Begin typing your search above and press return to search.
exit_to_app
exit_to_app
Posted On
date_range 28 July 2021 4:31 PM GMT Updated On
date_range 28 July 2021 4:32 PM GMTജീവതാളം
text_fieldsbookmark_border
camera_alt
ചിത്രീകരണം: സൂര്യജ എം.
മേടത്തിൽ കൊന്നതൻ പൂത്തുലയലിൽ
ശിശിരത്തിൻ മൃദുദലമന്ത്രണങ്ങളിൽ
കനവിൽ പൂവാകപോൽ കവിൾ ചുവന്ന്
പുതുനാമ്പുയിർത്ത പൂർവ്വഗാഢരാഗം
തരിശായ മനസ്സിന്റെ മണ്ണിനാഴത്തിൽ
നിർജ്ജീവമായ് ശോകനിദ്രയിലിന്നുകളിൽ
മുളപൊട്ടിയില്ല, വേരൂന്നിയുമില്ലെന്നോണം
പൊയ്വിത്തായ് ഭാവിച്ചു മൂകം ശയിക്കവേ,
അറിയില്ലടർന്നുപൊഴിഞ്ഞതോ; വഴി മാറി
വായുവിലലക്ഷ്യമായെൻ നേർക്കു വന്നതോ;
ദൂരേയ്ക്കു മായുന്നൊരീറൻമേഘത്തിൻ കണം
പാറിപ്പറന്നെന്റെ കരളിൽത്തറച്ചു.
ആ തുള്ളി നനവൊന്നേ തൊട്ടതുള്ളൂഷരതയെ
വിണ്ടതിൻ സ്മൃതിയില്ല, പിളർന്നതിൻ നോവില്ല
ഖിന്നയായ്, ശുഷ്കയായ് മുൻപേയൊടുങ്ങിയ
പഴയ പൂവിന്റെ അവശേഷിപ്പാം അകമിതിൽ
കേൾക്കാൻ തുടങ്ങുന്നു വീണ്ടും നിലയ്ക്കാത്ത
ജീവതാളം, പ്രണയത്തിന്റെ സ്പന്ദനം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story