ഓണം ഉണ്ടറിയണം

മലയാളത്തി​െൻറ ഉത്സവമാണ് ഓണം. നാട്ടിന്‍പുറങ്ങളില്‍ നന്മയും സ്നേഹവും നിറച്ചുവെക്കുന്ന വസന്തകാലം. ഓണപ്പൂക്കള്‍, ഓണപ്പുടവ, ഓണസദ്യ, ഓണക്കളികള്‍, ഓണത്തുമ്പി, ഓണനിലാവ്... ചിങ്ങമാസം പിറന്നാല്‍ ഇങ്ങനെ കുറെ ഓണവാക്കുകള്‍ നമ്മുടെയുള്ളില്‍ കുടിയേറും. മലയാള നാടി​െൻറ മണ്ണിലും വിണ്ണിലും മലയാളിയുടെ മനസ്സിലും ഗൃഹാതുരത്വം തീര്‍ക്കുന്ന അന്തരീക്ഷമാണ് എന്നും ഓണത്തിന്.

തുമ്പയും മുക്കുറ്റിയുമെല്ലാം വിടര്‍ന്നുനിന്ന് നാട്ടിന്‍പുറത്തിന് സൗന്ദര്യം പകര്‍ന്ന അത്തം നാളുകള്‍ക്ക് പരിസമാപ്തി കുറിക്കുന്നതി​െൻറ നിറമുള്ള നിനവുമായാണ് ഓണം വരുന്നത്. ചാണകം മെഴുകിയ മുറ്റത്ത് പൂക്കളങ്ങള്‍ വരച്ച മലയാളിക്ക് സമ്പല്‍സമൃദ്ധിയുടെ നനുത്ത ഒരോര്‍മക്കാലംകൂടിയാണ് ഓണനാളുകള്‍.

'ഉണ്ടറിയണം ഓണം'

ഓണത്തി​െൻറ പ്രധാന ആകര്‍ഷണം ഓണസദ്യയാണ്. 'ഉണ്ടറിയണം ഓണം' എന്നാണ് വെപ്പ്്. കാളന്‍, ഓലന്‍, എരിശ്ശേരി, അവിയല്‍, സാമ്പാര്‍ എന്നിവയാണ് പ്രധാന വിഭവങ്ങള്‍. ഇടത്തരം പപ്പടവും. നാലുവിധം ഉപ്പേരി- ചേന, പയര്‍, വഴുതനങ്ങ, പാവക്ക. ശര്‍ക്കരപുരട്ടിക്ക് പുറമെ പഴനുറുക്കും പഴവും പാലടയും പ്രഥമനും. വിളമ്പുന്നതിനും പ്ര​േത്യകതയുണ്ട്.

നാക്കിലതന്നെ വേണം ഓണസദ്യക്ക്. ഇടതുമുകളില്‍ ഉപ്പേരി, വലതുതാഴെ ശര്‍ക്കര ഉപ്പേരി, ഇടത്ത് പപ്പടം, വലത്ത് കാളന്‍, ഓലന്‍, എരിശ്ശേരി, നടുവില്‍ ചോറ്. എള്ളുണ്ടയും അരിയുണ്ടയുമാണ് മറ്റു വിഭവങ്ങള്‍.