ആ​ച്ചൂ​ട്ടി​താ​ളം

ആ​കാ​ശ​ത്ത​മ്പി​ളി പ​ത്തി​രി​വ​ട്ട​ത്തി​ൽ സു​ൽ​ത്താ​ന്റെ മു​ഖം പോ​ലെ കാ​റു​നീ​ങ്ങി തെ​ളി​ഞ്ഞ​പ്പോ​ൾ, ആ​ച്ചൂ​ട്ടി​യു​ടെ ഉ​ള്ളി​ൽ അ​ന്ന​ത്തെ ബ​ലി​പെ​രു​ന്നാ​ളി​ന്, പു​ഴ​വ​ക്കി​ലെ പ​ള്ളി മി​നാ​ര​ത്തി​ൽ​നി​ന്ന് കേ​ട്ട ത​ക്ബീ​റി​ന്റെ നേ​ർ​ത്ത ഈ​ണം മു​ഴ​ങ്ങി. ച​ന്ദ​ന​ത്തി​ന്റെ മ​ണ​മു​ള്ള അ​ത്ത​ർ പൂ​ശി​യ അ​വ​ൻ, ഓ​ർ​മ​യി​ൽ സു​ഗ​ന്ധം പ​ര​ത്തി​യ​പ്പോ​ൾ അ​വ​ളൊ​ന്ന് കി​ത​ച്ചു. ഓ​ർ​മ​ക​ൾ​ക്ക് ക​ട​ന്ന​ൽ കു​ത്തി​യ​പോ​ലെ​യൊ​രു ക​ട​ച്ചി​ൽ. ആ​ദ്യ​രാ​വി​ൽ മ​ണി​യ​റ​യി​ൽ പൊ​ട്ടിച്ചി​രി​ച്ച ക​രി​വ​ള​ക​ൾ ക​ണ​ക്കെ അ​വ​ളൊ​ന്നു കു​ലു​ങ്ങി​ച്ചി​രി​ച്ചു... കാ​ലി​ലി​റു​ക്കി​യ ച​ങ്ങ​ല​ക്ക് ആ​ച്ചൂ​ട്ടി​യു​ടെ ഹൃ​ദ​യ​ത്തെ​ക്കാ​ൾ ക​നം കു​റ​വാ​യി​രു​ന്നു.

ദേ​ഹ​ത്തു ക​യ​റി​യ ഇ​ബ്‌​ലീ​സ് അ​ട്ട​ഹ​സി​ച്ചെ​ന്ന് തോ​ന്നി​യ​പ്പോ​ൾ ആ​ച്ചൂ​ട്ടി മെ​ല്ലെ മു​ട്ടി​ലേ​ക്ക് മു​ഖം പൂ​ഴ്ത്തി ചു​രു​ണ്ടി​രു​ന്നു. നീ​ലി​ച്ചു​കു​ഴി​ഞ്ഞ ക​ൺ​ത​ട​ങ്ങ​ൾ ഉ​പ്പ് ചു​വ​യേ​റ്റ് നീ​റി. ജ​ടപി​ടി​ച്ച മു​ടി​യി​ൽ അ​വ​ൾ തേ​ഞ്ഞു​ര​ഞ്ഞ കൈ​ന​ഖ​ങ്ങ​ൾ കൊ​ണ്ട് മെ​ല്ലെ മാ​ന്തി, പ​ല്ലി​റു​മ്മി ഇ​ബ്‍ലീ​സി​ന്റെ കൈ​യി​ൽ ക​ടി​ച്ചു. മു​ഖ​ത്താ​ഞ്ഞ​ടി​ച്ച​വ​ൾ ആ ​പ​ഹ​യ​നെ തു​ര​ത്താ​ൻ ആ​വ​തും ശ്ര​മി​ച്ചു. അ​പ്പോ​ഴൊ​ക്കെ ച​ങ്ങ​ല​യു​ടെ മു​റു​ക്കം കൂ​ടി. ത​ങ്ങ​ളു​പ്പൂ​പ്പ മ​ന്ത്രി​ച്ച ച​ര​ടു​ക​ൾ പി​ന്നെ​യും മേ​ലാ​കെ കെ​ട്ടിവ​രി​ഞ്ഞു. ഉ​പ്പൂ​പ്പ വെ​ളു​ത്ത​ച​ര​ടി​ൽ സു​ൽ​ത്താ​ന്റെ അ​ത്ത​ർ ചേ​ർ​ത്തു​ത​രു​ന്ന​തുകൊ​ണ്ടാ​ണ് ആ​ച്ചൂ​ട്ടി മ​യ​ങ്ങി​പ്പോ​കു​ന്ന​തെ​ന്ന സ​ത്യം അ​റി​യു​ന്ന​വ​ർ ഒ​രുപ​ക്ഷേ, അ​വ​ളും ത​ങ്ങ​ളു​പ്പൂ​പ്പ​യും മാ​ത്ര​മാ​യി​രി​ക്കും.

നീ​ണ്ടു മെ​ലി​ഞ്ഞ ക​ഴു​ത്ത് നീ​ട്ടി അ​വ​ൾ മൂ​ക്കുകൊ​ണ്ട് മ​ണംപി​ടി​ച്ചു. സു​ൽ​ത്താ​ന്റെ മീ​സാ​ൻ ക​ല്ലി​ന്റെ ചു​വ​ട്ടി​ൽ പ​ട​ർ​ന്ന മൈ​ലാ​ഞ്ചി​യു​ടെ മ​ണം കു​ട​ഞ്ഞി​ട്ട് പോ​കു​ന്ന പ​ടി​ഞ്ഞാ​റ്റ് ത​ല​ക്ക​ലെ പ​ള്ളി​ക്കാ​ട്ടി​ൽനി​ന്നു​മെ​ന്നും അ​വ​ളെ തേ​ടി ദി​ശ തെ​റ്റാ​തെ​യൊ​രു പാ​തി​രാ​കാ​റ്റെ​ത്തു​മാ​യി​രു​ന്നു. വെ​ളി​ച്ചം നി​റ​ഞ്ഞ അ​വ​ന്റെ ഖ​ബ​റി​ലെ വി​ശേ​ഷ​ങ്ങ​ൾ പ​ങ്കു​വെ​ക്കു​ന്ന മ​ന്ദ​മാ​രു​ത​ന്റെ കോ​ന്ത​ല​ക്ക​ൽ അ​വ​ളെ​ന്നു​മൊ​രു കു​റി​മാ​നം കെ​ട്ടി​യി​ടാ​റു​ണ്ട്. ആ​റ​ടി മ​ണ്ണി​ൽ ആ​ച്ചൂ​ട്ടി​ക്കു​മൊ​രു മ​ണി​യ​റ​ക്കാ​യി പ​ട​ച്ചോ​നു​ള്ള ശിപാ​ർ​ശക്ക​ത്താ​യി​രു​ന്നു അ​തെ​ല്ലാം.​ അ​പ്പോ​ഴെ​ല്ലാം ആ​ച്ചൂ​ട്ടി​ക്ക് നൊ​സ്സാ​യി​രു​ന്നു. അ​സ്സ​ൽ നൊ​സ്സ്. അ​ല്ലെ​ങ്കി​ലും ഭൂ​മി​യെപ്പറ്റി ചി​ന്തി​ക്കാ​ത്ത​വ​ർ​ക്കെ​ല്ലാം നൊ​സ്സ​ല്ലേ.

ആ​ച്ചൂ​ട്ടി, അ​വ​ളൊ​രു മാ​പ്പി​ള പെ​ണ്ണാ​ണ്. ക​സ​വുത​ട്ട​ത്തി​ൽ പൊ​തി​ഞ്ഞ ന​ല്ല അ​ലി​ക്ക​ത്ത് പോ​ലെ കു​ണു​ങ്ങി​യാ​ടേ​ണ്ട​വ​ൾ. അ​ക്കാ​ല​ത്ത് പ​തി​നെ​ട്ട​ട​വും പ​യ​റ്റാ​ൻ ക​ച്ചകെ​ട്ടി​യി​റ​ങ്ങി​യ ആ​ച്ചൂ​ട്ടി ഒ​രു​മ്പെ​ട്ട​വ​ളെ​ന്ന പ​ദ​വി​യി​ൽ പ​ത​റി​യി​ല്ല. സ​മു​ദാ​യ​ത്തി​ന്റെ പേ​ര് കെ​ടു​ത്താ​ൻ ഇ​റ​ങ്ങി​യ ആ​ച്ചൂട്ടി​നേം ബാ​പ്പാ​നേം അ​ന്ന് മ​ഹ​ല്ലുകാ​ര് തീയും വെ​ള്ളോം വ​ര​ഞ്ഞു. പ​ത​റാ​തെ ചു​വ​ടു​റ​പ്പി​ച്ച ആ​ച്ചൂ​ട്ടി​യെ പ​തി​നെ​ട്ടാ​മ​ത്തെ അ​ട​വും പ​ഠി​പ്പി​ച്ചൊ​ടു​ക്കം, ച​ങ്കൂ​റ്റ​മു​ള്ള പെ​ണ്ണൊ​രു​ത്തി​യെ മ​ക​ന്റെ ബീ​വി​യാ​ക്കാ​ൻ ഗു​രു​ക്ക​ൾ​ക്ക് തോ​ന്നി​യ മോ​ഹ​ത്തി​ന് കു​റ്റം പ​റ​യാ​നാ​വോ?

നീ​ള​ൻതൊ​പ്പി​യും വെ​ള്ള കമീ​സു​മി​ട്ട ഉ​റു​മാ​ൻപോ​ലെ ചു​വ​ന്നൊ​രു മൊ​ഞ്ച​ൻ ത​ട്ടി​ൻപു​റ​ത്തെ അ​ഴി​ക​ളി​ലൂ​ടെ അ​വ​ളു​ടെ ചു​വ​ടുമാ​റ്റം ​ക​ണ്ണി​മ​വെ​ട്ടാ​തെ നോ​ക്കിനി​ൽ​ക്ക​ണ​ത് ആ​ച്ചൂ​ട്ടി​യും ഒ​ളി​ക​ണ്ണാ​ലെ ക​ണ്ടി​ട്ടു​ണ്ട്. പ​ല​കു​റി അ​വ​ൻ ആ​ച്ചൂട്ടി​യെ നോ​ക്കി വെ​ള്ളാ​രം ക​ണ്ണി​റു​ക്കി​യി​ട്ടു​ണ്ട്. ച​ന്ദ​ന​ത്തി​ന്റെ ഗ​ന്ധം ചു​റ്റും പ​ര​ത്തി സു​ൽ​ത്താ​ൻ അ​വ​ന്റെ സാ​ന്നി​ധ്യ​മ​റി​യി​ക്കു​മ്പോ​ഴൊ​ക്കെ ആ​രോ​ടും പ​റ​യാ​നാ​വാ​ത്തൊ​രു പ​ര​വേ​ശ​ത്താ​ൽ പെ​ണ്ണ് താ​മ​ര​ത്ത​ണ്ടു പോ​ലെ ത​ള​ർ​ന്നി​രു​ന്നു.

ബ​ലി പെ​രു​ന്നാ​ളി​ന്റെ​യ​ന്ന്, പ​ര​സ്പ​രം ഇ​ണ​യാ​ക്ക​പ്പെ​ട്ട ഇ​രു ഹൃ​ദ​യ​ങ്ങ​ളു​ടെ തീ​ക്ഷ​ണ സം​ഗ​മ​ത്തി​ന്റെ ആ​ല​സ്യ​ത്തി​ൽ, കൂ​മ്പി​യ​ട​ഞ്ഞ മ​ണി​യ​റ​യു​ടെ മ​ര​വാ​തി​ൽ ഇ​ര​മ്പി തു​റ​ന്ന് പ​ച്ച ബെ​ൽ​റ്റും വെ​ള്ള തൊ​പ്പി​യും അ​ണി​ഞ്ഞ് ഇ​ര​ച്ചുക​യ​റി​യ ഒ​രു​പ​റ്റം സ​മു​ദാ​യ സ്നേ​ഹി​ക​ൾ അ​വ​ളു​ടെ മ​ഹ​റു പൊ​ട്ടി​ച്ച​പ്പോ​ൾ, പ്ര​ണ​യാ​വേ​ശ​ത്തി​ൽ ര​ക്ത​സാ​ക്ഷി​ക​ളാ​യ വെ​ളു​ത്ത അ​രി​മു​ല്ല​പ്പൂക്ക​ൾ ചോ​ര തെ​റി​ച്ചു​ചു​വ​ന്നി​രു​ന്നു. ഉ​യി​രാ​യ​വ​ന്റെ ക​ണ്ഠം ഛേദി​ച്ച ഉ​റു​മി കൈ​ക്ക​ലാ​ക്കി അ​വ​ൾ ത​ള്ള​വി​ര​ൽ നി​ല​ത്തൂ​ന്നി ഉ​യ​ർ​ന്നുപൊ​ങ്ങി താ​ണി​റ​ങ്ങി. നാ​ഭി​യി​ൽ പൂ​ഴ്ത്തി​യ ഇ​ട​തു കാ​ലി​ന്റെ പെ​രുവി​ര​ലി​ൽ ഒരു​ത്ത​ന്റെ ജീ​വ​ൻ കോ​ർ​ത്തു. വാ​യു​വി​ൽ വീ​ശി​യ ഉ​റു​മി​യി​ൽ ചു​റ്റി​യ ബാ​ക്കി​യു​ള്ള​വ​രു​ടെ ത​ല​യു​രു​ണ്ട് പി​ട​യു​ന്ന മ​ണ്ണി​ൽ ജ്വ​ലി​ക്കു​ന്ന ക​ണ്ണു​ക​ളോ​ടെ പാ​ഞ്ഞി​റ​ങ്ങു​മ്പോ​ൾ ആ​കാ​ശ​ത്തേ​ക്ക് പ​റ​ന്നു​പൊ​ങ്ങി​യ ആ​ച്ചൂ​ട്ടി​യു​ടെ അ​ട​വു​ക​ളെ ക​ണ്ടു കൊ​തിതീ​രാ​ത്ത സു​ൽ​ത്താ​ന്റെ വെ​ള്ളാ​രം​ക​ണ്ണു​ക​ൾ തു​റി​ച്ചി​രു​ന്നു. ഒ​റ്റ​രാ​ത്രി​യി​ൽ ഉ​ല​കം കീ​ഴ്മേ​ൽ മ​റി​ഞ്ഞ ആ​ച്ചൂ​ട്ടി പി​ന്നെ ‘ഈ’ ​ലോ​ക​ത്ത് ജീ​വി​ച്ചി​ട്ടേ​യി​ല്ല. അ​വ​ൾ ഈ​ട് ന​ൽ​കി​യ ഹൃ​ദ​യം, അ​വ​ളു​ടെ വ​ര​വും കാ​ത്ത് സു​ൽ​ത്താ​ന്റെ മീ​സാ​ൻ ക​ല്ലി​ന്റെ ചു​വ​ട്ടി​ൽ ഭ​ദ്ര​മാ​യി​രു​ന്നു.

.