‘പ്ര​വാ​സി പ​രി​ച​യ്​​’ വാ​രാ​ഘോ​ഷം; വി​വി​ധ സം​സ്​​ഥാ​ന​ങ്ങ​ളു​ടെ ത​ന​ത് ക​ലാ​മേ​ള​മൊ​രു​ക്കി ഇ​ന്ത്യ​ൻ എം​ബ​സി

റി​യാ​ദ്: പ്ര​വാ​സി ഭാ​ര​തീ​യ​രെ കൂ​ട്ടി​യി​ണ​ക്കു​ന്ന ‘പ്ര​വാ​സി പ​രി​ച​യ്’ വാ​രാ​ഘോ​ഷ​ങ്ങ​ളു​ടെ ഭാ​ഗ​മാ​യി റി​യാ​ദി​ലെ ഇ​ന്ത്യ​ൻ എം​ബ​സി​യി​ൽ വ്യാ​ഴാ​ഴ്ച അ​ര​ങ്ങേ​റി​യ വി​വി​ധ സം​സ്ഥാ​ന​ങ്ങ​ളു​ടെ ത​ന​ത്​ ക​ലാ​രൂ​പ​ങ്ങ​ൾ ഇ​ന്ത്യ​ൻ സാം​സ്​​കാ​രി​ക വൈ​വി​ധ്യം വി​ളി​ച്ചോ​തു​ന്ന​താ​യി. കേ​ര​ള, ഡ​ൽ​ഹി, ഉ​ത്ത​ർ​പ്ര​ദേ​ശ്, പ​ഞ്ചാ​ബ്, രാ​ജ​സ്ഥാ​ൻ എ​ന്നീ അ​ഞ്ച് സം​സ്​​ഥാ​ന​ങ്ങ​ളി​ലെ ക​ലാ​കാ​ര​ന്മാ​രാ​ണ് ആ​ടി​യും പാ​ടി​യും നി​റ​ഞ്ഞ​ത്.

എം​ബ​സി ഓ​ഡി​റ്റോ​റി​യ​ത്തി​ൽ നി​റ​ഞ്ഞ സ​ദ​സ്സി​ന് മു​ന്നി​ൽ നൃ​ത്താ​ധ്യാ​പി​ക ര​ശ്മി വി​നോ​ദി​​ന്റെ വൈ​ദേ​ഹി നൃ​ത്ത​വി​ദ്യാ​ല​യം അ​ണി​യി​ച്ചൊ​രു​ക്കി​യ കു​ച്ചി​പ്പു​ടി​യോ​ടെ ആ​രം​ഭി​ച്ച പ​രി​പാ​ടി വാ​രാ​ന്ത്യ​ത്തെ ആ​സ്വാ​ദ്യ​ക​ര​മാ​ക്കി. പാ​ട്ട ക​മ്പ​ടി​യി​ൽ നാ​ടോ​ടി​ക്ക​ഥ പ​റ​ഞ്ഞ രാ​ജ​സ്ഥാ​ൻ ക​ലാ​കാ​ര​ന്മാ​ർ പാ​ടി​യും സം​ഗീ​തോ​പ​ക​ര​ണ​ങ്ങ​ൾ വാ​യി​ച്ചും സ​ദ​സ്സി​​ന്റെ കൈ​യ​ടി നേ​ടി.

കൂ​ട്ട​മാ​യെ​ത്തി രാ​ജ്യ​സ്നേ​ഹ​വും ഐ​ക്യ​വും വി​ളി​ച്ചോ​തു​ന്ന പാ​ട്ടു​പാ​ടി​യാ​ണ്​ ഡ​ൽ​ഹി സ​ദ​സ്സി​​ന്റെ മ​നം ക​വ​ർ​ന്ന​ത്. ഉ​ത്ത​ർ​പ്ര​ദേ​ശ്​ സം​ഘം സ്​​നേ​ഹം കൊ​ണ്ട്​ മീ​ട്ടു​ന്ന ഖ​വ്വാ​ലി​യു​ടെ നാ​ദ​ധാ​ര ഒ​ഴു​ക്കി​യ​പ്പോ​ൾ സ​ദ​സ്സി​ന്റെ ഉ​ള്ളം കു​ളി​ർ​ത്തു. നേ​രി​യ കു​ളി​രു​ള്ള രാ​ത്രി​ക്ക് സം​ഗീ​ത​ത്തി​​ന്റെ ഇ​ളം ചൂ​ട് പ​ക​ർ​ന്ന് മ​നം നി​റ​ഞ്ഞ കൈ​യ​ടി നേ​ടി​യാ​ണ്​ ആ ​സൂ​ഫി പാ​ര​മ്പ​ര്യ​ത്തി​​ന്റെ പാ​ട്ടു​കാ​ർ വേ​ദി​വി​ട്ട​ത്.

കാ​ത് കൂ​ർ​പ്പി​ച്ച് മി​ഴി ചി​മ്മാ​തെ ആ​സ്വാ​ദ​ന​ത്തി​​ന്റെ പു​തി​യ ത​ല​ങ്ങ​ളി​ലേ​ക്ക്​ പ്രേ​ക്ഷ​ക​രെ ഉ​യ​ർ​ത്തി​യാ​ണ്​ പ​ഞ്ചാ​ബി​​ന്റെ ബ​ങ്ക്റ നൃ​ത്തം അ​ര​ങ്ങേ​റി​യ​ത്. രാ​ജ​സ്ഥാ​നി ക​ലാ​കാ​ര​ന്മാ​ർ നാ​ടോ​ടി ഗാ​ന, നൃ​ത്ത രൂ​പ​ങ്ങ​ൾ അ​വ​ത​രി​പ്പി​ച്ചു. ക​ഥ​ക​ളി, മോ​ഹി​നി​യാ​ട്ടം, സി​നി​മാ​റ്റി​ക് ഡാ​ൻ​സ്, ഓ​ട്ട​ൻ​തു​ള്ള​ൽ, ക​ഥാ​പ്ര​സം​ഗം, വ​ഞ്ചി​പ്പാ​ട്ട്​ തു​ട​ങ്ങി​യ വ്യ​ത്യ​സ്ത പ​രി​പാ​ടി​ക​ളു​മാ​യി കേ​ര​ള​വും വേ​ദി നി​റ​ഞ്ഞു.

വ​ഞ്ചി​പ്പാ​ട്ടി​നാ​യി പ്ര​ത്യേ​കം വ​ള്ളം നി​ർ​മി​ച്ച്​ അ​തി​ൽ ക​യ​റി​യി​രു​ന്ന്​ തു​ഴ​യെ​റി​ഞ്ഞ്​ മ​ല​യാ​ളി ക​ലാ​കാ​ര​ന്മാ​ർ പാ​ടി​യ​ത്​ അം​ബാ​സ​ഡ​ർ ഉ​ൾ​പ്പെ​ടെ​യു​ള്ള​വ​രെ ഏ​റെ ആ​ക​ർ​ഷി​ച്ചു.

ഔ​ദ്യോ​ഗി​ക തു​ട​ക്ക​ത്തി​ന് തി​രി​തെ​ളി​ച്ച​ത്​ ഇ​ന്ത്യ​ൻ അം​ബാ​ഡ​ർ ഡോ. ​സു​ഹേ​ൽ അ​ജാ​സ് ഖാ​ൻ. പ്ര​വാ​സി ഭാ​ര​തീ​യ സ​മ്മാ​ൻ ജേ​താ​വ് ശി​ഹാ​ബ് കൊ​ട്ടു​കാ​ട് അം​ബാ​സ​ഡ​ർ​ക്കൊ​പ്പം തി​രി​തെ​ളി​ച്ചു. ദൈ​വ​ത്തി​​ന്റെ സ്വ​ന്തം നാ​ടെ​ന്ന് അ​റി​യ​പ്പെ​ടു​ന്ന കേ​ര​ളം ഉ​ൾ​പ്പെ​ടെ ഓ​രോ സം​സ്ഥാ​ന​ങ്ങ​ളു​ടെ​യും വ്യ​ത്യ​സ്ത മേ​ഖ​ല​ക​ളി​ലു​ള്ള സ​വി​ശേ​ഷ​ത​ക​ളെ കു​റി​ച്ച് അ​ദ്ദേ​ഹം ഉ​ദ്​​ഘാ​ട​ന പ്ര​ഭാ​ഷ​ണ​ത്തി​ൽ വാ​ചാ​ല​നാ​യി. സ്​​റ്റി​യ​റി​ങ് ക​മ്മി​റ്റി, ക​മ്യൂ​ണി​റ്റി വ​ള​ൻ​റി​യ​ർ​മാ​ർ, സം​ഘ​ട​ന​ക​ൾ, ക​ലാ​കാ​ര​ന്മാ​ർ, സ്‌​പോ​ൺ​സ​ർ​മാ​ർ തു​ട​ങ്ങി മ​നോ​ഹ​ര​മാ​യ ഇ​ത്ത​ര​മൊ​രു ആ​ഘോ​ഷം യാ​ഥാ​ർ​ഥ്യ​മാ​ക്കാ​ൻ ഒ​രു​മി​ച്ച എ​ല്ലാ​വ​രെ​യും അം​ബാ​സ​ഡ​ർ അ​ഭി​ന​ന്ദി​ച്ചു.

എം​ബ​സി അ​ങ്ക​ണ​ത്തി​ൽ വി​വി​ധ സം​സ്ഥാ​ന​ങ്ങ​ളി​ൽ നി​ന്നു​ള്ള ചി​ത്ര​കാ​ര​ന്മാ​ർ വ​ര​ച്ച ചി​ത്ര​ങ്ങ​ളു​ടെ പ്ര​ദ​ർ​ശ​ന​വു​മു​ണ്ടാ​യി​രു​ന്നു. മ​ല​യാ​ളി ചി​ത്ര​കാ​രി നൂ​രി​യ ഷാ​മി​​ന്റെ​യും ചി​ത്ര​ങ്ങ​ൾ പ്ര​ദ​ർ​ശ​ന​ത്തി​ലു​ൾ​പ്പെ​ട്ടു.

ഉ​ർ​ദു പ​ത്ര​പ്ര​വ​ർ​ത്ത​ക​ൻ കെ.​എ​ൻ. വാ​സി​ഫി​​ന്റെ ഫോ​​ട്ടോ പ്ര​ദ​ർ​ശ​ന​വും ന​ട​ന്നു. സ്​​റ്റി​യ​റി​ങ് ക​മ്മി​റ്റി ക​ൺ​വീ​ന​ർ മു​ഹ​മ്മ​ദ് സൈ​ഗം ഖാ​ൻ സ്വാ​ഗ​തം ആ​ശം​സി​ച്ചു. എം​സി ത​ർ​ണം ആ​മു​ഖ പ്ര​ഭാ​ഷ​ണം ന​ട​ത്തി. സ​ലിം മാ​ഹി, സ​തീ​ഷ് കു​മാ​ർ ദീ​പ​ക് തു​ട​ങ്ങി​യ​വ​ർ വി​വി​ധ പ​രി​പാ​ടി​ക​ളി​ൽ സം​ബ​ന്ധി​ച്ചു.