാ​ണം തു​ട​രു​ന്നു.