അഞ്ച് കവിതകൾ
text_fieldsചിത്രീകരണം: സൂര്യജ എം.
1.
ദലിത്?
''എന്താ ജാതി?''
''മനുഷ്യനാണ്.''
''ആയിക്കോട്ടെ, ഏതാ മതം?''
''അറിയില്ല''
''മനസ്സിലായി.''
''എന്ത്?''
''ജാതീം മതോം.''
''അതെങ്ങനെ?''
''നിങ്ങളല്ലേ പറഞ്ഞത്, ജാതീം മതോല്ലാന്ന്''
''അതെ.''
''അപ്പോ, ആദിവാസിയാ, അല്ലേ? ദലിത്?''
***************************************************
2.
എഴുത്ത്
''എപ്പോഴാണെഴുത്ത്?''
''എപ്പോഴും.''
''എവിടെ?''
''അവനവനില്.''
''വായനയോ?''
''അതിന് കണ്ണില്ലല്ലോ!''
*********************************************************
3.
വാക്ക്
''ഞാനയച്ച വാക്കവിടെയെത്തിയോ?''
''എത്തി. ഒന്നും മിണ്ടുന്നില്ലല്ലോ?''
''ഏതര്ത്ഥത്തിലുരിയാടണമെന്ന് ഓര്ത്തെടുക്കുകയാവും.''
''കാത്തിരിക്കാം.''
''വേദനിപ്പിക്കരുത്.''
**************************************************************
4.
വായന
''വായനയുണ്ടോ?''
''വായനയില്ല.''
''പിന്നെന്താ ഉള്ളത്?''
''പിന്നൊന്നുമില്ല.''
****************************************************************
5.
സാംസ്കാരികം
''സാംസ്കാരിക പ്രവര്ത്തകനാണല്ലേ?''
''ആണല്ലോ.''
''തെരുവിലൊരു പട്ടിയുടെ ശവം കിടപ്പുണ്ട്. വണ്ടി
ഇടിച്ചതാണെന്ന് തോന്നുന്നു. മണത്തു തുടങ്ങി.''
''പട്ടിശവവും സംസ്കാരവും തമ്മിലെന്ത്?''
''പട്ടിയായാലും ശവം സംസ്കരിക്കണമല്ലോ.''
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.