Begin typing your search above and press return to search.
exit_to_app
exit_to_app
Posted On
date_range 23 Feb 2021 5:51 PM GMT Updated On
date_range 23 Feb 2021 5:51 PM GMTഎതിരാളികൾ
text_fieldsbookmark_border
camera_altചിത്രീകരണം: സൂര്യജ എം.
കാൽപ്പാദങ്ങളിൽ നിന്ന്
യാത്ര തുടങ്ങുന്ന ഉറുമ്പ്
തുടയിലെത്തുമ്പോൾ മാത്രം
കടിക്കണമെന്ന് ചിന്തിക്കുന്നു.
അതുവരെ രോമപ്പാതകളിൽ
ഒരിടവും അതിനെ
ആനന്ദിപ്പിച്ചിട്ടുണ്ടാവില്ല.!
ശരീരത്തിലെ
ഓരോ ബിന്ദുവിലും
ഓരോ രുചിഭേദം
കണ്ടെത്തിയ കൊതുക്
തൊട്ടു തൊട്ടു നോക്കി
ഒടുവിൽ
ചുമലിൽത്തന്നെ കടിക്കുന്നു.
കാഴ്ചകൾക്കപ്പുറത്തുള്ളവരാണ്
അപരിചിതരായിട്ടും
സ്വാതന്ത്ര്യം കാണിക്കുന്നവരാണ്
അപ്രതീക്ഷിത ആക്രമണങ്ങളാൽ
പരാജയപ്പെടുത്തുന്നവരാണ്.
ശ്രദ്ധിക്കണം..!
നാമറിയാതെ
കൂടെ നടക്കുന്നവരുണ്ട്.
തക്കസമയത്ത്
പോറലേൽപ്പിക്കുന്നവർ..!
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story