ഇന്ന് മാതൃദിനം: അ​മ്മ മ​ന​സ്സി​ലൂ​ടെ ഒ​രു മ​ക​ൻ ന​ട​ത്തി​യ പു​ണ്യ​യാ​ത്ര...

മാ​ത​ാവി​ന്റെ കാ​ൽ​ച്ചുവ​ട്ടി​ലാ​ണ് സ്വ​ർ​ഗ​മെ​ന്ന് വി​ശു​ദ്ധ വ​ച​നം. ഈ ​വാ​ക്കു​ക​ൾ അ​ന്വ​ർ​ഥമാ​ക്കി​യ ഒ​രു മ​ക​നു​ണ്ടി​വി​ടെ. പേ​ര് ഡി. ​കൃ​ഷ്ണ​കു​മാ​ർ. വ​യ​സ്സ് 46. മൈ​സൂ​രു ബോ​ഗാ​ഡി സ്വ​ദേ​ശി. മാ​താ​വ് ചൂ​ഡാ​ര​ത്നം. വ​യ​സ്സ് 74. ഇ​രു​വ​രും വ​ലി​യ സ​​ന്തോ​ഷ​ത്തി​ലാ​ണ്. പ​ര​സ്പ​രം അ​റി​ഞ്ഞു ജീ​വി​ക്കു​ന്ന അ​മ്മ​യും മ​ക​നും. മ​ക​നെക്കു​റി​ച്ച് അ​​മ്മ​യോ​ടും അ​മ്മ​യെക്കു​റി​ച്ച് മ​ക​നോ​ടും ചോ​ദി​ച്ചാ​ൽ ഒ​രു​ത്ത​ര​മാ​ണു​ള്ള​ത്. നി​റ​ഞ്ഞ ചി​രി​യോ​ടെ ഇ​രു​വ​രും പ​റ​യ​ും ‘എ​െ​​ന്റ പു​ണ്യ​മെ​ന്ന്’. പി​ന്നെ, ചു​റ്റും കൂ​ടിനി​ൽ​ക്കു​ന്ന​വ​രി​ലും മാ​തൃ​സ്നേ​ഹ​ത്തി​​ന്റെ തെ​ളി​ച്ചം ക​ട​ന്നു​വ​രും. സ്നേ​ഹം വ​റ്റി കൊ​ല​​ക്ക​ത്തി​യെ​ടു​ക്കു​ന്ന നാ​ട്ടി​ൽ ഈ ​സ്നേ​ഹ​ഗാ​ഥ വേ​റി​ട്ട കാ​ഴ്ചത​ന്നെ​യാ​ണ്. ഈ ​മാ​തൃ​ദി​ന​ത്തി​ൽ നാം ​ചേ​ർ​ത്ത് പി​ടി​ക്കേ​ണ്ട അ​മ്മ​യും മ​ക​നും. ഇ​തി​ന​കംത​ന്നെ ഈ ​അ​മ്മ​യും മ​ക​നും ഏ​റെ​​​പ്പേ​രു​ടെ ഹൃ​ദ​യ​ത്തി​ൽ ഇ​ടം പി​ടി​ച്ചു ക​ഴി​ഞ്ഞു. കാ​ര​ണം, അ​വ​രു​ടെ സ്കൂ​ട്ട​ർയാ​ത്ര​ക്കിടെ സ്നേ​ഹംകൊ​ണ്ട് ചു​റ്റും കൂ​ടി​യ​വ​ർ ഏ​റെ​പ്പേ​രാ​ണ്. പ​തി​റ്റാ​ണ്ടു​ക​ളാ​യി വീ​ട​ക​ത്ത് ഒ​തു​ങ്ങി​യ അ​മ്മ ഈ ​മ​​ക​നോ​ടൊ​പ്പം ലോ​കം കാ​ണു​ക​യാ​ണി​പ്പോ​ൾ... അ​തി​നെ ‘ചേ​ത​ക്കി​ൽ ചു​റ്റി​യ ലോ​ക’​മെ​ന്ന് ഒ​റ്റ വാ​ക്കി​ൽ വി​ശേ​ഷി​പ്പി​ക്കാം...

ചേ​ത​ക്കി​ൽ ചു​റ്റി​യ ലോ​കം

ഈ ​ജീ​വി​തക​ഥ​യി​ലെ അ​മ്മ ഒ​രി​ക്ക​ലും ഇ​ത്ത​ര​മൊ​രു യാ​ത്ര സ്വ​പ്നം ക​ണ്ടി​ല്ല. അ​ങ്ങ​നെ കാ​ണാ​ൻ പ​ഠി​ച്ചി​ട്ടി​ല്ല. കാ​ര​ണം, അ​ത്ത​രം പ്ര​തീ​ക്ഷ​ക​ളൊ​ന്നു​മി​ല്ലാ​ത്ത ജീ​വി​ത​മാ​യി​രു​ന്നു. കൂ​ട്ടു​കു​ടും​ബ​ത്തി​ന്റെ അ​ടു​ക്ക​ള ജീ​വി​തം. ചൂ​ഡാ​ര​ത്നത്തി​ന്റെ ഭ​ർ​ത്താ​വ് ദ​ക്ഷി​ണാ​മൂ​ർ​ത്തി മ​ര​ണ​​പ്പെ​ട്ട​തോ​ടെ​യാ​ണ് പു​തി​യ ജീ​വി​തം ആ​രം​ഭി​ക്കു​ന്ന​ത്. അ​ക്കാ​ല​ത്ത് ബംഗളൂരുവിൽ കോ​ർ​പ​റേ​റ്റ് സ്ഥാ​പ​നത്തി​ൽ മാ​നേ​ജ​റാ​യി​രു​ന്നു മ​ക​ൻ കൃ​ഷ്ണ​കു​മാ​ർ. പി​താ​വി​ന്റെ മ​ര​ണ​ത്തോ​ടെ അ​മ്മ​യു​ടെ ക​ഴി​ഞ്ഞകാ​ല ജീ​വി​ത​മാ​യി​രു​ന്നു കൃ​ഷ്ണ​കു​മാ​റി​ന്റെ മ​ന​സ്സിൽ. അ​മ്മ​യോ​​ട് യാ​ത്ര ചെ​യ്യാ​നി​ഷ്ട​​മാ​ണോ​യെ​ന്ന് ചോ​ദി​ച്ചു. അ​മ്മ​ കേ​ട്ട​റി​ഞ്ഞ പു​ണ്യ​സ്ഥ​ല​ങ്ങ​ൾ, നി​ര​വ​ധി ദേ​ശ​ങ്ങ​ൾ എ​ല്ലാം ​ഒ​രു ചെ​റു​ചി​രി​യോ​ടെ പ​റ​ഞ്ഞു​വെ​ച്ചു. കേ​ട്ടുനി​ന്ന കൃ​ഷ്ണ​കു​മാ​റി​ന് മ​റ്റൊ​ന്നും ചി​ന്തി​ക്കേ​ണ്ടി​വ​ന്നി​ല്ല. ഇ​നി​യു​ള്ള ജീ​വി​തം അ​മ്മ​ക്കു വേ​ണ്ടി​യെ​ന്ന് തീ​ര​ു​മാ​നി​ച്ചു. കോ​ർ​പ​റേ​റ്റ് സ്ഥാ​പ​ന​ത്തി​ലെ ജോ​ലി രാ​ജി​വെ​ച്ചു.

ര​ണ്ടു​പ​തി​റ്റാ​ണ്ട് മു​മ്പ് അ​ച്ഛ​ൻ ദ​ക്ഷി​ണാ​മൂ​ർ​ത്തി വാ​ങ്ങി​യ ചേ​ത​ക് സ്‌​കൂ​ട്ട​റി​ൽ യാ​ത്ര ആ​രം​ഭി​ച്ചു. മൈ​സൂ​രു ബോ​ഗാ​ഡി​യി​ൽനി​ന്ന് കേ​ര​ള​ത്തി​ലെ പാ​ല​ക്ക​ാ​ട്ടേ​ക്ക്. അ​തൊ​രു തു​ട​ക്ക​മാ​യി​രു​ന്നു. ഇ​ന്നി​പ്പോ​ൾ 83,000 കി​ലോ​മീ​റ്റ​ർ പി​ന്നി​ട്ടു. 2018 ജ​നു​വ​രി 16നാ​യി​രു​ന്നു ആ​ദ്യ യാ​ത്ര. 2022 ആ​ഗ​സ്റ്റി​ലാ​ണ് ര​ണ്ടാംഘ​ട്ട യാ​ത്ര ആ​രം​ഭി​ച്ച​ത്. ഇ​പ്പോ​ൾ ര​ണ്ടാം​ഘ​ട്ട​ യാ​ത്ര അ​വ​സാ​നി​ച്ചു. കോ​വി​ഡ് കാ​ല​ത്തെ ഇ​ട​വേ​ള​യൊ​ഴി​ച്ചാ​ൽ ഈ ​യാ​ത്ര ആ​രം​ഭി​ച്ചി​ട്ട് അ​ഞ്ച് വ​ർ​ഷം പി​ന്നി​ട്ടു. ദി​വ​സ​വും 50 മു​ത​ൽ 75 കി​ലോ​മീ​റ്റ​ർ വ​രെ​യാ​യി​രു​ന്നു യാ​ത്ര. അ​മ്മ​യു​ടെ പ്രാ​യം പ​രി​ഗ​ണി​ച്ച് രാ​വി​ലെ അ​ഞ്ചു മു​ത​ൽ ഒ​മ്പതുവരെയും വൈ​കീ​ട്ട് നാ​ലു മു​ത​ൽ രാ​ത്രി ഏ​ഴു വ​രെ​യു​മാ​ണ് യാ​ത്ര. ഈ ​വേ​ള​യി​ൽ ചൂ​ടൊ​ന്നും പ്ര​ശ്നം സൃ​ഷ്ടി​ക്കി​ല്ല. ഇ​തി​നി​ടെ​യു​ള്ള വി​ശ്ര​മ​വും ഭ​ക്ഷ​ണ​വും എ​ല്ലാം ഗു​രു​മ​ന്ദി​ര​ങ്ങ​ളി​ലും ക്ഷേ​ത്ര​ങ്ങ​ളി​ലു​മാ​ണെ​ന്ന് കൃ​ഷ്ണ​കു​മാ​ർ പ​റ​യു​ന്നു. യാ​ത്ര​ക്കുവേ​ണ്ടി എ​ത്ര രൂ​പ ചെ​ല​വ​ഴി​ച്ചു​വെ​ന്ന ചോ​ദ്യ​ത്തി​ന് അ​മ്മ​ക്കുവേ​ണ്ടി ചെ​ല​വാ​ക്കു​ന്ന പ​ണ​ത്തി​ന്റെ ക​ണ​ക്ക് നോ​ക്കാ​റി​ല്ലെ​ന്നാ​ണ് കൃ​ഷ്‌​ണ​കു​മാ​റി​ന്റെ ഉ​ത്ത​രം. നേ​ര​ത്തേ കോ​ർ​പ​റേ​റ്റ് ക​മ്പ​നി​യി​ൽ ജോ​ലി​ചെ​യ്ത​പ്പോ​ഴു​ള്ള സ​മ്പാ​ദ്യം അ​മ്മ​യു​ടെ പേ​രി​ൽ നി​ക്ഷേ​പി​ച്ചി​ട്ടു​ണ്ട്. അ​ത​് ഉ​പ​യോ​ഗി​ച്ചാ​ണ് യാ​ത്ര.

ആ​രോ​ടും ഈ ​യാ​ത്ര​ക്കാ​യി പ​ണം സ്വീ​ക​രി​ച്ചി​ട്ടി​ല്ല. ഇ​നി സ്വീ​ക​രി​ക്കു​ക​യു​മി​ല്ല. ​ലോ​ഡ്ജു​ക​ളി​ലൊ​ന്നും മു​റി​യെ​ടു​ക്കാ​റി​ല്ല. ഹോ​ട്ട​ലു​ക​ളി​ൽനി​ന്നും ഭ​ക്ഷ​ണം ക​ഴി​ക്കാ​റി​ല്ല. എ​ല്ലാം പൊ​തു ഇ​ട​ങ്ങ​ൾ മാ​ത്രം. പോ​യ സ്ഥ​ല​ങ്ങ​ളൊ​ക്കെ പ​ു​ണ്യ​സ്ഥ​ല​ങ്ങ​ളാ​ണ്. ഒ​രോ​ന്നും ഓ​രോ അ​നു​ഭ​വ​ങ്ങ​ളാ​ണ്. ഒ​ന്നി​നെ​യും പ്ര​ത്യേ​കി​ച്ച് എ​ടു​ത്തു​പ​റ​യേ​ണ്ട​തി​ല്ല. എ​ല്ലാ​യി​ട​ത്തും ഇ​ത്തി​രി കൗ​തു​ക​ത്തോ​ടെ ചി​രി​ച്ചു നി​ൽ​ക്കു​ന്ന അ​മ്മ​യാ​ണ് മ​ന​സ്സിൽ. ഇ​തി​നി​ടെ, വി​വാ​ഹംപോ​ലും വേ​ണ്ടെ​ന്ന് വെ​ച്ചി​രി​ക്കു​ക​യാ​ണ് കൃ​ഷ്ണ​കു​മാ​ർ. മു​ൻ​കൂ​ട്ടി ത​യാ​റാ​ക്കി​യ​ത​നു​സ​രി​ച്ചാ​യി​രു​ന്നി​ല്ല യാ​ത്ര. അ​തു​കൊ​ണ്ട് ത​ന്നെ ഒ​രി​ക്ക​ലും നി​രാ​ശ തോ​ന്നി​യി​ട്ടി​ല്ല. ഈ ​ചേ​ത​ക് സ്കൂ​ട്ട​റി​ൽ ഇ​തി​ന​കം ഇ​ന്ത്യ​യി​ലെ എ​ല്ലാ സം​സ്ഥാ​ന​ങ്ങ​ളും ചു​റ്റി​ക്ക​റ​ങ്ങി. ഇ​തി​നു​പു​റ​മെ, നേ​പ്പാ​ൾ, ഭൂ​ട്ടാ​ൻ, മ്യാ​ന്മ​ർ എ​ന്നി​വി​ട​ങ്ങ​ളി​ലും സ്കൂ​ട്ട​ർയാ​ത്രി​ക​രാ​യെ​ത്തി. ര​ണ്ട് പ​തി​റ്റാ​ണ്ട് പ​ഴ​ക്ക​മു​ള്ള സ്കൂ​ട്ട​റാ​ണ്. അ​ച്ഛ​നോ​ർ​മയാ​ണീ സ്കൂ​ട്ട​ർ. അ​തി​ന്റെ ട​യ​റും മ​റ്റും കൃ​ത്യ​മാ​യി പ​രി​ച​രി​ക്കും. അ​മ്മ​ക്ക് ആ​രോ​ഗ്യപ്ര​ശ്ന​ങ്ങ​ൾ ഒ​ന്നുംത​ന്നെ​യി​ല്ല. എ​ല്ലാ പ​രി​ച​ര​ണ​വ​ും ഞാ​ൻത​ന്നെ ന​ൽ​കു​ന്നു. അ​ത​ു​കൊ​ണ്ടാ​ണ് ‘മാ​തൃ​സേ​വാ സ​ങ്ക​ൽ​പയാ​ത്ര’ എ​ന്ന് ഈ യാത്രക്ക് ​പേ​രി​ട്ട​തെ​ന്ന് കൃ​ഷ്ണ​കു​മാ​ർ പ​റ​യു​ന്നു.

അ​റി​ഞ്ഞ സ​ാഹോ​ദ​ര്യം...

അ​ഞ്ചു വ​ർ​ഷ​ത്തെ യാ​ത്ര സ​മ്മാ​നി​ച്ച അ​നു​ഭ​വം പ​റ​ഞ്ഞ​റി​യി​ക്കാ​ൻ ഭാ​ഷ പോ​രെ​ന്ന് കൃ​ഷ്ണ​കു​മാ​ർ. അ​റി​ഞ്ഞ സാ​ഹോ​ദ​ര്യം, സ്നേ​ഹം ത​​ന്ന മ​നു​ഷ്യ​ർ നി​ര​വ​ധി​യാ​ണ്. ഭാ​ഷ​പോ​ലും പ്ര​ശ്ന​മ​ല്ലെ​ന്ന് പ​ഠി​ച്ചു. എ​ല്ലാ​റ്റി​നെ​യും ഉ​ൾ​ക്കൊ​ള്ളു​ന്ന നാ​ടാ​ണ് ന​മ്മു​ടേതെ​ന്ന് അ​നു​ഭ​വി​ച്ച​റി​ഞ്ഞു. എ​വി​ടെ പോ​യാ​ലും സാ​ഹോ​ദ​ര്യം കാ​ണാം. വി​വി​ധ സ​മു​ദാ​യ​ങ്ങ​ളി​ൽ​പ്പെ​ട്ട മ​നു​ഷ്യ​രെ ക​ണ്ട​റി​ഞ്ഞു. വ്യ​ത്യ​സ്ത രു​ചി​ക​ൾ അ​നു​ഭ​വി​ച്ചു. ഗ്രാ​മ, ന​ഗ​ര വ്യ​ത്യാ​സ​മി​ല്ലാ​തെ ഈ ​നാ​ട് പ​റ​യു​ന്ന​ത് ‘ലോ​കാ​സ​മ​സ്താ സു​ഖി​നോ ഭ​വ​ന്തു​’വെ​ന്നു​ത​ന്നെ​യാ​ണ്. അ​താ​യി​രു​ന്ന​ല്ലോ, ന​മ്മു​ടെ പൂ​ർ​വി​ക​ർ ന​മ്മെ പ​ഠി​പ്പി​ച്ച​ത്. അ​താ​ണ് ന​മ്മു​ടെ നാ​ട്. എ​ല്ലാ മ​നു​ഷ്യ​രും സ്നേ​ഹം മാ​ത്ര​മാ​ണ് ത​ന്ന​ത്. എ​ന്റെ യാ​ത്ര അ​മ്മ​യെ​ന്ന പു​ണ്യം തേ​ടി​യാ​ണെ​ന്ന് കൃ​ഷ്ണ​കു​മാ​ർ പ​റ​യു​മ്പോ​ൾ, നി​റ ചി​രി​യോ​ടെ അ​മ്മ ചൂ​ഡാ​ര​ത്നം മ​ക​നെ തൊ​ഴു​തു നി​ൽ​ക്കു​ന്നു. പു​തി​യ​കാ​ല​ത്തി​ന് എ​ന്തെ​ങ്കി​ലും ഉ​പ​ദേ​ശം ന​ൽ​കാ​നു​ണ്ടോ​യെ​ന്ന ചോ​ദ്യ​ത്തി​ന് ഇ​ല്ലെ​ന്ന് ആ​ദ്യ ഉ​ത്ത​രം. പി​ന്നെ, സ​മ​യം ക​ണ്ടെ​ത്ത​ണം ന​മു​ക്ക് ജീ​വ​ൻ ത​ന്ന​വ​രു​ടെ മ​ന​സ്സറി​യാ​ൻ, അ​ത് ന​ൽ​കു​ന്ന ആ​ത്മ​സു​ഖം പ​റ​ഞ്ഞ​റി​യി​ക്കാ​ൻ ക​ഴി​യി​ല്ല...​ ഇ​നി യൂ​റോ​പ്യ​ൻ രാ​ജ്യ​ങ്ങ​ൾ, ഗ​ൾ​ഫ് നാ​ടു​ക​ൾ എ​ല്ലാം സ​ന്ദ​ർ​ശി​ക്ക​ണം... എ​ല്ലാ​റ്റി​നും സ​മ​യം അ​നു​വ​ദി​ക്കു​മെ​ന്ന് കൃ​ഷ്ണ​കു​മാ​ർ.