ഓണം സമാപന ഘോഷയാത്ര സെപ്റ്റംബര് രണ്ടിന്
text_fieldsതിരുവനന്തപുരം: വാരാഘോഷത്തിന്റെ സമാപനം കുറിച്ചുകൊണ്ട് നടക്കുന്ന ഘോഷയാത്ര സെപ്റ്റംബര് രണ്ടിന് വൈകീട്ട് അഞ്ചുമണിക്ക് മാനവീയം വീഥിക്ക് സമീപം ഗവര്ണര് ആരിഫ് മുഹമ്മദ് ഖാന് ഫ്ളാഗ് ഓഫ് ചെയ്യും. പൂർണമായും ഗ്രീന് പ്രോട്ടോകോള് പാലിച്ചുകൊണ്ടാണ് ഘോഷയാത്ര നടക്കുക. ഇതിനായി ഒരു ഗ്രീന് ആര്മി രൂപീകരിച്ചിട്ടുണ്ടെന്നും ഇതോടൊപ്പം ടൂറിസം ക്ലബ്ബിന്റെ വോളണ്ടിയര്മാരും സേവനത്തിന് ഉണ്ടാകുമെന്നും മന്ത്രി അറിയിച്ചു.
വി.ഐ.പികള്ക്കായി മുന്വര്ഷങ്ങളില് യൂനിവേഴ്സിറ്റി കോളജിനു മുന്നില് ഒരുക്കിയിരുന്ന പവലിയന് ഇത്തവണ പബ്ലിക് ലൈബ്രറിക്ക് മുന്നിലേക്ക് മാറ്റും. ഭിന്നശേഷി കുട്ടികള്ക്ക് ഘോഷയാത്ര കാണാനുള്ള പ്രത്യേക സൗകര്യം ഒരുക്കുമെന്നും മന്ത്രി വി. ശിവന്കുട്ടി പറഞ്ഞു. ഓണാഘോഷത്തിന്റെ ഭാഗമായി നഗരത്തില് പഴുതടച്ച സുരക്ഷ ഒരുക്കും.
മാധ്യമ പുരസ്കാരങ്ങള്
ഓണം വാരാഘോഷത്തിന്റെ കവറേജ് മികച്ച നിലയില് നടത്തുന്ന മാധ്യമങ്ങള്ക്കും മാധ്യമപ്രവര്ത്തകര്ക്കും ഇത്തവണ ക്യാഷ് അവാര്ഡും മെമെന്റോയും നല്കും. മികച്ച അച്ചടി മാധ്യമം, അച്ചടി മാധ്യമ റിപ്പോര്ട്ടര്, ഫോട്ടോഗ്രാഫര്, മികച്ച ദൃശ്യമാധ്യമം, ദൃശ്യമാധ്യമ റിപ്പോര്ട്ടര്, വീഡിയോഗ്രാഫര്, മികച്ച എഫ് എം, മികച്ച ഓണ്ലൈന് മാധ്യമം എന്നിങ്ങനെയാണ് പുരസ്കാരങ്ങള് നല്കുക.
മീഡിയാ സെന്റര് ഉദ്ഘാടനം നാളെ
ഓണം വാരാഘോഷത്തിന്റെ ഭാഗമായി ഇഫര്മേഷന് പബ്ലിക് റിലേഷന്സ് വകുപ്പ് കനകക്കുന്നില് തയ്യാറാക്കിയ മീഡിയാ സെന്റര് നാളെ മുതല് പ്രവര്ത്തനം തുടങ്ങും. വൈകീട്ട് അഞ്ചിന് മന്ത്രി വി. ശിവന്കുട്ടി ഉദ്ഘാടനം ചെയ്യും. വി. കെ. പ്രശാന്ത് എം.എല്.എ അധ്യക്ഷനാകും. ഇഫര്മേഷന് പബ്ലിക് റിലേഷന്സ് വകുപ്പ് ഡയറക്ടര് ടി.വി സുഭാഷ്, ജില്ലാ കളക്ടര് ജെറോമിക് ജോര്ജ്ജ് എന്നിവരും ചടങ്ങില് പങ്കെടുക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.