അവൾ ഉരുകുമ്പോൾ

തിരിയിലാരോ തീ വെച്ചു,

അവളുരുകാൻ തുടങ്ങി.

പെണ്ണായ് പിറന്നവൾ,

മെഴുകായ് തീര്‍ന്നൊരുവള്‍.

തിരയെടുത്ത കിനാവുകള്‍ക്ക്

വിരാമമവൾ കുറിച്ചു.

പ്രഭ പരത്തുന്നു വീണ്ടും,

ഉരുകിയൊലിക്കുന്നു പിന്നെയും.

പാതിവഴിയില്‍

പകലോന്‍റെ പ്രഭയില്‍

അവൾ അസ്തമിച്ചു;

വിലയറിയാതിരുന്നവർ

വിലാപമറിയിക്കാന്‍

ഒരു നൂറു തിരികള്‍

കത്തിച്ചു വെച്ച്!

(ആയഞ്ചേരി റഹ്മാനിയ ഹയർ സെക്കൻഡറി സ്കൂൾ പ്ലസ് വൺ ബയോളജി സയൻസ് വിദ്യാർഥിനിയാണ് അസില)