ഷേക്സ്പിയർ കഥകൾക്ക് ജീവൻപകർന്ന ക്ലാസ് മുറികൾ...

വ​ർ​ഷ​ങ്ങ​ൾ​ക്കി​പ്പു​റം, കോ​ള​ജി​ൽ പൂ​ർ​വ വി​ദ്യാ​ർ​ഥി സം​ഗ​മ​ത്തി​നെ​ത്തി​യ​പ്പോ​ഴാ​ണ് സി​സ്റ്റ​ർ മേ​രീ പാ​സ്റ്റ​റെ വീ​ണ്ടും കാ​ണു​ന്ന​ത്. ക​ണ്ട​മാ​ത്ര​യി​ൽ ഞാ​ൻ സി​സ്റ്റ​റെ കെ​ട്ടി​പ്പി​ടി​ച്ചു. അ​കാ​ര​ണ​മാ​യി ക​ര​ഞ്ഞു. പി​ന്നീ​ട് ഓ​ർ​ത്തു​നോ​ക്കി​യ​പ്പോ​ഴാ​ണ് ആ ​മ​ഹ​തി​യാ​യ അ​ധ്യാ​പി​ക എ​ന്നെ വൈ​കാ​രി​ക​മാ​യി എ​ത്ര​മാ​ത്രം സ്വാ​ധീ​നി​ച്ചി​രു​ന്നെ​ന്ന് തി​രി​ച്ച​റി​യു​ന്ന​ത്.

സി​സ്റ്റ​ർ മേ​രി പാ​സ്റ്റ​ർ എ​ന്ന ഇം​ഗ്ലീ​ഷ് അ​ധ്യാ​പി​ക കേ​വ​ല​മൊ​രു ടീ​ച്ച​റ​ല്ല. അ​ധ്യാ​പ​നം ഒ​രു ക​ല​യാ​ണെ​ങ്കി​ൽ, അ​തി​ലെ അ​സാ​മാ​ന്യ പ്ര​തി​ഭ. ശാ​ന്ത​വും സൗ​മ്യ​വും കു​ലീ​ന​വു​മാ​യ പെ​രു​മാ​റ്റം. എ​ല്ലാ​ത്തി​ലു​മു​പ​രി ഏ​വ​രെ​യും തു​ല്യ​രാ​യി കാ​ണാ​നു​ള്ള മ​ഹാ​മ​ന​സ്ക​ത. സൗ​മ്യ​ത​ക്കു​ള്ളി​ൽ ഇ​ര​മ്പി​യാ​ർ​ക്കു​ന്ന വി​ജ്ഞാ​ന​ത്തി​ന്‍റെ മ​ഹാ​സാ​ഗ​രം.

വി​ദ്യാ​ർ​ഥി​ക​ൾ കു​റ്റം ചെ​യ്താ​ൽ സി​സ്റ്റ​ർ ഒ​രി​ക്ക​ലും അ​വ​രെ ശ​കാ​രി​ക്കു​ക​യോ ശി​ക്ഷി​ക്കു​ക​യോ ചെ​യ്യി​ല്ല. പ​ക​രം അ​വ​രു​ടെ തെ​റ്റു​ക​ളി​ൽ സി​സ്റ്റ​ർ സ്വ​യം വേ​ദ​നി​ക്കും. മ​റ്റു​ള്ള​വ​ർ​ക്കു​വേ​ണ്ടി വേ​ദ​നി​ക്കു​ക​യും വി​ഷ​മി​ക്കു​ക​യും ചെ​യ്യു​ന്ന ആ ​അ​ധ്യാ​പി​ക​ക്കു​മു​ന്നി​ൽ ഞ​ങ്ങ​ൾ വി​ദ്യാ​ർ​ഥി​ക​ൾ അ​നു​സ​ര​ണ​യു​ള്ള​വ​രും ന​ന്മ​ചെ​യ്യു​ന്ന കു​ഞ്ഞാ​ടു​ക​ളു​മാ​യി മാ​റി.

രാ​ഷ്ട്രീ​യ​ത്തി​ലും സാം​സ്കാ​രി​ക മേ​ഖ​ല​ക​ളി​ലും പ്ര​ശ​സ്ത​രാ​യ പ്ര​ഫ. സാ​വി​ത്രി ല​ക്ഷ്മ​ണ​ൻ, പ്ര​ഫ. മീ​നാ​ക്ഷി ത​മ്പാ​ൻ എ​ന്നീ പ്ര​ഗ​ത്ഭ​രു​ടെ വി​ദ്യാ​ർ​ഥി​നി​യാ​വാ​ൻ ഭാ​ഗ്യം ല​ഭി​ച്ചെ​ങ്കി​ലും, സി​സ്റ്റ​ർ മേ​രി പാ​സ്റ്റ​റെ ക്ലാ​സ് മു​റി​യി​ൽ ആ​ഗ്ര​ഹി​ച്ചി​ട​ത്തോ​ളം, മ​റ്റാ​രെ​യും ഞ​ങ്ങ​ൾ വി​ദ്യാ​ർ​ഥി​നി​ക​ൾ കാ​ത്തി​രു​ന്നി​ട്ടി​ല്ല. അ​പ്ര​തീ​ക്ഷി​ത​മാ​യി ക്ലാ​സ് മു​റി​യി​ലേ​ക്ക് ക​യ​റി​വ​രു​ന്ന സി​സ്റ്റ​ർ​ക്കു​മു​ന്നി​ൽ ഞ​ങ്ങ​ൾ ആ​വേ​ശ​ഭ​

രി​ത​രാ​യി. അ​ത്യു​ത്സാ​ഹ​ത്തോ​ടെ ക​ണ്ണും കാ​തും കൂ​ർ​പ്പി​ച്ചു​വെ​ച്ചു. ഷേ​ക്സ്പി​യ​റു​ടെ 'ദ ​ടെം​പെ​സ്റ്റ്' സി​സ്റ്റ​ർ പ​ഠി​പ്പി​ക്കു​ക​യാ​യി​രു​ന്നി​ല്ല. മ​റി​ച്ച് ക്ലാ​സ് മു​റി​യെ​ത്ത​ന്നെ സ​ർ​ഗാ​ത്മ​ക​മാ​യ ഒ​രി​ട​മാ​ക്കി മാ​റ്റു​ക​യാ​യി​രു​ന്നു. പ്രോ​സ​പ്പോ​റ​യും കാ​ലി​ബ​നും ഏ​രി​യ​ലു​മൊ​ക്കെ ക്ലാ​സ് മു​റി​യി​ൽ പു​ന​ർ​ജ​നി​ച്ചു. ന​ല്ലൊ​രു അ​ഭി​നേ​താ​വ് കൂ​ടി​യാ​യി​രു​ന്ന സി​സ്റ്റ​ർ മേ​രി പാ​സ്റ്റ​ർ, ആ ​വി​ശ്വോ​ത്ത​ര ക​ഥാ​പാ​ത്ര​ങ്ങ​ളാ​യി മാ​റു​ന്ന​ത് അ​ത്യ​ന്തം വി​സ്മ​യ​ത്തോ​ടെ​യാ​ണ് ഞ​ങ്ങ​ൾ ക​ണ്ട​ത്. ക്ലാ​സ് മു​റി​യി​ൽ​നി​ന്ന് ആ ​ക​ഥാ​പാ​ത്ര​ങ്ങ​ൾ ഞ​ങ്ങ​ളു​ടെ ജീ​വി​ത​ത്തി​ലേ​ക്കി​റ​ങ്ങി​വ​ന്നു.

പി​ന്നീ​ട് കാ​ല​ങ്ങ​ൾ​ക്കു​ശേ​ഷം, എ​ന്‍റെ വി​ദ്യാ​ർ​ഥി​ക​ൾ​ക്കാ​യി 'ദ ​ടെം​പെ​സ്റ്റ്' പ​ഠി​പ്പി​ക്കു​മ്പോ​ൾ, ഞാ​നും അ​റി​യാ​തെ സി​സ്റ്റ​റെ അ​നു​ക​രി​ക്കാ​ൻ ശ്ര​മി​ച്ചു. അ​ന്ന്, സി​സ്റ്റ​ർ മേ​രി പാ​സ്റ്റ​റു​ടെ മു​ന്നി​ൽ വി​സ്മ​യ​ത്തോ​ടെ ഇ​രു​ന്ന എ​ന്നെ​പ്പോ​ലെ, എ​ന്‍റെ വി​ദ്യാ​ർ​ഥി​ക​ളു​ടെ ക​ണ്ണു​ക​ളി​ലും ഞാ​നാ തി​ള​ക്കം​ക​ണ്ടു. ജീ​വി​ത​ത്തി​ൽ അ​ധ്യാ​പി​ക​യാ​വാ​നും തു​ട​ർ​ന്ന് അ​തി​ലേ​ക്കു​ള്ള ക​രു​ത്തും പി​ന്തു​ണ​യും എ​നി​ക്ക് ല​ഭി​ച്ച​തും സി​സ്റ്റ​ർ മേ​രി പാ​സ്റ്റ​റി​ലൂ​ടെ​യാ​യി​രു​ന്നു. ഇ​ന്നും സി​സ്റ്റ​റു​ടെ മു​ന്നി​ലി​രി​ക്കു​ന്ന വി​ദ്യാ​ർ​ഥി​നി​യാ​വാ​നാ​ണ് ആ​ഗ്ര​ഹം. ആ ​ചെ​റു​വി​ര​ൽ സ്പ​ർ​ശ​നം, എ​ന്നെ കൂ​ടു​ത​ൽ ഉ​ത്സാ​ഹി​യും ഉ​ത്തേ​ജി​ത​യു​മാ​യ അ​ധ്യാ​പി​ക​യാ​ക്കി മാ​റ്റു​ന്നു.

ദൈ​വ​വ​ഴി​യി​ലൂ​ടെ സ​ഞ്ച​രി​ച്ച്, സൗ​മ്യ​വും ദീ​പ്ത​വു​മാ​യ ജീ​വി​തം ന​യി​ച്ച വ്യ​ക്തി മാ​ത്ര​മാ​യി​രു​ന്നി​ല്ല സി​സ്റ്റ​ർ മേ​രി പാ​സ്റ്റ​ർ. ഇം​ഗ്ലീ​ഷ് ഭാ​ഷ​യി​ലും സാ​ഹി​ത്യ​ത്തി​ലും അ​ത്യ​ഗാ​ധ​മാ​യ അ​വ​ഗാ​ഹ​മു​ണ്ടാ​യി​രു​ന്നു സി​സ്റ്റ​ർ​ക്ക്. ഒ​രു പ​ക്ഷേ, ആ​ത്മീ​യ​മാ​യ ജീ​വി​തം​കൊ​ണ്ടു കൂ​ടി​യാ​ക​ണം, സ​മ​ഭാ​വ​ന​യോ​ടെ സി​സ്റ്റ​ർ​ക്ക് എ​ല്ലാ​വ​രെ​യും സ​മീ​പി​ക്കാ​ൻ സാ​ധി​ച്ച​ത്. അ​ധ്യാ​പ​ക ജീ​വി​ത​ത്തി​ൽ​നി​ന്ന് വി​ര​മി​ച്ച​തി​നു​ശേ​ഷ​വും സി​സ്റ്റ​ർ, അ​നാ​ഥ മ​ന്ദി​ര​ത്തി​ലെ ഉ​റ്റ​വ​രും ഉ​ട​യ​വ​രു​മി​ല്ലാ​ത്ത​വ​രു​ടെ​യി​ട​യി​ൽ സേ​വ​ന​മ​നു​ഷ്ഠി​ക്കു​ന്നു. സി​സ്റ്റ​റെ പ​രി​ച​യ​പ്പെ​ട്ട ഏ​തൊ​രാ​ളി​ലും സ്നേ​ഹ​ത്തി​ന്‍റെ​യും ക​രു​ത​ലി​ന്‍റെ​യും കു​ളി​ർ​മ ഉ​റ​വ​പൊ​ട്ടാ​തി​രി​ക്കി​ല്ല.

മ​റ്റൊ​രു അ​ധ്യാ​പ​ക​ദി​നം കൂ​ടി സ​മാ​ഗ​ത​മാ​കു​മ്പോ​ൾ ഒ​രു ച​ല​ച്ചി​ത്രം എ​ന്ന പോ​ലെ സി​സ്റ്റ​റു​ടെ ഷേ​ക്സ്പി​യ​ർ ക്ലാ​സ്സു​സു​ക​ൾ മു​ന്നി​ൽ തെ​ളി​യു​ന്നു. വ​ല്ല​പ്പോ​ഴു​മൊ​ക്കെ ഇ​രി​ങ്ങാ​ല​ക്കു​ട​യി​ലെ സെ​ന്‍റ്​ ജോ​സ​ഫ്സ് കോ​ള​ജി​ന് മു​ന്നി​ലൂ​ടെ യാ​ത്ര​ചെ​യ്യു​മ്പോ​ൾ സി​സ്റ്റ​ർ മേ​രി പാ​സ്റ്റ​റു​ടെ ത്ര​സി​പ്പി​ക്കു​ന്ന ആ ​ക്ലാ​സ് മു​റി ഓ​ർ​മ​വ​രും. അ​പ്പോ​ൾ, വി​സ്മ​യ​ത്തോ​ടെ സി​സ്റ്റ​റെ നോ​ക്കി​യി​രി​ക്കു​ന്ന ആ ​പ​ഴ​യ വി​ദ്യാ​ർ​ഥി​നി​യു​ടെ ക​ണ്ണു​ക​ൾ കൂ​ടു​ത​ൽ തി​ള​ങ്ങും.

(ഖ​ത്ത​ർ അ​ക്കാ​ദ​മി സി​ദ്ര അ​ധ്യാ​പി​ക​യാ​ണ്​ ലേ​ഖി​ക)