വ്യ​ഥി​ത​ഹൃ​ദ​യ​ങ്ങ​ളു​ടെ ക​ണ്ണീ​ർ​ക്ക​യ​ങ്ങ​ൾ

ഒ​രു ക​ണ്ണീ​ർ​ക്ക​ണം​പോ​ലെ
ശ്രീ​രേ​ഖ പ​ണി​ക്ക​ർ
സൈ​ൻ ബു​ക്സ്
പേജ്: 76 വില: 110

പു​രാ​ണ​ങ്ങ​ളി​ലെ​യും ച​രി​ത്ര​ത്തി​ലെ​യും മു​ഖ്യ​ക​ഥാ​പാ​ത്ര​ങ്ങ​ൾ വാ​യ​ന​ക്കാ​ർ​ക്ക് സു​പ​രി​ചി​ത​രാ​ണ്. പ​ക്ഷേ, അ​റി​യ​പ്പെ​ടാ​ത്ത ത്യാ​ഗ​മൂ​ർ​ത്തി​ക​ളാ​യ സ്ത്രീ​ക​ഥാ​പാ​ത്ര​ങ്ങ​ളു​ണ്ട്. അ​ത്ത​രം ക​ഥാ​പാ​ത്ര​ങ്ങ​ളെ ക​ണ്ടെ​ടു​ത്ത് അ​വ​രു​ടെ സ​ഹ​ന​ത്തി​ന്റെ ക​ഥ​ക​ൾ സ​മു​ദ്ര​ത്തി​ൽ​നി​ന്ന് മു​ത്തു​ക​ൾ വാ​രി​യെ​ടു​ക്കു​ന്ന​തു​പോ​ലെ ചി​ന്തേ​രി​ട്ട് മി​നു​ക്കി, വാ​യ​ന​ക്കാ​രി​ൽ അ​നു​താ​പ​ത്തി​ന്റെ അ​ഗ്നി​സ്ഫു​ലിം​ഗ​ങ്ങ​ളു​ണ​ർ​ത്തു​ന്നു ശ്രീ​രേ​ഖ പ​ണി​ക്ക​രു​ടെ സ​മാ​ഹാ​ര​ങ്ങ​ളി​ൽ. മ​ല​യാ​ള​ത്തി​ലെ ഏ​റ്റ​വും മി​ക​ച്ച സ്ത്രീ​പ​ക്ഷ ക​ഥ​ക​ളാ​ണ് ഈ ​സ​മാ​ഹാ​ര​ങ്ങ​ളി​ലു​ള്ള​ത്. കാ​വ്യാ​ത്മ​ക​മാ​യ ആ​വി​ഷ്കാ​ര​ശൈ​ലി, ഇ​തി​വൃ​ത്ത​ങ്ങ​ളു​ടെ നൂ​ത​ന​ത്വം, പാ​ത്ര​സൃ​ഷ്ടി​യി​ലെ പ​രി​പൂ​ർ​ണ​ത, നാ​ട​കീ​യ​മാ​യ മു​ഹൂ​ർ​ത്ത​ങ്ങ​ളി​ലൂ​ടെ​യു​ള്ള ക​ഥ​നം എ​ന്നി​ങ്ങ​നെ ക​ഥ​ക​ൾ മി​ക​വി​ന്റെ ഉ​ജ്ജ്വ​ല​മാ​തൃ​ക​ക​ളാ​ണ്. "ആ​രു​ടെ​യൊ​ക്കെ​യോ ഇ​ച്ഛ​ക്കൊ​ത്ത് ആ​ടാ​ൻ വി​ധി​ക്ക​പ്പെ​ട്ട ജ​ന്മ​ങ്ങ​ൾ​ക്ക് വി​കാ​ര​ങ്ങ​ൾ പ്ര​ക​ടി​പ്പി​ക്കാ​ൻ​പോ​ലും അ​വ​കാ​ശ​മി​ല്ലെ''​ന്ന സ്ഥി​തി എ​ല്ലാ ക​ഥ​ക​ളി​ലും വ്യ​ക്ത​മാ​ണ്. ക​ഥാ​പാ​ത്ര​ങ്ങ​ളോ​ട് വാ​യ​ന​ക്കാ​ര​ന് താ​ദാ​ത്മ്യം പ്രാ​പി​ച്ച് അ​നു​ഭ​വ​വേ​ദ്യ​മാ​കു​ന്ന സം​വേ​ദ​ന​ക്ഷ​മ​ത എ​ടു​ത്തു​പ​റ​യേ​ണ്ട​താ​ണ്. അ​വ ന​മ്മെ വ​ല്ലാ​തെ ഉ​ല​യ്ക്കു​ക ത​ന്നെ​ചെ​യ്യും.

മ​ഹാ​ഭാ​ര​ത​ത്തി​ലെ​യും രാ​മാ​യ​ണ​ത്തി​ലെ​യും അ​ജ്ഞാ​ത​രാ​യ സ്ത്രീ​ക​ഥാ​പാ​ത്ര​ങ്ങ​ളെ ക​ണ്ടെ​ത്തി അ​വ​ർ അ​നു​ഭ​വി​ച്ച ക​യ്പു​നീ​രി​ന്റെ​യും സ​ഹി​ഷ്ണു​ത​യു​ടെ​യും ത്യാ​ഗ​ത്തി​ന്റെ​യും സ​ഹ​ന​ത്തി​ന്റെ​യും നാ​ല് ക​ഥ​ക​ളാ​ണ് 'ഒ​രു ക​ണ്ണീ​ർ​ക്ക​ണം പോ​ലെ'. ശ്രീ​രാ​മ​ന്റെ മൂ​ത്ത സ​ഹോ​ദ​രി​യാ​യി​രു​ന്നു ശാ​ന്ത എ​ന്ന​ത് ന​മു​ക്ക് പു​തി​യ അ​റി​വാ​ണ്; ദ​ശ​ര​ഥ മ​ഹാ​രാ​ജാ​വി​ന് കൗ​സ​ല്യ​യി​ലു​ണ്ടാ​യി​രു​ന്ന പു​ത്രി: ''ഒ​രേ കു​ല​ത്തി​ലും വം​ശ​ത്തി​ലും പെ​ട്ട കൗ​സ​ല്യ​യെ പാ​ണി​ഗ്ര​ഹ​ണം ചെ​യ്ത​ത് കൊ​ണ്ട്'' അ​മ്മ​ക്കും അ​ച്ഛ​നും വേ​ണ്ടി​യി​രു​ന്ന​ത് രാ​ജ്യം വാ​ഴാ​നു​ള്ള പു​ത്ര​നെ​യാ​യി​രു​ന്നു. പു​ത്ര​നും പു​ത്രി​യും അ​വ​ർ​ക്ക് തു​ല്യ​മ​ല്ല. അ​തി​നാ​ൽ ഏ​ഴാം വ​യ​സ്സി​ൽ കാ​ലു​ക​ൾ​ക്ക് വൈ​ക​ല്യ​മു​ള്ള ശാ​ന്ത​യെ​ലോ​മ​പാ​ദ​ന് ദ​ത്തു​ന​ൽ​കു​ക​യാ​ണ്. കൗ​സ​ല്യ​യു​ടെ സ​ഹോ​ദ​രി​യാ​ണ് വ​ർ​ഷി​ണി രാ​ജ്ഞി. അ​വ​ർ ഉ​പാ​ധി​ക​ളി​ല്ലാ​ത്ത അ​ള​വ​റ്റ സ്നേ​ഹ​വും ചി​കി​ത്സ​യും ന​ൽ​കി; അ​വ​ൾ അ​തി​സു​ന്ദ​രി​യാ​യ യു​വ​തി​യാ​യി, അ​വി​ടെ തു​ട​ങ്ങു​ന്നു ശാ​ന്ത​യു​ടെ ത്യാ​ഗ​വും മ​ന​ക്ലേ​ശ​വും. അം​ഗ​രാ​ജ്യ​ത്തി​നു​വേ​ണ്ടി ക​ള​ങ്ക​മേ​ൽ​ക്കാ​ത്ത ഋ​ഷ്യ​ശൃം​ഗ​നെ വി​വാ​ഹം ക​ഴി​ക്ക​ണം. പു​ത്ര​നു​ണ്ടാ​വ​ണം. അ​തു​ക​ഴി​ഞ്ഞ് അ​യോ​ധ്യ​യി​ലെ ദ​ശ​ര​ഥ​മ​ഹാ​രാ​ജാ​വി​ന്റെ യാ​ഗ​ശാ​ല​യി​ൽ യ​ജ്ഞാ​ചാ​ര്യ​ന്റെ പ​ത്നി​യാ​യി പി​താ​വ് ന​മ​സ്ക​രി​ക്കു​ന്ന അ​നു​ഭ​വ​വും നേ​രി​ട്ടു. മ​ര​ണാ​സ​ന്ന​നാ​യ പി​താ​വി​ന് ജ​ല​പാ​നം ന​ൽ​കു​മ്പോ​ഴും രാ​ജാ​വ് ഓ​ർ​ക്കു​ന്ന​ത് മ​ക​നെ​യാ​ണ്. പു​ത്ര​സ്നേ​ഹ​വും ഭ​ർ​തൃ ​പ്രേ​മ​വും​മൂ​ലം ഉ​ഴ​ലു​ന്ന വാ​ർ​ധ​ക്യ​ത്തി​ലെ​ത്തി​യ ശാ​ന്ത​യെ സ​ഹോ​ദ​ര​ങ്ങ​ളാ​യ ശ്രീ​രാ​മ​നും മ​റ്റും ഭ​ര​ത​പു​ത്ര​നാ​യ ത​ക്ഷ​നും പ​ത്നി ശി​ല​യും സ്ഥാ​പി​ക്കു​ന്ന ത​ക്ഷ​ശി​ല എ​ന്ന വി​ദ്യാ​ഗ​ന​ഗ​രി​യു​ടെ ഐ​ശ്വ​ര്യ​പൂ​ജ​യും ഉ​പ​ല​സ്ഥാ​പ​ന​വും ക​ഴി​ഞ്ഞ​പ്പോ​ൾ അ​നീ​തി​ക​ൾ​ക്ക് മാ​പ്പി​ര​ക്കു​ന്ന ശ്രീ​രാ​മ​ൻ. മു​നി​ശ്രേ​ഷ്ഠ​നാ​യ ഋ​ഷ്യ​ശൃം​ഗ​ന്റെ തോ​ണി ആ​ശ്ര​മ​ത്തി​ലേ​ക്ക് അ​ക​ന്നു​പോ​കു​ന്നു. ശാ​ന്ത​യു​ടെ വ്യ​ഥാ ക​ഥ​നം ഏ​റ്റ​വും മി​ക​ച്ച പൂ​ർ​ണ​ത​യു​ള്ള മ​ല​യാ​ള​ക​ഥ​ക​ളി​ലൊ​ന്നാ​ണ്.

മ​ഹാ​ഭാ​ര​ത​ത്തി​ലെ അം​ബ ശി​ഖ​ണ്ഡി​യാ​യി ഭീ​ഷ്മ​രോ​ട് പ്ര​തി​കാ​രം ചെ​യ്യു​ന്ന ഒ​രു ക​ണ്ണീ​ർ​ക്ക​ണം പോ​ലെ, ച​വി​ട്ടി​മെ​തി​ക്ക​പ്പെ​ടു​ന്ന സ്ത്രീ​ത്വ​ത്തി​ന്റെ ക​ഥ അം​ബ​യു​ടെ മാ​ന​സി​ക വ്യാ​പാ​ര​ങ്ങ​ളി​ലൂ​ടെ പ്ര​തി​കാ​ര​മൂ​ർ​ത്തി​യാ​യി അ​വ​ത​രി​പ്പി​ക്ക​പ്പെ​ടു​ന്ന​തും ഹൃ​ദ്യ​മാ​യ വാ​യ​നാ​നു​ഭ​വ​മാ​ണ്. ശ​ത്രു​നി​ഗ്ര​ഹ​ത്തി​നാ​യി വി​ഷ​ക​ന്യ​ക​യാ​ക്കി പ്ര​ത്യേ​കം വ​ള​ർ​ത്തി​യെ​ടു​ത്ത് ക​മ​ലി​നി​യെ ദേ​വ​സ്മി​ത​യാ​ക്കി, താ​ൻ ന​ശി​പ്പി​ക്കേ​ണ്ട ബിം​ബി​സാ​ര​നോ​ടു​ള്ള ഉ​ൽ​ക്ക​ട​പ്രേ​മ​ത്താ​ൽ ആ​ത്മാ​ഹു​തി ന​ട​ത്തു​ന്ന 'വി​ഷ​ക​ന്യ​ക'​യും വി​ശ്വാ​മി​ത്ര​ന്റെ ആ​ഗ്ര​ഹ​പൂ​ർ​ത്തി​ക്കാ​യി മ​ക​ൻ ഗാ​ല​വ​ൻ ഉ​പ​ക​ര​ണ​മാ​ക്കു​ന്ന മ​ര​ണ​മി​ല്ലാ​ത്ത മാ​ധ​വി​യും ഉ​ൽ​കൃ​ഷ്ട സ്ത്രൈ​ണ മാ​തൃ​ക​ക​ളു​ടെ ക​ഥ​ക​ളാ​ണ്.

ക​ണ്ണീ​ർ​ക്കൊ​ന്ന​യി​ലെ ക​ഥ​ക​ളും മ​ധ്യ​വ​ർ​ത്തി സ​മൂ​ഹ​ത്തി​ലെ സ്ത്രീ​ക​ൾ അ​നു​ഭ​വി​ക്കു​ന്ന അ​ന്തഃ​സം​ഘ​ർ​ഷ​ങ്ങ​ളെ​ക്കു​റി​ച്ചു​ള്ള​വ​യാ​ണ്. അ​വ (ര​ണ്ട് ക​ഥ​ക​ൾ 'ഒ​രു ക​ണ്ണീ​ർ​ക്ക​ണം പോ​ലെ'​യി​ലെ ആ​വ​ർ​ത്ത​ന​ങ്ങ​ളാ​ണ്) ആ​തു​ര​ശു​ശ്രൂ​ഷാ​രം​ഗ​ത്തു​ള്ള​വ​രു​ടെ അ​നു​ഭ​വ​ങ്ങ​ളു​ടെ തീ​ച്ചൂ​ള​ക​ളെ​ക്കു​റി​ച്ചു​ള്ള ആ​ഖ്യാ​ന​ങ്ങ​ളാ​ണ് കൂ​ട്ട​ത്തി​ൽ 'മു​ൾ​ക്കി​രീ​ടം ചൂ​ടി​യ​വ​ർ' പ്ര​ത്യേ​ക പ​രാ​മ​ർ​ശ​യോ​ഗ്യ​മാ​ണ്. പു​തു​താ​യി തു​ട​ങ്ങി​യ ഒ​രു ജി​ല്ല ആ​ശു​പ​ത്രി​യി​ൽ, വ​ർ​ഷ​ങ്ങ​ളോ​ളം എ​ല്ലാ​വ​രു​ടെ​യും പ്ര​ശം​സാ​പാ​ത്ര​മാ​യി, മ​ക്ക​ളെ​പ്പോ​ലും അ​വ​ഗ​ണി​ച്ച് സേ​വ​നം ന​ട​ത്തി​യ മൃ​ദു​ല എ​ന്ന ഡോ​ക്ട​ർ​ക്ക് സ​ങ്കീ​ർ​ണ​മാ​യ പ്ര​സ​വ​ക്കേ​സി​ൽ ജീ​വ​ൻ ര​ക്ഷി​ക്കാ​നാ​യി​ല്ലെ​ന്ന​തി​ന്റെ പേ​രി​ൽ അ​നു​ഭ​വി​ക്കേ​ണ്ടി​വ​ന്ന ക്രൂ​ര​ത​യു​ടെ ക​ഥ -അ​തും സ്വ​ന്തം ര​ക്തം​ത​ന്നെ ദാ​നം ന​ൽ​കി, പ്ര​സ​വ​ശു​ശ്രൂ​ഷ​യി​ൽ ജ​നി​ച്ച​വ​ന്റെ നേ​തൃ​ത്വ​ത്തി​ൽ ന​ട​ന്ന​ത് -ന​മ്മു​ടെ സാ​മൂ​ഹി​ക​വ്യ​വ​സ്ഥ​യു​ടെ ത​ന്നെ പ​രി​ച്ഛേ​ദ​മാ​ണ്. 'നീ​ല​മു​ള​ക​ൾ തേ​ങ്ങു​മ്പോ​ൾ' വി​ദേ​ശ​മ​ല​യാ​ളി​ക​ൾ വൃ​ദ്ധ​മാ​താ​പി​താ​ക്ക​ളു​ടെ സ്വ​ത്തി​ൽ മോ​ഹി​ച്ച് അ​വ​രോ​ട് കാ​ണി​ക്കു​ന്ന അ​വ​ഗ​ണ​ന​യും മ​ര​ണം​വ​രെ ശു​ശ്രൂ​ഷി​ച്ച​വ​രോ​ട് പ്ര​ക​ട​മാ​ക്കു​ന്ന ക്രൂ​ര​ത​യും നൈ​തി​ക​മൂ​ല്യ​ങ്ങ​ളു​ടെ ത​ക​ർ​ച്ച​യെ പ്ര​തി​ഫ​ലി​പ്പി​ക്കു​ന്നു; ശി​ഥി​ല​മാ​കു​ന്ന മാ​നു​ഷി​ക​ബ​ന്ധ​ങ്ങ​ളെ​ക്കു​റി​ച്ചു​ള്ള മ​റ്റ് ക​ഥ​ക​ളും പ്ര​ശം​സ​നീ​യ​മാ​ണ്.

ശ്രീ​രേ​ഖ പ​ണി​ക്ക​രു​ടെ ആ​ഖ്യാ​ന​ശൈ​ലി​യു​ടെ വി​ശി​ഷ്ട​മാ​യ ഒ​രു​ഘ​ട​കം ക​ഥ​ക​ളി​ലെ ഭൂ​മി​ക​ക​ളെ​ക്കു​റി​ച്ച് കാ​ലാ​നു​സൃ​ത​മാ​യ പ്ര​തി​പാ​ദ​ന​ങ്ങ​ളും കാ​വ്യാ​ത്മ​ക​മാ​യ ഭാ​ഷാ​ശൈ​ലി​യും പൂ​ക്ക​ളും മ​ര​ങ്ങ​ളും ഇ​ല​ക​ളും ത​ളി​രു​ക​ളും കാ​റ്റും ജ​ല​പാ​ത​ക​ളും ക​ഥ​യു​ടെ അ​ന്ത​രീ​ക്ഷ​ത്തി​ന് മാ​റ്റു​കൂ​ടു​ന്നു. 'ക​ണ്ണീ​ർ​ക്കൊ​ന്ന'​യി​ലെ "സ്വ​ർ​ണ​നി​റ​മു​ള്ള പൂ​ക്ക​ൾ വി​രി​യു​ന്ന കൊ​ന്ന'' മാ​ത്രം ക​ണ്ട് പ​ച്ച​മ​ര​ങ്ങ​ൾ കൊ​തി​ച്ചു​നി​ൽ​ക്കു​ന്ന ഡോ. ​നി​ര​ഞ്ജ​നും ഗൗ​രി​യും ക​ഥാ​ഗ​തി​യു​ടെ മി​ക​വി​ന് നി​ദാ​ന​മാ​ണ്. അ​വ​യ​വ​ദാ​ന​ത്തി​ലൂ​ടെ ജീ​വ​ന്റെ തു​ടി​പ്പു​ക​ൾ നി​ല​നി​ല​ക്കു​ന്നു​വെ​ന്ന​റി​യു​മ്പോ​ഴു​ള്ള ഉ​ൽ​ക്ക​ട​മാ​യ വി​കാ​ര​വി​ക്ഷോ​ഭ​വും ഈ ​ക​ഥ​യി​ലു​ണ്ട്. പു​രാ​ണ​സം​ബ​ന്ധി​യാ​യ ക​ഥ​ക​ളി​ലെ പ്ര​കൃ​തി​യു​ടെ സൂ​ക്ഷ്മാം​ഗ​ങ്ങ​ള​ട​ങ്ങു​ന്ന ചി​ത്രീ​ക​ര​ണ​ങ്ങ​ളും പ്ര​ശം​സാ​ർ​ഹ​മാ​ണ്.

l